Datasets:
Tasks:
Text Generation
Modalities:
Text
Formats:
parquet
Sub-tasks:
language-modeling
Size:
100K - 1M
License:
text
stringlengths 231
804k
| language
stringclasses 9
values |
|---|---|
IAPEX Council Ilokhu Ihluza Udaba Lwenkokheli
Amanye amalunga alinhlanganiso abekhankasela ukuthi ikhomithi endala ibe yiyo exoxisana lohulumende njengoba yavela yaqalisa
WASHINGTON — Inhlanganiso emela amalungelo ezisebenzi zikahulumende eye APEX Council ihlangene ngoLwebili eHarare lapho evumelane ukuthi ikhomithi esanda ukukhethwa ukuthi ikhokhele likhansili yiyo ezaxoxisana lohulumende ngeholo lezisebenzi.
Amanye amalunga alinhlanganiso abekhankasela ukuthi ikhomithi endala ibe yiyo eqhuba lumsebenzi njengoba yavela yawuqalisa, njalo uhulumende engakananzi entsha.
UMnu. Sifiso Ndlovu, isiphathamandla se APEX Council utshele uSithandekile Mhlanga weStudio 7 ukuthi umhlangano lo uphinde wavumelana ukuthi ukhweze izicelo zawo kuhulumende njalo uvumele ezinye inhlanganiso ezazisele phandle ukuthi zimanyane le APEX Council.
Ingxoxo LoMnu. Sifiso Ndlovu | isiNdebele |
Ingxoxo Esiyenze LoMnu. Masimba Kuchera
17.07.2012
Kuqhamuke ukuxokozela okubi edale lephalamende ngoLwesibili kulandela ukwala kuka sibalukhulu webhanga elikhulu lelizwe ele Reserve Bank of Zimbabwe uMnu. Gideon Gono ukuveza amagama abantu abathola izikhwelede zamathalakitha lokunye okokulimisa kuhlelo lwe Farm Mechanization. UGono utshele ikhomithi yezokulima ekhokhelwa nguMnu. Moses Jiri ukuthi angeke aveze amabizo alabo abathola amakhuba, ama combine harvesters lama planters. Uthe umthetho ophathelane lokusebenza kwebhanga leli lamanye amabhanga owe Banking Act kawumvumeli ukuthi akhulume amagama abantu abafaka imali emabhanga. Lokhu kwenze uMnu. Paddington Zhanda webandla le Zanu-PF lo Mnu. Jiri bathukuthele okwamagama bamtshela ukuthi ulakho ukujeziswa ngoba engafuni ukuveza amagama la. Amalunga edale lephalamende awebandla le Zanu-PF uMnu. Bright Matonga lo Nkosikazi Sarah Mahoka bazondiswe yizenzo zababili laba bacina bekhulumela phezulu okwethuse wonke umuntu. Lokhu kwenze ukuthi uZhanda aphume ngesiphangiphangi kukhomithi le kodwa wathembisa ukuthi uGono uzajeziswa lidale. UGono labanye bakhe akade sebethithibele bacine becela ukuthi bakhululwe njengoba besokuphoselanwa aqhatha. Uthembise ukuthi uzawadinga amabizo la lobanje kungathatha inyanga eziyisithupha ukuthi lokhu kwenzakale ngenxa yokuxotshwa kwezinye izisebenzi zeRBZ. Uhlelo lolu lwasebenzisa izigidi ezingamakhulu amabili zamadollar - $200 million. Umnu. Masimba Kuchera ingcwethi kwezenotho uthi bonke abantu abathatha amathilakitha lokunye kokulimisa kumele babhadale izikwelede lezi ebhanga le RBZ. Kusenjalo, uMnu. Tendai Biti ukhangelelwe ukwethula okuphathelene lesimo somnotho welizwe kusukela ngoZibandlela kusiyafika kuNtulikazi lonyaka ngolwesithathu edale lephalamende. Ingcwethi zenotho zithi uBiti ulakho ukutshela uzulu ukuthi ilizwe kalisoze lenelise ukuthola imali ekade ikhangelelwe yokuqhuba inhlelo zikahulumede lokubhadala izisebenzi. Zithi lokhu kwenziwe yikuthi akulamali etholakala ekwembeni amadayimana eMarange esabelweni seManicaland. | isiNdebele |
WASHINGTON DC — Iziphathamandla zecele leMDC elikhokhelwa nguMnu. Morgan Tsvangirai kwele South Africa zithi sezidlela evalweni kulandela ukunyamalala komunye wabo, uMnu. Edias Chirape. UChirape utshiye umkake labantwana ababili ngoCvulo weviki edluleyo esithi uya emavinkilini kodwa kazange aphenduke.
Iziphathamandla zebandla lakhe ziye emapholisini lasezindlini ezigciniwa khona izidumbu kodwa ngitsho ukuthi atholakale u Chirape, osekubangele ukwesabela ukuthi amapholisa ensitha aweZimbabwe engabe engene kwele South Africa.
UBishop Paul Verryn oweSonto ye Central Methodist Church uthi uthole incwadi yebulunjini evela ku Chirape engakanyamalali etshengisa ukuthi uyesabela impilo yakhe. Omunye osebenza lo Chirape, njalo enguMngane wakhe, uMnu. Brendon Nyoni, uthi balobufakazi bokuthi uChirape engabe ethunjwe ngamapholisa ensitha. | isiNdebele |
BULAWAYO — Indlala enkulu ehlasele uzulu weMandebeleni isingezelele ukudubeka kwabadala abangasanelisi ukuziphandela asebezithola sekumele bazibonele kulandela ukutshabalala kwenhlelo zikahulumende zokunakekela uzulu eminyakeni emihlanu edluleyo.
Wayeziqhenya ngalo umhlaba wonke uhulumende weZimbabwe uhlelo lwakhe lokunakekela uzulu omncane lomdala owayengenelisi ukuziphandela olwaluphethwe lugatsha lwenhlalakahle kazulu olwe Social Welfare. Ngaphansi kwaloluhlelo, asebekhokhobele bebehola imali eyayisanelisa ukubagcina besuthi njalo bengaswele lutho. Kwabatsha, loluhlelo lwaduma ngokufundisa inengi lezintandane lalabo ababephuma ezimulini eziswelayo ngokubabhadalela izimali zesikolo.
Ngitsho lalabo abalemizimba eqinileyo bayakhumbula ukuthi uhlelo lweSocial Welfare lwalubapha ithuba lokuthi benze imisebenzi yokuthuthukisa izigaba zabo behlawulwa ngokudla loba imali eyayisanelisa ukuthenga inswelo zabo ezinengi zansuku zonke.
Kubika intathelizindaba yeStudio Seven uThabang Mathebula ekoBulawayo. | isiNdebele |
Imidlalo yeICC Cricket World Cup izangena kuhlandla lamaquarter finals ngoLwesithathu lapho iqembu lePakistan elizadibana khona leleWest Indies.
Kweminye imidlalo ezadlalwa kuliviki, eleIndia lizadibana leleAustralia, eleSouth Africa lingqikilane leleNew Zealand kuthi eleEngland lidlale leSri Lanka.
IZimbabwe yona ayenelisanga ukungena kuleli hlandla. Kodwa okujabulisayo yikuthi sizaqala njalo ukuphatheka kumidlalo yeTest Cricket ngenyanga kaNcwabakazi.
Ukuhlaziya imidlalo yamaquarter finals le sixhume ingcwethi kwezemidlalo njalo eyintathelizindaba uMnu Albert Mazhale. | isiNdebele |
Umlamulankunzi kudaba lweZimbabwe njalo enguMongameli weSouth Africa uMnu Jacob Zuma ubhekise amabombo eHarare ukuyakhulumisana lenkokheli yamabandla akuhulumende ngokuhluphayo.
UZuma uzathumela iqula lakhe eHarare ngoLwesibili ukuyahlangano labamela iZanu PF lamacele eMDC kunkulumo ngaphambilini komhlangano wakhe ngoLwesithathu loMongameli Mugabe, uMnu Morgan Tsvangirai loMnu Welshman Ncube.
Umhlangano lo uza ngaphambilini komhlangano weSadc eMozambique ngempelaviki lapho uZuma akhangelelwe ukwazisa inkokheli yeSadc ukuthi sefike kuliphi ibanga emizameni yokuxazulula ingxaki zeZimbabwe.
Isikhulumeli sikaZuma, uMnu Mac Maharaj uthi uZuma uzakhulumisana loMugabe, uNcube loTsvangirai ngakho konke okuhluphayo okugoqela ukugcwaliswa kwesivumelwano seGPA.
Isiphathamandla seMDC kaNcube uMnu Qhubani Moyo uthi ibandla lakhe likhangelele ukuthi uZuma abandezele iZanu PF yamukele ugwalo lwesisekelo sombuso esitsha.
Ingxoxo LoMnu Qhubani Moyo
Amazwi kaMoyo agcizelelwe ngumsekeli wesikhulumeli seMDC ekhokhelwa nguMnu Tsvangirai, uMnu Joel Gabuza.
Ingxoxo LoMnu Joel Gabuza
Isikhulumeli seZanu PF uMnu Rugare Gumbo utshele lumsakazo ukuthi ubengeke ekhulume ngaloludaba ngoba ibandla lakhe belingakamazisi ngohambo lukaZuma. | isiNdebele |
Ikhomithi yedale lephalamende ebona ngezokulima ithi kuyamangalisa ukuthi uhulumende we Zimbabwe uthenga ingqoloyi emazweni kulokuthi anike abalimi imali yokuvuselela ukuyilima elizweni.
Amalunga ekhomithi le akhulume le Studio 7 ngoLwesihlanu athi iyethusa imbiko ethi ingqoloyi edliwa nguzulu kulezinsuku yonke ithengwa emazweni njengoba lokhu kungasoze kuncede ukuthuthukisa ezokulima eZimbabwe.
UMnu. Moses Jiri omunye wamalunga ekhomithi yezokulima uthi kuyamangalisa njalo ukuthi uhulumende wehlulekile lonyaka ukukweledisa abalimi imali yokulima ingqoloyi.
Uhulumende wayethembise ukuthi uzakweledisa abalimi laba izigidi ezingamatshumi amabili zamadollar - $20 million yokuhlanyela ingqoloyi.
UJiri uthi okwephula inhliziyo yikuthi uhulumende lonyaka usesebenzise phose izigidi ezingamatshumi amathathu zamadollar - $27 million ethenga ingqoloyi emazweni anjenge Turkey, Russia le Mozambique.
Okwamanje abalimi sebehlanyele ingqoloyi eyisilinganiso sama hectares azinkulungwane ezilitshumi – 10,000ha, kulokuthi bahlanyele inkulungwane phose ezingamatshumi amathathu – 26,000 hectares okwakukhangelelwe nguhulumende.
UMnu. Rejoice Ngwenya ingcwethi kwezenotho uthi abalimi bengqoloyi sokumele bayekele ukufunzwa nguhulumende kwezokulima. | isiNdebele |
Eceleni komhlangano omkhulu owe Non-Aligned Movement (NAM) osaqhubeka esigodlweni se Iran, iTehran, umongameli Robert Mugabe utshele intathelizindaba ukuthi kufanele amazwe angamalunga eNAM abambane ekulwisaneni loncindezelo lwamazwe aphetsheya.
Umhlangano lo wake waqhutshwa eHarare ngomnyaka ka 1986 njalo umongameli Mugabe, owayeyinhloko kahulumende ngalesosikhathi wayengumgcinisihlalo wayo.
Lanxa ibandla le ZANU PF lisithi i-NAM iqakathekile, amazwe aphetsheya agoqela ele United States aseyise umhlangano lo.
Ukuze sihlaziye loludaba, uSithandekile Mhlanga weStudio 7 uxoxe loMnu. Walter Nsununguli Mbongolwane, yena othi kufanele injongo ye NAM iguqulwe nxa ifuna ukuba yinhlanganiso elohlonzi. | isiNdebele |
Uhulumende Uqinisa Imizamo Yokulwisa Isihudo
Abantwana abaleminyaka engaphansi kwemihlanu sebezahlatshwa ijekiseni kusukela kuwonalo umnyaka ukubavikela ukuhlaselwa ngumkhuhlane lo
WASHINGTON — Uhulumende uthi abantwana abaleminyaka engaphansi kwemihlanu sebezahlatshwa ijekiseni kusukela kuwonalo umnyaka, ngendlela yokubavikela ukuhlaselwa ngumkhuhlane wesihudo.
Lokhu kuvezwe nguNkosikazi Portia Manangazira, isiphathamandla sogatsha lukahulumende olubona ngezempilakahle kungxoxo ayiqhube le Studio 7. UNkosikazi Manangazira uqhubeke wathi minengi imizamo uhulumende ayenzayo eyokwenqabela ukumemetheka kwalumkhuhlane obikwa usubulele abantu abambalwa, wahlasela abayingxenye yesigidi ngomnyaka ka 2012 kuphela.
UMnu. Mfundo Mlilo, umqondisi wenhlanganiso elwela amalungelo ezakhamizi, i-Combined Harare Residents Association, utshele uSithandekile Mhlanga weStudio 7 ukuthi ukuswelakala kwamanzi kulelidolobho yikho okubangela ukuthi umkhuhlane lo umemetheke, ikakhulu emalokitshini eGlenview, Glenorah, le Mbare.
Ingxoxo LoMnu. Mfundo Mlilo | isiNdebele |
Inhlanganiso yamatitshala eye Progressive Teachers’ Union of Zimbabwe ibikwa isengozini enkulu yokudabuka phakathi kulandela ukukhonona kwamanye amalunga athi afuna linhlanganiso ingasekele icele lezisebenzi, le Zimbabwe Congress of Trade Unions, elikhokhelwa nguMnu. Lovemore Matombo.
Amalunga la athi asefuna ukubumba enye inhlanganiso yamatitshala ekupheleni kwayonale inyanga. Abikwa njalo efuna ukuthi iPTUZ isekele icele le ZCTU elikhokhelwa nguMnu. George Nkiwane hatshi elikhokhelwa nguMatombo.
Umkhokheli we PTUZ uMnu. Takavafira Zhou utshele iStudio 7 ukuthi abafuna ukuxega amalunga enhlanganiso yakhe ngabecele leMDC elikhokhelwa nguMnu. Morgan Tsvangirai.
Kodwa omunye oqanjwe igama esetheswa lelicala uMnu. Promise Mkhwananzi, ongunobhala jikelele wentsha kucele leMDC leli elika Tsvangirai ulandule limbiko kungxoxo ayenze lo Chris Gande weStudio 7. | isiNdebele |
Ingcwethi ecubungula ezombusazwe enhlanganisweni ye Democratic Institute Jekerere u Dr. Wurayayi zembe uthi impumela yociningo asanda kuyenza iveza ukuba ikhomidi ebona ngokulotshwa kwesisekelo sombuso esitsha, icopac, bebevele bengasoke baphumelela ukuqhuba loluhlelo ngoba kusobala ukuba kabazange baqakathekise imibono kazulu. Intathelizindaba yethu u Mavis Gama usipha loludaba eseHarare.
Lokhu kuvezwe ngu Dr. Zembe ngesikhathi esethula impumela yenhlolisiso yakhe kuntathelizindaba emhlangano owenzelwe e Harare club.
U Zembe uveze ukuba linhlolisiso kuyingenxenye yezifundo zakhe ze “ doctorate ” efunda engaphansi kwesikolo semfundo yaphezulu i Christ University ese Bangalore kwele India.
Uthi impumela yenhlolisiso le ayenze okomnyaka wonke kusukela ngenyanga ka mpalakazi nyakenye kusiya kunyanga kampalazi walonyaka kuvele sobala ukuba uzulu, inhlanganiso ezilwela ilungelo loluntu kanye labezombusazwe bayavumelana kudaba lokuba silotshwe kutsha isisekelo sombuso.
Uthi kodwa umahluko kuyindlela okumele ilandelwe ekuqhubeni lumsebenzi. Uveze njalo ukuba loluhlelo lumele luqakathekise imicabango lemibono evelela kuzulu hatshi umuntu munye loba amabandla ezombusazwe.
UZembe uthi uzulu kaphiwanga ithuba lokutsho akucabangayo phezu kwalokho afisa kungeniswe kusisekelo sobuso esitsha lesi.
U Zembe uthi linhlolisiso iveza njalo ukuba izimali okumele zisetshenziswe kulomsebenzi wokuqhutshwa kohlelo lokulotshwa kwesisekelo sombuso kumele ngabe zivele kuzulu.
Wengezelele wathi kumele kubunjwe iqula elikhethwe ngabantu okumele liqhube lumsebenzi.
Umsebenzi waleliqula labantu abakhethwa nguzulu yikuhlela indlela ezingasetshenziswa ngesikhathi kuqhutshwa inhlelo zokuthapha imbono kazulu leliqula liphinde likubeke ngendlela okulotshwa ngayo isisekelo sobuso.
Isakhamuzi se Westlea esigodlweni, uMnu. Samuel Majoni utshele iStudio seven ukuba uvumelana lalempumela yenhlolisiso ethe yaqhutswa kunsukwana ezisanda kwedlula.
Uthi yena njengabo bonke abantu elizweni akazange alitholiswe ithuba lokuba atsho imibono yakhe phezu kokumele kungene kusisekelo sombuso lanxa abezombusazwe befisa ukuba uzulu akholwe ukuba uyalalelwa.
Kunhlolisiso yakhe u Dr. Zembe uthi isisekelo sombuso esikhokhelwa ngabantu njalo singenisa imicabango kazulu yisisekelo esihlala okwesikhathi eside.
Uthi linhlolisiso ayenze esebenzelana labe christ university yase Bangalore kwele India ikuveze sobala ukuba uhlelo lokulotshwa kutsha kwesisekelo sombuso esitsha elizweni kalungazange luqakathekise imicabango lemibono kazulu.
Kodwa inkokheli ezikuhulumende wamabandla womanyano zihlezi zisithi lesi sisekelo silotshwa kulandelwa imibono evelela ngakuzulu.
Intathelizindaba yethu u Mavis Gama usipha loludaba eseHarare. | isiNdebele |
Idolobho LakoBulawayo Lithi Izakhamizi Ziyawathola Amanzi Okusebenzisa Lanxa Kulohlupho
Ikhansili ithi kulenkonxa zama bowser umanisipala athwalela ngazo abantu amanzi okusebenzisa ngensuku avalwa ngazo.
WASHINGTON DC — Osaphethe isikhundla sika mayor wedolobho lakoBulawayo uMnu. Amen Mpofu uthi lanxa kulohlupho lokuswelakala kwamanzi kulelidolobho, ikhansili yakhe iyenelisa ukuthi wonke umuntu athole amanzi ahlanzekileyo okusebenzisa, njalo akula zakhamizi ezingathi ziyawaswela amanzi.
Ezinye izakhamizi zalelidolobho ezihlala endaweni eziqansileyo lalapho okungela zibholane khona zithi azitholi amanzi ngensuku evuliwe.
Kodwa uMpofu utshele uSithandekile Mhlanga weStudio 7 ukuthi kulenkonxa zama bowser ikhansili ethwalela ngazo abantu amanzi okusebenzisa ngensuku ayabe evalwe ngazo.
Ingxoxo LoMnu. Amen Mpofu | isiNdebele |
UTsvangirai wethule amazwi la emhlanganweni webandla lakhe wokuhlela ugwalo lweziqondiso zalelibandla elizazilandela linganqoba kukhetho
Enye inkokheli yalelibandla ibikwa ihlangane ngeviki edluleyo yavumelana ukuthi kayisoze ilandele imizamo yokulungisisa ukungezwani okusegabeni lesi.
Umkhokheli waleli bandla ukhuthaza abantu ukuthi babhalise kuhlelo oluzalandela isisekelo sombuso esitsha singaba ngumthetho welizwe.
Odokotela bathi ivasectomy yenzelwa ukuthi abesilisa bavale inzalo ngendlela engabuhlungu kodwa esebenza okwamagama
KuWoza Friday liviki iStudio 7 iphethe udaba lomkhosi omkhulu oqoqwe ngabaculi bakoBulawayo, ngenhloso yokuvuselela ezomculo kweleMandebeleni. | isiNdebele |
Ibandla leZanu PF lethesa uMongameli welinye lamacele eMDC, uMnu. Welshman Ncube icala lokwephula umthetho ngokwethulela intathelizindaba okwakhulunywa emhlanganweni womanyano weSADC oweveiki edluleyo.
Ilunga ledale le politburo ele Zanu PF uMnu. Jonathan Moyo utshele intathelizindaba ngolweSibili ukuthi uNcube, ongumphathintambo wezaMafekitale, wephula isifungo sakhe sokwamukela umsebenzi ngokwethula okwenzkala emhlanganweni.
UNcube watshela intathelizindaba ngemva komhlangano owenzelwa eMozambique ukuthi enye inkokheli yeSADC yathwalisanzima uMugabe lapho ezama ukuvikela umsekeli wenhloko kahulumende, uMnu. Arthur Mutambara ukuthi engaxotshwa ukuba ngomunye wabakhokheli abakunkulumo zokuxazulula udaba lweZimbabwe. Kodwa uNcube utshele uChris Gande weStudio 7 ukuthi akula mthetho awephulayo.
Ingxoxo loMnu. Welshman Ncube
Ukuhlaziya loludaba sixoxe lengcwethi kwezemithetho, uMnu. Matshobana Ncube.
Ingxoxo loMnu. Matshobana Ncube | isiNdebele |
Amakhulu ezakhamizi zemzini weEpworth oduzane le Harare, azithole esengasela zindlu ngemva kokuba umanisipala walelidolobho ezidilizile imizi kusehlakalo esifana xathu lo Operation Murambatsvana Ngomvulo.
Izindlu lezi zidilizwe kulandela isingqumo somthethwandaba sokuthi lezi zindlu zidilizwe ngoba zingekho emthethweni.
Umgcinisihlalo walikhanisli, uMnu. Gift July utshele iStudio 7 ukuthi bakhangelele ukudiliza izindlu ezedlula inkulungwane lamakhulu amahlanu, 1 500.
Ngomvulo kudilizwe izindlu ezingamakahulu amathathu, 300. Inengi lezakhamizi lezi litshone lisegcekeni lona izulu lisina okwamagama.
Esinye isakhamuzi sibikwa silimele sephuka isandla sizama ukuhlenga uphahla lwendlu yaso.
Esinye isakhamuzi, uMnu. Damson Damson utshele iStudio 7 ukuthi izakhamizi zithithibele ngesehlakalo lesi.
Ingcwethi ecubungula ezombusazwe, uMnu. Rejoice Ngwenya utshele iStudio 7 ukuthi lanxa uzulu engamelanga akhe engelamvumo kuyamangalisa ukuthi lokhu kwenzakala ngesikhathi sekukhulunywa ngokhetho.
Ingxoxo loMnu. Rejoice Ngwenya | isiNdebele |
Inhlanganiso ye Zimbabwe Union of Journalists ithi izacela ugatsha olubona ngezokhetho, iZEC, ukuthi unozindaba kumele bavote usuku lokhetho lungakafiki njengalokhu okwenziwa ngabammeli belizwe abakwamanye amazwe, amasotsha lamapholisa.
Unobhala jikelele we ZUJ, uMnu. Foster Dongozi utshele iStudio 7 ukuthi inengi lentathelizindaba liyabe lingekho lapho elimele livotele khona ngoba bayabe besemsebenzini. UGeorge Mkhwananzi yingcwethi ecubungula ezombusazwe.
Siqale ngokumbuza ukuthi ubona njani loludaba? | isiNdebele |
Udaba lweZimbabwe lukhangelelwe ukuhlaziywa ngolweSihlanu emhlanganweni weSADC owenzelwa kwele Mozambique lanxa umlamlankunzi, uMongameli wakwele South African uMnu. Jacob Zuma eyabe engekho.
UZuma usuke ngesiphangiphangi kwele Mozambique kulandela udlakela lwezisebenzi zemigodi oluqhamuke kwele South Africa okufe khona abantu abangamatshumi amathathu lane.
Udaba lweZimbabwe luke lwaphathwa ngolwesine ngemva kokwethulwa nguZuma. NgolweSihlanu inkokheli yeZimbabwe ikhangelelwe ukupha ubufakazi ngodaba lweZimbabwe. UMongameli Jakaya Kikwete wakwele Tanzania, nguye osekhangelelwe ukuba ngumgcinisihlalo womhlangano lo esikhundleni sika Zuma.
Umsekeli wenhloko kahulumende, uMnu. Arthur Mutambara oxotshwe emhlanganweni owenziwe nguZuma eZimbabwe unxusiwe laye eMozambique lapho akhangelelwe ukukhuluma laye.
UChris Gande weStudio 7 uxoxe lengcwethi ecubungula ezombusazwe, uMnumzana George Mkhwananzi opha imbono yakhe ngalolu daba.
sadc | isiNdebele |
Inkampani YeChina I-Hainan Airlines Ithi Inkulumo Zokuvuselela Inkampami YeAir Zimbabwe Zilakho Ukuphumelela
Izisebenzi zenkampani yendizamtshina i Air Zimbabwe ezedlula amakhulu ayisikhombisa, 700, zibikwa zivimbele iziphathamandla ezimbili zalinkampani izolo ebusuku, ngendlela yokutshengisela ukuthi zifuna ukubhadalwa imali yazo yeholo ngokutshetsha.
Izisebenzi zenkampani yendizamtshina eye Air Zimbabwe ezedlula amakhulu ayisikhombisa, zibikwa zivimbele emahofisini iziphathamandla ezimbili zalinkampani ngolweSine ebusuku, ngendlela yokutshengisela ukuthi zifuna ukubhadalwa imali yazo yeholo ngokutshetsha.
Ababili laba ngumgcinisikhwama walinkampani uMnu. Nicholas Mujeri lomqondisi wayo uMnu Moses Mapanda, njalo bavumile ukuthi inkampani le idinga izigidi ezedlula ezinhlanu zamadollar, $5, 6 million ukuthi ibhadale izisebenzi.
Kusenjalo, inkampani ye China iHainan ibikwa isithi isitshele umongameli Robert Mugabe ukuthi inkulumo zokuthi imanyane lohulumende weZimbabwe ekuvuseleleni inkampani le ziqhubekela phambili njalo zilakho ukuphumelela.
UMugabe useChina lapho akhuthaza amankampani azimeleyo, kanye lohulumende walelolizwe ukuthi avule amabhizimusi eZimbabwe.
Ukuhlaziya loludaba, uSithandekile Mhlanga weStudio 7 uxoxe loMnu. George Mkhwananzi, ingcwethi ecubungula ezombusazwe njalo elilunga lecele le MDC elikhokhelwa nguMnu. Morgan Tsvangirai, yena ogcizelela ukuthi eleChina lisacathula njalo lingathenjwa ezintweni ezinengi ezigoqela ulwazi lwemitshina yangalezi nsuku eye technology. | isiNdebele |
WASHINGTON DC — Amalunga enhlanganiso yeWoza atshengisele koBulawayo ngoLwesibili esola ukuhlukuluzwa ngamapholisa kwabotshwa ilunga elilodwa.
Inhlanganiso le ithi amalunga ayo angamatshumi ayisithupha lambili (62) afole esiya emawofisini ogatsha lweJomic ukuyatshiya ugwalo olusola ukuhlukuluzwa kwawo ngamapholisa kunsukwana ezedluleyo.
Esuka lapho ahambe enkambeni yamapholisa iRose Camp lapho okufike kwabotshwa khona uNkosikazi Christine Ndlovu esetheswa icala lokuba lapho abengamelanga abe khona, i-trespassing.
Inhlanganiso yeWoza, yona ekhankasela amalungelo abantu ikakhulu awabesifazana, isole kakhulu isehlakalo lesi.
Isiphathamandla salinhlanganiso uNkosazana Magodonga Mahlangu utshele iStudio 7 ukuthi bazaqhubeka betshengisela kungelani lokuhlukuluzwa kwabo ngamapholisa. | isiNdebele |
Uhulumende womanyano owabunjwa ngomnyaka ka 2009 ubikwa ekhanya esehluleka ukuthuthukisa umnotho welizwe njengoba inhlelo ezinengi zingaqhutshwa ngemfanelo.
Inhlelo lezi zigoqela okwenzakala kumankampani anjenge Green Fuel (Pvt) Limited ehluza i-ethanol, iNew Zimbabwe Steel Limited yaseIndia eyathenga iZimbabwe Iron and Steel Company lamanye ambalwa.
Amankampani la kwakumele ukuthi aqhatshe abantu abanengi okwamagama okwakuzakwenza ukuthi adlelana lawo aweZimbabwe athole lawo inzuzo.
Kodwa okwamanje iGreen Fuel le New Zimbabwe Steel sezimise umsebenzi abantu abedlula inkulungwane eziyisikhombisa – 7,450.
Kusenjalo, uhulumende uyehluleka ukukhanga osomabhizimusi bemazweni ukuthi bavule amankampani kwele Zimbabwe ngenxa yokulwisana kwamabandla abusayo.
Konke lokhu kwenzakala ngesikhathi kulabantu phose abafika okuyisilinganiso sokungamatshumi ayisitshiyangalombili ekhulwini – 86 percent abangela msebenzi.
Umnu. Matson Hlalo omele iMzilikazi edale le Senate loMnu. Thabani Nyoni umqondisi we Bulawayo Agenda bathi okubisela muva ilizwe le Zimbabwe yimthetho engaqondakaliyo.
Umnu. Hlalo uthi kumele amabandla abusayo adonse ndawonye ukwenzela ukuvuselela amankampani abhidlika ibandla le Zanu PF lisabusa lodwa.
Ingxoxo Esiyenze LoMnu. Matson Hlalo LoMnu. Thabani Nyoni | isiNdebele |
Uhlupho Lokuswelakala Kwamanzi Lunganeno Kwabahlala Endaweni Ezikhuphukileyo KoBulawayo
Abanye abathwele amagabha avuzayo ngabahleli endaweni ezingela zibholane njenge Cowdray Park.
WASHINGTON — Izakhamizi zakoBulawayo ezihlala endaweni ezikhuphukileyo zithi uhlupho lokuswelakala kwamanzi kunganeno kulezindawo ngoba amanzi awafiki ngokutshetsha engavulwa, kukanti ayaphangisa ukucitsha nxa ikhansili isiwavala ngaphansi kohlelo lokulondoloza amanzi olwe water rationing.
Lokhu kwenzakala lanxa ikhansili yalelidolobho isikhuphe umbiko okhomba ukuthi yahlawulisa abantu abahlala emizini ehlala abalutshwana umthelo wamanzi ophezulu ngoba kungelabantu bokuyabala ama meter akhomba ukuthi kusetshenziswe amanzi anganani. Indawo ezithinteke kulokhu ngezikhatshana ledolobho ezigoqela i Trenance, Woodville, Lochview, kanye-le Waterford.
UMnu. Ambrose Sibindi, isiphathamandla senhlanganiso elwela amalungelo ezakhamizi, eye Bulawayo Progressive Residents Association utshele uSithandekile Mhlanga weStudio 7 ukuthi abanye abathwele amagabha avuzayo ngabahla endaweni ezingelazibholane njenge Cowdray Park.
Ingxoxo LoMnu. Ambrose Sibindi | isiNdebele |
Umnu.John Nkomo Uphiwa Inhlonipho Yeqhawe Lesizwe
Isidumbu sizasiwa eTsholotsho leWhite City Stadium ngoMgqibelo, sibuyiselwe eHarare lapho esizabekwa khona ngoMvulo eNational Heroes Acre
WASHINGTON — Idale lePolitburo lebandla leZanu PF, lihlangene ngoLwesihlanu lavumelana ukuthi umuyi uMnu. John Nkomo aphiwe inhonipho yeqhawe lesizwe.
UNkomo, obengumunye wabasekeli bakamongameli welizwe, ubhubhele eHarare ngolweSine ngemva kokugula okwesikhathi eside ebulawa ngumkhuhlane wemvukuzane. Uzabekwa emalibeni eNational Heroes’ Acre eHarare ngoMvulo.
UMnu. Rugare Gumbo isikhulumeli sebandla le ZANU PF utshele uNtungamili Nkomo weStudio 7 ukuthi isidumbu sika Mnu. Nkomo sizasiwa eTsholotsho ngoMgqibelo ngendlela yokuvalelisa unina kamuyi lemuli yakhe, kanye leWhite City Stadium lapho esingabonwa ngabanengi. Sizabuyiselwa eHarare, lapho esizabekwa khona ngoMvulo.
Ingxoxo LoMnu. Rugare Gumbo
Ukuhlaziya loludaba, uSithandekile Mhlanga weStudio 7 uxoxe loMnu. Max Mnkandla, umgcinisihlalo we nhlanganiso yabalwa impi yenkululeko-eye Zimbabwe Liberators' Peace Initiative, owake wasebenza lomuyi kubandla le ZAPU, lakugatsha lwayo lwevuyo lebutho leZIPRA. UMnkandla uthi uNkomo liqhawe lesizwe elingabuzwayo, ngenxa yemisebenzi ayiqhubayo esaphila elizweni. Wengeze wathi kungenzakala ukuthi ibandla leZANU PF likhethe umgcinisihlalo walo uMnu. Simon Khaya Moyo ukuthi athathe isikhundla sikamuyi, lanxa kusobala ukuthi uRetired Brigadier General Ambrose Mutinhiri nguye owayelesikhundla esiphezulu kulabo bonke ababengamalunga eZIPRA abasaphilayo.
Ingxoxo LoMnu. Max Mnkandla
Kusenjalo, amazwi okududuza imuli yakoNkomo lesizwe seZimbabwe lokhu esiza evela kumagumbi amane elizweni kanye laphandle. Amazwi endunduzo athunyelwe ngababalisa umkhokheli webandla leMavambo/Kusile uMnu. Simba Makoni, umongameli Jacob Zuma weSouth Africa, abakhokheli bamacele eMDC womabili uMnu. Morgan Tsvangirai, kanye loMnu. Welshman Ncube, umkhokheli weZAPU eseyavuselelwa uMnu. Dumiso Dabengwa, ummeli weMelika eZimbabwe uMnu. Bruce Wharton labanye. | isiNdebele |
Amabandla Ezombusazwe Adinga Usekelo KoBulawayo
Iziphathamandla zePolitburo yeZANU PF, zitshele lumhlangano ukuthi zizavuselela inhlelo zamanzi, amafekithali, kanye lezindlu zokuhlala
WASHINGTON — Kulandela umhlangano weziphathamandla zebandla le ZANU PF eziwuqhube labasekeli balo ngeSonto eStanley Square koBulawayo owokuvuselela usekelo kulelidolobho, ingcwethi ezicubungula ezombusazwe zithi kuzabanzima ukuthi abantu balivotele lelibandla ngezizatho ezitshiyeneyo.
Iziphathamandla zeZANU PF, ezingamalunga ePolitburo yalelibandla ezigoqela oMnu. Saviour Kasukuwere, Ignatius Chombo, Douglas Mombeshora, Lazarus Dokora, kanye loNkosikazi Eunice Sandi-Moyo babikwa betshele lumhlangano ukuthi ibandla leZANU PF lizimisele ukunqoba kukhetho oluzayo koBulawayo, livuselele inhlelo zamanzi, amafekithali, kanye lezindlu zokuhlala.
Ngakwelinye icele ukulwa kubikwa kuqhubekela phambili phakathi kwamalunga ecele le MDC elikhokhelwa nguMnu. Morgan Tsvangirai okuyilo elathola izihlalo zecouncil, senate, lephalamende ezinengi kulelidolobho.
UAlderman Charles Mpofu wedolobho lakoBulawayo, okucele le MDC elikhokhelwa nguMnu. Welshman Ncube utshele uSithandekile Mhlanga weStudio 7 ukuthi ibandla lakhe lizimisele ukunqoba kukhetho oluzayo ukulungisa konke osokonakele kulelidolobho kanye lelizweni.
Ingxoxo LoAlderman Charles Mpofu | isiNdebele |
WASHINGTON DC — UProfessor Gordon Chavunduka obengumkhokheli wenhlanganiso yabelaphi besintu eye Zimbabwe National Traditional Healers Association-ZINATHA, akasekho. UChavunduka ubhube ngolweSihlanu ngemva kokulwisana okwesikhathi eside lomkhuhlane wemvukuzane yompimbo.
Okhulume emele imhuli yakoChavunduka uMnumzana Chris Mbanga uthi umuyi ugijinyiselwe esibhedlela seAvenues Clinic eHarare ngolweSihlanu ekuseni lapho afike waphelela khona.
Abantu babuthene emzini wakhe eMt Pleasant eHarare. Umuyi ubengumqeqetshi ekholitshini laseUniversity of Zimbabwe okweminyaka ethile wacina esenguVice Chancellor wayo kusukela ngo1992 kusiya ku1996. Ube engumlobi njalo wamabhuku athile emithi yesintu.
Utshiye umkakhe labantwana abahlanu abagoqela umsakazi odumileyo emisakazweni kamabonakude uAlice Chavunduka owaqala esebenzela iZimbabwe Brodcasting Corporation wazocina esesebenzela emisakazweni yase Ssouth Africa lapho alokhe ekhona okwamanje. Ukhangelelwe ukubekwa ngeviki ezayo ekhaya lapho adabuka khona koRusape esigabeni seManicaland. | isiNdebele |
Kuqhutshwa Umthandazo Wokuvalelisa UChavunduka
UChavunduka, ozelwe ngomnyaka ka 1931, utshiye umkakhe labantwana abahlanu njalo imuli yakhe ibikwa isithi uzangcwatshwa ngoLweSibili eRusape.
WASHINGTON DC — Abantu abangafika amakhulu ambalwa abagoqela iziphathamandla zecele leMDC elikhokhelwa nguMnu. Morgan Tsvangirai bebethe gwaqa lamuhla ensontweni ye Anglican eHarare emthandazweni wokuvalelisa umuyi uMnu. Gordon Chavunduka obhubhe ngeviki edluleyo.
Umuyi, ozelwe ngomnyaka ka 1931, utshiye umkakhe labantwana abahlanu njalo imuli yakhe ibikwa isithi uzangcwatshwa kusasa epulazini lakhe eRusape.
UMnu. Chavunduka ubekhokhela inhlanganiso yabelaphi besintu i-ZINATHA. Wafundisa njalo wakhokhela ekolitshini le University of Zimbabwe, waphatheka kakhulu kwezombusazwe.
Ubelilunga lekhansili yabadala eye Guidance and Counselling kucele le MDC elikhokhelwa ngumnu. Morgan Tsvangirai. Ekhuluma kulumbuthano, uMnu. Tsvangirai uthe ibandla lakhe lilahlekelwe ngumcebisi omkhulu.
Abanye abancome umuyi kulumthandazo ngumkhokheli we Anglican uMnu. Chad Gandiya.
UMnu. David Mhabhinyana, oyinyanga, njalo elilunga leZINATHA esebenza lomuyi utshele uSithandekile Mhlanga we Studio 7 ukuthi uMnu. Chavunduka wayelwisa ukuthi kubekwe umthetho wokunanza amalungelo abelaphi besintu elizweni.
Ingxoxo LoMnu. David Mhabhinyana
Ekhuluma esililweni sikamuyi uMnu Chavunduka umkhokheli welinye lamacele eMDC uMnu Morgan Tsvangirai onguye njalo inhloko kahulumende uthe uhulumende weZimbabwe ulakho ukuqala ukwelapha kungelambadalo umkhuhlane wemvukuzane, oweCancer. .
UTsvangirai uthe lokhu kwavunyelwana lidale le cabinet kulandela ukumemetheka kwalumkhuhlane osuhlasele inkulungwane zabantu ababalisa umsekeli wakhe, uNkosazana Thokozani Khuphe.
Wengeze wathi uhulumende uzakwakha izibhedlela eHarare lako Bulawayo ukwenzela ukuhlola lumkhuhlane kusasemasinyane.
Kodwa ingcwethi ecubungula ezombusazwe, uMnu. Rejoice Ngwenya utshele uChris Gande weStudio 7 ukuthi uzulu kumele azibuze ukuthi uhulumende engakwenelisa lokhu na yena ehlala ekhala ngokuswela imali.
Ingxoxo LoMnu. Rejoice Ngwenya | isiNdebele |
WASHINGTON DC — Amakhansila eUmzingwane alitshumi lanye aveze ngoLwesihlanu ukuthi sesuke kucele leMDC elikhokhelwa ngumMu Welshman Ncube aya kwelikaMnu Morgan Tsvangirai.
Ekhuluma emhlanganweni awenze lentathelizindaba koBulawayo, amakhansila la athe asuke kuNcube ngoba ekunanzelela ukuthi uTsvangirai nguye onganqoba uMongameli Mugabe kukhetho.
Kodwa ibandla likaNcube liyakulandula ukuthi amakhansila la aphume kulo, lisithi abalekele iMDC ekhokhelwa nguMnu Arthur Mutambara.
Isikhulumeli salelibandla uMnu Nhlanhla Dube uthi amakhansila la asuka kubandla lakhe kudala aya kuMDC kaMutambara lommeli weUmzingwane edale lephalamende, uNkosazana Nomalanga Khumalo.
Ngalokho, uthi akuqondanga ukuthi amakhansila la athi ahlubuke kubandla lakhe.
Umsekeli wesiphathamandla esibona ngokuqoqwa kwenhlelo zeMDC kaTsvangirai, uMnu Abednico Bhebhe utshele lumsakazo ukuthi bajabule kakhulu ngenyathelo elithethwe ngamakhansila la. | isiNdebele |
Amacele womabili eMDC secele uMongameli Jacob Zuma weleSouth Africa ukuthi aphenduke eHarare azezama ukuxazulula ingxaki kuhlelo lokuloba isisekelo sombuso esitsha.
AbeMDC laba bethule lesi sicelo emhlanganweni abawenze lezithunywa zikaZuma ngoLwesithathu.
Iqula leli lihlangane labemela iMDC leZanu PF behlukene ngoLwesibili ekufikeni kwalo elizweni, lagqiba uhambo lwalo ngokuhlangana labo sebebonke ngelanga elilandelayo.
IMDC kaMnu Welshman Ncube itshele izithunywa zikaZuma ukuthi ifuna uMnu Arthur Mutambara evinjwe ukuphatheka kunkulumo zabakhokheli bamabandla akuhulumende womanyano.
Iqula leli belilamalunga amathathu abalisa uNkosazana Lindiwe Zulu, uMnu Mac Maharaj oyisikhulumeli sikaZuma kanye loMnu Charles Ngqakula.
Yena uZuma ngokwakhe ubikwa elakho ukuphenduka eZimbabwe kunsukwana ezimbalwa ezizayo ukuzokhulumisana labakhokheli bamabandla akuhulumende.
Ingcwethi kwezombusazwe njalo engumqondisi wenhlanganiso ezimeleyo, iMatabeleland Constitutional Reform Agenda, uMnu Effie Dlela Ncube uthi usekela inyathelo leMDC lokucela uZuma ukuthi aphenduke. | isiNdebele |
Izakhamizi Zithi IZESA Imadolonzima Ngohlelo LwamaPre-paid Meters
IZESA ibikwa isibethele ama pre-paid meters angu 55 000 kuphela elizweni phakathi kwangu-600 000 adingakalayo.
WASHINGTON — Izakhamizi zemadolobheni atshiyeneyo elizweni zithi uhlelo lwenkampani ye ZESA olokubethela imitshina yokuthi bebhadalele ugetsi bengakamsebenzisi olwama Pre-paid meters ezindlini zabo luhamba kancane-kancane ngoba linkampani ilokhu ingakafinyeleli izindlu ezinengi.
Umanjinela Julian Chinembiri oyisiphathamandla senkanpani ye Zimbabwe Electricity Transmission and Distribution elizweni ubikwa esithi inkampani le isibethelele ama Pre-paid meters azinkulungwane ezingamatshumi amahlanu lanhlanu-55 000 kuphela elizweni phakathi kwangamakhulu azinkulungwane eziyisithupha-600 000.
UMnu. Mfundo Mlilo umqondisi wenhlanganiso ye Combined Harare Residents Association utshele iStudio 7 ukuthi ngempela uhlelo lolu luyadonsa eHarare.
Ingxoxo LoMnu. Mfundo Mlilo
UMnu. Roderick Fayayo, isiphathamandla se Bulawayo Progressive Residents Association utshele uSithandekile Mhlanga weStudio 7 ukuthi abalutshwane asebethole ama Pre-paid meters bakhala ngokuthi I-ZESA ibanika amagetsi angenelanga bahlale bengelawo amahofisi alinkampani aze avulwe.
Ingxoxo LoMnu. Roderick Fayayo | isiNdebele |
WASHINGTON DC — IZimbabwe Revenue Authority (ZIMRA) ebuthanisa imali yemithelo ithi yenelisile ukwedlulisa kancane isilinganiso semali ekade ikhangelelwe ukutholakala ngomnyaka ophelileyo.
IZIMRA ithi imali ebuthanisiweyo yemithelo ibe ngamabillion edlula kancane amathathu amadollar - $3.3 billion loba nje bekukhangelelwe ukuthi kuzatholakala i$3.2 billion.
Umnu. Sternford Moyo umqondisi we board ye ZIMRA uthi okwenze bathole imali ethe xaxa yikuthi babe lenhlelo ezibalulekileyo zokubuthanisa imithelo.
Imithelo ye-value added tax yiyo elethele uhlangothi lolu imali enengi ilandelwa yimithelo evela kuzulu lakumankampani. Umsebenzi wezemigodi ukhanya ulethele iZIMRA imali eyingcosana.
Umnu. Rejoice Ngwenya ingcwethi kwezenotho uthi iZIMRA yenelise ukwenza okuyimadlana lokhu njengoba umnotho welizwe uthuthuka kancane. | isiNdebele |
Lokhu Kulokudonselana Kuhlelo LweConstitution
Ibandla le ZANU PF lithi kulezigaba ezingamatshumi amathathu okufanele zilungiswe.
WASHINGTON — Ukudonselana okuphathelane lokulotshwa kwesisekelo sombuso esitsha kuqhubekela phambili njalo ibandla le ZANU PF lithi kulezigaba ezingamatshumi amathathu okufanele zilungiswe.
Ibandla leli linqume emhlanganweni wayo omkhulu elisanda kuwuqhuba ukuthi uMongameli Robert Mugabe kumele azise ilanga lokhetho oluzaqhutshwa kusetshenziswa isisekelo sombuso esidala nxa esitsha singaphelanga ukulotshwa kuyonale iKhisimusi.
UMnu. Paul Mangwana, ilunga le ZANU PF kukhomithi eqhuba loluhlelo uthi okusaseleyo kugoqela uzibuse wezabelo, okuphathelane lomhlabathi, okwezemithetho, kanye lamandla ka mongameli.
Umpathintambo obona ngokuqhutshwa kwaloluhlelo uMnu. Eric Matinenga ubikwa esithi ikhomithi le iyehluleka ukuhlangana njengemfanelo ngoba amalunga ayo ehlezi elembambeko ezithile.Kasacacanga ukuthi zingaki ingxaki ezisaseleyo ekuphutshiseni loluhlelo.
Ukuze sihlaziye loludaba, uSithandekile Mhlanga weStudio 7 uxoxe loMnu. George Mkhwananzi, ingcwethi ecubungula ezombusazwe, njalo eyisiphathamandla secele le MDC elikhokhelwa nguMnu. Morgan Tsvangirai, yena ogcizelela ukuthi uMugabe kasela mandla okuba nguntandokayiphikiswa kuhulumende womanyano.
Ingxoxo LoMnu. George Mkhwananzi | isiNdebele |
WASHINGTON — Ilizwe libhekane lendlala emangalisayo nanku umkhathi ulokhe ungakatshengisi umusa lanxa isikhathi sesihambile.
Lanxa inengi likhala ngenhlanyelo, into enkulu lizulu njalo nxa lingekho konakala into ezinengi – izifuyo ziyafa kanti lozulu laye athwale gadalala.
Izakhamizi endaweni ezitshiyeneyo zelizwe zithi uhulumende kumele aqalise ukudingela uzulu ukudla ngoba sokusobala ukuthi kuzaba lendlala.
Umumo esabelweni seBulilima West, ePlumtree ubikwa umubi kakhulu, kufakaze ummeli walindawo edale lephalamende uMnu Moses Mzila Ndlovu.
UMzila utshele iStudio 7 ukuthi izifuyo seziqalisile ukucuba kulindawo. Wengeze wathi nxa lingasananga izulu, labantu labo bazalahlekelwa yimpilo. | isiNdebele |
WASHINGTON DC — Umthethwandaba weHigh Court eHarare ngoLwesibili wethule isinqumo sokuthi umkhokheli wabatsha kuMDC ekhokhelwa ngumnu Morgan Tsvangirai, uMnu Solomon Madzore lelinye ilunga lalelibandla uMnu Lovemore Magaya bakhululwe.
Ababili laba bayingxenye yabasekeli balelibandla ababotshwe ngoMfumfu nyakenye besetheswa icala lokugongoda ipholisa leHarare uInspector Petros Mutedza.
Esethula isinqumo sakhe, umahluli uChinembiri Bhunu uthe usuthisekile ngobufakazi bokuthi ababili laba babengekho lapho okwabulawelwa khona uMutedza ngesikhathi lokhu kusenzeka.
UBhunu uthe uMadzore loMagaya kumele bahlawule imali yesibambiso engamadola angamakhulu amahlanu, $500 ngamunye ukuze bakhululwe.
Amagqwetha ababili laba azahlawula limali ngoLwesithathu ngaphambilini kokuthi bakhululwe.
Ngenyanga edluleyo umthethwandaba ukhulule omunye njalo wabasekeli beMDC-T abetheswa icala elifanayo uNkosazana Cythia Manjoro.
Kodwa abasekeli balelibandla abangamatshumi amabili lasithupha, 26, balokhu bevalelwe njalo abanye babo sebelomnyaka lenyanga eyodwa besesitokisini lanxa bekulandula ukuthi yibo ababulala uMutedza.
Unobhala jikelele wabatsha kugatsha lweMDC-T uMnu Promise Mkhwanazi uthi bajabule kakhulu ngokukhulwa kukaMadzore loMagaya. Kodwa uthi basakhathazeke ngakhulu ngalabo abalokhu bevalelwe. | isiNdebele |
Inkezo YePSL Izathathwa YiHighlanders Kumbe IDynamos?
ICommercial Arbitration Centre inqume ukuthi iqembu le Dynamos eleHwange ngokupheleleyo ngemva kokukhonona kweqembu leHwange
WASHINGTON — Idale le Commercial Arbitration Centre ngoLwesihlanu linqume ukuthi iqembu le Dynamos linqobe eleHwange ngokupheleleyo ngemva kokukhonona kweqembu le Hwange ngokuthi umdlalo lo wawulodlakela olwabangela ukuthi impumela yawo ingasuthisi.
Umgcinisihllo walelidale uMnu. Muchadeyi Masunda, ongumayor weHarare uthe imiklomelo emithathu eyathathelwa iqembu leDynamos phezu kwaloludaba kayibuyiselwe njalo kungasadlalwa kutsha lumdlalo njengalokhu obe kufunwa yi Premier Soccer League.
Isinqumo lesi sitsho ukuthi iqembu leDynamos liphambili ngemiklomelo engamatshumi angamatshumi ayisithupha lathoba minwe mbili- 68 emidlalweni yenkezo ye PSL, lilandelwa ngele Highlanders elile miklomelo engamatshumi ayisithupha lasithupha- 66.
Amaqembu la azangqikilana lamanye kuyonale impelaviki emidlalweni yokucina yalinkezo, lapho okuzavela khona ukuthi intshantshu ngubani.
IDynamos izangqikilana le Hardbody, kuthi iHighlanders ingqikilane le Blue Rangers, okungamaqembu angakhangelelwanga ukunqoba.
UMnu. Peter Moyo, ukhansila weHarare njalo elilunga le Highlanders Supporters Club kulelodolobho, uthi kuzabalukhuni ukuthi iBosso ithathe inkezo yePSL ngemva kwalesisinqumo.
Kukhangelelwe ukuthi umdlali oyintshantshu elizweni uSoccer Star of the Year ethulelwe abantu ngelanga linye kumenyezelwa iqembu elizaphakamisa inkezo ye PSL.
Ingxoxo LoKhansila Peter Moyo | isiNdebele |
Inkulungwane lenkulungwane zabantu abagoqela uzulu jikelele, lenkokheli yamazwe atshiyeneyo, bebefolile bedlula duzane lebhokisi likamuyi bebona isidumbu sakhe okokucina.
Loludaba luqhamuke ngemva kwembiko ethi umqondisi weZBC, uMnu. Happison Muchechetere ubehola inkulungwane ezingamatshumi amane ngenyanga-$40 000.
Ingcwethi lezi zithi ilizwe seliqakathekisa ukuthi abantwana bahlale esikolo iminyaka eminengi kungakhathalekile ukuthi abakufundayo kulesisindo na kumbe hatshi.
Amalunga alinhlanganizo alwisana phezu kobukhekheli beApex Council kanye lakudaba lokuthi ngubani omele amele izisebenzi kunkulumo lohulumende ngodaba lweholo
Uhulumende uthi useqedile uhlelo lokudingisisa ngezakhiwo ezingekho emthethweni olwe audit eChitungwiza le Seke lapho afumane ukuthi izitanda ezingu-23 000 ezibiza i-$20 million zathengiselwa izakhamizi ngokungekho emthethweni.
Inhlanganiso lezi zihlangene ngenjongo yokudinga indlela zokubuthanisa imali yokuqhuba imikhankaso yokuqeda udlakela phakathi kwabesilisa labesifazane | isiNdebele |
© 1996 – 2009 The Office of the High Commissioner for Human Rights
This HTML version prepared by the UDHR in Unicode project, http://www.unicode.org/udhr.
Loba isimilo lenhlonipho lamalungelo agcweleyo oluntu kuyisisekelo senkululeko, lesokulunga lokuthula emhlabeni,
Loba ukunganaki lokungahloniphi amalungelo abantu kubangele izenzo zocuku oludabula inhliziyo lenembeza, kwadala umhlaba lapha abantu abangathola khona injabulo lenkululeko yokuthi bakhulume bekhululekile bengesabi njalo kungekho ubuyanga, konke lokhu kuphakanyiswa njengento eqakathekileyo ngabantu bonke,
Loba ukuze umuntu angavuki umphenyana ngenxa yokucindezelwa, kufanele ukuthi amalungelo abantu asekelwe ngumthetho,
Loba kufanele ukukhulisa ubudlelwano phakathi kwezizwe,
Loba abantu baMazwe aManyaneyo betshengise ukholo lwabo kumalungelo oluntu lokuhlonipha lokuqakathekisa umuntu emalungelweni alingeneyo lamalungelo alinganayo phakathi kwamadoda labafazi, lokuzimisela ukuthuthukisa ingqubelaphambili lokuhlala kuhle kwabantu,
Loba amazwe ami wodwa ezimisela uKumanyana laMazwe aManyaneyo ukuze aqakathekise ukuhlonitshwa kwamalungelo abantu,
Lobanje ulwazi lwamalungelo blwenkululeko kuyinto eqakathekileyo, ukuze amalungelo lenkululeko kwaziwe,
INKUNDLA YEZIZWE ITHI
Lesisivumelwano samalungelo oluntu silotshiwe ukuze umuntu lezigaba zabantu jikelele zigcine lesi sivumelwano engqondweni, yizizwe zonke lamazwe asabuswa ngamanye.
Abantu bonke bazalwa bekhululekile njalo belingana kumalungelo abo. Balesipho sikanembeza, ngakho bamele baphathane ngomoya otshengisa ubuhlobo lobunye.
Wonke umuntu ulelungelo lokuthola inkululeko lamalungelo alotshwe kulesi sivumelwano hngokupheleleyo kunganakwa ubuhlobo, umbala, ukuthi uyindoda kumbe ngumfazi, ulimi, ukholo, ezimayelana lombangazwe, lenotho kanye lasipi lasiphi isimo phakathi kwabantu.
Njalo kakusoze kube lomahluko ekuphathweni kwabantu emthethweni loba ngowaliphi ilizwe loba yisiphi lesimo selizwe lapho umuntu avela khona - lanxa lelolizwe lizibusa kumbe libuswa ngelinye.
Wonke umuntu ulelungelo lempilo, lelenkululeko lelenhlalakahle.
Kakho umuntu ozakwenziwa isigqili, kumbe isithunjwa; ubugqili lokuthengisa izichaka kuzanqatshelwa ngazo zonke indlela.
Akula muntu ozahlutshwa ahlukuluzwe loba aphathwe ngesihluku langendlela eyangisayo kumbe elocuku.
Wonke umuntu ulelungelo emthethweni lokuphathwa njengomuntu.
Bonke abantu bayalingana phambi komthetho, kungekho bandlululo. Abantu bonke bayavikelwa ekubandlululweni. Ubandlululo luvunyelwa yisivumelwano lesi njalo akuvunyelwa ukubasela ubandlululo.
Omunye lomunye umuntu ulelungelo lokuvikelwa ngababusi lomthethwandaba uma kulezenzo ezephula amalungelo akhe asemthethweni.
Akumelanga ukuthi umuntu abotshwe okungekho emthethweni, loba abotshwe mahlayana, loba axotshwe elizweni lakubo.
Omunye lomunye umuntu ulelungelo lokuthi athoniselwe icala phambi kwenkundla ezimeleyo kumbe agwetshwe yinkundla engabandlululiyo ekuthetheni amacala.
1. Omunye lomunye umuntu owetheswe icala ulelungelo lokuthi aphathwe njengomuntu ongela cala aze adliwe licala emthethwandaba. Kumele njalo aphiwe ithuba lokuthola umeli.
2. Kakho umuntu ongajeziswa emthethweni ngenxa yecala alenzayo uma icala leli lenziwa umthetho owenza lokho akwenzayo kube licala wawungekho ngaleso sikhathi. Isijeziso salelo cala akumelanga sedlule isijesiso esasifanele icala lelo umthetho omutsha ungakabekwa.
Omunye lomunye umuntu ulelungelo lokuhlonitshwa - ubuntu bakhe, imuli yakhe, umuzi wakhe lezincwadi zakhe. Omunye lomunye umuntu kumele avikelwe ngumthetho ezintweni ezinje.
1. Wonke umuntu ulelungelo lokuhamba lokuhlala kuwo wonke amazwe.
2. Wonke umuntu ulelungelo lokuthutha loba kuliphi ilizwe, ngitsho laselizweni lakhe, lelokubuyela elizweni lakhe.
1. Wonke umuntu ulelungelo lokubalekela kwelinye ilizwe ukuze abe yisiphepheli khona nxa ehlutshwa elizweni lakubo.
2. Leli lungelo alikhululi umuntu obotshiweyo ngaphandle kokuba ebotshelwe izindaba zombangazwe kumbe okungavunyelwa ngaMazwe aManyaneyo.
1. Wonke umuntu ulelungelo lokuba yisakhamuzi ezweni lakhe.
2. Kakho ongathathelwa ilungelo leli loba alelwe ukuba yisakhumuzi selinye ilizwe.
1. Amadoda labafazi asebekhulilwe, balelungelo lokuthatha lokuthathwa babe lemizi yabo, kungenani ukuthiukholo lomuntu yiluphi lokuthi ungumhlobo bani. Balamalungelo alinganayo ekuthathaneni kwabo lasekwehlukaneniekeni kwaho.
2. Umendo kumele ubotshwe ngukuvumelana kwabathathanayo.
3. Imuli yisisekelo sezizwe, ngakho kumele isekelwe yizakhamizi languHulumende.
1. Omunye lomunye ulelungelo lokuba lezimphala zakhe yedwa lokuba lezimpahla ndawonye labanye.
2. Kakho umuntu ongahluthunelwa indawo kanye lempahla engeyakhe.
Omunye lomunye ulelungelo lokucabanga njengokuthanda kwakhe, lelokukhonza ngentando yakhe, ekhokhelwa ngunembaza wakhe. Leli lungelo lipha umuntu imvumo yokutshintsha ukholo lwakhe, lemvumo yokuthi yena yedwa kumbe elabanye atshengise ukholo lwakhe kumphakathi ngezenzo, ngokukhonza, ngokufundisa kunye Tokuziphatha kwakhe kunye lokufundisa ukholo lwakhe.
Omunye lomunye ulelungelo lokukhuluma izifiso zakhe lokusengqondweni yakhe. Leli lungelo lipha umuntu inkululeko yokudinga lokwamukela lokwazisa akwaziyo lokusengqondweni yakhe ngayiphi layiphi indlela lakwamanye amazwe.
1. Wonke umuntu ulelungelo lokumanyana kanye lokuhlangana labanye.
2. Akula muntu ozabanjwa ngamandla ukuthi abelilunga lenhlanganiso iphi layiphi.
1. Omunye lomunye ulelungelo lokuphathisana lohulumende wakhe yena ngokwakhe kumbe amelwe ngabakhethiweyo.
2. Omunye lomunye ulelungelo loncedo lwelizwe lakhe.
3. Izifiso zabantu yizo okumele ziphe uhulumende amandla okubusa. Lezi zifiso zizatshengiswa lukhetho oluzakwenziwa ngezikhathi ezifaneleyo, oluzavumela njalo wonke umuntu ukukhetha ngendlela engasoze itshengise abanye ukuthi ukhethe bani.
Omunye lomunye umuntu, njengesakhamuzi, ulelungelo lokusekelwa yilizwe lakhe lelokusuthiseka. Lokhu kuzavela ezenzweni zesizwe sakhe lasencedweni oluvela kwamanye amazwe, ukuze kuthuthukiswe amalungelo akhe empilweni lasemasikweni akhe ukuze kumlethele inhonipho lentuthuko yobuntu bakhe.
1. Omunye lomunye ulelungelo lokusebenza lelokukhetha umsebenzi awufunayo, lelokuphathwa kuhle emsebenzini, lelokuncedwa nxa umsebenzi udingakala
2. Omunye lomunye ulelungelo lokwamukela imbandalo elingene lomsebenzi wakhe.
3. Wonke umuntu osebenzayo ulelungelo lokuthola imbadalo efaneleyo ezokwenza ukuthi yena labantwana bakhe bathole impilo lenhalakahle ehloniphekayo njengabantu, lelokusekelwa ngezinye izindlela.
4. Omunye lomunye ulelungelo lokuba lilunga lomhlangano wezisebenzi ukuze asekele izifiso zakhe.
Omunye lomunye ulelungelo lokuthatha ikhefu engephulelwa imbadalo yakhe, njalo ulelungelo lokusebenza amahora angamanengi kakhulukazi.
1. Omunye lomunye ulelungelo lempilo lenhlalakahle yakhe labantwana bakhe. Lokhu kuhlanganisa ukudla, izembatho, indawo yokuhlala kanye lempilo enhle, ukugcinwa kuhle uma engasebenzi. Lokhu kuhlanganisa abafelwaokazi, abadala, abalimeleyo labehlulekayo ukuzonga.
2. Ababelethileyo labantwana kumele bagcinwe njalo bancediswe. Abantwana bonke abazalelwe emendweni kumbe ngaphandle kwawo, kumele basekelwe ngokufanayo.
1. Omunye lomunye ulelungelo lemfundo. Imfundo ayizukuba lembadalo, kusukela phansi kuze kufike esigabeni esithe thuthu. Imfundo ephansi (elementary) ngeyomuntu wonke, ngakho omunye lomunye uzabanjwa ngamandla ukuthi ayithole. Imfundo ephezulu yezandla (technical) lenye njalo eyolwazi olwehlukeneyo olwezigaba ezehlukeneyo kumele ibe khona, lemfundo ephakemeyo kumele itholwe yilabo abayifaneleyo ngolwazi abalalo.
2. Imfundo kuzamela ithuthukise ubuntu lokuhlonipha amalungelo obuntu lenkululeko engcweleyo. Kufanele ikhulise ukuzwelana, ukuzwisisa lobudlelwano phakathi kwezizwe zonke, kwemihlobo yonke lakwabenkonzo ezehlukeneyo, isekele njalo imisebenzi yeZizwe eziManyeneyo (UN) yokuletha ukuthula emhlabeni.
3. Abazali balelungelo lokukhetha imfundo yabantwana babo.
1. Wonke umuntu ulelungelo lokumanyana labanye lokukhululeka ekuphathisaneni labanye kwezemvelo lakwezamasiko lelokuvuna kukho konke okuvezwa yizifundo zemvelo.
2. Omunye lomunye ulelungelo lokusekelwa empilweni yakhe lelokuqiniswa ebuntwini bakhe mayelana lokwemvelo lokwezombukiso.
Umuntu munye lamunye ulelungelo lokuthola indawo lapha okuhlonitshwa lokugcinwa khona izimiso zezivumelwano lezi.
1. Wonke umuntu ulemisebenzi okumele ayenze njengesakhamuzi okuyiyo ezagcwalisa ubuntu bakhe.
2. Kukho konke akwenzayo, uzakhokhelwa yikuhlonipha lokwethula ingowane yakhe kumalungelo abanye, ananzelele ukuqakatheka kombuso wabanengi (UN).
3. La amalungelo lenkululeko akumelanga kuphambane lezimiso zeZizwe eziManyaneyo.
Akukho kuleziZivumelwano okungavumela umuntu loba abantu ukubhidliza amalungelo lenkululeko ezilotshwe lapha. | isiNdebele |
Umphathintambo obiona ngezesisekelo sombuso uMnu. Eric Matinenga uthi inkokheli kahulumende womanyano ifuna ukwazi ngokwenzakala ekulotshweni kogwalo lolu hatshi ukungenela ekulotshweni kwalo.
U Matinenga lamuhla uhlangane loMongameli Robert Mugabe, inhloko kahulumende uMnu. Morgan Tsvangirai lomsekeli wakhe uMnu. Arthur Mutambara e Harare.
Lumhlangano wenziwa nje kulokudonselana ekulotshweni isisekelo sombuso esitsha lanxa sokwenziwa umhlangano wenhlanganiso ezizimeleyo lamabandla ezombusazwe, owe All Stakeholders Conference owawucatshangelwa ukuthi uzaxazulula loludaba.
Umkhokheli welinye lamacele eMDC, uMnu. Welshman Ncube ubengekho emhlanganweni lo ngoba engekho elizweni ese uganda. Kodwa isikhulumeli sebandla lakhe, uMnu. Nhlanhla Dube utshele iStudio 7 ukuthi uNcube ukhangelelwe ukuhlolisisa okukhulunywe emhlanganweni wanamhla andubana lelibandla litsho ukuthi lifuna kwenziweni ngaloluda.
Ingxoxo loMnu. Nhlanhla Dube | isiNdebele |
IMDC-T Ithakazalela Ukukhululwa KukaMadzore ngeBail
Sokusele amalunga alelibandla angamatshumi amabili lasithupha ngemva kokukhululwa kuka Nkosazana Cynthia Fungai Manjoro
WASHINGTON — Umkhokheli wabatsha kucele le MDC elikhokhelwa nguMnu. Morgan Tsvangirai uMnu. Solomon Madzore okhululwe ngoMvulo entolongweni yeChikurubi Maximum Security Prison uze wavulelwa amasango ale ijele ngolweSibili njalo wemukelwa ngokuthokoza okukhulu ngabasekeli balelibandla.
UMadzore, okhululwe lelinye ilunga lalelibandla uMnu. Lovemore Taruvinga Magaya, wetheswa icala lokuphatheka ekubulaweni kwepholisa umuyi uMnu. Petros Mutedza nyakenye eHarare.
Sokusele amalunga alelibandla angamatshumi amabili lasithupha etheswa icala elifanayo ngemva kokukhululwa kuka Nkosazana Cynthia Fungai Manjoro kunyanga ezimbalwa ezedluleyo.
Ukuthonisiswa kwezibotshwa lezi kukhangelelwe ukuqhubeka emthethwandaba ngoLwesihlanu.
UMnu Promise Mkhwananzi, isiphathamandla sogatsha lwabatsha kulelibandla utshele uSithandekile Mhlanga weStudio 7 ukuthi idolobho leHarare lime umsebenzi kancinyane abantu bebukele udwendwe lwezimota kanye lomculo wokuthakazalela uMadzore lomunye wakhe.
Ingxoxo LoMnu. Promise Mkhwananzi | isiNdebele |
HARARE — Umhlangano wokuhlaziya isisekelo sombuso esitsha, oweSecond All-Stakeholders Conference ugqitshwe ngoLwesibili amabandla akuhulumende womanyano esithi asuthisekile ngendlela oqhutshwe ngayo.
Abagcinisihlalo bekomidi ekhokhela ukulotshwa kwesisekelo lesi, iCopac, batshele intathelizindaba eHarare ukuthi sebekhangelele ukuhluza imbono ephume kulumhlangano ivela kumabandla ezombusazwe lenhlanganiso ezizimeleyo.
ICopac ilabagcinisihlalo abathathu ababalisa uMnu Douglas Mwonzora (MDC-T), uMnu Paul Mangwana (Zanu PF) loMnu Edward Mkhosi (MDC).
UMwonzora ubonge inkokheli yamabandla akuhulumende womanyano ngokwethula amazwi akhuthaza ukuthula beze bengene kulumhlangano ngoMvulo.
Wengeze wathi ikomidi yakhe izaqala ukuhluza imicijo ephume kulumhlangano kunsukwana ezilandelayo.
Ekhuluma emhlanganweni munye, uMnu Mangwana uthe iCopac ingehluleka ukuvumelana ekuthini okuphume kuStakeholders Conference kufakwe yini kumbe hatshi kusisekelo, kuyabe sokungumsebenzi wenkokheli yamabandla akuhulumende womanyano ukuluqeda lolo dubo.
UMnu Mkhosi yena uthe ibandla lakhe likhangele ngamehlo abomvu ukuthi udaba olumqoka ebelilukhankasela, olombuso wezabelo, idevolution, luzaphathwa njani. | isiNdebele |
Umkhokheli weMDC uMnu Welshman Ncube ube lomhlangano loMongameli Robert Mugabe ngoLwesibili bekhulumisana ngodaba lukaMnu Arthur Mutambara.
Emhlanganweni lo, uMugabe ugcizelele ukuthi kasoze amkhiphe uMutambara esikhundleni sokuba ngumsekeli wenhloko kahulumende.
Umanyano weSadc unqume ngeviki edluleyo ukuthi uNcube nguye omele abe kunkulumo zokulungisisa okuhluphayo kuhulumende njengomholi weMDC, hatshi uMutambara.
Kodwa uMugabe uthi kasoze asuse uMutambara esikhundleni lanxa engasela bandla alimelayo.
Emhlanganweni lo, uNcube uhambe lonobhala jikelele webandla lakhe uNkosikazi Priscillar Misihairambwi Mushonga.
Ababili laba banikeze uMugabe ingwalo ezilezinqumo zomthethwandaba weHigh Court ezisekela ukukhethwa kukaNcube njengomkhokheli weMDC.
Izinqumo lezi zithi njalo uMutambara akumelanga aqhubeke ezithi ungumkhokheli weMDC.
UNkosikazi Mushonga uthi bahambise izinqumo lezi kuMugabe ukuthi ayezibalela azizwisise ngoba ekhanya engayizwisisi indaba yobukhokheli beMDC, okuyinto evele sobala emhlanganweni weSadc eMaputo ngeviki edluleyo.
Ingxoxo LoNkosikazi Priscillar Misihairambwi-Mushonga
Umlamulankunzi kudaba lweZimbabwe, enguMongameli weSouth Africa uMnu Jacob Zuma nguye owaqala ukwala ukuhlangana loMutambara ekwethekeleleni kwakhe eHarare kumaviki amabili edluleyo.
Olwela ilungelo loluntu uMnu Zenzele Ndebele uthi isizatho sokuthi uTsvangirai loMugabe basekele uMutambara yikuthi uNcube liNdebele bona bangamaShona.
Ingxoxo LoMnu Zenzele Ndebele
Inyathelo lakhe lasekelwa yiSadc. Into edanisa iMDC kaNcube, yikuthi uTsvangirai laye ukhaya esekela uMutambara njengoMugabe.
Kukhethwa uNcube emhlanganweni weCongress, uMutambara wayekhona laye wavuma ukuthi uNcube senguye umkhokheli webandla.
Kodwa into emangalise abanengi yikuthi uthe esuka khonapho wakhanya sengothi kabunanzi ubukhokheli bukaNcube. | isiNdebele |
WASHINGTON DC — Inhlanganiso ebona ngokulondolozwa kwelungelo labathengi eye Consumer Council of Zimbabwe (CCZ) ithi izitolo sezikhweze intengo yenyama, impuphu lokunye zisenzela ukthola inzuzo enkulu ngesikhathi sekhisimusi.
ICCZ ithi izitolo zikhweze intengo yomgodla wempuphu olesisindo se 20kg ngedollar yafika kumadollar alitshumi lanye - $11.00.
IConsumer Council ithi intengo ye margarine layo ikhuphuke ngamasenti edlula alitshumi-11c.
Inhlanganiso le iphinde yathi intengo yamatamatisi, ikhabitshi lesepa yokuwatsha yehle kancane kwathi-ke intengo yesinkwa, amahlamvu etiye lokunye kayizange iguquke.
Uzulu uzonde okwamagama ngokukhuphuka kwentengo yenyama lempuphu esithi lokhu kwenziwa yizitolo ezingacabangi lokuthi impahla le yenziwa njani.
Umnu. Njambakulwa Mwembe owe Dete esabelweni seMatabeleland North, okade esiya e-Democratic Republic of Congo sikhuluma laye, uthi izitolo kumele zime ukuthwalisa uzulu nzima.
Umnu. Joshua Ncube osebenza eGoli uthe okwenziwa yizitolo kuzabangela ukuthi bathenge impuphu emazweni ngemali ephezulu. | isiNdebele |
Amapholisa Angena Ngamandla Emahofisini eZESN
Amapholisa la abikwa abedinga izisebenzi zalinhlanganiso ezivela kwamanye amazwe ezisebenza zingelamaphepha ezinika limvumo.
WASHINGTON — Amapholisa angene emahofisi enhlanganiso ezimeleyo ebona ngenhlelo zokhetho eye Zimbabwe Election Support Network, i-ZESN eHarare ngolweSibili ekuseni athatha amaphepha aqakathekileyo alinhlanganiso.
Igqwetha elimela i-ZESN uMnu. Harrison Nkomo utshele iStudio 7 ukuthi amapholisa angene ngamandla kumahofi la, ebulala ingxenye yomduli oduzane lentubeni.
Ungezelele wathi amapholisa la athi abedinga izisebenzi zalinhlanganiso ezivela kwamanye amazwe ezisebenza zingelamaphepha azinika limvumo.
UNkomo uphinde wathi amaphepha athethwe kulinhlanganiso asiwe enkambeni ye Harare Police Central Station njalo kwesatshelwa ukuthi engasetshenziswa ukwethesa amalunga alinhlanganiso icala.
Kubikwa kungabotshwanga muntu kulesisehlakalo njalo iStudio 7 ayenelisanga ukukhuluma lamapholisa ngaloludaba.
Eminye imbiko njalo ithi kulabantu abangaziwayo abangene emahofisini eZESN ngolwesibili njalo eMasvingo, bathatha imitshina yama computer lokunye.
UMnu. Effie Dlela-Ncube, umgcinisihlalo womanyano wenhlanganiso ezizimeleyo owoNational Association of Non-Governmental Organizations, iNango, uthi kusobala inhlanganiso ezizimeleyo sezihlukuluzwa ngaphambilini kokhetho ukwenzela ukuzenqabela ukufundisa abantu ngamalungelo abo.
Ingxoxo LoMnu. Effie-Dlela Ncube | isiNdebele |
Inhlanganiso Ezizimeleyo Zithi Akulungiswe Ingxabangxoza EkuZHRC
UMnu. Austin utshiye umsebenzi ngezizatho ezithile, ezigoqela ukuthi imithetho yelizwe kayimvumeli ukuthi asebenze kuhle engathathi uhlangothi
WASHINGTON — Inhlanganiso ezizimeleyo zithi kusobala ukuthi uhulumende kasoze alungisise okusilelayo kukhomishini yakhe ebona ngezamalungelo oluntu eye Human Rights Commission okubangele ukuthi obengumgcinisihlalo wayo uMnu. Reginald Austin atshiye umsebenzi ngeviki edluleyo.
UMnu. Austin utshiye umsebenzi ngezizatho ezithile, esinye sazo singesokuthi imithetho yelizwe kayimvumeli ukuthi asebenze kuhle engathathi uhlangothi.
Inhlanganiso elwela amalungelo amagqwetha eye Zimbabwe Lawyers for Human Rights, lezinye zethesa uhulumende umlandu ngenyathelo elithethwe ngu-Austin.
UMnu. Effie Dlela-Ncube, ingcwethi ecubungula ezombusazwe, njalo engumgcinisihlalo wenhlanganiso yomanyano wenhlanganiso ezizimeleyo eye National Association of Non-Governmental Organizations, i –NANGO, utshele uSithandekile Mhlanga weStudio 7 ukuthi uhulumende kangeke wabanjwa ngamandla ukuthatha inyathelo ngekhomishini le.
Ingxoxo LoMnu. Effie Dlela-Ncube | isiNdebele |
Kusungulwa Elinye Ibandla le Anglican EHarare
Libizwa ngokuthi yi Anglican Reformed Church of Zimbabwe eHarare njalo lizakhokhelwa ngumfundisi David Kunyongana.
WASHINGTON — Amacele womabili enkonzo yeAnglican akhokhelwa nguBishop Nolbert Kunonga lo Bishop Chad Gandiya abekhona emkhosini wokusungala ibandla elibizwa ngokuthi yi Anglican Reformed Church of Zimbabwe eHarare, elizakhokhelwa ngumfundisi David Kunyongana.
UKunyongana utshele iStudio 7 ukuthi ibandla leli lizalandelwa ingqe ngubani njalo lizasebenzisa indlela yokutshumayela ezahuga abantu.
Kusenjalo, ibandla le Anglican elikhokhelwa nguBishop Kunonga lithi selibuyisele impahla yonke ebeliyisebenzisa kubandla elikhokhelwa nguBishop Gandiya, lilandela okunqunywe ngumthethwandaba weSupreme Court.
Lokhu ngokwakuqala ukuthi ibandla leli likhulume ngaloludaba lokhu kwethulwa isinqumo seSupreme court. Impahla le igoqela izakhiwo zokukhonzela lezikolo.
Ekhuluma lentathelizindaba ngoLwesithathu eHarare, uBishop Admire Chisango okhulume emele uBishop Kunonga, uthe ibandla lakhe lizakhonzela ezikolo, amakolitshi, kanye lezinye izindlu zokukhonzela eziluncedo oluvela kwamanye amabandla okholo lwesikristu.
UBishop Chisango ungezelele wathi inkonzo yakhe izaqhubeka ngokusola ukuthi izitabane zikhokhele lelibandla, okungesinye sezizatho zokuxabana lelinye icele le Anglican.
UKhansila Peter Moyo wedolobho leHarare utshele uSithandekile Mhlanga we Studio 7 ukuthi uBishop Kunonga ubengasela linye iqhinga ngaphandle kwenyathelo alithetheyo.
Ingxoxo LoKhansila Peter Moyo | isiNdebele |
Umphathintambo wezemfundo uMnu. David Coltart uthi wenze umhlangano lngolweSithathu leziphathamandla ze World Bank kanye leze United Nations Children’s Education Fund (UNICEF) eKadoma wokudinga imali yokuvulesela imfundo kwele Zimbabwe.
UColtart uthi umhlangano lo ngowokudinga imali yokusungula uhlelo lwezemfundo iMedium Term Plan ayethulele idale labampathintambo bakahulumende eleCabinet lonyaka ngoNkwenkwezi efika amabilion amane lengxenye amadollar – $4.5 billion.
Uqhubeke ethi ulethemba lokuthi iWorld Bank le UNICEF zizancedisa ukuthi ugatsha lwakhe luthole uncedo njengoba ele Zimbabwe lisehluleka ukuvuselela ezemfundo ngenxa yokuswela imali. Uthi inhlanganiso lezi ziyabancedisa ukuthi balungise ugwalo olujulileyo lokucela imali enhlanganisweni yenhlelo zemfundo iGlobal Partnership for Africa yakwele Melika.
Uhlelo lwezemfundo lwe Medium Term Plan lukhangelelwe ukuphathisa ilizwe ukuthi lenelise ukwakha izikolo ezedlula amakhulu edlula ayisikhombisa – 750, kulungiswe izindlu zokufundela ezizinkulungwane ezingamatshumi amabili lane – 24,000 kanye lokulolonga ubungcitshi bababalisi.
Umnu. Sifiso Ndlovu umqondisi we Zimbabwe Teachers Association uthe kuyabukeka okwenziwa yi World Bank le UNICEF.
Ingxoxo Esiyenze LoMnu. Sifiso Ndlovu | isiNdebele |
Umphathintambo wezomvikela, uMnu. Emmerson Mnangagwa usemangalele iphephandaba le The Independent emthethwandaba phezu kodaba lokuthi lamhlambaza lize lithi usezimisele ukuthatha isikhundla sikamongameli Mugabe.
Lokhu kwenzakala ngesikhathi inane leziphathamandla zeZanu PF ezisa intathelizindaba zamaphephandaba azimeleyo emthethwandaba liqansa.
Iphephandaba le The Independent lilobe udaba olulesihloko esithi “Mnangagwa Ready to Rule” okutsho ukuthi uMnanangwa usezimisele ukubusa. Libike njalo ukuthi intathelizindaba yalo ikhulume loMnangagwa wavuma ukuthi ngempela ufuna ukwelama umugabe njalo ukhokhela ixuku le Zanu PF.
Kodwa uMnangagwa uyakulandula lokhu esithi kazange akutsho kumbe khona ukubona intathelizindaba yaleliphephandaba.
Umginisihlalo wenhlanganiso ye Media Institute of Southern Africa Zimbabwe, uMnu. Njabulo Ncube utshele i Studio 7 ukuthi bakhathazwa linani leziphathamandla zeZanu PF ezisa intathelizindaba emthethwandaba zifuna imali enengi okumangalisayo.
Ingxoxo loMnu. Njabulo Ncube | isiNdebele |
Udaba Lokuhlelwa Kwemidlalo YePSL Luyavuselelwa
Kwazanywa kodwa kwehlula ngoba kungelandlela yokukhupha amanzi enkundleni labazobukela benethwa lizulu
WASHINGTON — Inengi kwele Zimbabwe lithi indlela isikhathi semidlalo yenguqu esigabeni saphezulu ese Premier Soccer League ehlelwe ngayo elizweni, esukela ku Mbimbitho kusiya ku Lwezi ngenye yembangela yokuthi amaqembu eZimbabwe anqotshwe ngamanye kuzwekazi le Africa emicintisweni efana leyenkezo ye CAF Confederation.
Abadlali baphumula kusukela ngo Mpalakazi kusiya ngoMbimbitho okutshengisa ukuthi bayabe bengalungiselelanga ukudlala imidlalo, yona eqalisa ngo Nhlolanja.
Abaqeqetshi bamaqembu enguqu elizweni kanye lengcwethi kwezemidlalo abakhulume leStudio 7 bathi ngabe eleZimbabwe lilandela indlela imidlalo le ehlewa ngayo kwamanye amazwe, eqalisa ngo Ncwabakazi esiyaphela ngo Nkwenkwezi.
Kodwa isiphamandla se Premier Soccer League uMnu. Kennedy Ndebele utshele iStudio 7 ukuthi ukuphumula kwamaqembu enguqu kuqondana lesikhathi sezulu esibangela ukuthi kubenzima ukuqhuba imidlalo yenguqu.
Uthi akulandlela yokukhupha amanzi enkundleni zokudlalela umdlalo wenguqu nxa izulu lisina, kukanti labazobukela limidlalo benganethwa lizulu ngoba kungekho okukubavikela.
UOmega Sibanda, ingcwethi kwezemidlalo utshele uSithandekile Mhlanga weStudio 7 ukuthi eleZimbabwe lake lazama ukulandela amanye amazwe ukuhlela imidlalo le kodwa kwehlula ngenxa yezulu.
Ingxoxo LoOmega Sibanda | isiNdebele |
Idale elimqoka lecele leMDC elikhokhelwa nguMnu. Morgan Tsvangirai lithi ababangela udlakela phambilini komhlangano walelibandla, iCongress nyakenye, bazajeziswa.
Isikhulumeli sebandla leli, uMnu. Douglas Mwonzora utshele intathelizindaba ngemva kwalumhlangano ngoLwesihlanu eHarare ukuthi lanxa amalunga ebandla lakhe aphatheka kuloludlakela insoli zebandla leZanu PF lazo zabalesandla kudlakela olwenzakala endaweni ezitshiyeneyo zelizwe, ikakhulu koBulawayo lapho okwenzelwa khona lumhlangano. Uthi amagama alabo abazatholakala belecala azethulwa ngemva kokuba ugatsha lwezijeziso seluke lwahlaziya loludaba.
Lokhu kuvele ngemva kokucubungulwa okwenziwa liqula elalikhokhelwa ligqwetha, uMnu. Trust Maanda. Leliqula linqume ukubana kuphindwe njalo ukhetho ezigabeni ezibalisa iChitungwiza, iMashonaland East le West le Manicaland.
UChris Gande weStudio 7 uxoxe lomsekeli wesikhulumeli salelibandla, uNkosazana Thabitha Khumalo ukuze sizwe okunengi ngaloludaba.
Kunjalo nje, ingcwethi ecubungula ezombusazwe, uMnu. Dumisani Nkomo uthi inyathelo elithethwe licele le MDC leli, liyancomeka. | isiNdebele |
WASHINGTON DC — Uhulumende weleSouth Africa uthi emizameni yakhe yokulungisisa udaba lomhlabathi, kasoze ahluthunele abalimi abamhlophe amapulazi abo njengalokhu okwenziwa nguhulumende weZanu PF.
Lokhu kuvezwe ngumphathintambo obona ngezomhlabathi kulelolizwe uMnu Gugile Nkwiti lomsekeli wakhe uMnu Solomon Lechesa Tsenoli emhlanganweni abawenze lentathelizindaba ngoLwesibili.
Amapulazi amanengi eSouth Africa asezandleni zabalimi abamhlophe njalo uzulu ukhala ngokuthi uhulumende kumele athathe amanyathelo aqotho lulungisiswe loludaba.
Lanxa uhulumende ekhuthaza abalimi laba ukuthi bamthengisele amanye amapulazi ukuze ehlalise abantu abamnyama, akwenzakali kalula lokhu.
Inengi lithi ngaphandle kokuthi uhulumende weSouth Africa athathele abalimi laba amapulazi njengokwenziwa yiZanu PF, udaba lomhlabathi luzahlala luhlupha.
Ukuhlaziya loludaba uNtungamili Nkomo weStudio 7 uxhume ingcwethi kwezombusazwe uMnu Zenzo Nkomo yena othi uhulumende weANC kumele aphathe udaba lomhlabathi lolu ngobunono obukhulu. | isiNdebele |
Umsakazo we ZiFM owenkampani ye AB Communications eqondiswa nguMnu. Supa Mandiwanzira uphawule umsebenzi ngolweSithathu mhlaka 15 Ncwabakazi 2012. Lumsakazo ongomunye wemibili eyaphiwa imvumo yokusakaza luhlangothi lwe Broadcasting Authority of Zimbabwe nyakenye ubuvele usuqale ukusakaza okwenyanga yonke ulinga imitshina yawo.
UMandiwanzira, owayesebenzela umsakazo we ZBC utshele intathelizindaba ukuthi lumsakazo uzatholakala njalo lasebulenjini ku Internet.
UChris Gande we Studio 7 uxoxe lengcwethi kwezokuqhutshwa kwemibiko, uMnu. Zenzele Ndebele othi lanxa lumsakazo wamukelwe ngenjabulo ukhanya ungela mehluko kangako lowe Star FM osungulwe kusikhatshana esifitshane esedluleyo.
zifm | isiNdebele |
HARARE — Uhulumende umanyana lenhlanganiso ezikumanyano wamazwe omhlaba i-United Nations, eziphatheke kwezempilakahle, uzaqhuba uhlelo oluzathatha iviki eyodwa eZimbabwe, lokunika abantwana imithi olwe Second Nationwide Annual Mass Drug Administration, emaphandleni, emadolobheni amakhulu lamancane, abalisa i Harare, Bulawayo kanye leChitungwiza.
Loluhlelo lujonge ukuvimba ukumemetheka kwemikhuhlane ebalisa owe ntontisa i-bilharzia kanye lowesihudo esihlangene lezibungu-I intestinal worms.
Loluhlelo luzabe luqondiswe ebantwaneni abedlula izigidi ezine abaleminyaka esukela kumnyaka kusiya kwelitshumi lanhlanu, abasezikoleni lalabo abangekho ezikolweni laseziqintini zonke zelizwe.
Imikhuhlane yebilaharzia lowesihudo sama worms abezempilakahle bathi ngeminye yemikhuhlane eysitshiyagalombili esikhohlakele okubalisa owamalepero-Leprosy, Ubuphofu- Blinding Trachoma, owokulala sikhathi sonke -sleeping sickness, owokuvuvuka inyawo-Elemphantiasis, Plague, owobhova -Rabbies kanye lowe Anthrax.
Ubunzima obuphathelene lalemikhuhlane bubikwa buyibo osebubangele ukuqonga kodubo kobuyanga kwezinye iziqinti njengoba ibangela ukubuyela muva kwempilakahle yabantwana kuphazamisa indlela abadala abasebenza ngayo.
Ngakho uhulumende uthi injongo yaloluhlelo lwe National MDA kuyikuyiqeda kokuphela limikhuhlane okubalisa olwebilharzia kanye le Interstinal worms kuzo zonke izigaba lapho lubhahe khona.
Loluhlelo oluphawulwa okusemthethweni ngoMvulo mhlaka 28 Mfumfu luzadonsa kuze kuyefika umhla ka 02 Lwezi.
Umsekeli kamphathintambo wezempilakahle uDr Paul Chimedza uveze ukuba limikhuhlane yomibili le ingasanakekelwa kangako elizweni ngezizatho ezimbalwa okubalisa ukusilela kwemali.
Oze emele ummeli we World Health Organisation kuleli kulomhlangano lentathelizindaba owenzelwe emahofisini ogatsha lwezempilakahle e Harare lamuhla,UDr Lincoln Charimari,uveze ukuba kuqakathekile ukwenqabela ukuqhela kwalimikhuhlane ethelelanwayo okubalisa i bilharzias kanye le intestinal worms.
Kuthi unkosikazi Kuda Chimana oyingcwethi kwezokucebisa ngokudla okwakha umzimba enhlanganizweni ye UNICEF utshele umhlangano munye ukuba lokhe iqhela limikhuhlane emazweni angezansi kwezwekazi le Africa okubalisa eleZimbabwe.
Kuqakathekile ke ukuba yenqatshelwe limikhuhlane yomibili ngoba iyingozi enkulu ikakhulu ebantwaneni kutsho uChimana.
Abenhlanganiso ephathisa uzulu wemaphandleni ngokumtholisa ukudla ikakhulu ebantwaneni abe World Vision International bona bebemelwe ngunkosikazi Chido Chitsamba.
U Chitsamba uveze ukuba bakubone kuqakthekile ukuba baphathise ngemithi kanye lokuzatholisa ukudla ngesikhathi kuqhutshwa loluhlelo.
Uhulumende utshele intathelizindaba njalo ukuba abe UNICEF baphathise ngamaphilisi edlula kancane izigidi eziyisitshiyagalombili-8,2 Million tablets ohlobo lwe Praziquantel le Albendazole kuthi abe WHO bona baphathise ngamaphilisi izigidi ezintathu lengxenye- 3,5 million tablets
ohlobo lwe Praziquantel.
Uhlelo lolu lubikwa luzaphawulwa okusemthethweni emkhosini ozakwenzelwa e Tsungubvi Primary School esiqintini se Mazowe esigabeni se Mashonaland West.
Uhulumende weZimbabwe usungule uhlelo lweminyaka emihlanu lokulwisana lokuqedwa kwalemikhuhlane, kusukela nyakenye kusiya ku 2016 ngemva kokuba sekubonakele ukuba lokhe iludubo limikhuhlane elizweni.
Umhlangano walamuhla wokwazisa ngaloluhlelo ungenwe ngabameli bogatsha lwezempilakahle, olwezemfundo ye Primary leSecondary,i WHO, i-UNICEF, i - World Vision International kanye leye World Education/Bantwana. | isiNdebele |
Lanxa umnyaka ubuqalise kulethemba lokuthi uyathi usiyaphela ilizwe selilesisekelo sombuso esitsha, akwenzakalanga lokhu, ngakhoke abesifazana bathi sebekhangelele phambili ukuthi lumnyaka oqalayo ube lereferendamu lokhetho okungela dlakela ngoba nxa kungabanga njalo bayabe bephakathi kwembokodo lelitshe.
Ukulotshwa kwesisekelo esitsha sombuso kuhlangane lembambeko ezinengi, ikakhulu ukudonselana phakathi kwamabandla abumba uhulumende womanyano okwenze kwehlule ukuthi lumsebenzi ugqitshwe lonyaka.
Inengi likazulu selikhangelele ukuthi lumsebenzi uqediswe ekuqaleni komnyaka lapho sokusenziwa ukhetho lokwamukela loba ukwala ukwamukela isisekelo sombuso esitsha olwe referendamu nxa iphathwe kusemasinya ukuze yandulele ingxoxo zokulungiselela ukhetho olukhulu lokudinga umongameli lamalunga edale lephalamende.
Lanxa nje uMongameli Robert Mugabe ubethi ukhangelele ukuthi ukhetho luphathwe kungakapheli inyanga kambimbitho, lokhu kukhanya kungasoze kwenzakale ngenxa yembambeko lezi kodwa ukhetho lulokhu lusakhangelelwe kuwonalo umnyaka ozayo loba kungakacaci ukuthi lokhu kungabanini.
Kwamanye amasiko inombolo u-13 akezi lendaba ezinhle ngoba esaziwa njengenani lamabhadi esabekayo kodwa uNkosikazi Rita Maplanka uthi ukhangelele ukuthi kungaze kwabanjalo Kulumnyaka ikakhulu ngoba ekhangelele ireferendamu lokhetho olulokuthula.
Uthi ukhangelele ukuthi kube lokuhloniphana emphakathini kulumnyaka ozayo lapho kukhankaselwa yiloba yi referendamu kumbe ukhetho.
UNkosikazi Soneni Makamanzi, oyisakhamuzi uthi ukhangelele ukuthi abantu baqhubeke bekhulumisana, bexoxisana ngesisekelo esitsha sombuso, ireferendamu kanye lokhetho kungela othwalela abanye induku.
Uthi kusadingeka ukuthi abantu baqhubeke bekhulumisana ngamaphutha ayizolo baxolelane, izolo lembelwe hatshi ukuthi uzulu abe elokhu eqhubeka engena iminyaka yonke lezikhubekiso zayizolo.
Osebenza ekhangele amalungelo abesifazana, uNkosikazi Belinda Gumbo Ncube, uthi kubeliphutha ukuthi umnyaka uphele isisekelo esitsha sombuso singaphelanga kodwa ugwalo olwethulwa emhlanganweni we Second All-stakeholders Conference lungethulelwa uzulu lungaguqulwanga kuyabe kulungele abesifazana ngoba inengi lezikhalazo zabo ziqukethwe kulolugwalo.
Wengeze esithi kumele kuxoxiswane kabanzi ukuze kwenqatshelwe udlakela ngomnyaka lo ozayo ngoba nxa kuthe kwaliwa abesifazana yibo abayikhotha imbenge yomile.
Unkosazana Sethulo Ncube oligqwetha, uthi ukhangelele ukuthi abesifazana benelise ukuphatheka emihlanganweni lapho okukhulunywa ngezombusazwe ukuthi labo imbono yabo izwakale.
Uthi lapho kuthe kwaba lokungezwani inengi labesifazana lihle lidlalele khatshana kodwa lokhu kuletha ubuyanga elizweni ngoba kungeke kwenziwa izinqumo eziphakamisa isizwe enye ingxenye yaso itshotshobele isesaba ukukhuluma.
Ilizwe leZimbabwe selivame ukuphatha ukhetho olulodlakela olutshiya abanye bethoba amanxeba okulinyazwa kakubi, abanye belahlekelwe yimpefumulo, imizi lempahla, abesifazana bedlwanguliwe njalo omakhelwane bengacuphisani gwayi.
Lanxa kunjalo, i referendamu lokhetho oluzayo kwehlukile ngenxa kahulumende womanyano oselethe ithemba lokuthi mhlawumbe inhlangothi ezisebenzela ukuthula ezinjenge jomic le organ for healing, reconciliation and integration ziyaletha inguquko, abesifazana babelakho ukuya emkhankasweni lekuvoteni kungela kwesaba.
Abesifazana bathi bale themba njalo lokuthi ukusebenzelana kwabo njengabomama enhlanganisweni ezingelani lezombusazwe behlanganiswa ngezokulondolozwa kwamalungelo abo kungakhathelekile ukuthi ngabaliphi ibandla lezombusazwe kuzaphathisa kakhulu ekuthini babe lesibindi sokucintisa labo ezikhundleni zaphezulu njalo basekelane bona ngokwabo.
Ekubhekeni umnyaka ka2012 abesifazana bathi imizamo yokuthi ilizwi labo lizwakale ikhanya ibe ngconywana kuleminye iminyaka ngakhoke sebekhangelele u2013 ukuthi uzaqukatha okungcono kulanyakenye okuzavezwa ngokuziphatha kwabezombusazwe ngesikhathi sokhetho. Inengi lithi selimelele ukuwuggqiba lumnyaka ka2012 ngenjabulo limemeza lithi woza 2013 sikumelele.
UNothando Sibanda usipha loludaba. | isiNdebele |
Umhlangano omkhulu wokuhlolisisa ukwenjiwa kwamadayimana eMarange esabelweni se Manicaland uqalisile ngoMvulo eVictoria Falls.
Inhlanganiso ye Partnership Africa Canada yethule umbiko othi ele Zimbabwe selilahlekelwe yinzuzo engafika kumabillion amabili amadollar - $2 billion yamadayimana.
Umhlangano lo owe Zimbabwe Diamond Conference uvulwe okusemthethweni nguMongameli Robert Mugabe othe izijeziso zenotho azifakelwa ngamazwe entshonalanga labanye bakhe ziyenza kube nzima ukuthi bathengise amadayimana acina ethengwa ngentengo ephansi ngamanye amazwe.
Umnu. Prince Mupazviriho uPermanent Secretary wogatsha lwezemigodi uthe uMongameli Mugabe uthe lokhu kuqhubekela phambili laloba inhlanganiso ye Kimberley Process yavumela ele Zimbabwe ukuthi lithengise amadayimana.
Umhlangano lo ukhangelelwe ukuhlolisisa indlela amadayimana embiwa lokuthengiswa ngayo lokuthi kungenziwani ukuthi inotho yelizwe ithuthukiswe ngemali ephuma emsebenzini wokwenjiwa lokuthengiswa kwamadayimana.
Okwamanje uMnu. Tendai Biti umphathintambo wezemali uthi ayibonakali ukuthi imali etholakala emsebenzini wamadayimana iyangaphi loba nje ecabangela ukuthi abebandla le Zanu PF bayitshayela esikhewini bencedisana leziphathamandla zebutho leZimbabwe.
Ele Zimbabwe belikhangelelwe ukuthola inzuzo yezigidi ezingamakhulu ayisithupha zamadollar eMelika - $600million lonyaka evela kumadayimama.
Abantu abasemhlanganweni lo bavela enhlanganisweni ezigoqela iPartnership Africa Canada lezinye ezizimele zodwa, iKimberley Process, uhulumende we Zimbabwe, iZimbabwe Mining Development Corporation, izinduna lalabo abamele uzulu.
Umnu. Buletsi Nyathi wenhlanganiso ye Zimbabwe Young Mining Council uthi umhlangano lo kawusoze uncede ngalutho ukuvimba ukutshontshwa kwamadayimana eMarange.
Ingxoxo Esiyenze loMnu. Buletsi Nyathi | isiNdebele |
Abenhlanganiso ye Women's Action Group, iWAG, bathi bazasungula umkhankaso woku chaya abafundisi bamabandla esonto ze Pentecoastal asebelomkhuba wokuya emacansini labesifazane kusetshenziswa ilizwi likathixo.
Unkosikazi Masiiwa uthi lokhu kuza ngemva kokuqansa kwenani lemibiko ethi abafundisi badlelezela abesifazane babavale ngebhayibhili bacine besiya emacansini labo.
U Masiiwa uthi okudanisayo yikuba laba bantu baya emacansini kungekho okusetshenziswayo ukuzivikela kumikhuhlane ethelelanwa emacansini efana lengulamakhwa, iaids.
UMasiiwa uthi okunye okudanisayo yikuthi abafundisi besifazane bakhanya besesaba ukuveza ubudlova lobu.
U Masiiwa ukhuthaza abafundisi laba ukuba bengabosebenzisa ilizwi likankulunkulu ukuphatha imisebenzi engalunganga.
UNkosikazi Masiiwa uthi sebelamagama abanye abafundisi abetheswa lelicala kodwa okwamanje kabakenelisi ukuwaveza.
Wengezelele esithi bakhona abafazane abaqungqe isibindi bayadinga uncedo enhlanganisweni yabo.
UNkosikazi Masiiwa uveze njalo ukuba abakade beyandise ukwenza lesi siga ngamaporofiata amabandla esi positori wathi banxunsa uzulu wonke ukuba aphatheke kulemizamo yokulwenqabela loludubo ngoba kuludlakela.
Ngsikhathi sinye omama bakhuthazwa ukuba bangaze bazithulela batsho nxa bengahlangana laloludubo emabandleni abo.
Intathelizindaba yethu u Mavis Gama uhlale phansi lomkhokheli we WAG, uNkosikazi Edna Masiiwa wasethulela loludaba eseHarare.
Udaba Silethulelwa NguMavis Gama | isiNdebele |
I-COPAC Ihluza Ingxaki Kuhlelo LweConstitution
Ikhomithi le izahlangana njalo ngolweSithathu ilolonge loludaba ukwenzela ukuthi idlulisele uhlelo lolu kunkokheli zikahulumende womanyano.
WASHINGTON DC — Ikhomithi entsha eyakhethwa nguhulumende ukuthi iqedise uhlelo lokulotshwa kwesisekelo sombuso esitsha ihlangene ngoLwesibili yahlafuna imicijo embalwa elokhu ingakavunyelwana ngamabandla ezombusazwe ukuthi ingene kugwalo lwesisekelo sombuso esitsha.
Abakade bekulumhlangano batshele iStudio 7 ukuthi imicijo le igoqela uzibuse wezabelo-iDevolution, ukwabiwa komhlabathi, okuphathelane lezemithetho, kanye lokuthi umongameli abe lomsekeli ancintisa elaye kukhetho i-running mate.
UMnu. Eric Matinenga umphathintambo obona ngokulotshwa kutsha kwesisekelo sombuso uthi ikhomithi le izahlangana njalo ngolweSithathu ilolonge loludaba ukwenzela ukuthi idlulisele uhlelo lolu kunkokheli zikahulumende womanyano.
Ngakwelinye icele, uMnu. Alois Dzvairo, umgcinisihlalo wabatsha kunhlanganiso ezimeleyo ebona ngokulotshwa kwesisekelo sombuso eye National Constitutional Assembly utshele uSithandekile Mhlanga weStudio 7 ukuthi I NCA isivumelene ukuthi uhulumende ngabe uyaphumela egcekeni avume ukuthi usehlulekile ukugqiba loluhlelo.
Ingxoxo LoMnu. Alois Dzvairo | isiNdebele |
Tsvangirai: Ukubhalisela Ukuvota Sokuzaqhutshwa yiZEC
Ugatsha lwezemali luthi solutholile izigidi ezilitshumi lantathu zamadola yokuqhuba inhlelo zokulungiselela ukuvota.
WASHINGTON — Inhloko kahulumende uMnu. Morgan Tsvangirai uthi umsebenzi wokubhalisela ukuvota owe voters’ registration usuzaqhutshwa yikhomishini ebona ngenhlelo zokhetho eye Zimbabwe Electoral Commission i-ZEC, hatshi ihofisi kamsitheli ekaRegistrar General njengalokhu obekusenzakala.
UTsvangirai ukhulume lamazwi lentathelizindaba eHarare ngolweSine, ngemva komhlangano wokuhluza loludaba leziphathamandla ze- ZEC, ezengatsha zikahulumende ezibona ngezemali, ezibona ngokulotshwa kwesisekelo sombuso esitsha, okwenzakala elizweni, kanye logatsha lwezemithetho.
Ekhuluma emhlanganweni ofanayo, uNkosikazi Joyce Kazembe, isiphathamandla se-ZEC, uthe inhlanganiso yakhe isizimisele ukuqalisa umsebenzi. Ugatsha lwezemali lutshele lumhlangano ukuthi soluyitholile imali engaba yizigidi ezilitshumi lantathu zamadola yokuqhuba uhlelo lokubhalisela ukuvota kanye lokufundisa abantu ngaloluhlelo.
Inhloko kahulumende yiyo eyaphiwa umthwalo kuhulumende womanyano wokukhokhela inhlelo zokulungiselela ukhetho.
Ukuze sihlaziye loludaba, uSithandekile Mhlanga weStudio 7 uxoxe loMnu. Thabani Nyoni, umqondisi wenhlanganiso ye Bulawayo Agenda,njalo eyisiphathamandla se Crisis in Zimbabwe Coalition, endawonye loMnu. Rejoice Ngwenya, ingcwethi ecubungula ezombusazwe.
UNyoni usungule lingxoxo ngokugcizelela ukuthi kwamanye amazwe zinhlanganiso ezinjenge ZEC ezivele zikhokhela lumsebenzi zincediswa nguhulumende.
Ingxoxo LoMnu. Rejoice Ngwenya Endawonye LoMnu. Thabani Nyoni | isiNdebele |
Ikomidi yePhalamende Ithi Imali yeDIMAF Kayabelwe Izigaba Zonke Zelizwe
Lanxa amalunga ekhomidi ebona ngezemali ephalamende evumelana ngodaba lwe CDF, imbono iyehlukana kudaba lwe DIMAF
WASHINGTON — Ikhomithi yedale lephalamende ebona ngokwabiwa kwemali elizweni eye Finance and Budget ithi kuqakathekile ukuthi uhulumende abeke eceleni imali yokuthuthukisa izigaba eye Constituency Development Fund minyaka yonke.
Umgcinisihlalo walikhomithi uMnu. Paddy Zhanda utshele lelidale ukuthi kuyadanisa ukuba imali le ayabelwanga amalunga edale lephalamende eminyakeni embili edluleyo, lanxa yayihleliwe kubudget.
UZhanda uthi lanxa amalunga edale alihlekana angayisebenzisanga kuhle limali, inengi liqhube inhlelo ezincedisa abantu ezigabeni zabo.
Uqhubeke ethi isikhwama sokuvuselela amafekithali ese Distressed Industries and Marginalised Areas Fund, i-DIMAF akumelanga iphiwe idolobho lakoBulawayo kuphela ngoba zonke izigaba zelizwe zilohlupho olufanayo.
UNkosikazi Dorcas Sibanda, okukhomidi le, utshele uSithandekile Mhlanga weStudio 7 ukuthi lanxa amalunga evumelana ngodaba lwe CDF, imbono iyehlukana kudaba lwe DIMAF.
Ingxoxo LoNkosikazi Dorcas Sibanda | isiNdebele |
Imisakazo Isizasetshenziswa Ukwethula Izifundo Ezikolo
Lolu Hlelo olwaziswe ngumpathintambo wezemfundo uMnu David Coltart luzasebenzisa imisakazo yeradio labomabonakude ukwethula izifundo.
WASHINGTON — Umphathintambo wezemfundo uMnu. David Coltart uthi ugatsha lwakhe solusungula uhlelo lwemisakazweni yamachacho lakubomabonakude oluzasetshenziswa ezifundweni ezikolo, ikakhulu ezisemaphandleni.
Embikweni asanda kuwethula, uColtart uthi isigodlo sohlelo lolu, olusekelwa yinkampani yeGermany, sizakuba se Education Training Centre eMt. Pleasant eHarare, njalo lindawo isilungiselelwe loluhlelo.
Uhlelo olufanayo lwalukhona emisakazweni yamachacho kuphela,njalo lwamiswa ilizwe lisanda kuthola uzibuse. Kuzasakazwa okuphathelane lemfundo ngemitshina egoqela amakhomputha asebenzisa amandla elanga awesolar energy ezikolo zemaphandleni.
UMnu. Decent Bajila, umgcinisihlalo wabatsha kubandla le MDC elikhokhelwa nguMnu. Welshman Ncube utshele uSithandekile Mhlanga weStudio 7 ukuthi uhlelo lolu luzaphathisa ukuthuthukisa imfundo elizweni.
Ingxoxo LoMnu. Decent Bajila | isiNdebele |
Inengi Labantwana Lixotshwa Ezikolo Ngenxa Yokungabhadali
UMnu. David Coltart uthi kunzima ukuthi izikolo zingaxotshi abantwana abangabhadalanga amalevi ngoba zifuna imali yokusebenzisa.
WASHINGTON — Abantwana besikolo abanengi baxotshiwe esikolo ngolweSithathu ngenxa yokungabhadali imbadalo yesikolo eyama school fees lanxa uhulumende engavumeli ukuthi baxotshwe nxa bengabhabhadalanga.
Kodwa abanye abaphathisikolo abakhulume leStudio Seven bathi kuxotsha kuphela labo abafunda bengabhadalanga imali zama levi hatshi ama fees.
Umphathintambo wezemfundo uMnu. David Coltart utshele iStudio Seven ukuthi kunzima ukuthi izikolo zingaxotshi abantwana abangabhadalanga amalevi ngoba zifuna imali yokusebenzisa. Ungezelele wathi kufanele abaphathisikolo babe lesineke bakhulumisane labazali abantwana bengakaxotshwa esikolo.
Isikhulumeli senhlanganiso ye Bulawayo United Progressive Residents’ Association UMnu. Roderick Fayayo utshele uChris Gande weStudio Seven ukuthi banengi kakhulu abantwana asebexotshwe esikolo.
Ingxoxo LoMnu. Roderick Fayayo
Kusenjalo, abanye ababalisi abasanda ukuqeqetshela ukufundisa emakolitshini bathi lokhu bengakatholi umsebenzi lokhu izikolo zivuliwe njalo bacabangela ukuthi abaphathi bezikolo baziqhatshela ababalisi abangaqeqetshenga ngemva kokufunjathiswa.
Umkhokheli wenhlanganiso elwela amalungelo ababalisi eye Progressive Teachers' Union of Zimbabwe uMnu. Takavafira Zhou utshele iStudio 7 ukuthi inhlanganiso yakhe isithole imbiko efanayo ezigabeni ezigoqela i Gweru, i Masvingo, kanye lakoBulawayo njalo isadingisisa ngaloludaba ingakakhulumi logatsha lukahulumende olwezemfundo.
Omunye wababalisi ongakatholi umsebenzi ngemva kokuqeqetsha ekolitshini le Hillside Teachers' College koBulawayo, okhethe ukubizwa ngokuthi nguTakunda kuphela utshele uSithandekile Mhlanga weStudio 7 ukuthi yena labanye bakhe obekufanele bafundise eGokwe South sebephelelwe ngumphako.
Ingxoxo LoTakunda | isiNdebele |
Okuphathelane le Voice of America-VOA:
Umsakazo we Voice of America, oqale ukuya emoyeni ngomnyaka ka 1942, ngumsakazo osakaza ngendlela ezinengi nengi zakulezi nsuku ezigoqela iradio itelevision lebulenjini, emhlabeni jikelele njalo uphathiswa ngemali nguhulumende weMelika phansi kweboard ye Broadcasting Board of Governors. IVOA isakaza okwamahola angaba yinkulungwane ele ngxenye - 1,500 isakaza izindaba, ulwazi ngokuphila kwabantu emhlabeni jikelele, imfundiso, inhlelo zamasiko atshiyeneyo, maviki wonke, nsuku zonke kubalaleli abasemhlabeni jikelele abangaba yizigidi ezilikhulu lamatshumi amabili lanhlanu - 125 million.
Okuphathelane le Studio 7 Ndebele:
IStudio 7 Ndebele ye Voice of America isakaza ngolimi lwesiNdebele ise Washington DC eMelika, ikwethulela izindaba eziphathelane lokwenzakala eZimbabwe, ezimqotho njalo zisanda kwenzakala. IStudio 7 Ndebele iqale ukusakaza ngomnyaka ka2003, yakhwaza lazwakala ilizwi eZimbabwe lemazweni angomakhelwane. Uhlelo lwethu luphuma emoyeni nsuku zonke lusethula indaba ezitshiyeneyo. Kusukela ngoMvulo kusiya ngolweSine sisakaza okwemizuzu engamatshumi amathathu. Kusukela ngolweSihlanu kusiya ngeSonto uhlelo lwethu luyimizuzu engamatshumi amabili.
Siphatha indaba zezombusazwe, ezamasiko, ezempilakahle, ezokuzilibazisa, ezemidlalo, ezamalungelo kazulu lokunye okunengi okuphathelane lenhlalakahle kazulu weZimbabwe. Lilakho ukusithola njalo ebulenjini ikakhulu labo abahlala kwamanye amazwe. IStudio 7 Ndebele luhlelo ongalwethemba ukukwethulela indaba ezimqotho ngolimi lwesiNdebele, oluphethwe yizizalwane zeZimbabwe. | isiNdebele |
IMDC-T Isungula Uhlelo Lokuqinisa Umnotho Welizwe
UMnu. Tsvangirai usole uhlelo lukahulumende olwe indigenization esithi aluthuthukisi inengi labantu elizweni.
WASHINGTON — Icele le MDC elikhokhelwa nguMnu. Morgan Tsvangirai lisungule uhlelo ngoLwesine eHarare lokuqinisa umnotho welizwe kanye lokubumba imisebenzi edlula isigidi esisodwa phakathi kweminyaka emihlanu elandelayo.
Uhlelo lolu lwaziwa ngokuthi yi JUICE amabala amele ukuthi Jobs, Upliftment, Investment, Capital, leEnvironment.
Ekhuluma kulumkhosi, uTsvangirai uthe eleZimbabwe lizakwenza kube lula ukuthi amanye amazwe aqhube amabhizimusi elizweni njalo liphe imvuzo amankampani azabumba imisebenzi lanxa umthwalo lo ungasoze ube lula.
UTsvangirai uphinde wasola uhlelo lukahulumende olweIndigenization esithi aluthuthukisi inengi labantu elizweni.
Ekhuluma emkhosini ofanayo, unobhala jikelele walelibandla, uMnu. Tendai Biti ugcizelele ukuthi , kuqakathekile ukuqinisa umnotho ezigabeni zonke zelizwe.
Isiphathamandla sogatsha lwabatsha kulelibandla uMnu. Promise Mkhwananzi utshele uSithandekile Mhlanga weStudio 7 ukuthi kuqakathekile ukuthi kubunjwe imisebenzi elizweni.
Ingxoxo LoMnu. Promise Mkhwananzi | isiNdebele |
Umhlangano lo wenziwa kulokufuthelana phakathi kwamalunga alelibandla kulandela imbiko kaMnu. Elton Mangoma, owayengumsekeli kamgciningcebo owathi uTsvangirai sekumele ayeziphumulela
UMnumzana Sengezo Tshabangu uthi lokhe engumgcinisihlalo waleso sigaba laloba abanye besithi osekhokhela ngumnumzana Tembinkosi Sibindi
Amabandla aphikisayo angena kukhetho olwedlileyo eledlabuzane enakana ukuthi azanqoba iZanu PF, kodwa kwaba lokukhala okukhulu lapho sinqobile iZanu PF
Amapholisa acubungula udaba luka Oscar Pistorius, owetheswa icala lokubulala intombazana yakhe, u Reeva Steenkamp,athwaliswe nzima ngokwehluleka ukwenza umsbenzi ngokuqotho.
Umculi weZimbabwe womdumo weRhumba okweleSouth Africa odume ngelithi DK, wethule idlalade lakhe elitsha elithi "Umkhwenyana Seyendile komamazala"
Umkhokheli weMDC-T umnumzana Morgan Tsvangirai wamukele ngenjabulu ukubuyela kukaSikhala lomnumzana Joubert Mudzumwe obekuMDC ekaMutambara | isiNdebele |
BULAWAYO — UNothando Sibanda intathelizindaba yeStudio 7 ekoBulawayo ubika ukuba sokwedlule iminyaka eyisikhombisa amazwe angezansi kwezwekazi leAfrica avumelana ukulinganisa amathuba abesifazana edale lephalamende, ukuze inani labo lilingane lelabesilisa kube yi 50/50. Kodwa inhlanganiso yeGender Links ithi amazwe la, agoqela iZimbabwe, akasoze akwenelise lokhu kusiya fika umnyaka ka 2015.
Amazwe la avumelana ngomnyaka ka 2005 ukuthi lokhu kulinganiswa kwamathuba kunhlangothi zonke zempilo ezithatha izinqumo ezimqoka kube sokwenziwe lapho kusiya fika umnyaka ka2015. Inhlanganiso ye Gender Links ithi kuyadanisa ukubona ukuba isimo siqhubeka sisiba sibi ngamandla endaweni yokuthi kube lenguquko.
Inhlanganiso le ithi nxa icubungula izehlakalo emazweni la, kuvela ukuba amazwe amane asemuhlubulweni lo owezansi yezwekazi leAfrica, yiwo kuphela azenelisa ukufikisa inani lamatshumi amane ekhulwini-40% labesifazana kunkokheli kwezombusazwe. Okulinani eliphansi kwesilinganiso sokungamatshumi amahlanu ekhulwini-50% elidingekayo. | isiNdebele |
Umphathintambo wezemfundo uMnu. David Coltart uthi ugatsha lwezemfundo soluphiwe izigidi eziyisitshiyagalolunye zamadollar- $9 million zinhlanganiso ezizimeleyo zemazweni yokubhala ingwalo zezikolo ngendimi zabantu abalutshwane eZimbabwe.
Umnu. Coltart, owethule umbiko lo ebulenjini kuFacebook, uthi imali le izabe isesikhwameni sohlelo lokuvuselela imfundo ese Education Transition Fund – esabunjwa kusungulwa uhulumende womanyano ngomnyaka ka 2009.
Uthe kusobala ukuthi akulangwalo zokubala ezikolo zabantwana abakhuluma iSiTonga, iSiVenda, iSiShangani, iSiXhosa, iSiKalanga lezinye.
UMnu. Coltart uthe kukhanya njalo ukuthi ingwalo zeSiNdebele leSiShona lazo ziyasilela.
Uthi abalobi abafuna ukubhala ingwalo zezikolo kumele bakhulumisane lohlangothi lwe Curriculum Development Unit eHarare.
Izikolo okwamanje zifundisa iSiNdebele leSiSshona kuze kuyefika emakolitshini aphezulu kuthi-ke ezinye indimi ziphelela kusibanga esiphansi sezemfundo.
Umnu. Difa Dube wenhlanganiso ye Kalanga Language Development Committee uthi okwenziwa lugatsha lwezemfundo kuzakwenza ukuthi indimi zabantu abalutshwane zithuthuke. | isiNdebele |
Ingcwethi kwezempilakahle ziveza ukuba liqansile inani labahlaselwe yimikhuhlane ebangelwa yikunatha amanzi angcolileyo okubalisa isihudo se cholera le typhoid. Zithi njalo lanxa loludubo selunganeno lubangwe ngamandla ludubo lokuswelakala kwamanzi ahlanzekileyo emadolobheni lemphandleni elizweni.
Uzulu yena ukhala ngenkokheli zikamanisipala eziphatheke empini zombusazwe kulokuthi zisebenzele abantu abazibeka kulezo zikhundla. Kulilungelo lakhe wonke umuntu ukutholiswa amanzi ahlanzekileyo. Kodwa kwele Zimbabwe ikakhulu koBulawayo leHarare akunjalo. Balutshwana abawatholayo amanzi. Kuthi lanxa etholakala kungamanzi alengcekeza engamlungelanga umuntu ukuba awanathe.
Lokhu sekubangele ukuqhamuka kwemikhuhlane yemihlobo yonke yesihudo. Isibhahile limikhuhlane lanxa abezempilakahle beveza ukuba ibingavamanga eminyakeni edlule. Bayakugcizelela ukuthi kumqoka ukutholisa uzulu amanzi ahlanzekileyo sikhathi sonke.
Kubika intathelizindaba yeStudio 7 uMavis Gama osethulela lolu daba eseHarare.
Udaba luka Mavis Gama lwamanzi angcolileyo abangela isihudo | isiNdebele |
HARARE LEWASHINGTON DC
— Idale le Senate lamukele ugwalo oluzaba yisisekelo sombuso esitsha olweDraft Constitution ngolweSine kungela kuphikisana ngemva kokwamukelwa kwalo lidale leHouse of Assembly ngolweSithathu.
Ngemva kokuhluzwa ngokugcweleyo kombiko wekhomidi ebiloba isisekelo sombuso esitsha eyeCOPAC lidale lephalamende ngolweSithathu, ele Senate lenelise ukwamukela kungela kuphikisana isisekelo lesi ngelanga elilandelayo langolweSine.
Kubika intathelizindaba yeStudio 7 uMark Peter Nthambe osethulela lolu daba eseHarare.
Intathelizindaba yethu u Mark Peter Nthambe usethulela loludaba.
Udaba Silethulelwa Ngu Mark Peter Nthambe
Kunjalo ikhomidi yedale lephlamende ebona ngokulotshwa kutsha kwesisekelo sombuso welizwe, iCOPAC ithi isithole izigidi phose ezine zamadollar-$3,6 million, ebikwa ithenjiswe zinhlanganiso eziphathisa ngoncedo lwemali kanye lakuhulumende.
Imali le izasetshenziswa kunhlelo zokwazisa uzulu okumunyethwe lugwalo olukhangelelwe ukuba yisisekelo sombuso esitsha olweDraft Constitution.
Ingcwethi ecubungula ezombusazwe njalo engunobhala obona ngokuqoqwa kwenhlelo zebandla leMDC elikhokhelwa nguMnu. Welshman Ncube, uMnu. Qhubani Moyo utshele uChris Gande weStudio 7 ukuthi uyasithakazelela lesi sehlakalo.
Ingxoxo loMnu. Qhubani Moyo | isiNdebele |
WASHINGTON DC
— Uhulumende uthi semise uhlelo lokuthatha amapulazi abalimi abamhlophe avikelwe yizivumelwano iZimbabwe eyazilobelana lamanye amazwe ezamaBilateral Investment Promotion and Protection Agreements.
Umphathintambo obona ngezomhlabathi lokuhlaliswa kutsha kwabantu uMnu Hebert Murerwa uthi uhulumende uyakuvuma ukuthi ulezikwelede zabalimi abathathela amapulazi kungelambadala eminyakeni esanda kwedlula.
Ngalokho, uthi uhulumende uphakathi kokudinga imali ukuthi ahlawule abalimi laba.
UMongameli Robert Mugabe ubehlezi esithi uhulumende kasoze ahlawulele amapulazi la.
Kulabalimi beNetherlands abangamatshumi amane abathathelwa amapulazi abo bahamba edale leInternational Court for Settlement of Investment Disputes kuminyaka edluleyo becela ukuthi lumthethwandaba ubambe uhulumende ngamandla ukuthi ubahlawule.
Lelidale lavumela isicelo sabo, njalo uhulumende uthi uyavuma ukuthi uyabakweleda izigidi lezigidi zemali.
Kodwa ingcwethi kwezombusazwe uMnu Nkululeko Sibanda uthi kaboni uhulumende eyithola limali.
Ingxoxo LoMnu Nkululeko Sibanda | isiNdebele |
WASHINGTON DC — Lanxa ikomishini yezokhetho iZimbabwe Electoral Commission isole uhulumende ngokwehluleka ukuyipha imali yokuqala uhlelo lokubhalisa abalelungelo lokuvota, sokuvele ukuthi iZEC yiyo eyaphambanisayo ngoba iphe uhulumende uluhlu lwendleko zayo sokusele ilanga elilodwa kuphela ukuthi iqalise umsebenzi.
Iwofisi yenhloko kahulumende uMnu Morgan Tsvangirai yiyo ephiwe umlandu wokulungiselela ukhetho lonyaka isebenzelana leZEC.
Ikomishini le ibimele iqale ukubhalisa abantu mhlaka 3 kulinyanga, kodwa iwofisi kaTsvangirai ithi yamukele indleko yeZEC mhlaka 2.
Ngalokho, bekungeneliseki ukuthi iwofisi le ikhulumisane lohulumende ikhitshwe imali sokusele ilanga elilodwa kuphela.
Umphathintambo wezemithetho uMnu Patrick Chinamasa ekhuluma ngeviki edluleyo, usole uTsvangirai ngokwehluleka ukutholisa iZEC imali.
Umsekeli kamgcinisihlalo walikomishini uNkosikazi Joyce Kazembe laye utshele iStudio 7 ngeviki edluleyo ukuthi behluleke ukuqala umsebenzi ngoba uhulumende engabaphanga mali.
Kodwa isikhulumeli sikaTsvangirai uMnu William Bango uthi iZEC yiyo eyaphambanisayo ngoba ingaphumanga loluhlu lwendleko zayo kusalesikhathi.
IZEC ithi idinga izigidi ezingamatshumi amabili lanye $21 million ukubhalisa abalelungelo lokuvota kanye lokuqhuba ukhetho. | isiNdebele |
BULAWAYO
—
Inkokheli zikazulu kanye lezombusazwe enhla lezansi yeMandebeleni zithi ububi bemigwaqo yemaphandleni sebengeze indlala phakathi kwabantu ngokwenza kubenzima ukuthuthela uncedo ezigabeni ezingafikeki lula njengoba abanini bamaloli ahambisa ukudla besala ukuthi izimota zabo zihambe ngemigwaqo engamagodi.
Uzulu wemaphandleni ezigabeni zeMandebeleni uphakathi kwendlala enzima esatshelwa ukuthi izakhula kuze kufike isikhathi sokuvuna somnyaka ozayo. Kodwa lakhona alikho ithemba lokuthi abantu bazasinda ngoba kuze kube namhlanje abalimi basakhangele isibhakabhaka bethandazela ukuthi line izulu elingabapha ithemba lokuthi indlala izaphela ngomnyaka ozayo.
Kusalindelwe izulu, ezinye izinhlanganiso ezipha usizo zibikwa seziqalile ukubhalisa abantu abadinga uncedo kwezinye izigaba lapha kwelikamthwakazi zikhangelele ukuqala inhlelo zokupha usizo ngoZibandlela womnyaka ozayo. Kodwa phakathi kwendlala engaka, bakhona abasezigabeni esezivakatshelwe yizikhulu ezithile zabamabandla ezombusazwe asethethe indlala ayenza ithuba lokuthenga usekelo ngaphambi kokhetho lomnyaka ozayo abakhomba ngophakathi njengoba baphiwa okwedlula inswelo zabo.
Kubika intathelizindaba yeStudio 7 uThabanga Mathebula osethulela lolu daba esezansi yeMandebeleni.
Udaba lukaThabang Mathebula lomubi bemigwaqo eMandebeleni | isiNdebele |
HARARE
— Ibandla le ZANU PF lithi alisoke lamukele inguquko kundlela ingatsha zezomvikela ezisebenza ngayo njalo ukhetho luyakwenziwa eZimbabwe lonyaka lanxa kulabanye abadinga ukuthi kube lenguquko kusisekelo sombuso andubana luqutshwe.
Embikweni owethulwe emhlanganweni lenthathelizindaba oqoqwe ngabe Media Centre eHarare ngolweSihlanu abe ZANU PF bathi eleZimbabwe lizaqhuba ukhetho lonyaka laloba abanye abantu befuna noma bengafuni njalo kungela nguquko kwezomvikela efunwa ngabanye ukuba ibekhona andubana ukhetho lwenziwe.
AbeZANU PF bamangalise abanengi ngokuthi alijabuli lelobandla ngomumo wamalunga eZEC ngoba kugcwele abasekeli bamabandla aphikisayo kungela ngitsho lamalunga alo.
Kubika intathelizindaba yeStudio 7 uMark Peter Nthambe osethulela loludaba eseHarare.
Udaba lukaMark Nthabe lwenkulumo ephathelane leZEC | isiNdebele |
WASHINGTON DC
— Isisekelo sombuso welizwe esitsha sikubeka sobala ukuthi umuntu ubizwa ngokuthi yisizalwane se Zimbabwe nxa ezalelwe kulelo lizwe kumbe njalo elomzali oyisizalwane se Zimbabwe ohlala emazweni.
Kuzoba labanye abathola ilungelo lokuba yisizalwane se Zimbabwe ngokubhalela kugatsha lukahulumende olubona ngokwenzakala elizweni.
Abantwana abazalwa yizizalwane ze Zimbabwe ezisebenzela uhulumende lalabo abasebenzela inhlanganiso zomhlaba, balelungelo lokuthiwa yizizalwane zeZimbabwe.
Isisekelo lesi siyatsho njalo ukuthi idale le phalamende kumele lethule umthetho wokuthi abantu bokuza njalo labantwana abazalwa yizizalwane ze Zimbabwe ezisemazweni ezingasebenzeli uhulumende lenhlanganiso zomhlaba, baphiwe ilungelo lokuthola iDual Citizenship.
Ingcwethi zemithetho yokungena lokuphuma kwabantu emazweni zithi isisekelo lesi kumele sinike wonke umuntu oseyisizalwane seZimbabwe imvumo yokuba leDual Citizenship.
Umnu. Kucaca Phulu igqwetha elibona ngezamalungelo oluntu uthi isisekelo lesi simumethe okungcono kwezelungelo lokuba yisizalwane se Zimbabwe kulalokho okwakukusisekelo sombuso eseLancaster House Constitution.
Kodwa-ke uMnu. Nkululeko Sibanda ingcwethi kwezombusazwe ose Huddersfield University eLondon uthi bekumele ukuthi isisekelo lesi sijule kakhulu ngeDual Citizenship.
Ingxoxo Esiyenze Umnu. Kucaca Phulu LoMnu. Nkululeko Dube | isiNdebele |
WASHINGTON DC
— Umhlangano omkhulu wabakumsebenzi wokwenjiwa lokuthengiswa kwamadayimana owe Kimberley Process uqalise ngoLwesibili eWashington DC eMelika.
Lumhlangano ungenwa yiziphathamandla zikahulumende we Zimbabwe ezikhangelelwe ukuvimba ngamandla imizamo yokuguqulwa kwendlela okubizwa ngayo amadayimana.
Amazwe asentshonalanga afuna ukuthi ukwenjiwa kwamadayimana kwenziwe kuhlonitshwa ilungelo loluntu.
Okwamanje amadayimana abizwa ngegama lempi zomvukela ezisemazweni ambalwa lokuthi ngama Conflict Diamonds.
Umnu. Obert Mpofu umpathintambo wezemigodi labanye bakhe abasemhlanganweni lo bakhangelelwe ukwala ukuthi lokhu kwenzakale njengoba ele Zimbabwe lisaziwa ngokuhlukuluza uzulu.
UMpofu walile ukukhuluma ngomhlangano lo esithi uzakwethula umbiko oqakathekileyo ngoLwesihlanu.
Kodwa-ke abanye ahamba labo abagoqela uMnu. Tafadzwa Musarara wenhlanganiso ezimeleyo eye Resources Exploration Watch uthi kungeke kwenzakale ukuthi umhlangano lo uphume lezinqumo zokuthi ukwenjiwa kwamadayimana kuhambelane lokulondolozwa kwelungelo loluntu.
UMusarara uthe ele Zimbabwe lizavimba amazwe anjenge Melika azama ukuguqula indlela ekhangelwa ngayo amadayimana emhlabeni jikelele.
Umnu. Farai Maguwu wenhlanganiso ye Center for Natural Resources Management uthi kumele inhlanganiso ezizimeleyo ziqhubeke ngokuhlolisisa okwenzakala lapho okwenjiwa khona amadayimana kungela kwesaba.
Umnu. Maguwu uthe kaboni ukuthi kuzaba lokuvumelana emhlanganweni lo okwamanje ngoba ukwenjiwa kwamadayimana kumele kuhambelane lelungelo loluntu njengoba amanye amazwe eAfrica lempumalanga engavumelani lakho.
Umnu. Dan Moyo umgcinisihlalo webandla le Movement for Democratic Change eMelika elikhokhelwa nguMnu. Morgan Tsvangirai uthi kumele amazwe omhlaba azame ngamandla ukuthi kuhlolisiswe indlela zokwenjiwa kanye lokuthengwa lokuthengiswa kwamadayimana eZimbabwe lakwamanye amazwe.
Ingxoxo Esiyenze LoMnu. Dan Moyo
Abazakhuluma emhlanganweni lo ophela ngoLwesihlanu, bagoqela umsekeli kanobhala wezenotho kwele Melika uMnu Jose Fernandez, umgcinisihlalo we Kimberley Process uAmbassadoe Gillian Milovanovic lomsekeli wakhe uNkosikazi Susan Shabangu we South Africa, umqondisi we World Diamond Council uMnu. Eli Iizhakoff leziphathamandla zenhlanganiso ezizimeleyo. | isiNdebele |
Abalimi abasebenzela ensimini enkulu yokuthelezela e-Insiza eye Silalatshani bathi ingavalwa noma nini leyonsimu ngoba idamu labo aliselamanzi kukanti labo balezikwelede ezesabekayo zenkampani kahulumende yamanzi eye Zimbabwe National Water Authority kanye leyamandla kagesi eye Zesa.
Luyabe lungaphelele uluhlu lwamagama ezinsimu ezinkulu zokuthelezela ezansi kweMandebeleni uma ingekho insimu yase Silalatshani etholakala ezansi kwesiqinti sako Godlwayo. Uzulu wakoGodlwayo kanye labanye abavela kwezinye izigaba zeMandebeleni ubelima adle asuthe aze athengisele isivuno kwezinye izigaba zelizwe.
Kodwa abalimi abakule insimu bathi sekusele igama nje kuphela ngoba isivuno esihle linsimu ebisidume ngaso eminyakeni edluleyo asisekho njalo ingavalwa ngemva kwamaviki ayisithupha ngoba ikhangelane lendubo ezinengi ezenza abalimi behluleke ukusebenza kanti njalo isiphelelwe ngamanzi okuthelezela.
Abalimi beSilalatshani, bona abangaphezu kwekhulu, babikwa bebhekane njalo lodubo olukhulu lokuswela izinto zokulimisa ezibalisela inhlanyelo, imvundiso lokunye okunjalo. Bakhala ngokuthi minyaka yonke uhulumende uyehluleka ukubatholisa izinto zokulima kanti njalo kulobuqili obunengi obenza ukuthi abalimi abaqotho bacine bengatholanga lutho uma kuke kwabakhona usizo oluvela kuhulumende.
Kubika intathelizindaba yeStudio 7 uThabang Mathebula ekoBulawayo.
Udaba lukaThabang Mathebula olweIrrigation | isiNdebele |
WASHINGTON DC
— Inkampani ebona ngokusetshenziswa kwemali kahulumende lakumankampani iKPMG ithi ubusela obumangalisayo bugcwele kwele Zimbabwe , eSouth Africa, Nigeria leKenya.
Inkampani le, eyethule umbiko we Afro-Fraud Barometer, ithi amazwe la alahlekelwe ngamabillion amabili amadollar-$2 billion, ngenxa yobusela kusukela ngoZibandlela kusiyafika uNhlangula lonyaka.
Kwele Zimbabwe ithi imbangela enkulu yikusetshenziswa kwamadollar eMelika, ama Rand eSouth Africa lemali yamanye amazwe.
Inkampani ye KPMG ithi abantu ababesenza imali enengi ngesikhathi kusasetshenziswa idollar le Zimbabwe balahlekelwe sokusetshenziswa imali yamanye amazwe.
Ngakho-ke laba bantu baqalisa ukudinga amaqhinga angekho emthethweni okuthola imali yokuthi baphile impilo yabanothileyo.
Ithi kuvamile njalo ukuthi abaphethe ingatsha zikahulumende bafumbathiswe nxa kudingwa abantu bokwenza imsebenzi etshiyeneyo kahulumende.
Iphinde yathi kulamankampani amanengi azenza amabhanga athwalise nzima abantu makhaza ngokufuna ukubhadalwa izikwelede sezile nzalo eqongileyo.
IKPMG ithe zinengi indlela amankampani, iziphathamandla zikahulumende, amapholisa labantu makhaza abathola imali ngendlela ezingekho emthethweni eziyenza ukuthi ilizwe lilahlekelwe yimali yokuthuthukisa umnotho.
Ukuze sihlaziye udaba sixoxe loMnu. Thabani Nyoni umqondisi we Bulawayo Agenda loMnu. Nkululeko Sibanda ofundisa ekolitshini le Huddersfied University eBhilithane abathe ubusela lokufumbathiswa kwele Zimbabwe sokudlulisa amalawulo.
Ingxoxo Esiyenze LoMnu. Thabani Nyoni LoMnu. Nkululeko Sibanda | isiNdebele |
BULAWAYO — Izakhamizi sezikhuthazwe ukuyanika igazi ukuze labo abayabe behlelwe zingozi zomgwaqo njengoba ikhefu leKhisimusi selisondele babelakho ukusizakala njengoba nje seliqalile ukuqonga inani lengozi ezehlayo. Abantu abalitshumi lanye babikwa befile ngempelaviki emigwaqweni egombolozele idolobho lakoBulawayo.
Ibhanga eligcina igazi, ele National Blood Service Zimbabwe, lithi isiqale umnkhankaso wokudinga igazi eliyisilinganiso senkulungwane ezine zama units-4 000 units lilungiselela ikhefu leKhisimusi elivame ukuba lengozi zomgwaqo ezinengi.
I NBSZ ithi ikhangelele ukuthi abadala kanye labontanga basukumele phezulu ukuzaphathisa kulumkhankaso ukuze igazi lingasileli ezibhedlela.
Inyanga kaMpalakazi ihle yaqala ngengozi zomgwaqo ezinengi ezitshiye itshumi lanye labantu lilahlekelwe yimpilo ngempelaviki eyodwa nje.
Amapholisa akoBulawayo abike ngemfa yabantu abathathu besuka koBulawayo bengakafiki e Gweru. Kwafa abayisithupha engozini yebhasi ye Pathfinder lelori ngoMgqibelo e Lochard, kwafa njalo abathathu Esigodini ngeSonto.
Ingozi lezi zitshiye amatshumi abantu elimele edinga usizo olugoqela igazi, ezibhedlela ezitshiyeneyo.
Osakhulayo, uNkosazana Amanda Ndlovu, uthi uyafisa ukupha igazi kodwa kavamanga ukuzwa ukuthi lumkhankaso wenzelwa ngaphi njalo ngobani abalakho ukupha igazi.
Okhangela ukuhanjiswa kwenhlelo ze NBSZ, uNkosikazi Esther Massundah, uthi bayakhankasa kabanzi bezama ukukhuthaza uzulu ukuthi azephathisa ekupheni igazi.
Uthi kuvamile ukuthi minyaka yonke ngekhefu leKhisimusi kudingakale igazi elinengi kungakho bekhuthaza ukuthi abadala kanye labantwana besikolo beze ukuzaphathisa.
Uthi ezikhathini zonke kumele i-NBSZ ibe legazi elingangmaunits azinkulungwane ezimbili lengxenye-2 500 units kodwa nxa kusiya kukhefu leKhisimusi badinga inkulungwane ezine.
UMnumzana Gerald Mpofu, oyisakhamuzi, uthi kuqakathekile ukuthi abantu baphatheke kuhlelo lokunikeza igazi kodwa inengi labantu ikakhulu asebekhulile bathikaza ngenxa yokungabi leqiniso ngesimo sabo ukuthi balegcikwane lengculaza kumbe hatshi.
Uthi lokhu kwenza abantu besabele khatshana abanye kungabesaba umnyama ongelampisi.
Isakhamuzi njalo, uMnumzana Bhekimpilo Bhunu, uthi inengi labantu alinanzeleli ukuqakatheka kwegazi ezibhedlela baze bazithole sebekusimo esibi kumbe belesihlobo esehlelwe yingozi yomgwaqo igazi lingasekho.
Uthi ikhefu liqala nje bekungaba kuhle ukuthi uzulu asukumele phezulu ayekupha igazi kungakabi lomonakalo ngoba ungabengisazi kancedi nxa esechithekile angeke abe esabuthwa.
U Bhunu uqhubeke esithi ezikhathini ezinengi abantwana besikolo yibo abapha igazi kodwa kuqakathekile ukuthi labadala baphatheke kwezempilakahle, ikakhulu njengoba kuyibo abavame ukudinga ukuphathiswa ngegazi ngemva kokwehlelwa zingozi emgwaqweni.
Inani legazi elatholakala kuzulu lakhwela livela ku phose inkulungwane ezingamatshumi ayisitshiyagalombili 75 949 ngo 2011 lisiya phezu nje kwenkulungwane ezingamatshumi ayisitshiyagalombili -81 779 units ngo 2012 kodwa lanxa kunjalo i-NBSZ ilokhu isehluleka ukusa igazi eleneleyo ezibhedlela.
Nyakenye, kwaba lengozi zomgwaqo phose amakhulu ayisikhombisa – 658 ngekhefu leKhisimusi. | isiNdebele |
Umthethwandaba WeSupreme Court Uthabisa UBishop Gandiya
ISupreme Court inqume ukuthi uBishop Gandiya nguye umkhokheli oqotho weAnglican kanye lomnini wempahla zonke zalelibandla
WASHINGTON
— Umthethwandaba we Supreme Court ngoMvulo unqume ukuthi uBishop Chad Gandiya okhokhela elinye icele lenkonzo yeAnglican eHarare nguye umkhokheli oqotho walelibandla njalo icele lakhe yilo elilelungelo lokusebenzisa impahla zalelibandla.
UBishop Gandiya utshele iStudio 7 ukuthi kumele uBishop Nolbert Kunonga, okhokhela elinye icele, njalo onguye obesebenzisa impahla zonke zalelibandla, aphendlele icele lakhe indawo kuzakhiwo zalinsonto kungakafiki impelaviki.
Ibandla leli ladabuka phakathi ngomnyaka ka 2007 lapho uBishop Kunonga aphikisana lesinqumo salelibandla esokuthi izitabane zivunyelwe ukukhokhela linkonzo.
Lanxa uBishop Kunonga waxotshwa yisigodlo salelibandla, wathola imvumo emthethwandaba ophezulu ukuthi aqhubeke esebenzisa impahla yalelibandla, egoqela izikolo, amakilinika, kanye lezindlu zokukhonzela.
Amalunga elinye icele athi axotshwa kulezimphahla nguBishop Kunonga esekelwa ngamapholisa, njalo akhweza loludaba emthethwandaba.
Isikhulumi sikaBishop Kunonga, uBishop Alfred Munyanyi utshele iStudio 7 ukuthi uzethula umbono webandla lakhe ngaloludaba ngolweSibili sebehlolisise ngokupheleleyo isinqumo somthethwandaba.
UMnu. John Masuku okhonza kulinsonto, ekucele elikhokhelwa nguBishop Gandiya, utshele uSithandekile Mhlanga weStudio 7 ukuthi bayajabula ngalesi sinqumo njalo bazakuthi gwaqa ngoMvulo ntambama beqhube umkhuleko wokubonga isinqumo somthethwandaba weSupreme Court lesi.
Ingxoxo LoMnu. John Masuku | isiNdebele |
Inhlanganiso Ezizimeleyo Zisola URegistrar General Mudede
Umnu Tobaiwa Mudede ubikwa echothoze lezi nhlanganiso waxotsha lentathelizindaba zeThe Daily News emhlanganweni wakhe
WASHINGTON
— Uhulumende usechothoze inhlanganiso ezizimeleyo esithi kazethuleli abantu imbiko eliqiniso ngokuphathelane lohlelo lokuvota elizweni.
Esethulela intathelizindaba lumbiko ngoLwesine, uMnu Tobaiwa Mudede uxotshe intathelizindaba yephephandaba elizimeleyo ele The Daily News kulumhlangano.
Inhlanganiso ezimeleyo eye Zimbabwe Democracy Institute isanda kwethula umbiko othi ukhetho oluzayo alusoze lube ngolukhululekileyo ngoba isola indlela inhlanganiso kahulumende ebona ngokuqhutshwa kokhetho eye Zimbabwe Election Commission (ZEC) kanye lehofisi kamsitheli esebenza ngayo.
Kusanda kubotshwa amalunga enhlanganiso yeZIMRIGHTS ngokwethula umbiko uhulumende athi awuqondanga ngoluhlu lwabantu abazavota elizweni, iVoters' Roll.
Uveze ukuthi abantu ababhalisele ukuvota elizweni bedlula kancane izigidi ezinhlanu lamakhulu amahlanu-5,589 355 inani elehle kakhulu kulelanyakenye. Inani leli likhangelelwe ukuqansa sekubhaliselwa ukuvota ngenyanga ezayo.
UMnu . Effie Dlela-Ncube, ingcwethi ecubungula ezombusazwe, njalo engumgcinisihlalo wenhlanganiso ezimeleyo eyeMatabeleland Constitutional Reform Agenda, utshele uSithandekile Mhlanga weStudio 7 ukuthi okwenziwe nguMudede akuqondanga ngoba inhlanganiso ezizimeleyo zivunyelwe ukusebenza elizweni lokwethulela abantu ezikubonayo.
Ingxoxo LoMnu. Effie Dlela-Ncube | isiNdebele |
WASHINGTON DC
— Uhulumende uthi usevulele ithuba lokuqatshwa kwabongi abangaba yinkulungwane – 1,000, ezibhedlela ezitshiyeneyo kwele Zimbabwe.
Umnu. Tendai Biti umphathintambo wezemali ubikwa ethi usethole imali yokuqhatsha abongi laba kusukela ngoLwesihlanu ngeviki ezayo.
Umnu. Dalumuzi Khumalo omele iLupane edale le Senate uthi kuyangcomeka okwenziwe nguhulumende njengoba izibhedlela ezinengi ikakhulu emaphandleni zisebenza zingela abongi abeneleyo.
Uthi akumelanga ukuthi uhulumende athengisele amanye amazwe abongi abafundiswe umsebenzi eZimbabwe ngenxa yokuthi inani labo seliyehlile kakhulu elizweni.
UKhumalo, okukhomithi yezempilakahle edale lephalamende, uthi kukhanya engani uhulumende uzaqhatsha njalo odokotela abafunakalayo endaweni ezitshiyeneyo zelizwe.
Ingxoxo Esiyenze LoMnu Dalumuzi Khumalo
Ele Zimbabwe lama ukuqhatsha abongi ngenxa yokuswelakala kwemali ngomnyaka ka 2009. | isiNdebele |
Mthwakazi Free State
29 July 1918 CROWN GETS MATABELELAND
Decision of British Privy Council In Case Involving 48,000,000 Acres
35,000 People Murdered by Robert Mugabe Regime
1 - VIDEO: Matabeleland Massacres
2 - VIDEO: Gukurahundi Fifth Brigade Mass Graves in Nkayi
Fifth Brigade Mass Graves victims during the genocide perpetrated by Mugabe's regime in Matabeleland. Around 35,000 people were slaughtered.
HERE ARE SOME HARD FACTS!
1. Neither Zanu PF nor the MDC represent the political interests of the people of Matebeleland and the Midlands (Mthwakazi);
2. The issue of Gukurahundi Genocide and the on-going underdevelopment and domination of Matebeleland and the Midlands are not issues for either Zanu PF or the MDC;
3. The protest vote of the people of Matebeleland and Midlands expressed through the MDC does not translate into support for the MDC;
4. The Matebeleland Question is a political and constitutional question that remains unresolved and must be resolved through political process;
5. The only way to resolve it is through an independent, free and sovereign state for Matebeleland and the Midlands: the United Mthwakazi Republic (UMR);
6. Only our new political movement, uMTHWAKAZI, represents the interests of the people of Mthwakazi; only uMTHWAKAZI is spearheading the attainment of UMR’s independence and sovereignty. JOIN NOW!
WHAT MUST WE DO AS MTHWAKAZI?
1. Let us participate fully and vigorously in any current and future efforts that include a full, honest, just and final resolution of the Matebeleland Question.
2. But let us reject and boycott any current or future efforts that do not provide for the attainment of Mthwakazi’s independence and sovereignty.
3. Let us unite as a nation and present a Mthwakazi position on any political process to resolve the current political crisis in Zimbabwe and seek the adoption of an AGREEMENT ON THE POLITICAL INDEPENDENCE AND TERRITORIAL SOVEREIGNTY OF UMR.
4. Let us reject unequivocally any transitional government headed by a serving or past member of Zanu PF. A transitional government must be neutral and agreed and led by a person who is not a member of any political party.
If there is going to be a Government of National Unity (GNU) that government must comprise all political parties and not just members of ZANU PF and MDC.
Should the latter happen, uMTHWAKAZI will campaign for UMR’s independence and sovereignty outside the GNU by all means available to us.
Warning!!! Let us not repeat the mistakes made by ZAPU in 1979 when ZAPU got carried away with the illusion of a Zimbabwe in which Mthwakazi was a part.
That Zimbabwe has cost us more than 30 000 innocent lives and incalculable opportunities of life. Let us fight for our UMR from now on!
The Matebeleland Question will never be over until it is over!!!
Ilotshwe Lugatsha Lwezokuxoxisana
THINA ABESIZWE SIKA MTHWAKAZI, SITHI
Laba’bantu abalotshwe lapha, kabangavunyelwa ngitsho lanini ukuthi babengamalunga kaHulumende ongabunjwa Ozabebambe ezombuso okwamanje (Transitional Government) elizweni okunamhla lisathiwa yiZimbabwe, kumbe kuHulumende Womanyano (Government of National Unity) ongabunjwa kweleZimbabwe. Kwelika Mthwakazi elitsha elizathiwa yi Mthwakazi Free State
(MFS) lababantu bazahlala beyizikliwi okudingakala ukuthi zibotshwe zigwetshwe.
Mthwakazi, sizakwenza konke okusemandleni ethu njengesizwe ukuthi lababantu basuswe ezikhundleni zikaHulumende okhona njalo sizakwenza konke esingakwenza ukuthi senqabele ukuthi lababantu baphinde baphathe kumbe balibuse eleZimbabwe okwamanje isizwe sikaMthwakazi siseseyingxenye yeZimbabwe uMthwakazi (MFS) engakatholi uzibuse:
.Robert Mugabe (abanye bamuthi ngu’Mgaxabe’)
.Emmerson Mnangagwa;
.Sidney Sekeremayi;
.Perence Shiri;
.Tommy Sthole;
.Geoff Nyarota;
.Enos Nkala,
Labanye esizabaqamba njalo ngokuya kwes’khathi
Ngek’iphele l’indaba iz’ilungiswe!!!
Ilotshwe Lugatsha,
LwezokukhitshwaKwembiko
NANTI IQINISO ESILAZIYO SONKE MTHWAKAZI!
1. IZANU PF leMDC zinhlanganiso ezingamelanga ilungelo lesizwe sikaMthwakazi;
2. Njalo iZANU PF leMDC zinhlanganiso ezinganakekile ngokubulawa kukaMthwakazi yiGukurahundi lobucindezeli lenkethabetshabi ekhona eyahlanyelwa nguHulumende weZimbabwe kwelikaMthwakazi kusukela iZimbabwe ithola uzibuse;
3. Ukuvota kuka Mthwakazi evotela iMDC lulaka lwabantu lokufuna ukususa umbuso kaMgabe leZANU PF. Siyakwazi sonke, akutsho ukuthi ngalokho uMthwakazi uyayithanda iMDC;
4. Ubucindezeli obukhona kwelikaMthwakazi yinto okumele ilungiswe yisiSekelo Sombuso welizwe esitsha (New Constitution). KHONA MANJE! Ngaphandle kwalokho izaqhubeka ihlupha l’indaba kaMthwakazi njengoba ivele isihluphile kangaka;
5. Ngeke indaba le ilunge ngaphandle kokuba uMthwakazi athole uzibuse lenkululeko yakhe ngaphansi kwelizwe lakhe elitsha eleMthwakazi Free State (MFS);
6. Inhlanganiso yethu uMTHWAKAZI yiyo yodwa qha emele njalo ezimisele ngokuqinileyo ukulwela uzibuse lenkululeko yesizwe sikaMthwakazi.
BANA LILUNGA LIKAMTHWAKAZI NAMHLA!
PHO-KE SENZENI MTHWAKAZI?
1. Asimanyane sizwe soHlanga sidinge ngokuqinileyo njalo ngokuzimisela okukhulu uzibuse lenkululeko kaMthwakazi kusukela namhla. Akulamuntu ozasinika lelothuba.
Asizinike thina.
ITHUBA YILO LELI ESELISUNGULWE YINHLANGANISO YETHU UMTHWAKAZI!
2. Kasale ngokuqinileyo langobuqotho bobuzwe bethu ukuthi uMthwakazi abeyisigqili seZimbabwe. Njalo singavumi noma yisiphi isivumelwano esingabakhona kumbe esizakubakhona esokulungisa udaba lweZimbabwe esingakhulumi kumbe esingahleli inkululeko lozibuse wesizwe sikaMthwakazi.
3. Kungakho kusukela namhla asixexebuke njengesizwe sikhankasele inkululeko loz’buse kaMthwakazi njalo sitsho ukuthi akube lesivumelwano (AGREEMENT ON THE POLITICAL INDEPENDENCE AND TERRITORIAL SOVEREIGNTY OF MFS) esimumethe inkululeko loz’buse kaMthwakazi.
4. Okokucina, nxa kuzakuba loHulumende Osabambile (Transitional Government) anduba kube lolunye ukhetho kweleZimbabwe asingavumi Mthwakazi njalo asale ngokuqinileyo ukuthi uHulumende lowo akhokhelwe ngumuntu okewabalilunga leZANU PF kumbe lilunga likaHulumende weZANU PF.
Thina njengenhlanganiso kaMTHWAKAZI sithi ozaphatha uHulumende Osabambile kakube ngumuntu obala nje ongasilunga lenhlanganiso noma yiphi yezombangazwe. Nxa njalo kuzakuba loHulumende Womanyano (Government of National Unity) lowo Hulumende kangabi ngoweZANU PF leMDC.
Kabe ngowazozonke inhlanganiso zombangazwe. Nxa kungabanga njalo, uMTHWAKAZI uzakhankasa engaphandle kwaloHulumende Womanyano ngazozonke indlela alazo.
Nansi isixwayiso!!!
Masingaqali Mthwakazi ukuphinda okungaphindwayo senze iphutha elenziwa yiZAPU ngo 1979 eLancaster House elokuba yiziphofu. Nanti ithuba lokuthola uzibuse kaMthwakazi esesizisungulele lona.
Asiliphuthume Mthwakazi!
IZimbabwe yabo le isisiqedile sikhangele, silokhu sitshinga sisonge izandla.
Ngek’iphelele l’indaba iz’ilungiswe!!!
OATH/AFFIRMATION OF ALLEGIANCE TO MTHWAKAZI FREE STATE
I,…………………………, swear/affirm allegiance to Mthwakazi Free State; to uphold and adhere to its Aims and Objectives, Values and Traditions, and to Protect and Defend its Secrets and Confidentialities at all times, with my life if need be.
(in the case of an Oath: So Help Me God).
GOVERNMENT LINKS
MTHWAKAZI FREE STATE Matabeleland Maps Mthwakazi Free State
Prosperity and Progress
Mthwakazi Free State Web Portal Matabeleland Postal Stamps MATABELELAND INFORMATION LINKS
COMPLAINTS OF VIOLATIONS
OF HUMAN RIGHTS 2011
THE MATABELE CAMPAIGN
Narrative of the Campaign in Suppressing the Rising in Matabeleland 1896
VIDEOS Position Paper of Mthwakazi Mkhwakazi Free State
common vision and shared values
Interim MPC officials THE POLITICAL STRUGGLE FOR MTHWAKAZI’S NATIONHOOD
FFSA
Contact
Africa Federation , Federación Áfricana , Afrika Federation , 아프리카 연맹 , Afrika Föderation , Afrikka liitto , アフリカ連合 , Afrika Federatie , Африка Федерации , Fédération Afrique , África Federação | isiNdebele |
WASHINGTON DC
— Ikomidi ebona ngokufezwa kwenhlelo zikahulumende, iJOMIC ithi izakuya eMutoko East ukuyahlolisisa ngokutshiswa kwezindlu zomsekeli wecele leMDC elikhokhelwa nguMnu. Morgan Tsvangirai.
Ezinye iziphathamandla zale ikhomidi zithi kusese masinya ukuthi lesi sehlakalo sithiwe ngesombusazwe. Kodwa umnini wezindlu ezatshiswayo, uMnu. David Chimanga utshele iStudio 7 ukuthi uyabazi abenza lesi sihluku ngoba bake bamthwalisa nzima phambilini kokhetho luka 2008.
UChris Gande weStudio 7 uxoxe lengcwethi ecubungula ezombusazwe njalo eyisiphathamandla secele leMDC elikhokhelwa nguMnu. Morgan Tsvangirai, uMnu. Josh Mhambi oqale ngokumbuza ukuthi kanti vele sona isinanakazana esithiwa yi JOMIC siyisilo esingalumiyo na?
Ingxoxo loMnu. Josh Mhambi | isiNdebele |
WASHINGTON DC
— Amapholisa athi sethole imbiko etshiyeneyo mayelana ngesizalwane seRwanda esibikwa sihlala eZimbabwe ngudlu, esetheswa icala lokuphatheka ekubulaweni kwabantu bohlobo lwesiTutsi phose isigidi, 800, 000 ngo1994.
Amapholisa asebenza phansi kogatsha lweCriminal Investigation Department (CID) aveze ngoMvulo ukuthi athukuthele ngokuthungatha umzila kaMnu Protais Mpiranya.
Okhokhela ugatsha lweCID eHarare uMnu Peter Magwenzi utshele iStudio 7 ngoLwesibili ukuthi ngemva kombiko wabo ngoMvulo, sebethole imbiko etshiyeneyo evela ebantwini abathi bayakwazi ukuthi uMpiranya uhlala ngaphi.
Ngalokho, uMagwenzi uthi sebeqalisile ukukhangela limbiko. Kodwa kathandanga ukukhuluma okunengi ngaloludaba esithi kafuni kuphaphisa inyoni.
Ingcwethi ecubungula ezombusazwe uMnu Effie Dlela Ncube uthi uMpiranya kumele abotshwe abuyiselwe eRwanda ayebhekana lomthetho ngamacala awadalayo.
Ingxoxo LoMnu Effie Dlela Ncube
UMpiranya udingwa ngumthethwandaba weInternational Criminal Tribunal for Rwanda ethonisa amacala okubulawa kwamaTutsi. UMnu Mpiranya wayekhokhela ibutho elalivikela uMongameli ngalesosikhathi, lona elaphatheka kusehlakalo lesi.
Amapholisa athi usebenzisa amabizo okuzibazela atshiyeneyo agoqela elithi Patrick Sambo, Theophase Mahuku lelithi Jairus Kakule.
IInternational Criminal Tribunal for Rwanda ithi ozakupha amapholisa imbiko ezakhokhelelela ekubotshweni kukaMpiranya uzathola umvuzo wezigidi ezinhlanu zamadola, i$5 million. | isiNdebele |
Abatshutshisi bakweleSouth Africa bathi sebeqalisile ukukhulumisana lamapholisa ngesinqumo somthethwandaba esibamba uhulumende walelolizwe ngamandla ukuthi abophe iziphathamandla zeZimbabwe ezetheswa icala lokwephula ilungelo loluntu.
Umthethwandaba weGauteng High Court unqume ngoLwesibili ukuthi eleSouth Africa kumele libophe bonke abeZimbabwe abetheswa umlandu wokuhlukuluza uzulu, nxa bethe bangena kulelolizwe.
Isinqumo lesi samukelwe ngabalwela amalungelo oluntu ikakhulu kweleSouth Africa kanye laseZimbabwe. Kodwa abeZanu PF bayasisola kakhulu.
Inhlanganiso yeZimbabwe Exiles Forum leyeSouthern African Litigation Center yizo ezikhweze loludaba emthethwandaba zifuna bonke abetheswa icala lokwephula ilungelo loluntu, ikakhulu abeZanu PF, babotshwe nxa bethe bangena kweleSouth Africa.
Umphathintambo wezemithetho uMnu Patrick Chinamasa, olilunga leZanu PF uthi umahluli owethule lesisinqumo ngomunye wezitha zeZimbabwe ezijonge ukungcolisa igama lelizwe ngaphambilini kohambo lwesithunywa senhlanganiso yomanyano wamazwe womhlaba eye United Nations esibona ngezamalungelo oluntu uNavi Pillay.
IPillay ukhangelelwe ukufika eZimbabwe mhlaka 20 kulinyanga. Isiphathamandla seNational Prosecuting Authority eSouth Africa uMnu Mthunzi Mhaga uthi nxa belakho ukuphikisa isinqumo lesi, bakhangelelwe ukwenza lokhu phakathi kwamaviki amabili azayo.
Ingcwethi kwezombusazwe uMnu Brilliant Mhlanga uthi kaboni uhulumende weSouth Africa elandela isinqumo lesi ngoba ukwenza lokhu kuzadala ukufuthelana okukhulu phakathi kweZimbabwe lalelo lizwe. | isiNdebele |
JOHANNESBURG
— KuWoza Friday kuliviki uBenedict Nhlapho oweStudio Seven uliphathele idlalade elitsha tsha likaNdux Junior elithi “Akuvumi ngithule”. Lelidlalade elilengoma eziyisikhombisa lithakazelelwa ngabanengi kwelesSouth Africa kanye laseZimbabwe.
UNhlapho usungula ingxoxo yakhe loNdux ngale ingoma ethi “Notha ngezithukuthuku zakho hatshi ngabondofa”.
Ingoma kaNdux Jr ethi “Notha ngezithukuthuku zakho hatshi ngabondofa”.
Idlalade likaNdux Junior lonyaka kukhanya lizakudla ubhedu kuze kuyengenwa kuKhisimusi lakumnyaka omutsha. UNdux Junior, igama lakhe lokuzalwa kungu Witness Malaba, uthi yena leqembu lakhe leBatshele Brothers lonyaka bakhethe ukuthi “Akuvumi ngithule”.
Laphake uxwayisa labo okuthi ngesikhathi sokuvuka bona babhuqe obukabhuka, kuthi nxa sebefuna ukunotha uthole sebedingana lemisila yempisi, izimpande kanye lokungondofa.
Udaba lukaBenedict Nhlapho lwedlalade likaNdux Jr | isiNdebele |
Icele leMDC elikhokhelwa nguMnu. Morgan Tsvangirai lithi ngolweSihlanu lilanga lokucina elokwamukela amagama abafuna ukuncintisa kukhetho lokudinga amalunga edale lephlamende ezigabeni ezingela bammeli.
Lelibandla lithi abafuna ukulimela abavele bengamalunga bazaqala batshengise ukuthi balosekelo olwedlula okungamatshimi asiyiskhombisa ekhulwini. Nxa kungatshengisi ukuthi balosekelo olunjalo kuzenziwa ukhetho lwama primaries.
Ingcwethi ezicubungula ezombusazwe zithi kulamanye amalunga edale lephalamende angasebenzelanga uzulu ezigabeni zawo. Ugwalondaba lwedale lephalamende, i Hansard, lwethule imbiko ethi akhona amanye amalunga edale awaqeda iminyaka emihlanu engakaze avule umlomo kulelidale.
Lanxa icele leMDC lingazisanga ukuthi ngobani asebethe bafuna ukumela izigaba ezingela bammeli ezigoqela iLupane East, Bulilima East le Nkayi South uChris Gande weStudio 7 uxoxe loMnu. Abednico Bhebhe ofuna ukuncintisa esigabeni seNkayi. | isiNdebele |
WASHINGTON DC
— EleGermany lithi lilakho ukungaphatheki emhlanganweni weUnited Nations Tourism Conference ngoNcwabakazi nxa uhulumende engekela ukususa abasekeli beZanu PF epulazini leSave Valley Conservancy.
Ipulazi leli ngelezizalwane zeGermany njalo livame ukwethekelelwa ngabantu abavela emazweni atshiyeneyo abayabe belanda ukuzebona inyamazana zendle ezigcinwe kulo.
Ummeli weGermany eZimbabwe uMnu Hans-Gunter Gnodtke utshele intathelizindaba ngoLwesithathu eHarare ukuthi ilizwe lakhe lifuna iziphathamandla zeZanu PF ezingene kulelipulazi zisuswe.
Udaba Lusethulwa NguMavis Gama
Lokhu kulandela imbiko ethulwe nguhulumende ngeviki edluleyo yokuthi semise uhlelo lokuthathwa kwamapulazi aphansi kwezivumelwano zamaBilateral Investment Promotion and Protection Agreement (BIPPA).
Uthe wenza lokhu ngokuhlonipha izivumelwano azilobelana lamanye amazwe ezivimba ukuthunjwa kwempahla yezizalwane zamazwe atshiyeneyo kungelambadalo.
ISave Valley Conservancy layo iphansi kwesivumelwano seBIPPA. Abanikazi bepulazi leli yizizalwane zeGermany labantu abamnyama beZimbabwe abathile.
Inyamazana ezitholakala kulelipulazi zigoqela indlulamiti, amadube, indlovu lezinye ezitshiyeneyo.
Ingcwethi kwezombusazwe uMnu Nkululeko Sibanda uthi uhulumende kumele esuse amalunga eZanu PF kulelipulazi.
Ingxoxo LoMnu Nkululeko Sibanda | isiNdebele |
HARARE LEWASHINGTON DC
— Idale lephalamende lamukele isisekelo sombuso esitsha ngolweSithathu osekusele yikuthi kufakwe ilanga lokhetho lokudinga ukuthi uzulu yena uyasamukela na kumbe hatshi, ireferendum.
Abagcinisihlalo be COPAC abathi uMnumzana Munyaradzi Paul Mangwana, uMnumzana Douglas Mwonzora loMnumzana Edward Mkhosi bethulele idale lesi sisekelo lesicelo sokuba sihluzwe phambi kwalo .uMnumzana Mwonzora uchasise indlela isisekelo esimi ngayo lokunye opkumunyethwe kiso kulandela amalungelo abantu lokwamukelwa kwendimi zonke ukuba zibe yindimi ezilinganayo zisetshenjiswa ngokufanayo emthethweni.
UMangwana ucasise ukuba umsebenzi wokulotshwa kwalesi sisekelo umanyanise abantu ngesikhathi kulokungazwisisani ezintweni ezithize.
UMkhosi laye uthe kuyajabulisa ukubona lesi sisekelo sesikhona ethi kumele lama principals abongwe ngokungenela kwawo ngezikhathi kulenkinga betshiya ukungawelelani kwabo bebambana ngenhloso yokuthuthukisa ilizwe.
Kubika intathelizindaba yeStudio 7 uMark Peter Nthambe osethulela loludaba eseHarare.
Udaba Silethulelwa Ngu Mark Peter Nthambe
Ukuhlaziya lolu daba uChris Gande weStudio 7 uxoxe lomunye wabagcinisihlalo wekhomidi yedale lephalamende eyakhethwa ukukhokhela umsebenzi wokulotshwa kwesisekelo sombuso esitsha, eye COPAC uMnu. Edward Mkhosi owebandla leMDC elikhokhelwa nguMnumzana Welshman Ncube othi ujabule kakhulu ukuthi umsebenzi bawufezile kakuhle laloba kuke kwaba lokungazwisisani ezintweni ezithize.
Ingxoxo loMnu. Edward Mkhosi | isiNdebele |
HARARE
—
Uzulu ukhuthazwa ukuqinisa impi yakhe yokudinga ulwazi lokuphatheka emsebenzini wezemigodi, ukudinga ulwazi lokwenzakala, kanye lokuthi ngubani owemba amatshe aligugu okunje ngamadayimani elizweni. Ngakwelinye icele uzulu osemangweni elemigodi enjenge Marange okula madayimana ukhuthaza ukuba anikwe ithuba lokuphatheka kulumsebenzi ukuze azithuthukise laye.
Ingcwethi kwezemithetho zikhuthaza uhulumende ukuthi adinge ukuguqula imithetho eqondisa umsebenzi wokwemba amatshe aligugu eZimbabwe.
Abekade besemhlanganweni ophathelane lokwenjiwa kwamadayimana aweMarange, owenzelwe eHoliday Inn eHarare ngolweSihlanu bavumelene ukuba makube lengxoxo uqobo phezu komsebenzi wokwenjiwa kwamadayimani.
Bathi kumele iqiniswe limpi yokudinga ukwazi okwenzakalayo hatshi kundaba zamadayimani kodwa kugoqele ezemvelo yonke elizweni.
Kuvunyelenwe njalo ukuba atshutshiswe uhulumende ukuze okutholakalayo kuphathise uzulu wakulezo zigaba hatshi abokuza.
Kubika intathelizindaba yeStudio 7 uMavis Gama osethulela loludaba ngokugcweleyo eseHarare.
Udaba lukaMavis Gama lomhlangano wamadayimana | isiNdebele |
BULAWAYO
— Inhlanganiso ezizimeleyo kanye lentatheli zitshele umgcinisihlalo we khomithi yedale lephalamende ebona ngokwethulwa kwembiko eye Media, Information and Communication Technology, uMnumzana Settlement Chikwinya, ukuthi umthetho lo adinga ukuwuletha usutshiywe yisikhathi njalo awutshiyananga kangako lalowo adinga ukuwesulisa owe Access to Information and Protection of Privacy Act.
UChikwinya olilunga lephalamende njalo, elimela iMbizo, uqhube umhlangano koBulawayo wokudinga usekelo kumthetho lo afuna ukuwethula ephalamende ezimele yedwa okuthiwa yiPrivate Member’s Bill.
UChikwinya uthi umthetho lo ujonge ukuletha amalungelo okuhanjiswa kwembiko kanye lamalungelo entatheli ukuqhuba umsebenzi wazo kungela kukhahlamezwa kumbe ukubotshwa.
Uthi lanxa kungaba lohlupho ukuthi umthetho lo udlule ku senate, ukhangelele ukuthola usekelo kulabo asebenzelana labo kudale laphansi le phalamende, iHouse of Assembly.
Kubika intathelizindaba yeStudio 7, uNothando Sibanda ekoBulawayo.
Udaba lukaNothando sibanda olweMedia Bill | isiNdebele |
HARARE
— Ingcwethi kwezokudla okwakha umzimba, zikhuthaza uzulu weZimbabwe ukuba ehlukane lomkhuba wokudla ukudla okungangalungelanga umzimba okungamngenisa engozini yokuhlaselwa yimikhuhlane engathelelanwayo efana lemvukuzane leyenhliziyo.
Omama babikwa belenani eliphezulu labalemizimba emikhulu okwedlulise amalawulo emadolobheni kulasemaphandleni okufaka impilakahle yabo engozini. Lelinani liqanse kakhulu kubomama eharare.
Kuthi obaba abayisilinganiso sokuyisitshiya galolunye ekhulwini ikakhulu emadolobheni labo sebebhekane lodubo lunye lokuba lemikhaba bakhefuzele lapho beqansa izakhiwo ezelekeneyo loba ukubamba nje kancane. Lubikwa lwande kakhulu emadolobheni njalo inengi labo bengabatholakala eHarare.
Ingcwethi eziphathisa kwezokudla ziveza ukuba imikhuhlane engathelelanwayo le okufana lemvukuzane laboHigh Blood Pressure isiyiyona esithatha impefumulo yabanengi ukwedlula abathathwa yingculaza.
Kubika intathelizindaba yeStudio 7 uMavis Gama ese Harare.
Udaba lukaMavis Gama lwengozi yokudla okungakhi umzimba | isiNdebele |
WASHINGTON DC
— Inhlanganiso yomanyano wezisebenzi eye Zimbabwe Congress of Trade Unions, ithi izisebenzi ezizinkulungwane ezine lamakhulu ayisithupha – 4.600 - zilahlekelwe ngumsebenzi nyakenye, njalo isilinganiso sabangasebenziyo okwamanje siphezu kwamatshumi ayisikhombisa ekhulwini - 72%.
Umnu. Thomas Moyo oleminyaka engamatshumi amane lesikhombisa, owayethunga kunkampani elungisa izigqoko wasexotshwa umsebenzi nyakenye, kasenelisi ukuthengela imhuli yakhe ukudla njalo lokubhadalela indleko zabantwana zesikolo.
Usephila nje ngentando kankulunkulu langokuphiwa ngabolomusa. Ubalelwa laye kwezinye izisebenzi ezedlula inkulungwane ezinhlanu eziphelelwe ngumsebenzi ngomnyaka ophelileyo lekuqaliseni kwawonalo umnyaka.
UMoyo wayengacabangeli ukuthi angalahlekelwa ngumsebenzi kodwa wazibona esesemangweni labanye bakhe abangamakhulu ayisikhombisa abaxotswe yiArcher Clothing Private Limited.
Inkampani le ebisisebenze okwedlula amatshumi amane eminyaka koBulawayo, ibisele izisebenzi ezimbalwa emsebenzini ixotsha ezinye nyakenye. Loba kunjalo, isisebenza ingaphansi kobukhokheli bomthethwandaba ngenxa yendubo ebhekane lazo.
Kubika intathelizindaba yeStudio 7 uGibbs Dube owethulela lolu daba eseWashington DC.
Udaba Esilethulelwe NguGibbs Dube | isiNdebele |
WASHINGTON DC
— NgolweSithathu mhlaka 30 Zibandlela bekulilanga lokucina lokwamukela amagama amalunga ecele leMDC elikhokhelwa nguMnu. Morgan Tsvangirai azancintisa kukhetho lokudinga abazalimela edale lephalamende lamakhansila olwamaprimaries.
Lelibandla lithi banengi abafuna ukuncintisa belimele okuzabangela ukuthi kwenziwe ukhetho lwama primaries ezigabeni ezinengi zelizwe.
Kodwa phansi kwesisekelo sombuso salelibandla amalunga esigaba engathi ayafuna ukuthi ovele emela lesi sigaba aqhubeke akusoze kube lokhetho kulezo zigaba.
Umsekeli wesikhulumeli sebandla leli, uMnu. Joel Gabhuza utshele uChris Gande weStudio 7 ukuthi ngeviki ezayo bazabe sebekwazi ukuthi yiziphi izigaba ezizakwenza ukhetho lwama primaries.
Ingxoxo loMnu. Joel Gabhuza | isiNdebele |
HARARE
— Ele Melika lithi liyakhathazeka ngokuqonga komumo wodlakela eZimbabwe ngesikhathi leli lizwe libhekane lokhetho lisithi nxa ungaqhubeka ulakho ukuphazamisa impumela yokhetho. Linkuthazo iphume emhlanganweni kamsekeli kanobhala obona ngobudlelwano lamanye amazwe leMelika awenze lentathelizindaba eHarare ngolweSihlanu.
Iqula leziphathamandla zeMelika elethekelela eZimbabwe litshele umhlangano lentathelizindaba emahofisini esigaba sesigodlo seMelika esibona ngobudlelwano lozulu eHarare ukuba eleMelika lidaniswa yikubona udlakela lulokhe luqonga njalo lama pholisa esebenza esekela ibandla elithile lezombusazwe ethi lokhu kungaqubeka kungaphazamisa impumela yokhetho olukhululekileyo.
Ummeli weMelika eZimbabwe uMnumzana Bruce Warton wazise ukuba ukwethekelela kwalezi ziphathamandla kuleli, kuyimizamo yesigodlo sakhe yokuba kube lokukhulumisana lokuthuthukiswa kobudlelwano phakathi kwelizwe lakhe lele Zimbabwe. Lezi ziphathamandla zibambe imihlangano loMongameli Mugabe kunye lenhlanganiso ezizimeleyo kuleli.
Kubika intathelizindaba yeStudio 7 uMark Peter Nthambe osethulela loludaba.
Udaba lukaMark Peter Nthambe lokukhathazeka kweMelika ngodlakela eZimbabwe | isiNdebele |
Abalimi endaweni ezitshiyeneyo zelizwe bathi lokhe bengatholi imvundiso yeAmmonium Nitrate ukuze benqabele ukutota emasimini ngenxa yezulu elina okungapheliyo.
Izakhamuzi zeBuhera esabelweni seManicaland, lezinye ezihlala eSilobela esabelweni seNkabazwe, eMatabeleland North, Mashonaland West kanye leMatabeleland South zithi zithwele nzima ngokudinga imvundiso yeAmmonium Nitrate.
Zithi imvundiso le kayitholakali eziphaleni zeGrain Marketing Board loba nje ikhona kwezinye izitolo lapho ethengiswa khona ngentengo ephezulu.
Isaka elilodwa lemvundiso libiza amadollar alitshumi lanhlanu - $15 kusiya kumadollar angamatshumi amabili - $20.
Abalimi abanengi bathi kabenelisi ukuthenga imvundiso le.UMnu. Zwelithini Gabula omunye wabalimi ababhekane lodubo lolu eGwanda esabelweni seMatabeleland South uthi kunzima ukuthola imvundiso le kwele Zimbabwe.
Ingxoxo Esiyenze LoMnu. Zwelithini Gabula
Umnu. Everson Ndlovu ingcwethi kwezokuthuthukisa inotho kazulu uthi sokumele abalimi basebenzise imvundiso yomdabuko ukwenzela ukuthi benqabele ukutota emasimini abo.
Ingxoxo Esiyenze loMnu. Everson ndlovu | isiNdebele |
WASHINGTON DC
— Amapholisa athi azaqhubeka ebopha abenhlanganiso ezizimeleyo abephula umthetho ngokufuna ukuphazamisa ukhetho.
Isikhulumeli samapholisa uCharity Charamba ulandule ngolweSibili imbiko ethi amapholisa aqhuba umkhankaso wokubopha amalunga enhlanganiso ezizimeleyo kungela zizatho kodwa kuyikuhlukumeza uzulu phambilini kokhetho.
Lokhu kulandela imbiko yokuthi inhlanganiso ye Zimbabwe Peace Project kayilamvumo yokusebenza elizweni. NgoLwesibili amapholisa angene emahofisini enhlanganiso ye Zimbabwe Election Support Network-ZESN, athatha imitshina yokusebenzisa egoqela amacomputer. Kuviki edluleyo zikhona njalo ezinye inhlanganiso ezike zangenelwa ngamapholisa.
UChris Gande weStudio 7 uxoxe lomsekeli wesikhulumeli secele leMDC elikhokhelwa nguMnu. Morgan Tsvangirai, uMnu. Joel Gabhuza othi ibandla lakhe likhathazwa yizenzo zamapholisa lezi.
Ingxoxo loMnu Joel Gabhuza ngodaba lwamaRadio | isiNdebele |
WASHINGTON DC
— Isigodlo sabameli beMelika eZimbabwe sikhangelelwe ukuqhuba umhlangano wezifundo ngolweSine eHarare wengcwethi zabo makhalekhukhwini kanye lezebulenjini ku-Internet ezilakho ukuphuma lendlela eziphezulu zokuphandela uzulu imisebenzi kusetshenziswa omakhalekhukhwini le Internet.
Unkosikazi Sharon Hudson-Dean obona ngezokudlelana lozulu esigodlweni lesi, uthi umhlangano lo uzabe ulungiselela umncintiswano omkhulu walonyaka we Apps4Africa Business Challenge ongenwe ngabantu abangamakhulu amathathu– 300 nyakenye.
Unkosikazi Hudson-Dean uthi umncintiswano lo ukhangelelwe ukuba ungaphathisa ingcwethi lezi ukuze ziphume lenhlelo lamaqhinga aphakeme okudingela labasakhulayo abahluphekayo imisebenzi.
Unkosikazi Marieme Jamme umqondisi we Spoton Global Solutions ozabe ephethe umhlangano wangoLwesine, uthi umcintiswano we Apps4Africa, owaqaliswa ngomnyaka ka 2009 ezwekazi le Africa, uzaphumelela lonyaka.
Umnu. Thando Sibanda obona ngezabasakhulayo esigodlweni sabeMelika uthe umcintiswano lo ucatshangelwa ukuthi unganceda kakhulu abasakhulayo abafuna ukuvula amabhizimusi.
Ingxoxo Esiyenze LoMnu. Thando Sibanda | isiNdebele |
WASHINGTON DC
— Umkhokheli welinye lamacele eMDC, uMnu. Welshman Ncube ubanjiswe ilitshe ngoMvulo nguMongameli Robert Mugabe lapho emelele ukungena umhlangano wenkokheli zamabandla abumba uhulumende womanyano owe GNU.
UNcube ubikwa emelele ukungena emhlanganweni lo phose okwe hola elilodwa esigodwleni sikaMugabe, iState House. Uthe esebizwa umhlangano usuphelile. Kuviki edluleyo kangenanga njalo emhlanganweni lo njengoba ubengekho elizweni.
Abazi ngokwenzakale emhlanganweni wangoMvulo bathi kukhulunywe ngomhlangano wokuhluza ugwalo lwesisekelo sombuso welizwe esitsha, owe All Stakeholders conference.
Udaba oluhlafunwe lapho ngologwalo lwesisekelo sombuso lolu iDraft Constitution ukuthi lusiwe edale lephalamende na? lapho oluzahluzwa khona andubana kwenziwe ukhetho lwe Referendum kumbe lusiwe kunkokheli yelizwe, okungafunwa ngamacele wonke aweMDC womabili.
Omunye wequla elahluza udaba lwezinto ezasala zilanga kuhulumende womanyano ekucele leMDC elikhokhelwa nguMnu. Ncube, uMnu. Moses Mzila Ndlovu utshele iStudio 7 ukuthi kulokubambana ekuvaleleni phandle uNcube.
Ingxoxo loMnu. Moses Mzila Ndlovu | isiNdebele |
Uhlelo lokubhalisa abantu kanye lokukhangela ukuthi amagama abo akhona na kuluhlu lwabalelungelo lokuvota oluqale ngoMvulo lulengxaki ezithile luqhubekele phambili langekhefu lokunanza izisebenzi ele May Day ngolweSithathu abantu kodwa bebalutshwana abathathe ithuba lekhefu lokuyabhalisa.
Inengi, ikakhulu emaphandleni lithi kalenelisanga ukuya endaweni ezikhethwe ukuqhutshelwa khona loluhlelo lweMobile Registration ngoba bengazi lutho vele ngalo.
Isikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube, uchasisela uChris Gande weStudio 7 okunengi ngaloluhlelo.
Ingxoxo loMnu.Nhlanhla Dube | isiNdebele |
HARARE
— Abesifazana beZimbabwe bathi bayalwesaba ukhetho oluzayo ngoba besesabela ukuthi udlakela luzakwedlula olube khona ngokhetho luka 2008. Lokhu kuphume emhlanganweni wemfundiso yabesifazana abafuna ukuphatheka kwezombusazwe.
Abameli bengatsha zabomama abavele kumabandla wonke ezombusazwe baveze ukuba ngokhetho olukhangelelwe ukwenziwa ngomnyaka ozayo sebesesaba khona lokuthi bacintise labo ezikhundleni.
Abesifazana bamabandla ezombusazwe akuhulumende womanyano ayalusola kakhulu udlakela besithi ngezinye izikhathi bahlukuluzwa ngabebandla labo.
Kubika intathelizindaba yeStudio 7 uMavis Gama ese Harare.
Udaba lukaMavis Gama lodlakela kwabesifazana lwezombusazwe | isiNdebele |
Ziyaqhubeka Ingxaki Ekulotshweni Kwemihloliso
Kulombalisi obotshiweyo koBulawayo esetheswa icala lokubhalela umntwana wesikolo umhloliso
WASHINGTON
— Ekuqhubekeni kwengxaki ezilokhu zisibakhona ekulotshweni kwemihloliso ye Ordinary le Advanced level eZimbabwe, kulombalisi obikwa ebotshiweyo koBulawayo esetheswa icala lokubhalela umntwana wesikolo umhloliso.
Ngakwelinye icele, abazali be St. Peters Kubatana High School eHarare bacitshe batshaya umphathisikolo ngokwalela abantwana ukuthi belobe imihloliso ngaphandle kwembadalo. uhulumende uthi akufanelanga kube lomntwana ovinjwa ukuloba imihloliso lanxa engabhadalanga.
Omunye umbalisi usanda kubotshwa kumaviki ambalwa edluleyo kodwa wakhululwa, ngemva kokulahlekelwa ngamaphepha emihloliso ye “O” level ayehambe lawo emzini wakhe.
UMnu. Enock Paradzai, isiphathamandla senhlanganiso ye Progressive Teachers’ Union of Zimbabwe, utshele uSithandekile Mhlanga weStudio 7 ukuthi lanxa kulengxaki, imihloliso iqhubeka kakuhle.
Ingxoxo LoMnu. Enock Paradzai | isiNdebele |
HARARE
— Abaphila lemvukuzane yamabele,ingcwethi kwezemvukuzane kanye labatholisa usizo olwehlukenye kuzulu phezu kwemvukuzane babuthane emahofisini enhlanganiso ye Cancer Association of Zimbabwe ngoLwesihlanu kunanzwa usuku lwe ‘Pink Day ’. Leli langa linanzwa ngokuphathelane lemvukuzane yebele iBreast
Cancer.
Emkhosini lo kuvele ukuba uhulumende akasanelisi ukutholisa usizo kungela nhlawulo kogulayo ebulawa ngumkhuhlane wemvukuzane ezibhedlela zakhe, kulabo abatholakala belayo njalo bengenelisi imbadalo.
Enye yengcwethi yezemvukuzane ebikulomkhosi u Dr Nomsa Tsikayi uveze ukuba obaba labo besengozini yokutholakala belemvukuzane yebele lanxa isilinganiso sabo silokhe siphansi.
UTsikayi ugcizelele kudaba lokuqakatheka kokuphanga umuntu adinge usizo lapho setholakele elayo imvukuzane yebele ngoba iselapheka nxa odokotela bethe baphanga bayibona.
Ukunatha utshwala kanye lokubhema igwayi ngokunye okubikwa kubangela ukuqansa kwengozi yokuhlaselwa yilemvukuzane kuveze u Dr Tsikayi.
Uthi ukuphila impilo elungileyo okubalisa ukudla ukudla okwakha umzimba okulamafutha amalutshwana kanye lokumunyisa ingane ngokunye okuphathisa ekuthini umama avikeleke kulemvukuzane yebele.
UTsikayi utshele uzulu obekulomkhosi ukuba uhulumende akesenelisi ukuphathisa abaswelayo ngoba engasela mali okungokunye okubangela ukuba abanye bakhethe ukuzihlalela ngekhaya lanxa besazi ukuba sebelayo imvukuzane yebele njalo lokuba iyelapheka ngoba bengayanelisi imali ebizwa ngodokotela njengoba kulendleko enkulu ukwelaphisa imvukuzane.
Omama abaphila lemvukuzane yebele labo bebekhona kulomkhosi okubalisa unkosikazi Gladys Fainoza ofundisa esikolo se Primary e Horseshoe Primary School yena oseleminyaka eyisithupha selokhu watholakala elayo limvukuzane ngomnyaka ka 2007 ngesikhathi esefikise iminyaka engamatshumi amathathu lathoba munwe munye- 39 years.
U Fainoza ukhuthaza omama ukuba bahlolwe sikhathi sonke ukuze bazi kusese masinya ukuba sebelayo limvukuzane loba hatshi ngoba kuyikho okumphathise ukuba aluthole masinya usizo yikho engophilayo lamuhlanje.
Uthi kuqakathekile ukuba labemhuli labo,ikakhulu obaba basekele omkabo loba amalunga emhuli ngothando ngesikhathi sekutholakele ukuba omunye wabo uselayo imvukuzane.
Omunye wenkokheli enhlanganisweni ye Cancer Association in Zimbabwe unkosikazi Junior Mavhu ukhuthaze abaphila lalemvukuzane ukuba benze lokho belethemba ngoba kudinga ukuzinikela ukuluhamba loluhambo lokuphila lemvukuzane.
Ingcwethi zithi isilinganiso sokungamatshumi ayisitshigalo lunye ekhulwini- 97% salabo abaphanga ukuyadinga usizo baphila okwesikhathi eside okusukela kuminyaka emihlanu.
Kodwa okudanisayo kuyikuba inengi labesifazane bayadinga usizo isikhathi sesihambile njalo isingaselapheki limvukuzane yebele lanxa iselapheka umama engaphanga ukwazi ngayo ukuba uselayo.
Limvukuzane yebele ingeyesibili ekuvameni kwemvukuzane etholakal kubomama ikakhulu abensundu kweleZimbabwe.
Inhlolisiso esithe yenziwa iveza ukuba imvukuzane yebele ngeyesibili kumihlobo yemvukuzane ethatha impefumulo yabesifazane umhlaba wonke jikelele.
Udaba lukaMavis Gama omkhosi wePink Day | isiNdebele |
WASHINGTON DC
— Abatshayeli bezimota ezinkulu abe Zimbabwe abathwala impahla esuka kwele South Africa le Zimbabwe isiya kwele Democratic Republic of Congo (DRC) bathi osomabhizimusi bazalahlekelwa yimali enengi okumangalisayo nxa impi yabahlamuki be M23 ingaqhubeka.
Abatshayeli laba abakhulume besedolobheni le Lubumbashi eDRC bathi kusathule kuleyo ndawo loba nje impi le ibethusa.
Bathi uhulumende we DRC wethule umbiko othi abantu bengethuki ngoba ezalwisana le M23 ize iphele impi le.
Abatshayeli laba bathwala insimbi zokwemba emigodini, okwenjiweyo kwasekuhlolisiswa, inyama, inkukhu lokunye okutshiyeneyo.
Kulezimota ezinkulu ezifika inkulungwane ezedlula edolobheni le Lubumbashi ngelanga zisiya kwele DRC.
Umnu. Albert Ncube, omunye wabatshayela izimota lezi, uthi akwaziwa ukuthi impi le izamemetheka okunganani eDRC.
Ingxoxo Esiyenze LoMnu. Albert Ncube
Umnu. Nsinda Dube, omunye njalo umtshayeli wezimota ezinkulu ose DRC uthi balethemba lokuthi kabasoze bahlukuluzwe ngamalwecatsha eM23.
Ingxoxo Esiyenze LoMnu. Nsinda Dube | isiNdebele |
End of preview. Expand
in Dataset Viewer.
South African Languages Dataset
Dataset Overview
| Language | Training Documents | Training GPT2 Tokens | Avg Tokens/Doc | Max Tokens | Test Documents | Test GPT2 Tokens | Test Avg Tokens/Doc | Test Max Tokens |
|---|---|---|---|---|---|---|---|---|
| isiZulu | 116,693 | 192,622,799 | 1,650.68 | 335,530 | 687 | 1,080,961 | 1,573.45 | 15,691 |
| Sesotho | 83,329 | 144,337,938 | 1,732.15 | 98,542 | 841 | 1,393,086 | 1,656.46 | 14,071 |
| isiXhosa | 99,567 | 141,484,241 | 1,421.00 | 113,710 | 788 | 1,161,296 | 1,473.73 | 17,220 |
| isiNdebele | 21,922 | 17,533,799 | 799.83 | 42,701 | 222 | 170,111 | 766.27 | 6,615 |
| Xitsonga | 5,591 | 12,561,979 | 2,246.82 | 57,826 | 58 | 114,059 | 1,966.53 | 8,142 |
| Setswana | 5,530 | 10,405,062 | 1,881.57 | 154,365 | 56 | 99,303 | 1,773.27 | 6,422 |
| Sepedi | 5,180 | 9,947,520 | 1,920.37 | 25,017 | 45 | 98,001 | 2,177.80 | 8,602 |
| siSwati | 1,668 | 3,148,007 | 1,887.29 | 24,129 | 17 | 29,753 | 1,750.18 | 6,682 |
| Tshivenda | 3,994 | 25,756,055 | 6,448.69 | 243,593 | 35 | 60,390 | 1,725.43 | 8,272 |
This dataset covers 9 of South Africa's 11 official languages (excluding English and Afrikaans)
Dataset Structure
Data Instances
Each instance contains:
text: string feature containing the document textlanguage: string feature indicating the language name
Data Fields
text: The text content of the documentlanguage: The language of the text (one of: isiZulu, Sesotho, isiXhosa, isiNdebele, Xitsonga, Setswana, Sepedi, siSwati, Tshivenda)
Data Splits
The dataset is divided into training and test splits as shown in the table above.
Data Source
This dataset was collected from the FineWeb-2 dataset: https://huggingface.co/datasets/HuggingFaceFW/fineweb-2
Additional Information
- License: Apache 2.0
- Version: 1.0.0
- Collection Date: January 2025
- Downloads last month
- 21