diff --git "a/test/rej.jsonl" "b/test/rej.jsonl"
new file mode 100644--- /dev/null
+++ "b/test/rej.jsonl"
@@ -0,0 +1,300 @@
+{"id": "215", "text": "SIM ( Surat Izin Mengemudi) adeba syarat mutlak amên itê lok min kendaraan, utuk mênêa SIM itê perlu sêmyap awok tê muloi kuni pengetahuan teori sapêi praktek dê ade hubungannê ngen lalu lintas. Dau pao tun utuk lulus dapêt SIM o agok payêak tapi uku termasuk butung, uku lulus ujian SIM agok mudêak kêrno sê ati ujian uku bêlajêa kilêak kemliak nak youtube utuk ujian tertulis, amên utuk ujian prakteknê uku bêlajêa nak LPK (Lembaga Pendidikan dan Keterampilan). Nak di itê bêlajêa awêi ipê itê am lulus ujian praktek. Snang nyên asainê amên min kendaraan cigai ade asai sabên kêrno bi têmuan SIM.", "label": 3, "label_text": "happy"}
+{"id": "584", "text": "Antri o adeba budayo nak pelayanan umum dê harus itê têmotoa ngen tertib, utuk antri yo pengalamanku amên itê coa lok an igê mot mêstainê itê pêpueng bi sapêi pnan o. Amên pêpueng itê bi sapêi ipê igai nak di ati tukok itê nam mok pnan agok muko utuk dapêt nomor antri dutê, jijai itê nam gacang utuk dapêt pelayanan nak di. Dê daunê kênliakku tun o bi namên lok gacang tapi sinê sapêi pnan o bi agok kêbilai, sudo o igai lok minoi dutê kulo, api itê coa mêngiak têtiko amên têmau dê barêak yo. Makonê uku amên antri o uku bi pasêt masêt api bae dê têko dutê ngen têko kêdong, amên ade dê salêak uku binai maju têmnai gêntai nam barêak o, amên petugasnê dê salêak uku binai mêngiak ngên petugas o.", "label": 4, "label_text": "angry"}
+{"id": "342", "text": "Memang coa itê nam mbayang awêi ipê kesedihnê amên itê coa timo ngen coa nam masuk Universitas dê itê lok. Dau kêkuwat dê coa nam masuk moi Universitas terutamo negri ade dê mlanjut moi swasta ade kulo dê coa têmrus igai, utuk dê coa nam têmrus slen ba itê kêmliak, cuma itê coa nam madêak kêrno dê daunê masalah biaya. Kêkuwat dê coa nam têmrus o têpakso ade dê kerjo nak kota ade kulo dê belek msadêi mungkin têmulung usaho tun tuainê nak sadêi. Sedih bi pasêtba itê dê jijai kuwatnê coa nam mênêa jêjano, cuma itê nam madêak sabar, ngen nam dêmuo bae.", "label": 2, "label_text": "sad"}
+{"id": "784", "text": "Sabên do o bi pasêtba amên tun nêluak jijai sêksai amên ade kecelakaan, ipê igai nak kecelakaan o sapêi ade dê mêninga. Amên ade dê mêningêanê dê mênêa bênêk o mêak korban dê donê coa nam têimo ngen keterangan sêksai o, dio dê snabên sêksai kulo sêdangkan sêksai o ati tau dapêt perlindungan kuni petugas, nak yoba dê mênêa coa kutê tun lok jijai sêksai walau si namên nyên awêi ipê kejijainê. Utuk nam jijai sêksai o do o harus tun dê kuwêt mentalnê, kêrno nam bae si bakêa têmimo tekanan kuni do pihak igai, amên dio têjijai do o bakêa bahayo utuknê. Misalnê amên ade stom têmumua motor, korban dê nak motor o dê agok payêak mungkin nam bae sapêi mêningêa, utuk tun dê namên nyên awêi ipê kêjijainê do o tingêa ngen si bae, amên si lok jijai sêksai do o padekba amên coa tun coa nam makso si utuk harus jijai sêsai, nam bae si madêak coa namên nyên kêjijainê kêrno si sabên ", "label": 0, "label_text": "fear"}
+{"id": "290", "text": "Gi tingêt nyên uku waktau laher anok pertamo, anok pertamoku laher sêmanêi,  asai snang kêrno bi dapêt bakêa têmrus silsilah nak keluargo dioba jêrkai kuni Tuhan. Keme kutê snang ipê igai tun tuaiku i o kulo ngen keluargoku. Amên tun keme khususnê tun Jang keme makêi sistem Patrilineal, jijai anok sêmanêi o dio dê jijai kêbanggaan dewek utuk keme, coa si amên laher sêlawêi keme coa snang, ngen anok slawêi keme snang kulo, kutênê keme smayang. Amên sêmanêi si nam jijai gais langsung utuk nam itê mpek nak têmbo do igai gaisnê coa putus. Jijai waktau o utuk kêmten asai snang o keme langsung mênêa tando bersyukur ngen Tuhan, keme munang têtanggo ngen sêpasuk utuk kopoa duo nak dasêi.", "label": 3, "label_text": "happy"}
+{"id": "817", "text": "Amên masalah rem lok têatêi nyên, amên nam ayok itê min kendaraan o itê harus mcek kutê muloi kuni ban sapêi rem. Dau tun min kendaraan cêlako o dê daunê kêrno rem, amên itê min stom titik biaso dê model an, asaiku coa mbahayo igê itê gi nam makêi rem tangên do o asaiku gi nam mnulung, amên stom lai do o rêrato kutê muloi kuni stir sapêi rem makêi angin, jijai amên mêsinnê matêi do o dê daunê coa fungsi. Utuk stom dê barêak yo dê kutê makêi sistem angin sêbênêanê lêbiak bahayo nêbaning ngen stom titik bêl o. Amên uku bi mêding min stom têtibo remnê coa makên, do o asai gi cigai nam peker panjangnê dê neker o awêi ipê mêak sapêi bahayo utuk tun luyên utuk awok dewek o cigai tê meker.", "label": 0, "label_text": "fear"}
+{"id": "344", "text": "Jijai sarjana o adeba mipai kuni tun tuai kêrno pendidikan utuk nak Indonesia o gimasiak jijai prioritas utamo nak lêm itê mêsoa kêrjo, I o kulo ngen uku pas gi masuk nak kelas duai SMA tun tuai lok uku nam têmrus kuliah. Tapi waktau o uku gi mêding padeknê maso SMA o sapêi uku coa ade persiapan utuk bêlajêa supayo nam tênimo nak perguruan tinggi negeri. Pas uku bi têmat kuni SMA, ade penerimaan utuk masuk PTN uku ndaftar trus utuk misai soalnê asal bae kêrno memang coa nyên nam misai, mjiaji aseanê coa nam lulus masuk PTN. Sedih bi pasêtba, tapi uku sadar gagal masuk o kêrno salêakku dewek, sudo o uku cubo têmamêak sêmangatku kuni gagal o. Mnurut Bill Gates kêgagalan o adeba guau dê baik ngen coa perlu itê sêmsal, itê harus nam bêlajêa kuni kêgagalan o.", "label": 2, "label_text": "sad"}
+{"id": "1007", "text": "Waktau belek kuni Plimang uku têmingia travel, keme brakat kuni Plimang o jam dêlapên kêlmên, pas bi nak perjalanan kêkiro pat jam travel o bêdan nak umêak makan utuk istirahat ngen mukmêi. Keme kutê pnupang tu un utuk mukmêi ade dê lok moi toilet ade kulo dê lajau mêsên mêi. Uku waktau o moi toilet kilêak sudo o uku mêsên mêi utuk mukmêi, sudo mukmêi uku kulo mêsên kupi kêrno kênliakku supirnê kuo gi masiak santai samo nguta ngen kêkuwatnê sêsamo travel. Kêkiro ade têngêak jam ba keme bêdan nak umêak makan o, sduo keme kênek igai utuk brakat, uku coa sadar amên uku kêmnek stom luyên iso si dê stom uku têmingia nano, pas supir bi lok manêu stom si kêmliak uku trus si têmnai lok tu un nak ipê, uku madêak tujuanku ruponê si sako uku pêi kênek kuni umêak makan o, trus si têmanye okosnê, uku têkanjêt ngen uku madêak amên uku bi masên nak loket trus uku kêmten tiketnê, si tawai ngen si madêak amên uku salêak kêmnek stom, uku tu un ngen asai selek ruponê stom dê uku harus têmingia o ati brakat kuni di, supirnê kulo gi ngupi.", "label": 6, "label_text": "shame"}
+{"id": "296", "text": "Dê nênêmot kanyo akhirnê sapêi kulo, tukku dapêt anok pertamonê. Laher kebilai kêkiro jam sebelas nak klinik bidan, anoknê sêmanêi dê sehat coa ku ang jêjano. Kêrno si o tuk keme dê paling tuai jijai keme uyo bi dapêt kêpau, snang nyên asainê mokasiak kulo ngen Tuhan kêrno keme gi dapêt kêmliak kêpau. Ade abiak duai bilai bi nak dasêi keme lok made bêduo palang aqiqah kêpau keme, jijai keme bi sêmyap duai kambing utuk sênbêliak. Kêlmênnê keme made acara duo ngen munang tun dê paok umêaknê ngen pêpasuak kulo, ruponê malêm o dau nyên dê têko coa ku sako, jijai acaranê abis isya sapêi sudo. Pas bi sudo keme gi masiak nak di ngênguta bae coa ngêding sapêi jam dêpuluak kêlmên. Memang ayoknê uku madêak ngen tukku utuk palang bae aqiqah sabênnê mêak sudo yo coa tingêt.", "label": 3, "label_text": "happy"}
+{"id": "221", "text": "Gi ade tiêak tabunganku uku kulo têmukua tanêak, kêrno coa uak kuni umêak keme uyo ade tun lok jêmuoa tanêak umêak, amên lokasinê paok ngen dalên lai makonê uku lok nyên mok tanêak yo. Amên go mungkin kêrno tunnê kulo gidang perlu caci gi jijai gi nam uku têmawêa sêsuoi ngen caci dê ade, amên jêrkai coa gi moi ipê akhirnê uku nam masên tanêak o ngen go agok mudêak. Lokasi tanêaknê padek tapi sayang didik coa brapo libêa gênêpba utuk umêak bae kêrno na kidêu kanênnê bi umêak kutê, tingêa do yo ba dê ati nêbangun. Ade tiak caci didik uku lajauba mênêa pondasi supayo amên ade lêbiak jêrkai igai uku nam langsung mbangun, misalnê ati ade dê bakêa têmungau mungkin sniwoku kilêak.", "label": 3, "label_text": "happy"}
+{"id": "386", "text": "Uku têningêa kuwatku baliak moi kota luyên kêrno kêrjonê baliak dio sêbênêanê dê mênêa uku sedih, tapi utuk kêbaikannê jijaai keme cigai sepa ok. Dê cet uku tingêt ngen si o kêrno keme bêduai bi an kuwat, pa ok umêak kulo, bi lok si tip bilai keme bi pasêt magiak waktau utuk nam nguta. Uku ngen si o bi cigai ade rêsio keme sêsamo namên, sêsamo têmutup api ade dê ku ang jijai keme bi awêi sêpasuaknê. Memang niên awêi dau tun madêak coa kutê kuwat nam barêak keme bêduai yo, Dê têtiko mênêa uku sedih o amên si jano kêluargonê ade dê ku ang sehat, uku coa nam magêa gêgulut awêi biasonê, paling uku cuma duo bae magêa Tuhan utuk gacang nêlêi kesehatan. Amên galok waktau si gi pa ok keme, uku biasonê sêkueng nak umêaknê jano nak umêak sakit amên ade dê sapêi opname. Dê niênnê uyo keme kadêak bi jarak uak, keme têp mêlêi kabar kadêak cuma têgoa. Jijai amên itê nam sêsamo jêmago perasaan ngen api bae itê nam nginau lêbiak kuni sêpasuak.", "label": 2, "label_text": "sad"}
+{"id": "932", "text": "Pêrnêak coa sêngajo waktau o têmulung tun lok mlaher, jijai waktau o uku kêrjo min angkot pas nak dalên ade dê sêmtop madêak minoi tulung mês ngênyannê moi umêak sakit. Coa peker panjang igai uku langsung lok trus keme moi umêaknê dêmapêt prêpuannê, ruponê prêpuannê o lok mlaher, sudo mapêak moi stom keme lajau gacang moi umêak sakit dê ade nak kota keme. Ade kêkiro lêmo menit sêati sapêi umêak sakit têtibo prêpuan tun o mêding gis ngen madêak cigai taên, uku madêak têgoa igai sapêi umêak sakitnê, coa an sudoku madêak i o, têtibo anoknê laher trus uku têmnai awêi ipê trus moi umêak sakit jano coa, smatênnê madêak trus bae, coa an keme sapêi. Sudo o uku cigai mot kêrno uku meker be jano mên bae mok caci caterannê, do igai uku kulo namên umêaknê. Pas masuk stom uku kêmliak dau dalêak nak stomku ngen mon amis, uluaku agok ngeding gis trus asai lok mutêak, uku kêlwêa igai trus mêsoa tukang parkir madêak minoi tulung mêrsih lêm stom be uku masên nadêakku. Ruponê si lok si dewek dê maliak stomku moi pnan padêaknê nam mpuk stom o.", "label": 1, "label_text": "disgusted"}
+{"id": "740", "text": "Tun nam nadêak phobia amên si midêp sabên dê bêlbiak trus sabên ngen do pnan. Rêrato phobia nam mubêt walau ati si pengobatan dê khusus kêmaên phobia. Barêak phobia ngen bnatang awêi kuyuk adeba Cynophobia brasal kuni baso Yunani Cyno tainê kuyuk ngen phobia tainê sabên. Biasonê tun dê midêp Cynophobia mêding asai sabên ngen kuyuk dê bêlbiak igê. Sabên ngen kuyuk o kêrno trauma kuni titik mungkin bi pêrnêak nêngêt kuyuk, makonê amên si têmau kuyuk walau kuyuk o coa bahayo tapi do o têp mênêa asai sabên dê bêlbiak ade kulo sapêi mbayang kuyuk bae si sabên. Utuk mubêt phobia ngen kuyuk yo nam mênêa kêkêdau cao, nêbaco nak WikiHow.com kekerba riwayat idup ngen kuyuk, mêsoa sêbab gêntai nam timoa, pêcayo amên ade cao utuk mu ang asai sabên o ngen minoi tulung ngen terapis profesional.", "label": 0, "label_text": "fear"}
+{"id": "918", "text": "Amên ade tun mutêak nak lêm hmanêu makêi stom, lok si stom lai jano stom titik o o asainê itê dê kêmliak bi pasêtba ade asai jijik ngen slen, ipê igai dê mutêak o coa bêdan mutêak spanjang dalên. Amên stom o lai awêi bis mungkin coa brapo itê dêpêak tun mutêak kêrno têmingia stom, tapi amên stomnê titik do o ngeding nyên utuk itê têmot paok ngen si, amên nadêakku utuk tun dê galok mutêak o ayok lalau jano ayok têmingia stom kêkiro têngêak jam si o muk ubêt mabuk, jijai waktau nak dalên si o nam tidua kêrno amên coa tidua si kêmliak luwêa stom o si bi pasêt mabuk trus mutêak.", "label": 1, "label_text": "disgusted"}
+{"id": "300", "text": "Memang coa tê têbayang amên kuwat tê ade dê kêno PHK ipê igai amên itê. Barêak kuwatku gennê Suwarno si kerjo nak perusahaan ekport import dê ade kota pnan keme tingêa, kuwatku nak di bi kerjo kêkiro duai belas taun, si kerjo memang kuni bêak sapêi terakhir bi ade jabatan nak di, waktau si moi mdasêi si cerito madêaak amên si bi cigai kerjo nak pnan an o, nadêak nê  ade tun bêlau dê biaso kêmuwat si tip bilai nak ruangannê o dau igê laporan ngen bos, jijai kuwat bêlaunê o gi do sadêi ngen bos makonê tip si laporan ngen bos bi pasêt ba bos masai, padahal dê nêlapornê o ati tau si bênêa. Uku kêmliak kuwatku o memang sedih niên ipê igai si kulo bi an kêrjo nak di, si moi umêak ku kloknê o uku nam majok si kêrjo ngen uku. Kêrno slen ipê igai si gi masiak ade anok dê sêkulah makonê uku majok kêrjo nak pnanku.", "label": 2, "label_text": "sad"}
+{"id": "334", "text": "Trauma waktau gi titik adeba peristiwa dê nding anok titik dê mênêa asai sabên amên trauma yo nam si mêding ngen nam kulo jijai masalah psikologis pas bi lai. Akibatnê mnurut halodoc.com, kêjijai dê mênêa trauma o nam jêmijai pekeran anok, hal yo nam jijai pengaruh nak lêm pekeran somor idup jano nak awok, mental ngen sosial. Akibat kuni psikologis kuni trauma kuni titik o biasonê coa nam têmaên mêngiak, depresi, emosi dê agok têkên, mêding asai stres, sudo traumao dê cet gêmangau pekeran ngen psikotik dê kulo têgangau. Jijai amên itê ade anok dê gi titik itê pasêt namên amên si ade trauma, itê harus nam gacang min moi psikiater kunyau paling coa nê nam kêmu ang jano mêlnyêp asai trauma o ngen dukungan kêluargo kulo. ", "label": 2, "label_text": "sad"}
+{"id": "276", "text": "Tingêt waktau gi titik mungkin gi kêlas duai SD, waktau o TV gi ati dau nak sadêi keme, jijai waktau zaman o ade do nak sadêi keme dê têmuan TV.Bi lok si tip malêm keme noton nak di, têtiko amêm itê cênok didik sapêi tun bi rami nak di, utuk itê nam lok noton agok payêak ipê igai waktau o gi titik alêak ngen tun-tun lai. Kerno cet noton oba uku snang nyên amên ade acara penyanyi cilik waktau o awêi Adi Bing Slamet, Cihicha Koeswoyo, Dina Mariyana ngen dê luyênnê. Nak antaro têbo o dê jijai idolaku waktau o Adi Bing Slamet ngen Chicha Koeswoyo, peker uku tênge ba nam têmau ngen tun duai yo, kêrno waktau o gi titk ipê igai uak jijai coa mudêak itê lok têmau. Pas uku kêlas num SD keme baliak moi Lampung nak di ba uku nam têmau ngen idolaku duai yo, waktau o ade acara peresmian pabrik semen têbo o jijai bitang tamunê. Kerno umêak keme coa uak kuni Bandara makonê uku nam têmau paok tapi asai snang o coa pêrnêak uku lupo.", "label": 3, "label_text": "happy"}
+{"id": "359", "text": "Dau cao itê nak mênêa tun dê bi kêciwo ngen itê khususnê dê itê sayang jijai snang. Awêi itê pêrnêak coa têmi uk gen nadêaknê sapêi itê gagal kêrno coa lok nadêak yo nano, jijai utuk mênêa si snang o itê kulo harus namên jano sêbênêanê dê awêi kênloknê. Dê awêi nêdingku uku harus bêrasea awêi kênlok tun tuaiku walau utuk moi sukses o uku pêrnêak coa manêu awêi nadêaknê, jijai uku mêsoa dalên luyên supayo uku bêrasea. Pas uku bêrasea uku kêmten ngen tun tuaiku dê uku sayang o samo ngen madêak amên uku minoi maaf kêrno coa têmi uk nadêaknê. Tapi uku bi nam têmbus kêsalêakku ngen uku têmuan niat uku harus bêrasea.", "label": 2, "label_text": "sad"}
+{"id": "613", "text": "Api ade dê taên amên nak pnan kêrjo bos pêpiliak tun, dio bi pasêtba coa si baik asainê. Amên nadêakku itê amên jijai bos jano atasan ngen pegawai jano karyawan o harus srai caonê, jibêak itê kêten igê amên itê snang ngen dê do karyawan trus do o bae dê itê mladên. Pêrnêak dê awêi kuwatku mêding nêa barêak o, amên uku coa gi uku mot mênnê bilai o ba uku pasêt minoi bêdan, dau kêrjo pnan luyên asal itê mêak miliak kêrjo. Ade perlakuan barêak o amên uku madêak bos o coa ade jiwo jijai bos jano atasan, utuk jijai atasan jano bos o itê nam mok atêi bawahan jano karyawan tê ngen itê kulo nam mpek ngen magiak kêrjo sêsuoi ngen jano dê knamnê, ipê igai kêrjo o si bi an mêgong itê harus nam têmaên ngen mêlêi penghargaan ngen si o.", "label": 4, "label_text": "angry"}
+{"id": "963", "text": "Gêntai itê harus nam jêmago kebersihan, pertamo utuk itê nam jêmago kesehatan tê, kêduai itê jêmago mêak tun dê kêmliak ngei jano kotor o tun jijai jijik. Amên nak dasêi perlunê itê nam jêmago kebersihan o tujuannê utuk itê dêkeluargo nam sehat ngen mêak sapêi ade dê sakit mnyakit kêrno kumên dê ade kuni pnan ngêi o. Uku coa nyên as amên kêmliak pnan jano kêkêmuk dê ku ang bersih, khusus nak dasêi keme do o uku paling crewet amên ade dê ngêi. Biasonê amên gidong uku libur jano gidong nak umêak uku awit mrikso pnan dê kêkiro dê coa kten utuk mêrsihnê, amên nak dasêi kulo gidong ade anokku, uku bi pasêt majok utuk nam sêsamo mêrsih dasêi.", "label": 1, "label_text": "disgusted"}
+{"id": "588", "text": "Api lok tu un cacêt sinê, tapi amên Allah SWT mêlêi itê barêak yo itê mêstainê têp bêsyukur. Amên nadêakku kunyauba tun bagoa mino itê dêpêtingnê itê coa mino tun, amên têmau dê sadar si coa bakêa mino api bae kêrno itê kutê dê ncipto o Allah SWT, amên itê mino ciptoannê berartai itê mino dê ncipto. Ade mêmêcêm bêtuk Allah SWT têmu un tun nak dênio ade dê calak ade kulo dê kidek, ade dê lêkat ade kulo dê têmêak. Allah SWT ncipto isai dênio yo kutê berpasangan barêak kêbilai ngen kêlmên.Mnurutku jibêakba itê kêmliak kuni bêtuk tunnê ipê igai sapêi itê mino, dêbat si mêding gis atêi ngen kecek tê waktau o kulo itê bakêa dapêt balês kuni dê ncipto.", "label": 4, "label_text": "angry"}
+{"id": "776", "text": "Kutê tun o coa ade dê coa têmuan duso jano pêrnêak mênêa duso, awêi uku amên masalah duso mujua ba uku gacang sadar ngen gi nêlêi waktau utuk minoi apun magêa Allah SWT, gi dau tun dê ati dapêt hidayah utuk nam mêdan mênêa duso. Waktau uku têsadar amên uku bi dau mênêa duso baik duso nêa dewek jano mênêa duso ngen tun, nak di uku muloi mingêt jano pao dê bi sudo uku mênêa dê coa buliak nak lêm agamo. Klongon têngêak malêm uku mênai tobat ngen trus sêmyang tobat minoi apun magêa Allah SWT, ngen mucêp mokasiak magêa Allah SWT kêrno Si gi mêlêi waktau ngen uku utuk mênêa tamêak baik igai utuk moi mukonê.", "label": 0, "label_text": "fear"}
+{"id": "959", "text": "Amên itê muk kêkêmuk dê ngêi do o bakêa jijai penyakit, amên têmau kêkêmuk dê bi ngêi padeknê nu ang bae itê coa namên ngêi o gês jano, ipê igai amên kêkêmuk itê têmukua nak pasar ngen memang pnannê o ku ang bersih. Utuk itê dê mungkin memang usaho kêkêmuk jnagoba utuk kebersihannê muloi kuni itê mênêa sapêi itê jêmuwoa. Dau tun dê cigai lok mnukua igai o kêrno pertamo mungkin dê nêa tê ku ang padek mungkin kulo kêrno itê nano ku ang jêmago kebersihannê, dau utungnê amên itê dêmutê kebersihan yo, luyên kuni itê sêmdio kêkêmuk sehat utuk tun itê kulo bi nam jêmago kwalitas kêkêmuk dê itê jêmuwoa.", "label": 1, "label_text": "disgusted"}
+{"id": "237", "text": "Têkanjêt asai coa pecayo têmi uk amên si dapêt umêak bêlau hadiah undian kuni WOW Smart Fren. Kêrno satpam honoren dê kêrjo nak Sekolah Menengah Negeri 2 (SMPN 2) Dukuh Turi, Tegal yo memang ati têmuan umêak kan yo, si ngen keluargonê gi masiak tingêak ngen tun tuai nê. Si bi an simiak têmuan umêak dewek, tapi ati nam têmukua umêak kerno si ati nam nabung gajainê gênêp ba utuk kêmuk bae. Makonê baginê asai coa gi tukuak umêak ngen gajainê dê gi titik tapi si slalu bersyukur ngen cet du o. Dêbat yo du o nê kênabul Tuhan, utuk nam dapêt umêak liwêt hadiah utama kuni gebyar WOW Smart Fren.", "label": 3, "label_text": "happy"}
+{"id": "394", "text": "Amên itê gimasiak mêding sedih, ipê igai sedih kêrno mênyu ang mako gacangba itê nam muang asai o êuak. Coa ade aseanê amên itê bogoa sedih tip bilai coa ade smudonê, dê niênnê itê bakêa musak awok tê dewek, nam bae amên an igê midêp itê bakêa jijai stres. Mnurut Islam itê coa biliak kêlbiak igê sedih, nak lêm Islam ade kêkêdau coa mêlnyêp sedih awêi itê harus yakin amên sedih adeba takdir kuni Allah, harus dau bêduo ngen duo dê bi Rasulullah mêlêi contoh, harus mê uak sebab sedih o, jijai mênurutku utuk mêlnyêp asai sedih o itê harus gacang meker amên itê dewek coa lok muang asai o coa gi bakêa itê nam kêluwêa kuni asai dê itê midêp.", "label": 2, "label_text": "sad"}
+{"id": "606", "text": "Pêpueng pêi sapêi nak kator kuwatku Diki mêmêngiak cao tau gêntai, uku têmnai ngen kuwat dê luyên nadêaknê kulo coa namên. Bi ade abiak kêkêdau mênit uku têmnai ngen kuwatku Diki ade jano sapêi mêmêngiak pueng yo. Pertamo si coa sêmimêt uku têmnai igai ade jano, uku madêak ngen si mêluak utuk nam  sabar, amên ade jêjano o nadêak mungkin ade dalên kêluwêanê. Si cêmrito amên si kuni lêbêak o asai coa tau kêmasainê o ade dê salêak bae dê ndingnê, jijai uku têmnai jano gidong ade masalah ngen bos jano ade masalah nak umêak, ammên ade cêritoba ngen uku êak sabên mungkin uku nam mêlêi dalên kêluwêanê.", "label": 4, "label_text": "angry"}
+{"id": "747", "text": "Dau cao utuk dapêt perhatian kuni tun luyên, asai lok dapêt perhatian kuni tun dau o jêmijai si galok mgêmêak jano bully sapêi si mêding amên si lêbiak kuwaêt jano lêbiak kuaso kuni tun luyên. Bullying tainê adeba mgêmêak tun luyên supayo si nam kuaso utuk maatur tun luyên, mgêmêak o si manêu ngen kêkêdau cao ade dê ngên madêak bae ade kulo dê sapêi mêgis awok tun, sapêi ade dê mnapêa jano mngokoa. Korban kuni bully o mêding ade asai sabên ngen milok tun dê snabênnê o, sabên nadêak kidek sapêi têtiko gis atêi, awit mding coa nyaman amên ade nak pulu tun dau, cet kulo mêding asai kênliak tun trus makonê têtiko awit mênyu ang. Tun dê awit kêno bully o kulo sabên mêak coa tun luyên têmimo.", "label": 0, "label_text": "fear"}
+{"id": "1004", "text": "Mon awok o daunê kuni itê dau kêmluwêa eteng, amên itê sadar amên eteng tê galok kêluwêa misalnê kêno panês didik do o bi têmeteng itê mêstai sêmyap minyok um tip itê lêlalau, dio gunonê mêak sapêi waktau itê lalau o um pas kêluwêa eteng mon um o alêak ngen mon eteng dê pêi kêluwêa. Dau nyên tun masalah ngen mon awok yo, ade pao si coa meker tun dê paok nê, mungkin si dewek coa sêmnok mon o, tapi tun-tun dê nak idingnê dê sêmnok, pêrnêak uku iding tun dê awoknê kêmon sapêi sep nyabaiku coa taên ngen mon o, kêrno têpakso ngen coa ade lilik luyên tênaênba walau tênêi nyêbuwêak asai lok mutêaknê. Nak yoba pêtingnê itê jêmago kebersihan awok.", "label": 6, "label_text": "shame"}
+{"id": "964", "text": "Cet itê kêmliak tun mênêa kêkêmuk têtiko utuk jêmago kebersihan o sêkmudêaknê têtiko kulo dau dalêk nak iding si mênêa kêkêmuk o. Uku paling coa galok amên kêmliak kondisi pnan dê ngêi o nakêi utuk mênêa kêkêmuk, bi pasêtba pnan o dau bakêa jijai pênyakit kuni kumên dê ade nak pnan ngêi o, mnurutku itê wajib jêmago kebersihan mêak sapêi itê jano tun luyên bakêa sakit sudo muk kêkêmuk dê itê mênêa. Amên itê muk kêkêmuk dê ku ang bersih dê pertamonê do o bakêa mênêa itê tênêi gis, sudo o itê bucua. Kumên kuni kêkêmuk dê ku ang bersih o gacang nyên reaksinê nak lêm awok tê ipê igai amên awok tê agok ku ang kuwêt ngen kumên o nam bae itê lajau jijai sakit.", "label": 1, "label_text": "disgusted"}
+{"id": "787", "text": "Amên tun dê bi ade mêding kêno bêncano biasonê si agok trauma amên mingêt waktau têjijai o, awêi kuwatku mnurut ceritonê waktau kêno bêncano o si cigai panjang peker, dê pêtingnê dê ade nak otoknê o awêi ipê si nge keluargonê slamat. Utuk harto do o cigai si meker, ipê igai pas sudo bêncano tsunami o waktau si mêsoa tokonê dê bi rato ngên tanêak cigai têmau igai, samo o si kulo kêmliak dau bukêi tun nak ipê-ipê tamêak bae si cigai lok mêsoa, dê pêting utuknê si ngen keluargonê bi slamat kuni bêncano o. Amên anoknê dê lai madêak waktau mlilai kuni tokonê o asai cigai mlat pitok igai, ipê igai tun kutê mlilai moi pnan dê lekat utuk nam milok mêak sapêi nêmin umok lai o. Ngut uyo anoknê dê lai cigai lok amên najok moi laut.", "label": 0, "label_text": "fear"}
+{"id": "1000", "text": "Ngen bi dau bukti tun dê snelek kêrno mênêa kêrjo dê bakêa smelek awoknê dewek, misalnê maling lok si didi jano dau do o gennê têp maling. Ade pao tun maling o kêrno si dêsok ngen kondisinê ade kulo dê maling kêrno memang bi kêrjonê, utuk dê kê duai yo dêmaling o adeba kêrjonê tun yo coa gi bakêa ade asai selek lok si ngen tun luyên i o kulo ngen keluargonê dewek. Tun dê kêrjonê maling o utuk mênêa bêdan kêrjonê do o agok payêak kunyauba si bi kêluwêa masuk sel do o ati tau nam mênêa si bakêa jê o, jijai utuk itê dê mungkin ade kêkuwat jano sêpasuak tê dê kêrjonê barêak yo, mêak jêjêmau utuk majêak moi bubêak mêak sapêi sudo yo si mnyêsal ngen kêrjonê o.", "label": 6, "label_text": "shame"}
+{"id": "212", "text": "Pasêtba ade asai snang kêrno lulus ujian, kelulsan ujian ngen nilai dê baês do o jijai mipai kutê tun i o kulo uku, utuk dapêt nilai dê baik o perlu proses. Dau tun dê lok dapêt nilai baês tapi pêi lok bêlajêa bi paok ujian. Amên i o cao nê bi pasêt ba harus coa tidua nam kulo sapêi coa tidua amên ujiannê pueng, akibatnê awok  ku ang padek pas sudo ujian. Supayo nam lulus ujian ngen asea dê padek, itê kulo harus dau cêmatet hal-hal dê pêting ngen harus mingêtnê, tainê jibêak malas cêmatet pas gidong bêlajêa. Coa perlu baês igê tulisannê tapi dê pêting catetan nam itê mbaco ngen maham tulinnê ngen baik.", "label": 3, "label_text": "happy"}
+{"id": "398", "text": "Bêl o ade kulo sêpasuakku si cê êi ngen prepuannê, anoknê nêmin prepuannê ade duai gi têtitik waktau o. Waktau gi bêbêlau saok uku awit moi umêaknê cuma utuk nguta ngên kêkalau si nam mlupo jano dê pêi si mêding. Ade abiak dêpuluak bulên si gi masiak kêten sedih nyên têningêa anok prêpuannê, jijai uku cet madêak ngen si utuk nam mlupo ngen mêsoa gitêinê. Coa tau utêp bogoa meker tip bilai, prêpuannê ati au si meker, uku cubo majok si kêluwêa mto moi umêak kuwat sêlawêi dê uku kulo bi an kenal, ngen harapan kalau si têbukok pekerannê utuk nikêak igai. Kuwat sêlawêiku yo kulo memang mênyu ang anok ade do, si kulo têningêa aduknê matêi. Sudo dêbat uku majok mini ade abiak dêmingau si dê majok uku mini nadêaknê si lok madêak ngen kuwatku o amên si lok serius, tapi si lok manêu kilêak kenal ngen kuwatku o, amên memang judau nadêaknê coa an si lok jêmijai ngênyan.", "label": 2, "label_text": "sad"}
+{"id": "357", "text": "Nak itê manêu idup kuni taun moi taun bi pasêtba itê ade mênêa kêciwo tun dê itê sayang, barêak uku do igai dê uku mênêa kêciwo tun tuaiku adeba masalah umêak tanggoku. Uku manêu umêak tanggo bi an anok kulo bi têlau, amên itê madêak coa ade masalah lêm itê manêu o coa gi mungkin, tapi ngen uku têjijai nyên. Waktau anok gi têtitik keme cet ade masalah, bi kêdau kila uku lok mubêak kalau nam bubêak coa kulo nam. Memang uku tunnê coa galok crito amên masalah pribadi baik ngen kuwat jano sêpasuak ipê igan ngen tun tuai, amên ngen tun tuai uku coa lok o kêrno mêak sapêi si kulo jijai pekeran. Pas anokku bi lêlai bi ade kêrjo awêinê coa nam mubêak kulo masalah nak umêak tanggo, jijai têpakso uku mok keputusan cê êi, dia dê mênêa tun tuaiku terutamo inokku jijai kêciwo ngen uku, tapi bagiku dê pêtinggê uku lok mubêak kêmasaiku amên Tuhan mêlêi uku omor panjang.", "label": 2, "label_text": "sad"}
+{"id": "278", "text": "Idola ngen tun o coa si cuma idola ngen artis terkenal bae, tapi nam kulo idola o ngen tokoh sastrawan awêi dê nding murid Madrasah Aliyah Nurudz Dholam, Desa Kedundung Kecamatan Kedundung, Sampang, murid-murid o têmau ngen JPRM Lukman Hakim AG, sastrawan asalnê kuni Sumenep Madura. Kêkêdau asea karya Lukman Hakim AG ade nak perpustakaan titik nak Madrasah Aliyah Nurudz Dholam, makonê murid Aliyah yo snang nyên nam têmau ngen idola têbo o dê ayok yo cuma mbaco karyanê tapi uyo nam kêmliak ngen têmau ngen tunnê langsung ngen Lukman Hakim AG. Nak lêm pertemuan o kulo si nam cemrito pengalamannê jijai penulis.", "label": 3, "label_text": "happy"}
+{"id": "396", "text": "Amên mênyu ang api bae bi pasêtba mêding sedih, uku pêrnêak mêding kêkiro num jano tujuak taun. Uku ngen têlau anokku ade dê gi sêkulah ngen ade dê bi kuliah, keme manêu idup ngen kesibikan mêmasing, amên kêlmên keme kopoa uku majok nguta ngen têtêlau anokku. Jak inok têbo o lalau kuni dasêi uku sêngajo coa pêrnêak mêsoa nak ipê, memangna anok-anokku têmnai tapi aku madêak jibêak meker igê amên si inau ngen udi bi pasêt si belek. Uku dê ngêding nyên sedih o ngen dê pisêt kêrno si gi titik jijai si coa dau namên jêjano, têtiko kêlmên amên uku kêmliak si coa nam gacang tidua uku pasêt kêmuwat si ngut si tidua, amên dê duai igai kêrno bi lêlai jijai coa si meker igê si nam sibuk ngen bêlajêa jano main gamê. Jijai utuk itê dê gi ade anok sêkulah cet baa itê majok nguta mungkin masalah sêkulah jano masalah dê si manêu.", "label": 2, "label_text": "sad"}
+{"id": "388", "text": "Itê coa namên têngên itê nam spok kêkuwat jano tun tuai ngen kêdau kê an kulo itê nam sêsamo. Awêi uku dê bi pêrnêak mêding pa ok, tib bilai têmau, bi asai sêpasuak kulo coa ku mbayang amên si gi bakêa lalau uak kuniku. Pertamo uku ngêding nyên sedih kêrno si baliak o, tapi êan uku biaso igai kêrno uku meker baik kulo utuknê kêrno kuwatku o baliak si dapêt kulo pengalaman bêlau igai ipê igai nak kêrjo ini si kênek pakêtnê. Amên ade kuwat tê dê barêak yo cuckup itê dêmuo bae kunyai si nak pnan bêlau nam lêbiak maju igai ngen keluargonê sehat, do igai itê mêak mutus hubangan tê ngen si amên nam tip ade waktau itê sêmpêt mubung têmnai kabar supayo asai inau o nam itê mpas.", "label": 2, "label_text": "sad"}
+{"id": "971", "text": "Pêrnêak uku lok gêgulut masuk toilet do o salêak masuk moi toilet sêlawêi, waktau o pas gi lalau moi luwêa kota jijai waktau singêak nak umêak makan kêrno uku bi cigai taên lok mênyêak uku lajau moi toilet. Coa ku kêmliak igai dê dipê toilet sêlawêi dê dipê dê sêmanêi. Waktau masuk o nak lêm gi sunyai jijai coa ku peker igê amên d o toilet khusus utuk sêlawêi, pas bi sudo lok kêluwêa uku têkanjêt kêmliak ade mêmêi mênyêak pas nak iding bang toilet dê uku masuk, si kulo têkanjêt kêmliak uku, kêrno si bi têlanjua mênyêak do o si cigai nam mbuye, tapi uku dê mêding asai selek nyên, ade mêmêi luyên dê madêak amên uku salêak masuk samo grunyam madêak amên dêbat igai kênliak kilêak amên lok masuk toilet nadêaknê, kêrno uku bi selek uku gêgacang kêluwêa ngen coa jijai mukmêi nakdi.", "label": 6, "label_text": "shame"}
+{"id": "540", "text": "Kêkiro tujuak taun dê sudo uku pêrnêak têkanjêt ade dê telpon madêak uku dapêt hadiah keduai kuni ade do supermarket lai nak daerah keme. Uku pertamo asai coa pêcayo kêrno nak uku mêmang ade mpek kupon nak lêm kutak undian o tapi coa dau ade kêkiro lêmo lamêa, maso uku dê dapêt hadiah, nekerku kalaupun uku dapêt mungkin coa si hadiah dê lai. Jijai pas uku gi pnan kêrjo uku dapêt telpon nadêaknê kuni  supermarket o, si madêak amên uku dê dapet nomor undian hadiah ke duai jijai dapêt motor, utuk hadiah ke satunê o stom, si mêluak uku mên moi supermarket o min foto copy tando pengenal. Mênnê pêpueng uku lalau moi supermarket o kêkiro jam sêtêngêak dêlapên, nak di uku têmnai ngen scuritynê nak ipê lok murus mok hadiah undiannê kêrno lêbêak uku dapêt telpon kuni tun supermarket nadêakku, si mês uku sudo uku murus trus foto ngen staf di sudo o motor uku nam min belek.", "label": 5, "label_text": "surprise"}
+{"id": "928", "text": "Ade itê dê galok sêmido bnatang ade dê bnatang têrnok ade kulo dê bnatang kêrno hobi. Utuk itê dê galok sêmido bnatang têrnok ade baiknê itê awit mêrsih pnannê misalnê itê sêmido monok, utuk biyoa ngen upannê do o amên nam tip bilai itê mêrsih, kêrno kuni di oba dau dê bakêa jijai penyakit utuk tê. Awêi têi monok do o amên itê ja ang mêrsih do o bakêa jijai sa ang dalêk, amên dalêk o sapêi masuk umêak tê trus tingêp nak kêkêmuk tê do o bakêa bahayo utuk kesehatan tê. Mnurutku buliak bae itê sêmido mono, bebet jano dê luyênnê tapi itê harus rajin mêrsih pnan ngen mu agn têinê supayo mêak jijai sa ang penyakit.", "label": 1, "label_text": "disgusted"}
+{"id": "952", "text": "Memang nyên amên itê gidong mêmuk têtibo kêmuk dê itê muk o bi iai. Uku amên têmua kêkum iai yo utuk sliro muk o langsung nyêp. Dê awitnê nak umêak makan dê itê coa namên jano itê pêi dêbat mukmêi di, uku tun dê galok lêlalau jijai biasonê uku bêdan waktau nyemen nak ipê uku têmau umêak makan. Ade waktau uku singêak nak do umêak makan, uku kêmliak mênu dê si têmawêa nak di uku kêmliak ade lapên cumi, kêrno uku galok ngen snang nyên ngen cumi makonê uku mêsên cumi snatên. Uku mikmêi ngen sliro tamêak igai memang tênêi bi nyemen, jijai waktau uku muk cumi o uku sêmnok agok usuk, sudo o uku mêdêu pelayannê ngen madêak amên cumi yo bi cigai nam muk, sudo o si mok lapên cumi o ngen madêak amên gênitêi ngen lapên luyên awêi ipê, kêrno sliroku bi nyêp uku madêak tak usah, kêrno coa padek akhirnê uku mêsên mêi tênoa bae utuk nukus mêak mpen lapên jêjano cukup mpek tênoa ngen samêa bae nadêakku, uku trus bêdan mukmêi ngen trus masên, nak dalên tênêiku nyêbuwêak asai lok mutêaknê mingêt lapên cumi o nano.", "label": 1, "label_text": "disgusted"}
+{"id": "210", "text": "Waktau keme lulus kuni SMA bêl o, nak kêlasku kutênê ade pat puluak duai murid dê milêm ujian tapi dê lulusnê tun têlau puluak dêlapên ade pat dê coa lulus. Kuwatku genne Basri têmasuk dê coa lulus waktau o, keme kêmbiak sang niên nam lulus trus nam langsung ndaftar nak perguruan tinggi. Jijia pas bilai pengumuman kelulusan nak SMA, uku coa yakin amên uku kulo lulus kêrno waktau ujian o ade kêkêdau soal dê coa uku misai kêrno memang coa ku namên isainê, tapi cao ku misai soal memang kuni SD uku pasêt misai ipê dê uku nam dutê, ipê dê uku coa nam jano ati namên isainê uku mlakêak, be amên gi ade waktau baru uku meker jano isai dê nlupatku nano. Mungkin coaku yo cukup efektif kêrno amên itê bogoa meker isai dê itê ati nam bi pasti bakêa mabis waktau.", "label": 3, "label_text": "happy"}
+{"id": "741", "text": "Bilai o ade murid bêlau nak sêkulah gennê Mariska, si pêi baliak kuni Lampung ngen keluargonê kêrno tiaknê baliak tugas moi Jawai. Keme têlau cubo kuwat akrab ngen Mariska, pas bi kêdau mingau keme najok Mariska gabok moi umêaknê. Ternyato Mariska o snang ngen hal-hal ghaib, pas do waktau si majok keme main munang atau. Kêrno memang keme coa pêcayo ngen atau akhirnê cêmubo main o ngen ternyato coa têjijai jêjano ngen keme sapêi keme belek moi umêak mêmasing. Pas bi lok kêlmên ternyato uku mêding dau hal dê aneh awêi banêkaku dê têtibo nyêp padahal boneka o biaso ade nak pnannê ternyato boneka o baliak moi pnan tidua, ade suaro dê ku ang jêlas awêi ade dê misiknê ngen ade bayangan dê mênêa uku sabên. Kêrno asai sabên o akhirnê uku baliak moi bilik ayukku ngen cêmrito kejadian kêbilai nano. Uku peker mungkin hal dê mnyabên o cuma perasoanku bae muloi kuni uku pecayo amên ade hal ghaib.", "label": 0, "label_text": "fear"}
+{"id": "275", "text": "Tip tun ade dê têmuan idola artis coa si cuma baês jano calak tapi jijai artis idala o kêrno terkenal ngen prannê nak lêm sinetron nak tv jano artis penyanyi dê têmuan suaro baês. Coa si dêbat yo bae itê têmi uk ade penggemar dê kêmbiak agresifnê ngen artis udolanê. Mnurut psikologi klinis lulusan Universitas Indonesia dê gabung nak lêm Tigagenerasi Anna Duahan, penggemar jijai agresif sêbênêanê kêrno bi snang igê têmau ngen idolanê. Emosi snang o dê bi bêlbiak igê nam mênêa penggemar o lok paok, mêgong, salaman sapêi kulo lok mêgêp idolanê. Dio mênêa penggemar o jijai coa tertib.", "label": 3, "label_text": "happy"}
+{"id": "545", "text": "Asai sabên ngen coa tênang dê nding kuwat kosku Ani pas pêi têningêa tun tuainê, jak o  mênêa si awit mêding nyabai sep ngen gis nak dado dê si sako cuma gejala gangguan mental kêrno nyêp tun dê si cito. Gejala o cet timoa tênamêak igai ngen coa nam tidua makoê jijai têgangau utuk manêu bêbilainê. Luyên kuni o tip ade hal dê mênêa têkanjêt dê pasêtnê do o mênêa jatungnê awit asai gi mêltup, pas bi sudo konsultasi ngen dokter kutê gejala dê si midêp o adeba asam lambung tapi coa si cuma asam lambung bae, kêmliak kondisi jiwonê dokter smaran utuk konsultasi kulo ngen psikiater utuk mêrikso lêbiak igai. Dio têmamêak kuwatku Ani tamêak coa tênang ngen supayo nam gacang kaên si harus nam rutin utuk bubêt. ", "label": 5, "label_text": "surprise"}
+{"id": "780", "text": "Coa didik tun sukses kêrno si sadar ngen duso-duso dê pêrnêak si mênêa maso bêl o, Kêrno si bi sadar o ba makonê dapêt berkah kini Allah SWT, utuk itê dê gimasiak mênêa duso tip mênit, tip bilai yo gacangba utuk nam minoi apun kêrno bi dau mênêa duso o ngen janjai cigai lok mênêa duso igai. Khususnê dê itê gi masiak ade tun tuai, kênêaba tun tuai tê snang, jano dê kêkro si lok itê usahoba utuk nam mêlêi ngen nam made. Coa ja ang itê kêmliak dau tun ajua kêrjonê, ajua usahonê ngen dê luyênnê o kêrno si coa lok namên ngen coa lok paok ngen tun tauinê. Ade kulo awêi itê kvmliak nak brita anok mpek inoknê masuk sel, dio bi têlumo igê durhakonê, si coa meker amên inoknê coa si nak dênio yo janokah si bakêa ade, amên tun tuainê coa smido si kuni titik janokah si nam lai i o bae dio têtiko harus itê meker.", "label": 0, "label_text": "fear"}
+{"id": "201", "text": "Bilai pertamo uku masuk nak perguruan tinggi ade asai bangga, kêrno dê niênnê coa mudêak itê lok masuk perguruan tinggi yo ipê igai dau niên dê maêp nam masuk pyo. Bilai o uku bi dau dapêt kuwat dê daunê tun kuni luwêa kota, têbo o dau ba têmnai pnan umêak siwo, kêrno uku dau namên jijai uku bakêa mês kêkuwat bêlauku yo. Utuk sementaro têbo o têmalêm nak pnan sêpasuaknê jijai keme janjai amên bilai libur keme tmulung kêkuwat o mêsoa pnan tingêa dê coa si auk kuni kampus. Memang beda niêa asainê itê dapêt kuliah nak pnan yo, asai snang o dê mênêa itê coa selek ngen kêkuwat dê kuliah nak swasta.", "label": 3, "label_text": "happy"}
+{"id": "761", "text": "Dau tun sabên amên têmi uk operasi, tun dêpêak umêak keme gennê Rahman si o waktau sakit perikso moi umêak sakit ternyato si midêp usus buntu, jijai nadêak dokter si harus operasi. Uku namên nyên ngen si o mêak gi operasi utuk sutik bae si coa binai, jijai waktau si namên si harus operasi, si magêa uku têmnai nak ipê nam bubêt utuk penyakitnê yo amên nam mêak pakêi operasi. Uku madêa amên uku coa namên nak ipê tapi mungkin bae ade dê nam mubêt penyakit yo coa pakêi operasi. Amên mnurutku kuni bogoa mêsoa pnan bubêt dê awêi klok yo padekba operasi bae do o kulo coa si an nadêakku, ipê igai zaman uyo do o kutê bi cigai itê mêding gis kêrno kutênê bi makêi alat moderen. Uku madêak ngen si mêak sabên amên cêrito dê bi pêrnêak operasi o nadêaknê coa si ngêding, tingêa itê sudo o harus namdau istirahat ngun gês operasi o bêbênêa kaên.", "label": 0, "label_text": "fear"}
+{"id": "949", "text": "Kuni pêgas o dau nyên bakêa jijai pênyakit amên itê têmupuk nak umêak jano nak paok umêak tê. Amên duai bilai bae itê munyau pêgas nak umêak tê coa si nuang, do o bae bi jijai sa ang semut, sa ang dalêk, sa ang nyomok nam kulo do o bakêa jijai sa ang tikus. Kutê kuni bnatang o min penyakit, jijai utuk milok mêak sapêi i o itê mêstai nam jêmago utuk kebersihan ngen nam mênêa rapih umêak ngen cao matur pnan pêgas dê donê. Amên itê dê tingêa nak kota, memang ade petugas dê mu ag pêgas tê, tapi amên si coa nam mok tip bilai, itê mêstai matur cao cêm êi pêgas tê ngen mêak munoi jijai do. Do o tujuannê mêak petugas o coa nam mok pêgas tê kêrno ade halangan mung sapêi kêkêdau bilai dê niênnê utuk tê didik agok coa têgangau ngen mon pêgas.", "label": 1, "label_text": "disgusted"}
+{"id": "576", "text": "Utuk anokku dê lai si waktau o gi kelas duai SMA, jijai si sêkulah o gi makêi motor an dê tênukuaku waktau si gi nak SD, uku ade rencano lok mêlêi kejutan utuknê, jijai waktau si bi kênek moi kelas duai SMA pas waktau ulang taunnê uku bi mêsên motor dê kanyo si lok, tapi ayoknê coa ku ade madêak baik ngen si i o kulo ngen asuak-asuaknê. Waktau pas bilai ulang taunnê si sêkulah biasonê si belek kêkiro jam duai kêbilai, kêkiro jam dêpuluak pueng uku mêluak tun mês motor moi umêak uku usaho mêak asuak-asuaknê namên kilêak kulo, pas bi nak umêak motor o uku mpek nak samping  tênutupku ngen bukus stom jijai coa si kten amên itê coa sêngajo mukok. Pas si belek sudo si mukmêi uku mêdêu kutê asuak-asuaknê kulo, uku majok moi samping umêak sapêi di uku madêak dio hadiah utuknu tamêak rajin bêlajêa igai ngen mêak têmingêa sêmyang, si mêgêp uku samo madêak mokasiak ngen nginoi, coa sadar uku kulo bi kêluwêa biyoa matai kêrno snang.", "label": 5, "label_text": "surprise"}
+{"id": "745", "text": "Utuk kêmu ang asai sabên ngen atau do o perlu ade cao mubêt dê khusus supayo coa mrugai tun dê midêp o. Makonê tun dê midêp sabên ngen atau jano Phasmophobia perlu terapi dê têpat ngen psikolog jano psikiater. Mnurut Ikhsan psikolog amên tun dê sabên jano phobia ngen atau nam mubêt ngen terapi Exposure dê maok tun dê midêp ngen pnan dê snabênnê. Nam kulo manêu Cognitive Behavioral Therapy ( CBT ) utuk nam mubêak cao pekernê kuni dê coa nyato ngen dê nyato. Luyên kuni duai terapi o dê midêp Phasmophobia nam kulo manêu Reality Therapy. Terapi yo majok dê midêp Phasmophobia utuk nam belek moi kondisi nyato nak lêm kehidupannê ngen tujuan utuk smadar dê midêp o amên coa ade dê mawas kecuali tun dê ade nak idingnê.", "label": 0, "label_text": "fear"}
+{"id": "619", "text": "Kuni dê pêrnêak uku mêding trus mêngiak ngen tun dê mimok masalah sukau, uku bi dapêt pengalaman nak di. Jijai itê sêsamo luyên sukau mêak sapêi mênêa api bae mêding asai singung, makonê nak lêm itê bêgaul ngen dau sukau yo itê nam mbiso awêi ipê pêmekeran tun dê itê majok miling o. Dê ndingku uku dau kênal ngen mêmêcêm sukau, kêrno uku coa pêrnêak ipê igai sapêi mino sukaunê makonê keme bi awêi sêpasuak walau keme luyên sukau, amên uku memang uku lok dau namên cao ngen adat sukau luyên kêrno ade dê itê mangêp baik nak sukau tê tapi coa baik utuk sukau luyên. Makonê kulo uku jijai dau dapêt sêpasuk kuni sukau luyên, kêrno uku bêrusaho nam têmotoa cao nê amên gidong kopoa dau sêsamonê.", "label": 4, "label_text": "angry"}
+{"id": "543", "text": "Emosi o coa si cuma mêngiak ngen sedih, kanyo itê mênilai emosi adeba hal dê coa baik, amên emosi o coa si cuma duai perasaan nano tapi lêbiak moi pola reaksi dê mênêa prêngoi tun dê gênuno nak lêm madêp hal dê nadêp tun o. Emosi nam kulo itê madêak asai dê itê mêding nak lêm awok tê, misalnê emosi snang. Emosi snang pas itê dapêt hadiah awêi waktau uku dapêt hadiah kuni kêrjo baik dê uku manêu sêlamo dê taun, haiah dê uku têmimo coa sêbêrapo tapi ade tai dê lai utuk kêrjo dê uku sêmudo. Brasea kêrjo dê uku sêmudo o dê mênêa uku snang ngen têmamêak sêmangatku utuk lêbiak baik igai nak lêm kêrjo i o kulo ngen utuk nam têmikêt cao kêjoku moi mukonê.", "label": 5, "label_text": "surprise"}
+{"id": "749", "text": "Sabên kêrno gênmêak jano bully utuk perkembangan anok, bakêa mênêa kide utuk anok. Do o bakêa trus si mêding ngut si lai amên coa nam mubêak gêgacang mako korban bully o nam bae si bakêa mênêa kulo ngen tun luyên. Makonê perlu itê gacang nam mubêak pekeran o kuni tun tuai, guau ngen tenago profesional. Mbaco kuni Direktorat SMP Kemendikbur Ristek adeba majêa amên tun tamêak omor bakêa dau kwat ngen coa stok magêa lingkungan o bae, tun tuai ngen guau têmulung makêt bakat anok ngen têmanêm hal positif nak lêm manêu idup, majêa nam semlen awok dewek sapêi nam mênêa kwalitas awok dê kuwêt, najêa cao nam saling hormat, têmêak atêi ngen têmimo amên tip tun o coa srai.", "label": 0, "label_text": "fear"}
+{"id": "730", "text": "Utuk muloi mbiaso miling jano nyanyi nak muko tun dau itê nam bae amên itê awit cêmubo. Uku pertamo kilai nyanyi nak das panggung do o asai salêak bae, kêrno uku ati nam kontrol awokku dewek ngen dê uku mêding o. Amên uyo kêrno uku cet mlatih ngen cet cêmubo jijai do o bi awêi biaso madêp tun dau. Uku kulo pêrnêak jijai marketing do o kulo mnulung utuk itê nam miling madêp tun dau, jijai sêbênêanê bi lok si srai bae itê miling su ang nge itê miling madêp tun, utuk itê dê ati cubo miling jano nyanyi dak muko tun dê itê coa kênal do o mudêak, mêak sabên salêak do o kucainê do igai mêak mangêp tun dau o kêmliak itê ipê igai tun dau o bakêa sêmalêak jano têmawai itê, kutê o amên itê nam min suasano coa gi bakêa têjijai gennê dêmêm panggung.", "label": 0, "label_text": "fear"}
+{"id": "565", "text": "Ade mêmêi gennê Sulastri omor pat puluak delapên taun coa nam munyin asai snang ngen asai têkanjêtnê pas dapêt hadiah kuni undian kuni supermarket nak daerahnê. Si coa sako amên kupon dê si misai dê dau o nam mênêa si snang i o kulo keluargonê. Awêi ipê coa tip si blanjo nak supermarket o si pasêt mok waktau utuk misai bio data dê ade nak kupon o sudo o si mpek nak lêm kutak undian. Coa sêsako kupon undian dê gennê kêluwêa dapêt hadiah sakonê cuma dapêt kulkas tapi nyatonê si dapêt hadiah utamo motor. Têkanjêt ngen asai snang si mêding dê nanonê cuma cêcubo bae ruponê do o jêrkai utuknê", "label": 5, "label_text": "surprise"}
+{"id": "999", "text": "Uyo dau itê kêmliak tun galok mok dê iso si hoknê, têtiko itê dê selek puce ulêaknê, misalnê maling nak supermarket do o dau ba mêmêi bi agok tuai. Ngen makêi jilbab masuk supermarket têtiko sapêi tun duai jano têlau, sapêi lêm o si mok jano bae ngen munyin nak lêm jilbabnê, model yo kan bakêa sêmelek tun Islam dê sêlawêi umumnê makêi jilbab, uku amên têmau pas takêp uku ade nak di mungkin uku mpas jilbabnê, kêrno si coa mêgo dê nakêinê o ipê igai si makêi jilbab o cuma utuk têmutup jano dê si mok. Itê têtiko slen kulo kêmliaknê mungkinba si o tun saro jano tun peset, tapi amên kêmliak tunnê do o rêrato tun dê gi masiak kuwêt utuk kêrjo, dê jêngik igai amên bi takêp do o si mêding asai coa salêak. Makonê utuk itê kulo lok têatêi mêak kêmliak kuni luwêanê utuk nam mnilai tun.", "label": 6, "label_text": "shame"}
+{"id": "618", "text": "Nak lêm agamo mêak itê cêcubo madêak masalah agamo tun luyên kêrno dio bakêa ade akibatnê, itê dewek bae walau lêmau agamo tê didik mêak cêcubo tun mino agamo tê bi pasêtba bribut. Awêi tun iding umêak keme si o agamonê Islam  pêrnêak tênko tun majok bribut, masalahnê didik kêrno si madêak tun dê agamo luyên kuni Islam o coa gi bakêa masuk sêrgo samo bragam sêbênêanê. Tapi dio bi mênêa tun singung ngen mêngiak, mujua waktau o uku kulo gidong ade jijai uku têmnai masalahnê jano, pas uku binamên uku cubo mêruwoi kêduainê, mujuanê kulo kêduainê lok uku dêmamoi. Sudo o pas tun dau o bi belek uku madêak ngen tun iding umêak o jibêak igai pêrnêak madêak awêi o ngen api bae, kekerba awok tê bae, itê kulo ati tau bakêa masuk sêrgo nadêakku, do o gennê smingung tun api bae bakêa mêngiak.", "label": 4, "label_text": "angry"}
+{"id": "624", "text": "Dê têkadêak mbut kêrjo o amên itê ade bakêa kêrjo sudo o coa tê namên kêrjo dê bakêa itê kêmrêjo o bi kênrêjo tun luyên. Amên dê nêbut o kêrjo nak do kator do o tainê si lok mêus itê, tapi amên dê nêbut o kêrjo dê bakêa ade cacinê biasonê si mêus go, amên têmau barêak dê kêduai mbut kêrjo dê ade bakêa cacinê dio gennê coa si mbut jerkai tê tapi utuk itê mungkin ade sêbab baik kuni itê jano kuni dê bakêa lok mêlêi kêrjo, amên sebabnê kuni itê berartai itênê dê harus mêsoa gen kêsalêak tê, tapi amên kuni pnan dê lok mêlêi kêrjo itê cuma nam mok hikmah nak beleknê. ", "label": 4, "label_text": "angry"}
+{"id": "1010", "text": "Utuk nam mlupo awok tê dê pêrnêak mnyelek nak pnan tun dau do o mungkin kutê itê agok payêak amên lok gacang, tapi itê harus nam brusaho utuk mêlnyêp kêmasai tê o, amên itê munyau trus kêmasai o bakêa saronê itê dewek dê mêding, amên uku utuk mêlnyêp kmasai jano asai pêrnêak selek o tênge têmau tun dê ade nak di waktau uku mnyelek biasonê amên kenal uku majok bragam, ngen uku i o uku nam mêlnyê kmasaiku dê pêrnêak mnyelek idingnê. Dêniênnê amên nam mêak meker igê, ngen itê coa meker o itê jijai nam pêpêlan mêlnyêp asai dê ade nak pekeran tê.", "label": 6, "label_text": "shame"}
+{"id": "353", "text": "Uyo tun tuaiku dê gi ade o inok Alhamdulillah, kuni titik ngut tuai yo uku bi dau mênêa kêciwo tun tuai, uku sayang nyên ngen tun tuaiku uyo uku usaho utuk jêmago nyên perasaannê mêak sapêi uku mênêa si jijai pekeran ngen uku. Dê coa pêrnêak uku mlupo mênêa kêciwo tun tuaiku adeba masalah sêkulah, si walau coa dau caci tapi lok kutê anoknê mêak sapêi putus sêkulah, makonê waktau uku bêdan sêkulah nak STM si mêngiak nyên ngen uku, cuma waktau o uku meker kulo amên uku têmrus sêkulah dê coa klop ngen atêiku mungkin si lêbiak kêciwo igai, jijai Alhamdulillah kutê o nam uku têmbus ngen uku nam têmat SMA trus kuliah walau coa ngut sudo kêrno uku timo kêrjo, walau didik uku nak têmulung asuakku dê gi sêkulah.", "label": 2, "label_text": "sad"}
+{"id": "917", "text": "Memang ade bangsonê tun dê mudêak mabuk nak lêm stom amên lalau uak, mêak gi uak têtiko têmingia stom têgoa bae si bi mutêak. Waktau uku gi sêkulah bêl o keme lalu moi studi tour nak lêm propinsi bae, jijai nak Lampung o dau dê keme magêa muloi kuni makam pahlawan Lampung, rajo Lampung sapêi pnan dê ade sejarah dê nak Lampung. Waktau o uku gi jijik nyên amên kêmliak mutêak, jijai kuwatku dê têmotnê sêb angku do o mutêak padahal têmotnê o coa si dêpêakku agok uak ba, tapi kêmliak do o asai jijik ngen uku sapêi utuk mêmuk uku bi cigai sliro, smudonê uku baliak pnan têmot gitêi ngen kuwatku dê têmot nak belakang. Pertamo kuwatku o coa lok uku majok tukar pnan têmot tapi kêrno uku agok makso akhirnê têpakso si baliak, uku têmot pnannê ngut sapêi keme belek igai moi sêkulah.", "label": 1, "label_text": "disgusted"}
+{"id": "318", "text": "Sedih niên asainê amên itê kêlnyêp tun dê sayang sêlamonê, awêi ipê coa si dê biaso adê nak dasêi tê lalu coa bakêa pêrnêak belek igai. Bi pasêt ba têbayang pasêtba itê cet minau si. Duko ngen kêlnyêp tun dêpaok o memang perlu waktau, tapi ade kêkêdau penelitian têmau lêm kondisi yo nam jêmijai suasano bêlau nak dasêi. Mbaco nak artikel American Psychological Assosiation ( APA ), ade cao mubêt sedih pertamo cêmrito awêi ipê si mêningêa supayo tun nak di namên awêi ipê kejadiannê, kêduai têmimo kêmasai sedih, kêtêlau kêmliak awêi ipê kondisi kêluargo ngen mingêt dê bêbaik kuni tun dê bi mêningêa.", "label": 2, "label_text": "sad"}
+{"id": "313", "text": "Ade kulo sêpasuakku si têningêa inoknê mêningêa, si kutê bêpat basuak dê pisêtnê sêlawêi. Nak antaro pat basuak o dê an sêdingênnê dê pisêt yoba, kutê kakoknê madêak mêak an igê sêdingên tapi si coa gle. Uku cêmubo madêak pas kulo waktau o uku singêak nak umêaknê, dau ba uku crito ngen si sapêi uku madêak amên nak agamo o coa buliak an igê sêmdingên dê mêningêa, amên itê coa nam têmimo ngen ati nam ikhlas magêa ketentuan Allah dê mêningêa o coa nam tênang nak di, jijai sudoba bogoa sêmdingên, amên memang sayang nyên ngen inok o usahoba tip sudo sêmyang mbo duo utuknê.", "label": 2, "label_text": "sad"}
+{"id": "307", "text": "Zaman uyo bi abiak masuk taun ketêlau gi masiak lêm pandemi, dau tun dê kêrjo nêdan kêrno pnan kêrjo coa nam masên gajai karyawannê. Awei kuwaatku si kêrjo nak perusahaan kontruksi, si kêno PHK kêrno perusahaan gidong coa dau kêrjo ngen rugai kulo. Lêm maso yo utuk kutê bahan bangunan gonê kênek coa kêkiro, jijai utuk perusahaan kontruksi yo têkêding nyên, utuk lok mok kêrjo kulo harus atêatêi. Kuwatku yo uku majêa si utuk nam mukok usaho dewek jêmuwoa kêkêmuk, uku majêa si ngêsok ngen coa niên tip bilai, utuk jamnê tergantung têngen uku ade waktau, kêrno uku kulo kêrjo jijai si mot têngen waktauku. Ade abiak dêmingau si bi dau nam kêmsok dê intinê bae awêi lapên satên, mênêa tumisan, mênêa samêa dê padek, mênêa rêndang ngen dê luyênnê. Si rencano lok mukok warung tenda utuk jêmuwoa mêi ngen go dê agok mudêak.", "label": 2, "label_text": "sad"}
+{"id": "573", "text": "Wargo Desa Sukapura Kecamatan Cidun, Cianjur, Jawai Barat, kênanjêt wargonê dê têgen SZ ( 25 taun ) dê mlaher cupik pas mêding tênêi lai slamo dêjam. Si su ang têkanjêt ngen jano dê si mêding, sebab slamo yo si coa mêding asai tênêi lai awêi dê tnulis Kompascom, pertamonê si gidong santai nak umêak têtibo si mêding awêi angin dê masuk kak do onê, sudo o tênêinê ngêlai trus coa an nitik igai. Waktau o si sako amên sakit maghnê mindo, sabên mêak ade jêjano si nêmês sêpasuaknê moi Puskesmas dê paok utuk mrikso. Sapêi nak Puskesmas si têkanjêt amên si gidong tênêi lai ngen têgoa igai bakêa laher. Niên ruponê coa an si mlaher anok sêlawêi bênêknê duai koma sembilan kilogram. Mnurut kepalo Puskesmas masalah yo adeba hal dê wajar, nak lêm dênio medis hal o adeba Cryptic Pragnancy jano tênêi lai samar, nak ipê sêlawêi coa sadar amên si gidong tênêi lai ngen pêi ngêding pas waktau lok mlaher.", "label": 5, "label_text": "surprise"}
+{"id": "535", "text": "Ade cerito ngen uku waktau uku nak sadêi, dio têjijai niên ngen uku waktau o. Jijai uku waktau nak sadêi keme kêrjo nak perkebunan kupi dê ade nak di, uku dapêt tugas kêmawal stom min barang moi gudang, keme kuni perkebunan brakat kêkiro jam sembilan pueng, Kêrno pnan gudang o agok uak jijai agok an kulo muk waktau. Belek kuni gudang keme bi agok kêlmên kêkiro jam dêpuluak sapêi nak kator kêbun, sedangkan uku tingêa nak sektor duai amên kuni kator kêkiro num kilometer. Malêm o uku lok belek moi kem keme, uku mênyu ang min motor mlitas nak biding kêbun kupi dê dêpêaknê o gimasiak imo, jijai kêlmên o kulo agok mê on pas uku belek. Bi ade kêkiro duai jano têlau kilometer pas têpatnê nak muko mêsin gesek dê bi cigai nakêi nak di motorku matêi mêsin, uku tu un lok midup motor kêrno agok kêlêm uku têmulok motor  moi pnan tê ang bêak lapu nak tiang listrik, gidong têmulok o ba uku têkanjet kêmliak nak belek awokku ade dê têmotoa kêten agok putiak lai, pas uku bêdan si nyêp. Pas motor bi idup uku gêgacang belek ngen kmasai coa baik.", "label": 5, "label_text": "surprise"}
+{"id": "575", "text": "Ndingku têtiko ade asai selek gi amên itê dê bi tuai yo dê pakêi nêrayo uang taun kulo, Uku belek pêlbêak coa ku sêsako amên nak dasêi bi sêmyap utuk acara têtitik kuni anok-anokku. Jijai pas sudo mênai uku awêi biaso mot waktau sêmyang maghrib samo ngupi. Coa ku namên têtibo anokku dê sêlawêi mêlêi kado ngen uku nadêaknê hadiah ulang taun, dê pisêt kulo min juadêak ulang taun ngen dasnê bi nidup lilin. Uku dewek coa tingêt amên bilai o pas bilai laherku, ruponê anok-anokku bi sêmyap kuni kêbilainê, kêrno uku lalau kêrjo kuni pueng jijai coa ku namên rencano têbo o.Lêm asai snang o uku gesea nginoi kêmliak cao anok-anoku lok sêmnang uku, uku madêak mokasiak ngen kutê anokku uku kulo mêsên amên sudo yo lok mênêa barêak yo nadêak kilêak, anokku dê sêlawêi madêak amên nadêak kilêak gennê coa si kêjutan nadêaknê.", "label": 5, "label_text": "surprise"}
+{"id": "759", "text": "Têkanjêt ngen asai sabên bakêa tênêm nam api bae mêding, ipê igai ngen tun dê coa nam mêlwên, kêrno pas tun tênêm paru-paru bakêa pênuak ngen biyoa ngen coa sadar bakêa têmaên nyabai, dio adeba cao perlindungan ngen otomatis dê nêa awok, tapi nam kulo payêak mok nyabai trus akhirnê cgai mnyabai. Pas awok cigai mnyabai, awok bêdan têmimo oksigen nak otok makonê tun dê tênêm pisan kêrno oksigen coa masuk, kêrno ku ang oksigen o babok bakêa jijai biru utamonê kten nak bibia, jiai kekea ngen jiai tengan. Ku angnê oksigen yo kulo mênêa jijai kejang waktau yoba organ lêm awok muloi usak awêi, atêi, jatung ngen paru-paru. Tênêm o bêbênêa mnyabên utuk o pêtingnê tip tun ade lêmau dê nam mênêa slamat nak lêm bahayo.", "label": 0, "label_text": "fear"}
+{"id": "935", "text": "Uku ngut ba uyo amên ade mon amis terutamo mon dalêak do o asai lok mutêak ngen têtiko ulauku muloi gis amên an igê sêmnok. Jijai utuk tê dê coa taên ngen mon amis yo itê mêstai sêmyap jano dê nam milok utuk itê mêak sapêi sêmnok mon amis o. Amên dê uku mênêa, utuk milok mon o uku cet min minyok angin nak lêm pakitku, misalnê ade pnan dê coa nam milok dê adu hubungannê ngen mon amis yo uku nam gacang makêi minyok angin ngen pmek nak stangên jano mpek langsung nak yung. Coa nyên uku nam makso amên sêmnok mon amis o, memang daau tun dê taên sêmon tapi uku coa nam, makonê amên nam uku bi pasêtba milok pnan o, amên namên awitnê coa uku magêa amên nak di o bakêa sêmnok mon amis.", "label": 1, "label_text": "disgusted"}
+{"id": "341", "text": "Kuwatku dê do igai dê têgen Rio kulo coa lulus masuk nak universias negrai, si tip bilai diêm bae nak bilik coa pakêi kêluwêa. Slen kulo uku kêmliaknê padahal tun tuainê termasuk tun mampu ipê igai si pat basuak si su ang dê sêmanêi, uku mini têmau ngen inoknê, inoknê cerito amên Rio o coa lok kuliah amên coa nak negrai si minoi uku utuk têmulung madêak ngen kuwatku o. Jijai uku sêrbo salêak lok madêak sêbênêanê, tapi amên uku coa madêak slen ngen tun tuainê i o kulo ngen kuwaatku yo. Uku mbinai masuk moi biliknê trus keme nguta samo ngupi nak bilik, pas ade kesempatan uku madêak ade univesitas dê baês memang coa si negrai tapi lulusan di coa alêak ngen lulusan kuni universitas ngrai, amên ko lok uku mês moi daftarnê nadêakku, Alhamdulillah si lok uku mêding snang kulo kêrno nam mênêa si cigai sedih igai.", "label": 2, "label_text": "sad"}
+{"id": "556", "text": "Ade do penupang bis kten agok bungung pas belek msadêi, samo min tas ngen kêrdus isai dau barang, si makau têlat têko moi pnan bis brakat kêrno sakonê jam brakat bis bakêa têlat kuni jadwal dê bi ade, tapi bis dê lok têningianê o têpat waktau brakat jam dêlapên. Lêm bingung o si têmot agok lêmas samo madêak ngen petugas dê ade nak di, si makau têkonê agok têlat kêrno harus sêmyap kutê barang dê lok nêmin belek msadêi. Samo trus berusaho mubung sêpasuaknê si kêten sedih kêrno sabên coa jijai belek msadêi nak bilai o, ternyato sedihnê o coa an kêrno ade petugas misin kênek bis dê luyên. Kêten snang nak papêanê kêrno si nam belek msadêi sêsuoi rencananê. ", "label": 5, "label_text": "surprise"}
+{"id": "254", "text": "Kuni pengalaman idup dê uku mêding hal dê paling mênêa snang nak lêm idup pas uku nam jijai dalên kêluwêa utuk tuk luyên, kêrno kêrjoku jijai pendamping sosial kêmuat masyarakat dê kêno imbas bencana ngen kondisi masyarakat dê têgangau pekeran ngen kondisi sêrbo ku ang. Waktau uku sapêi ngen rombongan, masyarakat di o bi têmungau keme ngen harapan dapêt bantuan dê têbo o perlu. Kêten snang nyên masyarakat o dapêt kutê perlengkapan dê têbo o lok, kuni perlengkapan tidua, perlengkapan menai, sapêi perlengkapan anok titik. Luyên kuni utuk kebutuhan dopoa umum kulo bi dau dê nêmin utuk kêkêdau bilai moi muko. Kêmliak têbo o snang dio jijai pengalaman dê coa mudêak uku mêlupo. Kêrno nam kêmliak têbo o snang.", "label": 3, "label_text": "happy"}
+{"id": "598", "text": "Anok titik biasonê galok bujo ngen kêkuwatnê, sudo o coa an si bi gabok igai. Têtiko itê tun tuainê ade asai kano amên kêmliak anok tê nokoa jano têninyau kuwatnê, amên nadêakku amên si coa mbahayo igê itê tun tuai mêak mêmilêm igê sapêi itê sêsamo tun tuai bribut gêgara anok. Amên ade dê silêak mênyilêak itê mubêt do o bae amên nadêakku, tapi ade kulo tun tuai dê mudêak kanok amên anoknê blago ngen kuwatnê, itê kêmliak amên si gi omor lêmo taun mimêak do o coa jêjano be sudo bêlago o si gi bakêa kuwat igai. Maksudku utuk anok dê gi titik barêak yo dê baiknê itê tun tuai mêak kulo jijai bribut, amên bribut biasonê itê tun tuai ati sêbaik anok bi kuwat ngen bi gabok igai.", "label": 4, "label_text": "angry"}
+{"id": "933", "text": "Coa kutê itê taên ngen mon amis ipê igai mon amis kuni dalêak, amên itê moi umêak sakit umum ipê igai moi ruang tun mlaher jano ruang kecelakaan, nak di o ngêding nyên amên mon amis o cet itê sêmnok. Mnurutku khususnê utuk ruang duai yo harusnê awit marsih ngen karbol jano utuk kêa dê agok um, amên nam tip duai jam dêbat do o nêpel ngen kamar mênainê kulo mêak sapêi ade mon amis. Uku amên kêmliak jano sêmulau tun nak umêak sakit amên si nak ruangan dê ade mon dalêaknê coa nam an uku nak lêm, sudo kêmliak têgoa sudo o uku keluwêa, amên sapêi an uku nak lêm sabênnê mêak uku mutêak.", "label": 1, "label_text": "disgusted"}
+{"id": "332", "text": "Tukku dê tuai uyo bi ade anok, waktau titik bêl o si têngen gabok ngen kêkuwatnê bi pasêtba gabok moi têngêak sawêak dê ade coa si uak kuni pnan keme. Nak têngêak sawêak o ade awêi kulam si ngen kêkuwatnê biaso mênai nak di dêdau, do o waktau si gi TK, jijai waktau o si belek ngacap samo nginoi, pas kulo uku gidong ade nak umêak. Uku têmnai gêntai si têmunjuk kêdongnê ruponê nak kêdongnê bertepek litêak, uku mok odot uku mêlcêak, uku têmtik biyoanê moi litêak o, dê do litêaknê lepas. Si kêten trauma niên ngut ba uyo amên belek moi msadêi keme mênai nak danêu dê ade nak sadêi keme uku majok mênai pasêt si mêluak keme dutê masuk moi biyoa, amên kênliaknê bi aman baru si lok mênai kulo.", "label": 2, "label_text": "sad"}
+{"id": "566", "text": "Papêa Udin bubêak pas kêmliak nak papên pengumuman nak Bank. Nak papên o ade gen ngen nomor KTP ngen alamatnê dê jijai pemenang kêduai dapêt motor. Kêmbiak snangnê coa si sadar si langsung mêgêp prêpuan dê ade nak dêpêaknê ngen asai coa pêcayo trus mêluak prêpuannê utuk mbaco igai isai pengumuman nak papên pengumuman o. Memang hadiah o coa si hadiah utamo tapi mnrutnê bi dapêt dio bae si bi bêsyukur kêrno si cuma têmuan do motor, do o kulo dê nakêinê jêmuwoa sayur keliling, jijai amên hadiah o si nam min belek do o bakêa nakêi anoknê utuk sêkulah. Udin ngen prêpuannê memang nasabah Bank o, kuni awal si mukok usaho dagang sayur keliling si awit nabung sapêi saldo tabungannê trus tamêak. Tabungan o utuk persiapan anoknê dê tuai mlanjut kuliah, coa sêsako kuni cet menabung o ternyato si jijai do dê dapêt jijai pemenang undian o.", "label": 5, "label_text": "surprise"}
+{"id": "791", "text": "Ade itê dê sabên ngen bnatang ade kulo dê coa, amên dê sabên o nam bae ngut tuai amên si trauma do o bakêa sabên trus. Awêi kuwatku Jojo si o sabên nyên ngen angso, waktau gi gi titik bêl o tun iding umêaknê ade miaro angso, kêrno coa knanang têtiko angso o kêluwêa sapêi moi dalên. Jijai waktau o kuwatku pas mlitas dênam umêak têtanggonê o waktau belek sêkulah têtibo angsonê kêluwêa, kuwatku meker mêak sapêi dalên lai mêak tênumua stom jano motor, si misoa angso o moi umêak têtanggonê o kunyau nam masuk igai, ruponê angso o mjalang trus jêmalang kuwatku sapêi mcotok kulo, muloi kuni o kuwatku asal namên ade angso jano kêmliak nak dalên si bakêa milok mêsoa dalên luyên utuk mlitas.", "label": 0, "label_text": "fear"}
+{"id": "256", "text": "Bêbagiak lêmau pengetahuan, pengalaman ngen kêpacok utuk mêlêi dê terbaik ngen sêsamo manusio ngen lingkungan dioba jijai ibadah dê kênrêjo kêrno Allah. Pengelaman dê snang nak lêm kêkêdau lêmau pas uku ade dê minoi utuk majêa kêpacokku mênêa susu kuni bahan jangung ngen masyarakat petani jagung. Uku majêa ngen mêmêi petani jagung, jagung o coa si cuma nam jêmuwoa i o bae tapi nam kuni itê mok manfaatnê molah jijai susu genne susu jagung. Susu jagung nam têmamêak gizi utuk anok itik, luyên kuni o kulo nam utuk têmamêak masukan amên itê molah trus jênuwoa nak luwêa.Ngen nam magiak lêmau yo mako itê bi dapêt asai snang ngen nam magiak lêmau ngen tun luyên.", "label": 3, "label_text": "happy"}
+{"id": "727", "text": "Amên masalah dêmêm panggung yo uku dewek pêrnêak mêding waktau pertamo cubo nyanyi nak panggung. Tingêtku waktau o keme ade acara nak umêak sêpasuak kuwatku, waktau o uku gimasiak kelas duai SMA, kêrno kuwatku majok jijai uku moi, waktau o uku memang ati pêrnêak cubo nyanyi nak muko tun rami kêrno kuwatku majok nyanyi jijai nêbinaiku bae mênotoa. Waktau gi ati muloi nyanyi uku toingêt kutê syair lêgau dê bakêa keme min o, tapi pas bi nak das panggung nam cigai tingêt igai, nak di ba uku asai selek nyên ngen tun dê kêmliak keme nyanyi, mujuaba kuwatku nam têmrus lêgau o sapêi sudo, uku ngut tu un panggung o asainê tun bogoa kêmliak uku bae, asai selek o sapêi ngut belek uku mêding ngen asai nadêak tunnê uku.", "label": 0, "label_text": "fear"}
+{"id": "260", "text": "Uku bi lêmo bêlas masuk num bêlas taun manêu usaho dewek nak bidang kontruksi, utamo usahoku yo kerjo nak bidang kontruksi atêp, keme mêgong ade do merek bahan utuk kontruksi atêp dê bi dau tun namên, utuk nak Indonesia coa si tun coa namên ngen merek yo, kêrno keme dê utamonê jêmagai kwalitas, kwalitan bahan i o kulo ngen kwalitas pasangan jano kontruksi. Kê an uku manêu bi paok num bêlas taun yo perusahaanku bi ade lêmo kilai dapêt penghargaan duai kuni AEKI, do kuni pemriteak duai igai kuni perusahaan dê uku mêgong merek. Snang nyên asainê nam dapêt penghargaan yo kêrno dio kulo bakêa têmamêak nilai perusahaanku nam matai tun luyên.", "label": 3, "label_text": "happy"}
+{"id": "596", "text": "Anokku dê lai waktau si sêkulah gi nak kelas pat SD bêl o ade kuwatnê dê agok nakêa cet gêmangau si. Tapi anokku coa binai madêak ngen uku sabên mêak uku mêngiak ngen si, kuwatnê dê nak sêkulah o galok minoi caci ngen kêkuwatnê api bae dê nangêpnê coa binai ngen si. Ade do waktau uku dapêt undangan rapat moi sêkulah, sapêi nak umêak sêkulah kêrno rapat ati muloi uku mêsoa anokku ruponê si gidong gabok ngen kêkuwatnê, coa sêngajo uku kêmliak kuwatnê têmapêa anokku uku langsung magêa uku mêgong tangên kuwatnê o uku sêmê êt moi belek umêak sêkulah, nak di uku madêak ngen si mêak igai mlatok anokku amên si ade madêak ko mlatok igai uku coa sabên ko ngen tiaknu najuaku, kingêt mêak dêbat igai, sinê diêm bae ngen janjai madêak ngen uku si cigai bakêa mlatok igai. Uku kulo madêak ngen guaunê utuk tulung kêliak kuwat anokku dê nakêa o.", "label": 4, "label_text": "angry"}
+{"id": "271", "text": "Utuk bitang film idolaku adeba Rhoma Irama, memang si o penyanyi ngen bitang film kulo, waktau gi titik kêkiro kêlas lêmo SD, amên ade film bêlaunê bi pasêt uku usaho nam têmoton. Pas kêkiro taun 2019 Rhoma Irama show nak Lampung pasnê nak lapangan Saburai, amên itê lok têmoton cigai nam amên lok kuni paok jijai nam itê kêmliak kuni auk o ba. Memang ba nasang tun monitor lai nam itê kêmliak tapi coa si srai ngen itê kêmliak langsung si nyanyi nak das panggung, jijai si têmalêm nak Hotel Horison nak dalên R.A.Kartini Lampung, uku kulo mêsên bibik nak di utuk nam têmau ngen idolaku yo, walau agok la ang dê pêtingnê uku nam têmau. Jijai sêati si brakat show uku bi nam têmau kilêak ngen si dapêt kulo foto bêduai utuk kênangan. Snang nyên asai atêi yo nam têmau walau têgoa.", "label": 3, "label_text": "happy"}
+{"id": "574", "text": "Dio cerito sêlawêi yo cenrito dê têgen Ayu nak lêm flog Youtube @pesonahati dê ade dêtaun dê sudo. Sêlawêi yo cêmrito kisah perjuangannê waktau tênêi lai tapi ati nikêak. Pengalaman idup waktau kêmasai bêrade nak paling bêak pas metenê coa lok tanggung jawab, kêduai tun tuainê mêuak si tênamêak igai si cênuet kuni kartu keluargo sapêi si kulo nyêp kêrjo. Pas wajkatu o si coa dêmugo amên si tênêi lai, sabên ngen têkanjêt asainê kêrno si ati nikêak bi têbagan ngen si awêi ipê tanggapan kêluargonê ngen si. Atêi ngen pekerannê cigai tau, sudo o si madêak ngen metenê amên si tênêi lai tapi metenê o coa lok tanggung jawab trus mêluak gêmugua. Tapi si coa lok ngen akhirnê si mok keputusan utuk jêmago calon anoknê o. Nak lêm kondisi yo si têp manêu sapêi akhirnê si dau tun baik dê têmulung. Kuni cêrito yo utuk sêlawêi dê gidong nak pasisi yo têpba optimis kêrno gi ade Tuhan dê nam têmulung", "label": 5, "label_text": "surprise"}
+{"id": "206", "text": "Asai dê uku mêding pas uku tênimo nak perguruan tinggi negeri adeba asai kêmbiak snang nyên, kêrno nam skulah nak perguruan tinggi negeri nak universitas dê baês, dio kulo memang mipaiku. Utuk anok SMA dê skulah nak skulah swasta dio adeba asêa dê luwêa biaso ngen nam jijai bukti utuk ku pribadi amên uku nam dapêt pendidikan dê uku lok ngen usaho dê coa pêrnêak putus ngen duo kuni tun dê smayang uku. Dau hal bêlau dê uku mêding nak lêm manêu jijai mahasiswa bêlau. Uku coa sabar asainê utuk têmau ngen tun dê lêluyên trus kênal ngen têbo o dê bakêa misai bêbilaiku ngên kêkêwat bêlau.", "label": 3, "label_text": "happy"}
+{"id": "774", "text": "Gêntai itê waktau bubêt do o ade dê harus makêi sutik, mnurut ahli kesehatan mubêt dê makêi sutik o kerno utuk nam gacang sapêi moi pnan dê nidêp o jano pna utuk nam têmaên dê jano têmulok penyakit o bakêa masuk moi awok. Cairan lêm sutik o do o kulo harus sêsuoi ngen kondisi penyakit o, utuk manêu ubêt sutik dê masuk lêm awok tê o do o pengaruh kulo ngen pnan jano kêlêm sutiknê. Awêi sutik intravena, sutik yo cao masuk cairan moi lêm dalêak coa yo adeba coa dê gacang utuk nam dapêt manfaat kuni ubêt o. Ade igai gennê sutik intramuskular amên dê dio adeba utuk nam mpek ubêt moi lêm blat supayo nam gacang capua ngen dalêak, dê daunê cao yo utuk mpek vaksin dê coa aktif awêi vaksin influenza. ", "label": 0, "label_text": "fear"}
+{"id": "628", "text": "Waktau uku smamung SIM motor nak di pêpueng bi dau tun ade dê lok mênêa bêlau ade kulo srai ngên uku lok mnyamung kulo. Jijai keme kutê makêi tes muloi kuni teori sapêi praktek coa ade kêcuali, uku têmnai ngen pêtugas di uku madêak jano coa ade biso tun dê lok mênêa bêlau ngen dê nyamung, si madeak srai bae kutê harus tes. Amên mnurutku mêstainê ade bisonê soalnê amên dê lok mnyamung kan si bi pêrnêak têmuan SIM, amên mênêa bêlau o dê harus tes. Jijai uku milêm tes muloi kuni teori, tun kêkiro dêpuluak pertamo dê lulus tun pat têmasuk uku, sudo o langsung moi tes praktek, coa an antri giliaku muloi, waktau tes praktek petuganê nak lêm stom kulo tapi si coa madêak dêdipê dutê dê uku harus manêu, si coa lajau jêmawab trus uku manêi stom moi dê mdaki trus bêdan nak têngêak sudo o panêu igai. Baru si madêak api mêritêak moi dê mdaki dutê, nak di uku agok emosi uku madêak nano uku têmnai gêntai coa jêmawab, mêak udi mêsoa kêsalêak bae, coa kutê tun dê nak pyo namên cao nak yo nadêakku. Sudo o si baru madêak tahap ipê dê harus nanêu dutê tapi uku bi têlanjua mêngiak.", "label": 4, "label_text": "angry"}
+{"id": "742", "text": "Dau tun dê sabên ngen atau do o hal wajar. Sabên dê nêding o biasonê amên pêi sudo têmoton film horor jano têmi uk cêrito atau kuni tun luyên, mlitas umêak kosong jano kubua kêlmên bilai. Asai sabên ngen suasano kêlêm awêi nak lêm film mênêa pekeran awit têbayang meker adenê cêrito o awêi têjijai ngen awok tê. Asai sabên o têtiko coa itê nam mêlnyêp sapêi gêmangau kêrjo bêbilai, cet kulo sabên utuk tidua su ang. Hal o nam jijai gêmangau pekeran, walau têmi uk tun madêak atau ngen hal-hal dê ade hubungannê moi ghaib jano ade dê matêi do o mênêa asai bêbênêa sabên.", "label": 0, "label_text": "fear"}
+{"id": "302", "text": "Amên kêmliak kuwat dê kêno PHK o ipê igai dê ati dapêt kêrjo jano usaho memang sedih, kuwatku amên coa salêak ade kêkiro num bulên lêbiak sudo PHK o si ati kêrjo. Amên uku ade waktau sêngajouku singêak nak umêaknê ngen min rubo kêkucêp utuk anoknê, si kulo gi ade anok dê gi têtitik dioba dê mênêa uku mêding sedih kêmliaknê. Mako lok moi  mini uku sêmpêt kilêak mêsoa gen rubo, coa ku têkêliak amên anok-anoknê coa nam blanjo. Uku nak di biasonê nguta sapêi agok an, têtiko kulo uku sêngajo mukmêi spok nak umêak kuwatku o. Ayok belek kulo uku coa lupo mêlêi didik caci utuk bêlanjo anoknê ngen sinê kulo uku mêlêi caci, walau coa sêbêrapo kêlainê tapi uku memang bi niat lok bêbagiak jêrkai ngen kuwatku yo.", "label": 2, "label_text": "sad"}
+{"id": "207", "text": "Jijai mahasiswa dioba cito-citoku utuk manêu pêndidikan dê lêkat igai. Kêrno mnurutku pendidikan dê lêkat dio hal dê pêting utuk maso moi mukonê. Utuk sapêi moi ccito-cito yo uku bêrusaho niên, usaho dê uku manêu utuk nam masuk perguruan tinggi negeri yo uku muloi kuni tikêt SD, memang waktau o uku coa meker awêi ipê SMP, SMA jano kuliah, tapi kênamênku uku bêlajêa muloi kuni SD sapêi SMA adeba dasar yg nam cêmapêi mipaiku o. Ade hal dê pêting adeba sênnang ba pelajaran dê bakêa itê têmau nak ujian nasional jano pelajaran utuk tes nak perguruan tinggi negeri, tapi kulo jibêak mangêp cetes pelajaaran dê luyên kulo.", "label": 3, "label_text": "happy"}
+{"id": "748", "text": "Tun dê awit mgêmêak jano bully o jibêak mangêp cetes, lok si bully masalah kêrjo, cacêt ngen masalah keluargo. Bully jijai biaso utuk pao tun tapi coa utuk tun luyên, hal yo nam mênêa tun jijai trauma. Kejadian bêl o pêrnêak gênmêak do o nam mênêa stres utuk pao tun, coa ja ang kulo stres yo nam jijai depresi, têmês ngen dê luyênnê, têtiko amên asai sabên o bi bêlbiak igê nam bae mênêa tun matêi bladêu. Jijai itê harus mêdan kutê gennê mgêmêak jano bullying yo, nêlêi pelajaran amên nam tun dê galok mgêmêak o nadau moi plisi supayo cigai ade igai tun dê saro kêrno bully yo. Mnurut artikel sehatq.com asai trauma ngen sabên sudo gênmêak jano bully o bakêa timoa halusinasi sapêi nam mênêa ulau gis, asai ulau gis o kêrno kêkêdai sebab adeba emosi dê coa stabil, trauma bully dê mliwêt batas, coa ade dukungan kuni keluargo ngen coa ade kuwat dê paok. ", "label": 0, "label_text": "fear"}
+{"id": "208", "text": "Hal pertamo pas dapêt pengumuman amên uku lulus nak perguruan tinggi negeri do o adeba asai snang dê ndingku coa ade kak beleknê, ngen utuk bersyukur nyên kêrno proses pertamo dê uku manêu utuk jijai sarjana bakêa uku dapêt. Utuk jijai sarjana o coa mudêak, itê harus manêu pendidikan dê mnikêt. Kuni tikêt dasar, tikêt pertamo ngen tikêt das, trus utuk proses masuk moi perguruan tinggi negeri kulo coa mudêak. Ade kêkêdau hal dê nam itê manêu utuk nam tênimo nak perguruan tinggi negeri adeba têmat kuni SMA itê harus rajin bêlajêa ngen sêmyap utuk Ujian Tertulis Berbasis Komputer (UTBK)ngen milêm Try Out, kêrno nam lêm Try Out dau materi dê itê mlajêa supayo itê nam namên tipe-tipe soal ujian UTBK ngen kêrêjonê. ", "label": 3, "label_text": "happy"}
+{"id": "630", "text": "Dêbat igai amên itê lok mênêa SIM jano mungkin sêpasuak tê dê lok mênêa SIM dê padeknê itê mêsoa namên kilêak cao - cao kuni pertamonê, mêk sapêi itê salêak trus mêngiak ngên petugas kêrno kêsalêak tê. Barêak uku pêrnêak mêngiak kêrno waktau o uku meker mênêa bêlau ngen itê mnyamung o ade biso cao tesnê. Lebiak baik itê lok dau tênai kilêak ngen dê namên, mêak sapêi itê salêk sako ipê igai sapêi mênêa itê emosi kêrno kêbodong tê. Dê niênnê itê harus têmotoa jano dê nêluak petugas nak di, mungkin luyên pnan luyên kulo caonê, tapi itê mêak sapêi coa sabar kulo kêrno nak di o tun dau dê srai ngen itê dê waktaunê agok ku ang, kêmasai lok gacang sudo tapi itê coa meker amên nak di kulo ade aturannê.", "label": 4, "label_text": "angry"}
+{"id": "946", "text": "Bêl o nak iding pnan keme tingêa do o sêati pêmritêak mênêa pnan kêmopoa pêgas, mon pêgas nak ipê-ipê kêrno pnan keme o bi dau umêak makonê utuk pnan mu ang pêgas yo kêkêlok tun bae. Amên khususnê nak umêak keme do o uku mêrsih tip pêlbêak kêrno uku kêmbiak coa galok amên ade mon kuni pêgas didik, amên sêmnok didik mon pêgas ipê igai ade dê bi usuknê do o kêmbiak jijik ngen asai lok mutêaknê. Do igai kuni pêgas o dau kulo bakêa jijai pênyakit utuk tê dê paok di, makonê utuk kebersihan o perlu itê jêmago mêak sapêi itê sakit kêrno o. Bi dau tun sakit kêrno pênyakit kuni pêgas yo, kêrno amên dau pêgas dê tênupuk ngen ja ang nuang do o jijai pnan bêsa ang bnatang-bnatang dê dau min penyakit.", "label": 1, "label_text": "disgusted"}
+{"id": "580", "text": "Ninikku kak pêak tiak do o bêl o amên mnurut cêrito tun-tun tuai sadêi tun bêrade, memang kten kuni umêaknê o umêak lai pangung ngen gaya Blando. Nak umêak o kulo dau ukiran kuni bêsai ade kulo dê kini kningên, nak umêak das do o kêanê makêi lepek kuni bês dê baês kêrno ngut têrahir uku mini kutênê o gi baês. Sêati tiakku mêningêa si ade min mija butau kuni pnan nikikku o, jijai mija o uku coa namên ruponê nêpek nak gudang belek umêak, bêtuk mija o bulêt kekea minanê kunikuyêu jatai tuai ati adê dê usaknê ngut ba uyo. Pas gidong ade dê uku lok mêsoa alat utuk krita uku kêmliak ade mija kênliakku agok antik jijai uku kêmluwêa trus uku mêrsih. Uku ade cerito mija o ngen kuwatku, coa an si ade majok kuwatnê moi mdasêi kêmliak mija butau o, jijai waktau o kêkiro dêpuluak taun dê sudo mija o si têmawêa lêmo puluak juta tapi ati uku mêlêi, uku meker kulo dê jêlasnê sudo yo ade tun dê lok lêbiak la ang igai, niên ruponê kêkiro dêtaun sudo o ade tun duai mdasêi madêak lok minoi mija o si mêlêi go tujuak puluak lêmo juta, uku snang nyên uku madêak ngen inokku jênuwoa jano coa si madêak jênuwoa ba.", "label": 5, "label_text": "surprise"}
+{"id": "585", "text": "Mêak sapêi itê ade masalah nak lêm antri yo, itê kulo mêstai lok têmotoa aturan nak pnan itê antri o, amên itê meker kutê dê ade nak di jano dê antri nak o lok gacang coa si itê bae. Jijai amên lok gacang têkoba pêpueng amên nam sêati pnan o mukok bang. Waktau bang tukok itê nam dutê mok nomor trus mot nak ipê dê bi sênyap petugas di, jibêak itê têmungêa walau têgoa, be amên nomor tê ndêu itê coa si pasêtba nomor tê nêlupat moi nomor luyên be amên itê masuk igai itê kulo coa nam kêkêlok tê puce bi têliwêt, itê minoi pêtugas nam matur igai ngen nomor antri tê o", "label": 4, "label_text": "angry"}
+{"id": "391", "text": "Dio adeba pengalaman idupku dê uku manêu, uku kulo bi ade mêding idup su ang kêkiro kêkêdau taun, memang coa si padek asainê, kêrno uku adê anok jijai coaku midêp igê. Dê ngêding sedih nyênnê amên itê gidong coa sehat, amên anok utuk sêbatas mukmêi jano muk ubêt si nam mlayan itê, tapi utuk nak kamar mênai anok mungkin ogok selek, dio ba dê mênêa uku kêmbiak sedihnê. Uyo anokku bi lêlai do igai anokku duai bi kêrjo ngen si bi nam mênuak kloknê sêsu ang, jijai uku mêsoa gitêi inoknê utuk uku ngen si nam saling misai jano bae nak lêm manêu idup. ", "label": 2, "label_text": "sad"}
+{"id": "371", "text": "Tiakku mêningea nak taun duai ribau lêmo dê niênnê uku ati nam sêmnang si, waktau o uku gimasiak saro uku kulo ati nam sêmnang tuntuaiku ca o materi. Pat bêlas taun sudo o uku bi nam têmukua jano bae dê uku lok, uku cuma sêmnang awokku dewek coa meker jano dê bakêa dau manfaatnê, tapi waktau o dê mênêa uku menyesal ngut uyo uku coa têpeker utuk mêluak inokku lalau moi Mêkêak. Uyo uku têp bêkinoi magêa Tuhan amên uku nêlêi kesempatan igai uku bakêa mêluak inokku brakat mo mêkêak, do igai uku bakêa têmukua jano kêmluwêa caci dê bakêa dau manfaatnê.", "label": 2, "label_text": "sad"}
+{"id": "820", "text": "Zaman uyo dau kendaraan dê makêi sistem hidrolik jano hidraulik, lok si sistem rem i o kulo dê luyênnê do o bi makêi hidrolik. Itê dê biaso makêi kendaraan harus namên ngen kendaraan tê o makêi jano supayo itê kulo namên awêi ipê perawatannê. Dau uyo kêndaraan cêlako kêrno ku ang têatêi ngen ku ang awit mrikso sistem dê ade nak kendaraan, dê utamo o utuk sistem rem, mêak itê sêsio ngen rem yo, dio dê bakêa dau mênêa sebab jijai bahayo nak dalên. Zaman yo utuk kendaraan o bi dau niên, itê kêmliak amên tip pueng nak dalên-dalên cigai têkitung igai kêmbiak dau nê kendaraan, nak yo ba itê dê biaso tip bilai makêi kendaraan yo harus lok têatêi, mêak paok igê ngen kendaraan nak muko tê coa tê namên amên si ngêrem têtibo itê coa siap nak yoba perlunê rem o baik.", "label": 0, "label_text": "fear"}
+{"id": "980", "text": "Amên dê gi sêkulah misalnê ade têjijai sapêi tênawai kêkuwat dêkelas ipê igai nak muko kelas, baiknê mêak meker igê ipê igai sapêi masuk lêm atêi. Amên têpuak têjijai pas kêkuwat tawai itê amên nam milêm tawai kulo nangêp bae itê dê sêngajo mênêa barêak o supayo kêkuwat tawai. Amên itê dewek coa asai tênawai kêkuwat kulo coa gi bakêa an tawainê, si têtiko itê galok coa sadar, misalnê lok gêgacang masuk kelas sudo o itê us nak lêm kelas do o kêkuwat dê kêmliak itê bakêa tawai, tapi amên itê gacang je ngên madêak do o têgyo itê sêngajo, mako kêkuwat kulo coa sako amên itê us nyên. ", "label": 6, "label_text": "shame"}
+{"id": "560", "text": "Maso SMA adeba maso dê snang nak ipê itê ngen kêkuwat mok lêmau waktau o. Dêpuluak taun dê bi sudo mêmasing têmuan ngen manêu idupnê dêdewek. Kenangan o tingêt waktau nak mall pêlbêak yo nano têmau ngen kuwat waktau SMA. Têmau o dê pertamo sudo dêpuluak taun pas têmat SMA si nikêak ngen sêmanêi dê bo kêrjo, walau papêanê coa si calak igê tapi kêmliak tulus nak atêinê ngen si kulo bi kêrjo mênêa kuwatku o têmimo lamarannê. Wakatau SMA kuwatku o dau tun kênal ngen kracok dê nakêinê mini, tunnê galok bragam ngen paok moi kêkuwat lok si sêmanêi jano sêlawêi, tapi pas têmau pêlêak yo nano uku agok têkanjêt kêmliak si kêrno kuni cao ngen kracoknê bi dau bubêak. Si lêbiak agok diêm ngen lêbiak tutup nak pakêinê. Pas keme nguta cêmrito kehidupan mêmasing, ternyato smatennê dê mênêa bubêak kutê pas si bi jijai ngênyannê.", "label": 5, "label_text": "surprise"}
+{"id": "1003", "text": "Amên itê coa lok selek kêrno awok tê kêmon, harusnê itê ayok lalau ipê igai lok têmau tun dau itê mêstai lok bersih awok tê ngen makêi minyok um. Dau têtiko tun coa meker barêak yo, mungkin kêrno coa biaso makêi minyok um jano memang tunnê dê gumok. Mnurutku utuk nam jêmago awok mêak sapêi itê selek kêrno nino tun itê harus melek moi awok tê kilêak, awêi ipê amên itê sêmnok mon ku ang baik kuni awok tun luyên nak iding tê, barêak oba asainê ngen tun amên awok tê dê kêmon. Memang ba mungkin utuk têmukua minyok um o kêmluwêa caci lok si gonê mudêak jano la ang, tapi amên itê nam jêmago awok mêak sapêi kêmon ngen mênai bêbêrsih bae do o bi cukup utuk nam jêmago awok mêak sapêi kêmon..", "label": 6, "label_text": "shame"}
+{"id": "555", "text": "Malang nyên ngen pemudik dê asalnêkuni Lampung dê têgen Solah yo, si dê lok mudik moi Banyumas harus têningêa bis dê si lok kêmnek kêrno si lalau pas bis ade bêdan kêrno usak mêsinnê nak dalên Tol Cipali. Kuni kejadian o si coa sêmalêak api-api, kêrno kêsalêaknê sapêi si têningêa bis. Pas si namên bis dê tênupangnê o cigai nak di, si têkanjêt ngen agok bungung nak biding dalên Tol Cipali, si belek msadêi jani mudik o su ang, kêrno si barêak o jijai barangnê têkêmin bis. Alasannê têningêa bis kêrno coa ade koordinasi antaro supir ngen kondektur amên si lalau, sakonê mênêa bis o agok an sudo o si bêrusaho utuk sêmsung bis o ngen minoi tulung ngen petugas Tol sapêi si nam belek moi bis dê bi têmingêa si o.", "label": 5, "label_text": "surprise"}
+{"id": "259", "text": "Pas waktau uku gi titik tun tuaiku têmukua uku krita utuk hadiah ulang taunku. Asai snang bi tênukua krita do o dê mênêa uku nam gacang pacok min krita, tip bilai belek kuni sêkulah uku bêlajêa. Krita o krita ruda duai kêrno waktau o ati ade dê makêi ruda titik nak kidêu kanênnê, makonê uku cet nyên us kêrno ati nam tmimang awok min krita. Walau bi cet us tapi coa uku jê o utuk bêlajêa min, kêrno coa jêo o ba akhirnê kêkira têlau mingau uku nam min krita walau ati lacêa nyên min. Tapi uku snang dau tun dê madêak ngen cet min krita nam tamêak mêlacea min krita. ", "label": 3, "label_text": "happy"}
+{"id": "938", "text": "Itê mêak mangêp cetes utuk masalah bnatang titik dê ade nak umêak tê, kuni bnatang titik oba dê bakêa dau mênêa jijai sakit. Gêntai umêak tê mêstai bersih..? do o supayo umêak tê uak kuni bnatang titik dê bakêa bêsa ang nak umêak tê, mêak madêak dê luyên misalnê cao itê mpek barang-barang nak umêak amên do o ja ang kulo itê mêrsih kliakba coa an awêi semut bakêa mênêa sa ang nak pnan o, ati igai nyomok ngen bnatang titik dê luyênnê. Mnurutku amên umêak tê bersih do o dê barêak bnatang titik o coa gi bakêa dau nak umêak tê. Uku dê paling coa nyaman amên nak umêak dau semut, nyomok ipê igai lepes, kêkêdau kuni bnatang titik o dê apling coa ku as ngen amên kêmliak kêmbiak jijiknê adeba lepes ngen semut.", "label": 1, "label_text": "disgusted"}
+{"id": "810", "text": "Pengalamanku do o uku magiak ngen kêkuwatku awêi ipê uku nam mêlnyêp asai galok panik bêl o dê cet ade ngen uku. Dau kêkuwatku dê midêp asai panik yo ade kulo dê bi krugai dau baru si sadar ngen tindakan dê si mok cao gêgulut, utuk itê dê mungkin ati pêrnêak mêding asai panik dê bêlbiak, baiknê itê nam jêmago ngen nam kontrol pekeran tê mêak sapêi gacang panik trus mok keputusan dê harusnê itê coa manêu. Têtiko ade kuwat dê bi têlanjua mok keputusan yo kêrno panik yo nano, do o utuk moi mukonê si harus nam kontrol pekerannê ngen nam milok utuk mok keputusan d têtibo.", "label": 0, "label_text": "fear"}
+{"id": "354", "text": "Têtiko nak lêm hubungan sosial itê ade ku angnê ngen kêlbiak mêmasing, coa si ade tun dê sêpurno, i o kulo ngen itê têtiko ade bae tun dê mêraso lêbiak kuni dê luyên makonê kêmasai o nam mênêa si jijai omong nge tun luyên nangêpnê coa dêklas ngen si, pas kêmasai o timoa biasonê bakêa mê uak tun dê tulus ngen si, dê pasêtnê mênêa tun o kêciwo. Kêciwo tainê mnurut psikologi adeba waktau tun o mêding asai coa baik, coa padek ngen asai mêngiak kêrno jano dê kênlok coa sêsuoi ngen nyatonê. Jijai jano dê bi nêlêi kuni perhatian ngen sayang nyatonê coa têmangêp baik makonê jijai kêciwo. ", "label": 2, "label_text": "sad"}
+{"id": "986", "text": "Cet ba têjijai tun dê lajau selek amên bajau dê nakêinê o ade srai ngen tun dê coa si kênal dê ade nak idingnê. Do o pêrnêak têjijai ngen sêpasuakku dewek, waktau o keme ade acara nak luwêa kota, keme brakat rêrami mini ade têlau buwêak stom dê brakat, waktau nak pêi sapêi di keme ati kêmliak amên ade dê sle ngen bajau sêpasuakku o, ade kêkiro dêjam nak di uku pertamo sadar amên bajau sêpasuakku o adedê srai ngen tun di. Kêrno sêpasuakku o kulo coa sadar jijai uku misik ngen si madêak ade dê srai bajaunê. Si kêmliak do o smudonê si awêi selek trus uku madêak biaso bae mêak meker igê, tapi sinê bêbênêa mêding selek smudonê si lalau moi stom trus coa tu un ngut keme kutê siap belek.", "label": 6, "label_text": "shame"}
+{"id": "996", "text": "An nyên uku tingêt ngen crito waktau keme gi bujang bêl o, waktau o kuwatku gennê Husni si majok uku moi umêak pêdiaknê, kêrno si coa binai lalau su ang mako si majok uku gen kêmuat si. Jijai keme nak umêak pêdiaknê o nak ruang tamu do o bêtêlau uku kuwatku ngen pêdiaknê, sêbênêanê uku lok mot nak luwêa bae kunyau si bêduai nam bêbas utuk nguta, tapi kuwatku têmaên i o kulo pêdiaknê têmaên uku mêak kêluwêa. Keme nak di nêa pêdiaknê kupi ngen ade juadêak dê nêpek nak duai pingan titik mêmasing nak adêp keme, pêdiaknê o bi mêluak keme muk jadêak o tapi kêrno asai selek keme mutêk bae, coa an uku ade akêa uku minoi biyoa putiak, pêdiak kuwatku o masuk uku gêgulut muk jadêak dê ade nak adêpku, uku mabis kutê dê nak pingan sudo o pingannê uku gêmitêi ngen dê nadêp kuwatku, kêmliak barêak o kuwatku lok têmukar pingan o igai pas si makêt pingan dê gi ade isaai juadêak o pêdiaknê kêluwêa trus kêmliak kuwatku makêt pingan dê gi ade isai o, kuwatku selek nyên tapi uku aawêi coa namên bae, coa an keme belek spanjang dalên kuwatku grunyam ngen uku madêak mnyelek bae ngen madêak cigai lok majok uku igai amên lêlalu.", "label": 6, "label_text": "shame"}
+{"id": "265", "text": "Ada kabar baik kuni Pendidikan, dê dio kuni Rayna Amara Devini têmamêak kêkêdau anok Indonesia dê cêmatet prestasi nak ajang Internasional, si dapêt medali pirok nak Singapore Math Competition taun 2022. Siswi dê gi masiak nak kêlas num SD yo milên nak ajang dê dau peserta kuni luwêa nêgrai. Informasi kuni Hypeabis.id kuni sêkulah si snang ngen pelajaran matematika memang si snang pelajaran yo kuni titik, si kulo snang ngen ako-ako rumus matematika. Kêrno kêpitarnê o tun tuainê cubo ndaftar moi kompetisi matematika Internasional, walau cuma dapêt medali pirok si têp nam min gen baês tun tuai, kêkuat ngen negara Indonesia.", "label": 3, "label_text": "happy"}
+{"id": "942", "text": "Jijik nyên uku sudo têgong gês têkek tun coa uku namên waktau têmot nak kêrsai taman, waktau o uku gidong istirahat kêmaên payêak nak taman iding pnanku kêrjo. Kenliakku ade kêrsai nak taman o trus uku mini kêrno pnan kêrsai o kulo nak bêak pun kiyêu, pekerku padekba istirahat nak di ipê pnannê agok sêngok nam samo têtidua kulo. Pas uku têmot tangênku mêgong biding kêrsai o, uku agok curiga ngen ade cêak dê uku têgong nak biding kêrsai pas uku sêmnok ruponê gs têkek tun, gesea kêmbiak jijiknê uku sapêi asai lok mutêaknê, smudonê uku coa jijai lok istirahat di trus uku mêsoa pna nak ipê biyoa utuk mpu tangênku dê kêno têkek tun o.", "label": 1, "label_text": "disgusted"}
+{"id": "245", "text": "Awêi ipê asainê têmau barang dê bi nyêp pêpuluak taun ? jibêak igai dê bi dêpuluak taun, barang dê têmau kêkêdau bilai bae bi mujua nyên. Awêi crito têmua dupên dê bi pêpuluak taun nyêp nak biyoa lai dê nyêp duai puluak taun dê sudo, do o nding nelayan nak Austria dê jêmaing dupetnê dewek dê bi an nyêp. Nêbaco nak Boredpanda, dupet o kêno jaing pas jaing kannê tênarik, memang betuk dupêt o bi cigai awêi bêl o igai kêrno bi an tênêm biyoa ngen luluk, bahan dupet o coa ajua, tapi bêtuknê gi namên amên do o dupet dê jêma ing o.", "label": 3, "label_text": "happy"}
+{"id": "728", "text": "Utuk itê dê coa pêrnêak miling jano nyanyi nak muko umum do o utuk pertamo bi pasêtba kêno gennê dêmêm panggung, coa kutê tun nam miling jano nyanyi dau tun dê kêmliak, ade dê si o habi nyanyi tapi utuk su ang, amên pulu tun rami ipê igai tun dau kêmliak si do o si coa nam. Mnurutku dio adeba kêrno coa biaso, jijai utuk itê nam mêlnyêp dêmêm panggung yo pertamo itê harus nam mbiaso miling nak muko umum, kêduai itê mangêp bae tun dau o kêkuwat tê kutê jijai nyêp asai itê dê ngding asai salêak. Nak lêm bukau karya Maya Ismail utuk itê nam miling ngen madêp tun dau o itê mêstai awit latihan ngen nam mbiso dê nak muko tê o api, kêrno luyên tun dê ade nak muko tê luyên kulo cao itê nak das panggung o.", "label": 0, "label_text": "fear"}
+{"id": "255", "text": "Waktau uku gi titik nak lêm bulên puaso uku muloi bêlajêa puaso, utuk bilai pertamo uku cuma taên têngêak bilai, pas bilai kêduainê baru nam sapêi buko. Mot bilai pêlbêak o asainê kêmbiak annê, awok ngêding agok coa ade tenago mungkin kerno ati biaso, dê snang nyên asainê pas waktau buko kutê kêkêmuk bi buliak muk, sudo o awok asainê kêmbiak sêmangat igai. Uyo itê namên amên nak awok tê perlu kêkêmuk utuk nam ade tênago, jijai nak lêm awok tê yo perlu kêkêdau kêbutuhan kêkêmuk dê masuk lêm awok utuk nam gêmnêp kebutuhan awok tê. Uyo itê bi nam matur dewek utuk kêbutuhan awok walau nak lêm bulên puaso kulo.", "label": 3, "label_text": "happy"}
+{"id": "581", "text": "Api bae pasêtba dê mêngiak amên gidong antri ade dê mitas ipê igai coa ade keceknê. Uku ade mêding waktau antri nak umêak sakit waktau mês inokku bubêt, waktau gi antri memangba ade nomor antri tapi waktau nomor dê nêgongku bi nêdêu uku coa brapo têmi uk, jijai dê kêdongku bi maju, padahal kingêtku keme dutê dê masuk kuni si gêntai si dutê. Uku magêa mêi o madêak coa si gilia nomorku gêntai ko nam dutê, si jêmawab madêak si harus gêgulut kêrno gi ade kêrjo dê harus si magêa igai, uku madêak ngen si amên masalah lok dutê itê kutê lok dutê kunyau gacang, tapi caonê mêak i o amên madêak kuni nano waktau nomor ati ndêu mungkin nambae uku mêluak dutê tapi uyo cao nam nadêakku. Smudonê tun umêak sakit madêak amên uku dutê sudo uku be baru gilianê.", "label": 4, "label_text": "angry"}
+{"id": "954", "text": "Ade kêkêmuk dê nam nanês ade kulo dê coa baik utuk kesehatan tê amên nanês. Misalnê barêak lapên pêpucuk awêi bayam, sawi ngen pêpucuk luênnê do o mêak sapêi manês kêrno bi cigai baik utuk tê, utuk lapên yo nano amên itê coa abis baiknê naik bae ngen mêak sapêi iai, be amên lok muk igai amên si coa iai do o gi nam muk, amên bi ciagai padek asainê nu ang bae. Utuk lapên dê itê nam manês do o kulo adê batas dê itê nam manês, amên bêbilai itê bogoa manês ipê igai sapêi lêbiak kuni duai bilai do o lapên bi cigai baik utuk kesehatan tê padeknê nu ang kuni jijai penyakit. ", "label": 1, "label_text": "disgusted"}
+{"id": "925", "text": "Bi dau uku têmau nak spanjang dalên amên lok moi toilet ati tau têmau toilet dê bersihnê, nam bae pas itê têmau toilet dê kêmbiak kotornê. Jijai muloi kuni o uku awit sêmyap biyao nak kaco titik utuk jêjago mêak nak toilet o biyoanê kotor jano memang coa ade biyoanê, mêak gi nak pnan itê misai minyok têtiko bêdan nak umêak makan bae ati tau kulo itê têmau pas toiletnê bersih, nak bae toilet o kotor kêrno mungkin petugas dê mêrsihnê ati spêt utuk mêrsih. Cuboba mingêt têngen lok lêlalau uak mêak coa siap biyoa agok dêkaco tip nupang moi toilet umum. Mêak sapêi pas itê masuk toilet do o mênêa itê buye kêrno jijik kêmliak toiletnê dê kotor ngen coa ade biyoa.", "label": 1, "label_text": "disgusted"}
+{"id": "794", "text": "Amên itê sabên ngen do bnatang awêi kuyuk ipê igai kuyuk o awit mjalang, itê maêak panik, cubo itê mcuguk ngen mok butau jano bae dê nam itê makêi utuk mngêluk. Dê daunê amên kuyuk bi kêmliak itê mcuguk biasonê si mlilai, do o amên kuyuk biaso, amên têmau kuyuk gilo itê dê harus nam sêmlamat awok tê kilêak. Utuk nam milok jênalang bnatang awêi kuyuk yo itê coa nam amên bi sobok, dê pasêtnê itê harus nam tênang ngen mêak panik. Samo peker itê nam mêsoa jano gen sênyatai tê utuk nam mulêu kuyuk o, mêak itê gêgulut mlilai, amên itê mlilai bi pasêtba kuyuk o bakêa jêmalang itê.", "label": 0, "label_text": "fear"}
+{"id": "324", "text": "Dê jijai sebab gagal o mêmêcêm, ade dau faktor dê nam mênêa tun mêding gagal. Tapi gagal o coa bêrartai dê harus itê sabên ngen bêdan utuk manêu, awêi gagal nak lêm umêak tanggo. Nak lêm umêak tanggo memang dau ujian ngen masalah dê gêgitêi ade, walau bênêk tapi itê harus mok keputusan utuk cê êi. Pertamonê memang bênêk tapi itê harus kuwêt ngen mêak ade pekeran kidek magêa Allah SWT ngen nam bêsyukur jano dê têjijai dio dê bakêa mênêa itê kuwêt utuk manêu bêbilai sudo yo, kêrno Allah SWT mêlêi itê ujian coa bakêa mêlbiak kemampuan tê, pati dio bakêa mênêa itê tamêak kuwêt ngen jêmijai kegagalan o jijai pengalaman idup dê bêgo.", "label": 2, "label_text": "sad"}
+{"id": "559", "text": "Memang asai panik ngen bungung pas têningêa bis nak lêm perjalanan o adeba hal dê wajar. Walau kutê itê bi sêmyap tapi têp bae amên bakêa têjijai mako jijaiba. Hal yo pêrnêak ade ngen uku, bilai o jadwalku belek mdasêi kêrno liburan semester bi muloi, asai snang lok têmau ngen keluargo mênêa uku sêmangat nyen moi terminal bis dê bakêa uku têmungia moi sadêiku. Pas bi sudo têukua tiket uku têmot nak baku têmungau bis dê bakêa uku têmingia. Coa an bisnê bi sapêi cigai peker panjang uku masuk moi lêm bis, nak lêm bis ruponê bi dau pênupang têak kuni ipê bae coa ku namên, pas bi kêkiro lêmo belas mênit bis ati lalau kulo, têtibo uku tênêi gis lok mênyêak uku gêgulut tu un kuni bis moi toilet ngen coa kulo tingêt madêak ngen supir jano kondekturnê. Pas kuni toilet uku kêjut kêmliak bis dê uku têmupang o bi cigai si, memang kêsalêakku waktau tu un harusnê uku madêak ngen supir jano kondektur amên lok moi toilet. Dio jijai pembelajaran utukku lêbiak têatêi igai mêak sapêi barêak yo moi mukonê. ", "label": 5, "label_text": "surprise"}
+{"id": "554", "text": "Prank dê tun mênêa dê nanonê cuma bragam bae utuk gêmêak, mimok tun bae ruponê dapêt mrugai tun luyên. Nam bae mênêa bahayo tun ngen majua idun tun luyên. Nbaco kuni Word Of Redmond, sêlawêi dê têgen Cindy midêp trauma akustik sebabnê kêrno trupet dê saêinê kêmbiak lek dê langsung moi ti uk, dê niatnê utuk mênêa Cindy têkanjêt ngen mlupat sabên. Tapi prank o sapêi mênêa Cindy sti uk ngen do o jijai mênêa idupnê têkên nak lêm mêntalnê dê agok serius. Mokonê prank seharusnê jibêak dê bakêa mênêa bahayo tun luyên ipêi igai sapêi mênêa tun luyên jijai cacêt ngen trauma.", "label": 5, "label_text": "surprise"}
+{"id": "746", "text": "Anokku dê SD belek sêkulah nginoi, si cerito amên nak umêak sêkulahnê si gênmêak jano uyo dau tun madêak istilah bully kuwat dê do kelas ngen si. Ade do tun dê dêkelas ngen si o agok nakêa galok mgêmêak dê galok mênêa anokku nginoi. Mungkin kêrno anokku o anok dê agok diêm jijai si ja ang mangêp amên si gênmêak kuwatnê o. Bi awit uku dê jijai tun tuainê mlapor kuwatnê o moi wali kelasnê, tapi kuwatnê o coa bubêak nam bae kuwat anokku o bi ningêt guau wali kelasnê o tapi kêrno kuwat anokku o memang nakêa ngen galok mgêmêak makonê peringatan kuni guau o coa pengaruh ngen si. Smudonê tip lok lalau sêkulah anokku cet ada asai sabên têtiko si mênêa alasan utuk coa masuk sêkulah. Jijai tun tuai bi cêmubo utuk madêak ngen anokku têp brakat sêkulah, tapi kêrno cet adenê bullying yo manêa anokku coa lok sêkulah trus akhirnê uku mok keputusan utuk maliak sêkulah anokku moi sêkulah luyên ngen maêp cigai ade igai dê gêmêak si.", "label": 0, "label_text": "fear"}
+{"id": "807", "text": "Dau tun cêlako gêgara panik yo, coa si cuma cêlako nyabai bae tapi dau kulo dê cêlako krugai hok ngen dê luyênnê. Panik o adeba kondisi tun dê nak ipê waktau si cigai nam meker panjang jano dê harus di mênêa, misalnê waktau min kendaraan têtibo harus ngêrem, dapêt kabar dê ati tau kêbênêanê, nak dasêi mungkin mêmêi dê ngêsok makêi skopor têtibo opoinê ngêlai ngen dau igai dê luyênnê. Tun min stom nak lêm hmanêunê têtibo ade dê nyêb ang lok si bnatang jano tun, amên itê gacang panik do o bakêa bahayo ngen itê, jijai utuk milok panik o itê mêstai fokus ngen sadar itê gidong jano, gidong min jano nak di ba itê nam kontrol emosi tê utuk nam mok keputusan têtibo.", "label": 0, "label_text": "fear"}
+{"id": "926", "text": "Têi bnatang o amên coa gacang mêrsih do o bakêa jijai masalah utuk tê ipê igai bnatang o memang sêngajo sênido. Tukku gennê Ical si o ade sêmido kucing nak umêaknê, memang kucingnê o kucing la ang tapi amên têinê coa rajin mêrsih walau bi ade nêpek pnan misingnê do o kêmon moi ipê-ipê. Waktau uku moi umêaknê uku ati namên amên si sêmido kucing jijai pas waktau masuk umêaknê uku sêmnok ade mok dê ku ang padek, coa an uku têmnai mon jano si madêak ati spêt mu ang têi kucing dê snidonê o. Uku têmi uk do o ngêding asai lok mutêaknê, uku langsung mêluak si mu ang kilêak trus uku kêluwêa têmot nak bêrnonê. Coa uku taên mon o, dê uku heran ngen si o padêakba si taên sêmnok bêbilai mon têi kucing o jano coa têgangau ngen si, amên uku mêak gi mêmuk nak di têmot bae uku coa taên.", "label": 1, "label_text": "disgusted"}
+{"id": "360", "text": "Nak lêm manêu idup bi pasêtba ade dê paling mênêa itê mêding sedih niên. Awêi pengalamanku dê uku bi mêding waktau uku mêsoa kêrjo, waktau o anok gi têtitik bi pasêtba itê perlu caci utuk biaya bêbilai ngen biaya anok. Kêkiro duai puluak duai taun dê sudo pas anokku dê nomor têlau laher uku gidong coa kêrjo, tip pueng muloi kuni jam tujuak uku panêu kekea lalau mêsoa kêrjo, masuk lamaran nak ipê-ipê tapi ati ade panggilan, lok kêrjo kasar bae payêak. Uku pêrnêak mlamar nak bangunan tapi ati timo, nekerku waktau o kêrjo jano bae dê pêtingnê uku dapêt caci. Uku mêding asai sedih nyên sêati uku dapêt kêrjo kêrno nak dasêi utuk bêbilai ngen anok-anokku bi pasêtba perlu bêlanjo. Ade kêkiro dêmingau uku panêu kekea mêsoa kêrjo, pas bilai kê dêlapên uku timo nak bangunan gudang Alhamdulillah. Uku kêrjo nak di sapêi gudang o sudo trus uku kulo sapêi nakêt jijai karyawan nak di.", "label": 2, "label_text": "sad"}
+{"id": "965", "text": "Utuk itê dê biaso sêkmudêak o kuni uyo kubêak ba dê biaso barêak o, uakba tun luyên dê kêno sakit dê niênnê kelurgo tê kilêak dê bakêa kêno sakit. Bi dau buktinê tun sakit kêrno pnan jano kêkêmuk ku ang jêmago kebersihannê, dau pêngalaman kuni o itêdau têmi uk. Makonê itê harus bêlajêa kuni dasêi kilêak utuk nam jêmago kebersihan, utuk nak luwêa do o itê nam makêi coa tê nak dasêi o, khususnê utuk itê dê ade usaho kêkêmuk do o mêak nyên sapêi didik bae ade dê ngêi, ipê igai sapêi ade tun luwêa kêmliak ngêi o bi pasêtba si jê o têmukua jagêa tê, nam bae kulo si madêak ngen tun luyên utuk mêak têmukua jagêa tê.", "label": 1, "label_text": "disgusted"}
+{"id": "249", "text": "Belek kuni pasar, sudo blanjo keperluan dopoa uku mpek blanjoku gênatung nak motor. Sapêi nak dasêi uku sadar dupetku coa si, coa tau kêrwên asainê akhirnê uku belek igai liwêt dalênku nano kêkalau dupetku o cucia nak dalên tapi bi nêsoa coa têmua kulo. Sudo o uku peker kalau dupet o tingêa nak pnan uku têmukua sayur dê terakhir nak pasar nano. Alhamdulillahnê ruponê dupetku memang nyên tingêa nak warung o. Mei dê têmuan warung o maik dupetku kêrno si namên ngen uku kêrno uku bi an langganan nak di, pas uku mini si melek dupet o, do kulo amên nak di coa gi bakêa si mukok dupetku si tunnê jujur. Uku mokasiak nyên ngn si.", "label": 3, "label_text": "happy"}
+{"id": "809", "text": "Panik yo nam itê mêlnyêp jano cêcoanê kêmu ang asai panik dê ade nak pekeran tê, kêmasai panik yo nêbaco nak Halodoc, gangguan panok yo tandonê tun dê mudêak mêding cet asai sabên ngen têtibo dio dê bakêa mênêa si gêgulut mok tindakan ngen cigai meker panjang igai, tun dê galok mding asai yo do o bakêa bahayo ngen kesehatan jatungnê. Asai panik yo kulo nam bae sebabnê mungkin bi pêrnêak mêding pengalaman dê coa baik makonê asal si dapêt jano têmi uk kabar dê coa baik o si langsung panik. Mnurutku utuk mêlnyêp asai yo cuboba utuk nam mbiaso jibêak meker igê jano dê bakêa têjijai ngen jano dê bakêa itê têmau, ngen nêbiaso barêak yo itê coa gacang mok kesimpulan ipê igai keputusan, kêrno itê meker kilêak.", "label": 0, "label_text": "fear"}
+{"id": "252", "text": "Snang o sederhano madêaknê mudêak tapi nak lêm idup bêbilai têtiko itê coa tingêt awêi ipê ca o manêu idup nam mêding snang. Sêbênêanê hal-hal titik nam mênêa snang amên nam mêdingnê. Pengalaman dê pêrnêak uku mêding nak lêm idupku walau hal titik tapi kuwatku mêlêi maaf ngen kêsalêakku dê pêrnêak uku mênêa ngen si. Sêbênêanê uku bi minoi maaf waktau o kulo tapi kêrno kuwatku o tunnê dêndêm jijai si coa pêrnêak lok mêlêi maaf ngen uku lêm waktau an. Têak gêntai kêkêdau bilai dê sudo kuwatku o têko mdasêi trus si mêlêi maaf ngen kutê kêsalêakku, mungkin kuwatku bi sadar amên maik dêndêm o coa baik.", "label": 3, "label_text": "happy"}
+{"id": "274", "text": "BTS o adeba do group musik K-pop dê terkenal ngen musik maderen. BTS o adeba Bangtan Boys, kutê dê galok musik Korea bi pasêt namên ngen gruop yo, awêi sênyar nak Liputan6.com, BTS o muloi tangêa têlau bêlas Juni duai rubau telau bêlas, walau tujuak tun dê nak klompok o harus nam manêu kêkêdau proses bêtaun-taun sapêi BTS jijai group nomor satu nak Korea.Coa si cuma terkenal nak Korea bae tapi nak Indonesia kulo group yo bi terkenal sapêi uku kulo jêmijai group yo idolaku. Pas BTS ade konser nak Jakarta uku sêngajo lalau moi kêmliak konser o, uku sêngajo mok tiket Vvip ngen dapêt pnan têmot nak paling muko supayo uku dapêt nam salaman ngen foto spok têbo o.", "label": 3, "label_text": "happy"}
+{"id": "226", "text": "Kuni titik baik nak sêkulah jano nak umêak itê bi najêa utuk menabung, luyên kuni utuk bêlajêa imêt itê kulo nam maik caci ngen ca o cêm êi caci blanjo sêkulah tip bilai. Awêi têtiko itê lok têmukua barang gen dê klok tê utuk waktau o itê ati nam, kêrno itê coa lok pusing ngen nam mok barang butang do beresiko kulo. Jijai utuk itê nam têmukua gen kênlok tê o itê harus nam têmaên kilêak, kêrno itê ade kêlok o itê mêstai nam nabung ngen nam cêm êi kuni gajai tê tip bulênnê. Amên itê coa meker igê coa ngêding utuk kêmopoa caci ngut si têkopoa, cuma itê harus nam têmaên ngut kêkira caci tê gênêp. ", "label": 3, "label_text": "happy"}
+{"id": "379", "text": "Nak lêm usaho ade dê mênêa uku kêmbiak mênyêsalnê nak lêm idupku. Uku o tunnê mudêak pêcayo ngen api bae ipê igai amên uku kêmliak ngêrjo nak lêm agamo, agamo jano bae asal si ngerjo bi pasêtba lêm pekeranku si o coa gi bakêa lok mêmêcêm ipê igai masalah caci. Kêrno cao pekerku dê barêak o makonê tun mudêak nyên amên lok muk uku, sêdangkan uku coa sadar amên do o coa nam jijai patokan nak lêm urusan caci. Pas sudo uku mêding barêak o uku mêsên nyên ngen kêkuwatku dê gi manêu usahonê utuk mêak makêi pekeran dê awêi pekeranku. ", "label": 2, "label_text": "sad"}
+{"id": "204", "text": "Uyo bi dau perguruan tinggi negeri nam itê miliak utuk cubo ndaftar, uku pas niên waktau o ndaftar nak perguruan tinggi negeri nak kotaku waktau o ati dau pilihan nak pnan luyên. Uku snang nam tênimo nak kota keme, amên nadêakku amên lok masuk nak perguruan tinggi negeri yo itê nam mêsoa informasi kilêak awêi ipê cao itê nam masuk. Utuk belajêa mêstainê itê harus dau mlajêa pengetahuan umum kulo, kêrno waktau o bêl o maksudku dê dau uku têmau waktau tes tertulisnê ba pengetahuan umum, utuk uyo uku kuang namên mungkin bi bubêak coa si srai. Amên bêl o peminat o dau sedangkan perguruan tinggi negeri gi didik.", "label": 3, "label_text": "happy"}
+{"id": "752", "text": "Coa tê nam madêak amên ade tun dê gêmêak itê o mênêa jijai sabên, ipê igai tun o mgêmêak ngen mlatok itê. Asai sabên ngen khawatir ngen tun o adeba utuk mingêt cao psikologis ngen dê do hal dê bakêa jijai bahayo ngen nam kulo timoa nak bêak lêm alam sadar tê brupo têmês. Masalah o nam kulo mênêa tun jijai stres, kondisi yo mênêa tun jijai têkanan pekeran, jijai têmês, mêngiak, cigai ade smangat sapêi putus aso. Gangguan têmês yo amên coa sêgro nubêt do o bakêa mênêa jijai depresi kêrno mênêa suasano atêi dê coa nyaman ngen nam kulo nyêp smangat idup coa didik kulo dê mêding yo sapêi bladêu. Stres dê biaso kêrno adenê tekanan bathin nam kulo kêrno ade dê têmkên kuni keluargo jano tun luyên nak glungnê, nam kulo kêrno patiak atêi ngen nam mênêa gis atêi.", "label": 0, "label_text": "fear"}
+{"id": "205", "text": "Ade anok sêpasuakku si dapêt kuliah nak perguruan tinggi negeri Brawijaya Malang. Si spok ngen anokku têmat SMUnê, tapi anokku lêbiak miliak masuk moi Unila krno keme tingea nak Lampung, si snang dapêt kuliah coa si uak kuni tun tuai. Uku kulo snang niên si dapêt kuliah paok umêak dê pasêtnê coa dau tamêak kêmluwêa caci utuk pnan tingêa, kêmuk ngen okos tip bilai. Anok sêpasuakku mok jurusan Tehknik Sipil tapi anokku mok jurusan Ekonomi, uyo bi sêsamo têmat, anok sêpasuakku dapêt kerjo nak Jawai, anokku dapêt kêrjo nak Jepang. Sêbênêanê kuiah o nak ipê bae coa masalah dê pêtingnê anok tê jano itê cocoknê nak ipê ngen jurusan dê kênlok o ade jano coa.", "label": 3, "label_text": "happy"}
+{"id": "571", "text": "Tênêi lai anok pertamo utuk sêlawêi adeba proses dê ajaib, kêrno nak lêm awok sêlawêi dê gidong tênêi lai timoa bakêa cupik dê tamêak an tamêak lai, mênêa hormon bakêa inoknê ade agok bubêak smudonê si mêding agok têkanjêt. Akibat tênêi lai o bak��a timoa baik pertamo jano kêduai coa si coa ade sebab biasonê kêrno hormon human chorionic gonadotropin ngen estrogen dê mênêa asai lok mutêak têtiko sapêi mutêak biasonê kêno pueng têtiko kulo sapêi kêlmên ngen sensitif kulo ngen mon, hal yo wajar dê nding mêi dê gidong tênêi lai. Ade kulo dê sapêi kekeanê bêkok kêrno tênêi lai anok pertamo makonê agok têkanjêt pas bi omor masuk moi sembilan bulên. Kekea bêkok o kêrno cairan ktubên dê lêbiak nak awok dê mnupuk gennê edema, luyên kuni o pertumbuhan rahim kulo nam mênêa blat dalêak dê nak bêak agok têkên makonê dalêak dê moi kekea jijai coa lacêa smudonê kekea o bêkok.", "label": 5, "label_text": "surprise"}
+{"id": "335", "text": "Prangai tun dê bi lai coa gi timoa i o bae, dau kulo kuni trauma waktau gi titik. Mbaco nak PsychCentral, trauma waktau gi titik o adeba istilah dê dau tun namên do o kuni pengalaman dê mênêa sedih jano dê mênêa sabên dê pêrnêak nding waktau gi titik. Pengalamanku waktau gi titik ngen dê mênêa uku trama sapêi uyo adenê kejadian pas uku jênalang kuyuk. Sabên nyên asainê, do o sapêi mênêa uku mêlilai kêrno sabênnê. Pengalaman kuni titik yo têkêmin sapêi ba uku lai, asai sabên dê kêmbiak sabênnê amên têmau kuyuk nak dalên dio dê mênêa uku ade asai sabên, kêmtêa ngen jatung asai lok cucianê, têmeteng, asai coa ade dayo. Lêm kondisi barêak yo uku mêding mgangau nyên makonê uku milok amên ade kuyuk.", "label": 2, "label_text": "sad"}
+{"id": "972", "text": "Do waktau uku masuk toilêt pas nok lobi hotel, kêrno keme Waktau o gi nguta nak luwêa jijai pas lok mênyêak uku moi toilet dê ade nak iding lobi o. Sudo mênyêak uku têkanjêt ade sêlawêi kulo nak di si gidong gêmitêi bajau, kêrno selek uku masuk igai mot kalau si sudo baru kêluwêa, pertamo uku sako uku dê salêak masuk toilet, tapi pas bi nak luwêa ternyato sêlawêi o dê salêak, waktau kêluwêa uku masêt igai nak das itê lok masuk toilet o nak di ade lambang sêmanêinê, beratai uku coa salêak masuk. Pas nak luwêa uku têmau igai ngen sêlawêi dê bêsiuk nano, si tawai ngen madêak maaf nano si salêak masuk kêrno gêgulut si nêmot tun nadêaknê, uku madêak coa jêjano ngen asai selek kulo.", "label": 6, "label_text": "shame"}
+{"id": "322", "text": "Ade dê uku sêmsal igai nak lêm idup kêrno pêrnêak miliak tapi dê niliakku o coa têkdas. Waktau uku gi kuliah uku bi nak semester pat uku milêm tes masuk pegawai negeri, gêgara oba uku bêdan kuliah coa mok cuti jano têmrus, kêrno o ba uku ngêding asai meyesal ngen keputusan dê uku mok. Uku kêrjo kêkiro duai taun sêtêngêak trus uku mengundurkan diri, kêrno uku mêding kêrjo coa klop ngen atêiku, nak di kulo uku bi mênêa keputusan dê salêak. Waktau o kêrno uku masuk pakêi ijazah SMA jijai gajai o titik ipê igai waktau o kulo nak pegawai negeri coa si barêak uyo. Dê niên dê sênsalku o gentai uku bêdan kuliah, cubo waktau o uku mok cuti bae mungkin uku nam têmrus sapêi jijai sarjana.", "label": 2, "label_text": "sad"}
+{"id": "222", "text": "Kuni asea tabunganku uku têmukua uku têmukua stom dêbi an uku lok, jijai stom dê tênukuaku o jenisnê memang agok luyên. Stom yo uku dapêt kuni kuwatku stom dê padêaknê ja ang kêluwêa, kêrno si coa makêi ngen si kulo namên amên uku perlu stom dê model si têmuan o jijai si têmawêa ngen uku. Stom yo stom double cabin minyoknê solar, si têmukua stom yo ade kêkiro duai taun, kerno stom yo memang terawat ngen kêtennê gi bêlau kulo makonê uku lok, do igai utuk gonê si minoi coa si la ang igê, uyo bi ade duai bulên uku makêi stom yo alhamdulillah gi asai makêi stom bêlaunê.", "label": 3, "label_text": "happy"}
+{"id": "268", "text": "Guau Madrasah nak Tanjung Raman, Muara Enim, sêmyap hadiah utuk juaro kelas. Kegiatan yo bi sênyap nak ruang perpustakaan sêkulah. Kutê guau kopoa mukus utuk hadiaah juaro kelas. Mnurut Heti Fitriah (26/6), guau kelas duai B hadiah dê nêlêi ngen siswa o tujuannê utuk mênêa siswa mêding snang ngen mêlêi motivasi siswa utuk bêlajêa lêbiak baik igai supayo taun muko siswa o nam dapêt prestasi igai. Penjelasan Heti yo tênamêak Ririn guau kelas satu coa si cuma dapêt hadiah bae tapi dapêt kulo piagam penghargaan, amên moi mukonê piagam o nam makêi utuk pertimbangan amên lok mlanjut blajêa moi mukonê.", "label": 3, "label_text": "happy"}
+{"id": "220", "text": "Uku asai coa pêcayo pas uku kêmliak tabunganku duai taun dê sudo, uku menabung bi kêkiro lemo taun ade rencananê amên bi têkopoa uku siniak gêmitêi stom. Alhamdulillah utuk taun sanigê yo uku bi nam gêmitêi stomku kêrno stom dê an bi cigai si padek klang dêcang ade dê lok nêa maklum bae genne stom an. Jijai stom dê an uku jêmuoa walau gonê coa si awêi kênlok tapi jijai ba utuk têtamêak nam mêsoa gitêinê. Uku bi an siniak stom dê nam muêt tun abiak pat jano lêmo ngen nam kulo min barang, memag bi nidikku niên stom model yo tapi gonê agok la ang, makonê uku nabung kilêak nekerku am��n ade omor uku ngen jêrkai uku gi bakêa têmukua stom o.", "label": 3, "label_text": "happy"}
+{"id": "370", "text": "Manêu usaho adeba dalên itê nam dapêt asea utuk gêmnêp kebutuhan tê. Uku manêu usaho bi kêkiro sebelas taun, slamo manêu usaho uku têp slalu pêcayo ngên api bae dê mênyakut ngen usahoku. Dê paling mênêa uku menyesal somor idup o kêrno uku mangêp kutê tun srai ngen pekeranku jano srai ngen dê uku meker, tapi do o salêak lai utukku. Dau anok buwêakku dê muk caci perusahaan dê uku coa namên, kêrno uku slalu pêcayo ngen kutê laporannê, pas akhir taun dê terakhir uku mukok usaho baru kêten kutê nak ipê pao caci tagihan dê harusnê bi masuk tapi nak kator coa ade laporan. Uku mêdêu api bae dê ade masalah ngen caci yo, ade dê ngênginoi madêak caci o nakêi utuk anok sêkulah, ade kulo dê madêak cacio nakêi utuk operasi kakoknê ngen dau igai ba. Uku bi lok mlapor plisi sêbênêanê tapi uku meker urusan tamêak lêm, jijai uku smudo ngen kekeluargaan dê pêtingnê têbo o sangup melek kutê caci o.", "label": 2, "label_text": "sad"}
+{"id": "214", "text": "Ujian o adeba cao utuk mukua kemampuan api bae. Pelaksanaan ujian maksudnê utuk tau sapêi batas ipê pengetahuan ngen kênam dê tun o têmuan. Ujian kulo jênijai utuk evaluasi mênilai kêdau kêlai pengetahuan dê bi nam ngen kêpacok dê bi dapêt. Mngêding snang nyên têrnyato kemampuan ngen kêpacok dê ade ngen uku nam mênêa uku lulus ujian lêm penerimaan karyawan nak perusahaan dê bi terkenal. Bi têbayang awêi ipê bêbilaiku jijai karyawan ngen uku kulo nam dapêt caci utuk mênuak kebutuhan bêbilai ku. Uku nak perusahaan yo timo nak bagian pembukuan, memang nak pembukuan yo ba utuk sêmêntaro dê nam uku kêmrêjo slamo yo.", "label": 3, "label_text": "happy"}
+{"id": "607", "text": "Waktau belek mdasêi pêlbêak prêpuanku awêinê using bae, coa ku namên jano. Uku têmnai coa kulo si lok madêak, sinê cuma diêm bae. Sudo mênai uku kêluwêa igai kêrno cao taên nak dasêi kêmliak tun dasêi barêak o, tênai coa mnyimêt ngen coa kulo lok madêak jano masalahnê. Kêkiro jam dêpuluak kêlmên uku belek, si gimasiak coa lok madêak jijai uku sêrbo salêak trus uku moi bilik maksud lok tidua, tapi tênaênnê mêak tidua kilêak nadêaknê, uku têmnai ade jano gêntai kten using bae ceritoba nadêakku, amên coa lok cêrito uku lok tidua bi stêkuk i o uku madêak ngen si, tapi si cuma diêm bae coa mênyimêt kecekku. Smudonê têningêaku tidua.", "label": 4, "label_text": "angry"}
+{"id": "541", "text": "Botos tun nak Kabupaten Mamuju Propinsi Sulawesi Barat bêlomba utuk dapêt hadiah dê nade Bank pemeritêak nak lapangan Ahmad Kirang, Mamuju. Tun dau têko waktau acara nak pêlbêak bilai o pas undian muloi kutênê sêmimok tip numum undian api bae dê kêluwêa gennê kuni pihak Bank BRI Cabang Mamuju. Botos tun o muloi kuni tun tuai, anok uai sêlawêi sêmanêi capua jijai do utuk mot acara undian uang kaget o. Nak lêm acara o panitia mêlêi pertanyaan ngen tip dê têko, dê bêrasea jêmawab bakêa nêlêi caci sotos sapêi lêmo otos ribau. Snang nyên utuk dê nak di dê dapêt uang kaget o, dau kuni dê ade nak di nam jêmawab pertanyaan kuni panitia ade kulo do dê dapêt lêmo otos ribau", "label": 5, "label_text": "surprise"}
+{"id": "264", "text": "Menyanyi adeba kegiatan dê mênêa atêi snang, kêrno nyanyi o adeba hal dê api bae nam. Coa heran dau tun dê hobi nyanyi, awêi itê namên têmi uk musik o adeba cao utuk mêlnyêp stres. Tun dê hobi nyanyi mnurut Orami.co.id, coa si cuma ade bakat nak musik tapi kutê tun têmuan suaro i o kulo menyanyi kulo dau tun pêcayo nam min atêi moi suasano dê padek. Kuni hobi nyanyi yo mênêa uku cet milên nak lomba nyanyi. Lomba nyanyi dê pertamo uku milêm pas gi nak SMP. Waktau o pas gidong ade acara pekan kreativitas tikêt Kecamatan ngen ternyato uku dapêt juaro pertamonê. Snang nyên asainê kuni cuma hobi nyanyi tapi nak kulo dapêt penghargaan sapêi uku kuliah.", "label": 3, "label_text": "happy"}
+{"id": "731", "text": "Uku an tingêt waktau keme ade proyêk uak nak luwêa kota kêkiro dêpuluak taun dê sudo, waktau o stom dê makut material keme masuk paret, jijai keme lalau moi lokasi pnan stom o cigai nam gêrok. Uku bêduai ngen kuwatku gennê Ukar, jijai pas sapêi lokasi keme harus maliak barang dê stom o moi stom luyên, uku telpon moi kator utuk kmirim stom kosong moi lokasi, ade abiak lêmo jano num jam stom dê knirim o sapêi. Waktau o keme kulo bi lapor moi pos plisi dê paok kêrno pnan stom o nak pnan sunyai jijai keme minoi plisi nam jêmago ngut stom dê masuk paret o kêluwêa. Pei lok sudo maliak barang moi stom dê do igai do o bilai bi kêlmên kêkiro jam satu pueng, têko anok-anok uai ade abiak tun têlau puluak magêa keme kutênê mukok golok ngen madêak minoi caci keamanan, kêkuwat dê ade nak di kutê rim têmasuk plisi, jijai kuwatku dê têgen Ukar yo nano bi tênodong ngen golok, akhirnê uku mbinai miling ngen têbo o amên keme yo cuma kêrjo, amên udi lok caci keamanan mên uku mlapor ngen kator supayo si mbo tun ngen min caci keamanan.", "label": 0, "label_text": "fear"}
+{"id": "936", "text": "Api ade dê lok umêaknê pênuak ngen serangga awêi dalêk, nyokok, lepes, semut ngen dê luyênnê. Uku pêrnêak moi umêak tun tuai kuwatku dê nak sadêi, waktau moi umêaknê o pertamo uku ati pêrnêak mini kêduainê umêaknê o uak ngen umêaknê o gi tênungau tun tuainê. Do o umêak an, kuwatku o laher kulo nak di ngut sapêi SMP, waktau si SMA si sêkulah nak kota tingêa bge sêpasuaknê. Waktau nak umêknê uku kêmliak dau nyên semut, muloi kuni umêak dopoa sapêi ruang tamu, kênliakku do o sêmut dê têtitik mêlêu, amên kêno awok tê si mêngêt do o asai gatêi coa mudêak kaên, uku amên semut o didik mungkin coa ngapo, dio sêmut o dau sapêi uku kêmlaiknê kulo uku jijik, cuma kêrno mêak kuwatku o sigung jijai coaku madêak cêicak bae uku coa kêmliak.", "label": 1, "label_text": "disgusted"}
+{"id": "281", "text": "Ade igai dê mênêa uku mêding snang waktau mikêak asuakku, pas kulo si dapêt bakêa prêpuannê o uku bi namên an, i o kulo ngên bakêa sêtuangnê, jijai waktau masên coa ade dau halangan kêrno kuni pêak dê sêlawêi coa dau minoi jêjano, pertamo asuakku ngên bakêa prêpuannê sêsamo lok, bakêa sêtuangnê kulo têmimo ngên baik rombongan keme, sudo o kulo dê bakêa sêtuangnê ngen keme bi an namên. Nak bilai acara nikêak o keme duai keluargo kopoa nak pnan bakêa sêtuang asuakku, nak di keme kutê kêten snang ipê igai pas bi sudo akad nikêaknê keme kutê mbo duo utuk kelurgo bêlau asuakku.", "label": 3, "label_text": "happy"}
+{"id": "777", "text": "Uku dê sabên nyên amên itê coa sadar dê kênrêjo tê o bakêa jijai duso, bêl o dau tun madêak amên lok usaho o nanêu bae kilêak dê ade ngen itê jano kêdau kêmampu tê, misalnê utuk modal mêak lok langsung lai amên dê ade uyo titik, muloiba kuni modal titik kilêak. Tamêk an usahoku muloi tamêak rami, uku muloi têmamêak tun utuk têmulung uku nak lêm manêu usahoku, paok si duai jano têlau kilai gennê kêuwat mdasêi lok milêm kêrjo samo nak lêm usahoku. Ade dê têmawêa tamêak modal ngen cao bagiak asea, ade kulo dê lok têmamêak modal utuk mukok bêlau igai nak pnan luyên ngen si dê mêgong utuk asea têp bagiak duai. Tapi kutê o uku ati lok, kêrno nekerku uku cubo manêu kilêak samo kêmliak perkembangannê. Pas do bilai ade sêpasuakku mdasêi, si madêak bi cigai kêrjo trus si ade caci simpanannê nam coa si milêm nak usahoku ngen cacinê o, kêrno slen akhirnê uku majok syangnê waktau o uku coa mênêa perjanjian tertulis, jijai bi panêu kêkêdau bulên si minoi duai puluak lêmo persen kuni cacinê o tip bulên. Kêrno kêrjo kulo gidong dau panêu ngen ati sudo jijai uku bênêk, kêrno têpakso smudonê uku jijai bae, uku usaho nam gacang melek cacinê kêrno uku sabên dio riba bi pasêtba jijai duso.", "label": 0, "label_text": "fear"}
+{"id": "750", "text": "Bully adeba tindakan ngen cao gêmangau tun luyên, makso ngen mêgis. Tindakan yo nam nak ipê bae, nam nak lingkungan jano medsos. Kasus bully bakêa ade akibat fatal amên coa nam milok nam bae jijai depresi. Amên jijai korban bully ade kêkêdau cao dê nam itê manêu mnurut artikel Kamini.id antaronê mêak mênêa reaksi jêjano, jago emosi supayo mêak têkêmin pas kêno bully, tnunyuk amên coa ade asai sabên ngen tênunyuk kulo amên itê binai ngen kêmliak matai dê mbully o, miling ngen tun luyên trus cerito ngen tun dê paok supayo ngêding agok tênang, milok dê galok mbully ngen mêsoa kêrjo jano bunok ngen kêkuwat bêlau. Amên bi sudo mênêa kutê dê awêi nak das, harusnê bi nam madêp amên ade dê mbully, kêrno cao madêpnê o harus ade kêbinai kuni tê.", "label": 0, "label_text": "fear"}
+{"id": "355", "text": "Nak lêm manêu idup itê coa têmau trus awêi ipê dê klok tê. Kêmasai dê ade nak atêi kêrno jano dê itê lok coa dapêt do oba kêciwo. Pengalaman dê pêrnêak têjijai pas uku mênêa kêduai tun tuaiku kêciwo kêrno uku coa nam jijai pegawai negeri awêi dê kênloknê. Harapan kêduai tun tuaiku waktau uku lulus kuliah ngen dapêt gelar sarjana uku nam kêrjo jijai PNS, kêrno mnurut tun tuaiku jijai PNS o kêhidupan ekonominê terjamin. Tapi jano dê kênlok tun tuaiku o coa srai ngen dê uku meker, kêrno amên lok sukses ngen gêmnêp utuk idup coa harus jijai PNS kulo tapi nam kêrjo nak ipê bae. Mnurutku itê bêrasea o nam jijai jano bae awêi dagang jano jijai pengusaha, awêi dê nadêak Mentri Sosial Tri Rismaharini amên gelar PNS o coa nam tênu un ngen anok tê, tapi amên jijai pengusaho mako itê nam têmu unnê. Jijai PNS coa si jaminan utuk nam sukses tapi usaho ngen duo trus coa mudêak nyêrêak do oba kucai sukses.", "label": 2, "label_text": "sad"}
+{"id": "983", "text": "Amên mnurutku têpuak itê kêmliak tulên nyên ngen kuwat tê dê itê têmau mungkin nak dalên jano nak ipê bae mêak itê gêgulut mêdêu, amên nam itê masêt kilêak bêbênêa kuwat tê o jano iso. Pengalamanku uku bi kêkêdau kilai salêak tun, muloi kuni o uku cigai lok gêgulut mêdêu jano miling amên uku ati namên pêpasêt do o kuwatku jano iso. Kmasai selek amên salêak o coa si baik nyên ipê igai pulu tun rami, tun dau kulo kêmliak itê do o asainê kêmbiak seleknê. Padekba itê masêt nyên amên ade têkêliak awêi kuwat tê, amên nam itê mngêten supayo si dê kêmliak itê, amên memang si nyên si dê bakêa mêdvu itê dutê.", "label": 6, "label_text": "shame"}
+{"id": "968", "text": "Itê coa nam dmugo amên itê bakêa mênêa selek awok tê dewek, awêi têtibo sêrwêa dê itê makêi sgit, memang amên têpuak kêno ngen itê do o bi pasêtba itê selek. Amên bi têlanyua kêno ngen itê pas itê gidong kêrjo mnurutku itê mêak têmrus kilêak kêrjo tê, padeknê itê istirahat kilêak samo meker jano dê harus nêa supayo itê mêak mnyelek. Utuk jêjago amên itê kêrjo lêbiak baik utuk sêrwêa lêm do o itê makêi igai sêrwêa pnok gunonê au amên dê sgit o nak pêak luwêa, amên pisok dê sgit do o gi bakêa nam têmutup sapêi itê nam gêmitêi sêrwêa jano ngut itê belek do o coa selek igê. Dê lêbiak padeknê igai amên itê nam min kracok siuk jijai coa itê renyeng igê amên têpuak sêrwêa sgit. ", "label": 6, "label_text": "shame"}
+{"id": "990", "text": "Cuboba mêak mêding selek amên pas têmau tun dê makêi bajau jano sêrwêa srai nyên ngen dê itê makêi. Amên ade dê madêak jano têmnai masalah srai o, nadêak bae dio seragam keme jano keme têmukuanê o spok nak do toko. Asaiku coa tun gi têmnai cuma têtiko itê bae asai gi bogoa tun kêmlaiknê. Amên têjijai ngen uku barêak yo amên nak do acara misalnê, uku bakêa bakêa magêa tun dê srai bajaunê o ngen uku, ngen itê mênêa barêak o jijai tun dau o coa sle igê ngen itê, pasêt tun sako amên do o bajau seragam, ipê igai itê nam kênal ngen tun o, itê majok ngênguta trus sinê kulo lok, tun dau coa bakêa curiga amên do o nam kebetulan srai.", "label": 6, "label_text": "shame"}
+{"id": "785", "text": "Amên nadêakku maroba itê mêak mêding asai sabên utuk jijai sêksai amên itê bêbênêa namên kêjijainê. Itê nam madêak kilêak ngen petugas utuk nam têmutup gen tê mêak sapêi ade dê coa têmimo ngen keterangan tê dê bakêa mbahayo awok tê. Amên petugasnê nam jêmamin utuk keamanan tê do o coa masalah itê jijai sêksai, supayo utuk smudo kasusnê coa si an igê. Do igai amên nam itê dê nak dalên misalnê amên itê kêmliak ade kecelakaan, amên nam kulo itê bêdan têgoa ngen kêliak gêntai nam têjijai, ngen api kêkiro dê jijai korban o api namên itê kênal ngen dê jijai korban o.", "label": 0, "label_text": "fear"}
+{"id": "375", "text": "Mêding asai mênyêsal o mungkin kutê tun bi ade cubo, amên uku bi dau mêding kêrno dê daunê galok têmotoa pekeran dê salêak lakêak. Amên nadêakku itê buliak bae mêding asai o tapi itê kulo harus nam gacang muang pekeran o kêrno amên itê coa nam gacang muang do o bakêa muk awok tê. Mnurut ahli pentesalan o adeba emosi negatif dê itê mêding gia sapêi moi atêi, mnurut Ikhsan Bella Persada, M.Psi.,Psikolog, itê coa sadar amên dê sudo terjijai do o itê coa nam mubêak keadaannê, tapi dê nam itê mubêak o adeba keadaan uyo ngen moi mukonê.Têtiko itê coa lok makau jano dê itê têmau ngen mêding dê ade nak atêi tê.", "label": 2, "label_text": "sad"}
+{"id": "790", "text": "Mungkin ade kuni itê jano sêpasuak tê dê mêding kêno bêncano baiknê itê mêstai dau sabar ngen dau awit minoi petunjuk magêa Allah SWT supayo atêiv nêlêi ketenangan, memang coa mudêak mlupo kejadian dê itê mêding ipê igai mungkin pao ade kulo dê kelurgonê dê jijai korban, dio coa mudêak igai itê mlupo. Tapi itê harus nam mok kutê hikmah kuni di, mêak sapêi itê ade asai mêngiak magêa Allah SWT kêrno kejadian o, dio dê coa baik itê mêstai sadar kulo amên kutê o adeba klokNê, itê cuma manêu bae coa itê nam mubêak amên do o bi sudo ketentuanNê. Itê de tun Islam harusnê lok dau tênamêak istighfar ngen dau bêsyukur.", "label": 0, "label_text": "fear"}
+{"id": "582", "text": "Memang kutê o harus ade runingnê ipê igai masalah antri, têtiko itê bi an bêlmot coa tê namên ade dê dêmutê mok gilia tê. Dêniênnê kêrjo bêlmot o ca ade dê baiknê, ipê igai itê coa dau waktau utuk o, tapi kêrno aturan harus antri paksoba itê milêm aturan o, waktau antri nak SPBU uku bi dutê coa an ade dê mitas uku, kêrno mungkin si mêding si bi jago nak di jijai kêkêloknê bae, waktau o uku kisai minyok motor antri o agok panjang bi ade abiak paok si têngêak jam uku nak di milêm antri, pas ade dê mitas o uku jijai emosi, uku tu un madêak mêluak monor milêm antri mêak sêkloknu bae dio tun dau masalahnê nadêakku, si tu un tulên awêi preman lainê coa têmimo nadêakku, si mêgong tangênku waktau o cigaiku mot lajau uku têminjau dagaunê si us uku lok magas igai tun dau mêgong uku. Uku madêak ngen si amên coa snang mot uku nak ipê bae, tun dau nak di mbela uku kutê, tapi uku coa sabên lok nak ipê bae.", "label": 4, "label_text": "angry"}
+{"id": "251", "text": "Ade pengalaman dê coa ku nam mlupo waktau gi uai bêl o, kêkiro duai puluak lêmo taun dê sudo uku siniak nyên nam kêrjo nak perusahaan asing. Jijai waktau o uku milêm tes nak perusahaan Jepang dê kebetulan perusahaan o gidong ade proyek nak Propinsi uku tingêa. Ade kêkiro tun tujuak dê milêm tes ade kulo dê kuni luyên Propinsi, lêm tes o dê utamo kêpacok baso Inggris do igai dê nam kerjo samo ngen tim. Tesnê duai kilai dê mêtes kulo tun Jepangnê langsung. Uku milêm tes yo ngen harapan nam dapêt kêrjo ngen gajai dê agok lai, Alhamdulillah dê tênimo tun duai kuni tujuak o termasuk uku, jijai uku muloi kerjo nak proyek mênêa pabrik gulo nak Lampung. Asai snang bi pasêtba uku mêding , ipê igai nak bulên pertamo uku kerjo uku dapêt gajai dê coa uku sêsako, kêrno nak perusahaan yo gajainê makêi standar Dollar.", "label": 3, "label_text": "happy"}
+{"id": "934", "text": "Amên itê dê coa taên ngen mon amis o padeknê itê mêak makso amên itê namên. Uku biasonê galok makit minyok angin kêrno mêak coa tê namên têmau mon amis, itê coa namên moi ipê bae hmanêu tê bilai o. Pengalaman dê sudo uku mêding coa si baik nyên asainê sêmnok mon amis o, tapi jak uku cet min minyok angin coa ku renyeng igê kêrno ngen minyok yo nam didik utukku kêmu ang mon amis o ngen mpek minyok angin nak yungku. Amên uyo bi dau tun jêmuwoa minyok angin ngen mêmêcêm mon, jijai coa saro igê lok mêsoa ngen utuk nêmin kulo padek kêrno ade dê kemasan titiknê jijai coa mgangau igê amên nêpek nak pakit.", "label": 1, "label_text": "disgusted"}
+{"id": "617", "text": "Uku paling coa snang amên ade tun galok madêak masalah sukau, ipê igai si madêak o ngen awêi ngimok, dio dê têtiko mênêa itê cet kênek dalêak. Amên bagiku lok si sukau jano bae do o srai tingêa ngen tunnê bae, memang amên keme tun Sumatera o miling agok lek amên tun ati namên sakonê mêngiak, amên atêi srai bae tun baik ngen itê i o kulo itê ngen tun. Uku pêrnêak mêngiak ngen kuwat kêrno madêak masalah sukau, mungkin si pêrnêak têmau tun do sukau ngen uku dê coa baik prêngoinê tapi mêak si mrato tun keme barêak kutê. Nak di uku mêngiak nyên ngen si, uku têm ang kutê masalah sukau, mêak si coa namên, utuk tun sukaunê dewek kulo ade dê prêngoinê ku ang baik.", "label": 4, "label_text": "angry"}
+{"id": "1006", "text": "Uku pêrnêak mêding selek nyên waktau gi sêkulah nak SMA, Jijai kejadiannê waktau keme lok gabok moi umêak kuwat keme, tun pat keme do o ati ade dê namên dê dipê umêak kuwat keme o, waktau bi sapêi gang umêaknê keme tun pat agok bingung dê dipê umêak kuwat keme o. Kêrno uku dê nak muko makonê uku têmnai ngen do umêak nak gang o, si têmunyuk umêak kuwat keme trus keme lajau mini, uku ruponê salêak masuk umêak kuwatku dê luyên mot nak muko, uku masuk trus têmnai ngen mêmêi dê ade nak umêak o, uku madêak gen kuwat keme o , kêrno uku masuk bae ngen yakin amên do o umêak kuwat keme trus mêi o agok mêngiak ngen uku samo madêak mêak main masuk bae tênai kilêak dio jano iso nadêaknê. Uku ngen asai selek trus minoi maaf ngen samo têmnai umêak kuwat keme o, mujua si madêak dê dipê, ruponê pas niên nak dêpêak umêak o.", "label": 6, "label_text": "shame"}
+{"id": "364", "text": "Pengalaman dê uku pêrnêak mêding o adeba waktau kuwatku têmuduak uku maling. Kejadiannê kêkiro dêpuluak taun dê sudo waktau o uku kêrjo jijai editing data program nak perusahaan buak import. Kêrjo ku o adeba mpek data buak, waktau o dê utuk nota penjualan lêbêak o bi sudo, uku rencana lok kêmrêjo data dê pembelian dê nak bilai o, kêrno nota pembelian o adenê nak mija kasir uku mok nota o trus uku mpek nak laporaan awêi biasonê, tapi pas pêlbêak waktau lok belek kuwatku dê nak bagian kasir mitung asea penjualan dê bilai o tapi cacinê ku ang, trus si lajau têmuduak uku mok caci dê ku ang o. Coa ade bukti si mlapor uku ngen bos, trus biali o kulo uku nêdan bos ngen coa hormat, uku spêt mênêa pembelaan tapi uku kulo coa ade bukti amên uku coa mok caci dê nadêak o smudonê uku gi nêdan kunê, uku mêding kêciwo nyên. Biade kêkêdau bilai managemen perusahan kêmliak nak CCTV ternyato isosi uku dê mok caci o uku dapêt informasi kuni kuwatku dê gi kêrjo di.", "label": 2, "label_text": "sad"}
+{"id": "306", "text": "Memang amên itê kêno PHK o dê pertamo itê mêding sedih,  awêi têtanggoku si kêno PHK kêno nak pnannê kêrjo ade masalah keuangan. Jijai têtanggoku o kêno kulo nêdan kuni perusahaan, amên mnurut ceritonê perusahaan pnannê kêrjo jak ade pandemi yo memang agok ku ang kegiatannê, jijai utuk masukan perusahaan coa imbang ngen caci kêliwêa makonê dalên dê nêmok pimpinannê adeba kê mu ang karyawan kilêak ngen janjai amên bi normal igai sudo yo perusahaan bakêa mêdêu igai. Utuk kuwatku yo uku mêlêi saran utuk nak mêsoa kêrjo luyên jano mukok usaho dewek, kêrno am��n itê bogoa meker bae coa gi mênyudo, itê harus nam gacang mok keputusan.", "label": 2, "label_text": "sad"}
+{"id": "738", "text": "Trauma ngen sabên dê tun mêding coa itê nam mukua kuni kêjijai dê pêrnêak si mêding, tapi awêi ipê tun o nam madêp kêjijai o, tainê amên ade tun duai dê madêp kêjijai dê srai tapi dêdo bae dê mêding trauma kêrno kêmasai dê nding kuni tun dê madêp kêjijai o nam coa srai. Makonê gejala dê timoa kulo nam lêluyên, muloi kuni gejala fisik sapêi gêjala psikologis. Umumnê mêding trauma o adeba biaso, awêi tênulis nak hellosehat.com ade kêkêdau awêi emosional ngen mêding sedih, tamêak waspada ngen kêkêdau hal dê têjijai nak klilingnê, payêak cao fisik, stres ngen sabên lok lêlalau kêrno sabên bakêa têjijai ngen awoknê.", "label": 0, "label_text": "fear"}
+{"id": "263", "text": "Nak taun duai ribau sembilan belas pendamping sosial Kabupaten Purbalingga ade program rehab umêak utuk keluargo penerima manfaat PKH dê umêaknê dau dê ku ang layak. Kutê pendamping sosial Kabupaten Purbalingga mipun dana kuni iuran kutê pendamping ngen ade didik kuni caci kas pendamping Kabupaten. Acara program rehab umêak o ternyato hadir kulo Bupati Purbalingga, nak lêm pidatonê si mokasiak nyên ngen pendamping sosial kêrno milêm utuk têmulung KPM dê kondisi umêaknê gi ku ang layak. Tando mokasiak o su mêlêi dê buwêak penghargaan kuni Bupati Purbalingga ngen kutê pendamping sosial, si maêp kegiatan barêak yo nam trus utuk kesejahteraan warga masyarakat Kabupaten Purbalingga.", "label": 3, "label_text": "happy"}
+{"id": "943", "text": "Coa kutê tun coa jijk amên kêno têkek mêak gi têkek tun itê coa namên api têkek tun dê itê namên bae itê janying ngen jijik. Mnurutku amên itê dê galok btêkek, mêak btêkek nak ipê bae itê lok, kêsoaba pnan dê kêkiro tun jibêak bakêa kêno gês têtek tê. Cubo gen asainê amên itê dewek kêno gês têkek tun, janying coa i o kulo ngen tun amên kêno gês têkek tê. Dau tun têlutêak ngen kêno têkek o, amên si namên api dê btêkek o bi pasêtba si bakêa mêngiak. Têtiko ade pao tun dê coa sopan, bi namên ade tun gidong mêmêmuk jano tun gidong mukmêi do o si btêkek kêkêloknê, amên ade tun barêak o idingku dê pasêtnê tun o bakêa kêno tinyauku.", "label": 1, "label_text": "disgusted"}
+{"id": "941", "text": "Ade cêrito waktau keme gi têtitik gabok moi taman ngen kêkuwatku, mêmêcêm permainan dê ade nak taman o muloi kuni jêjuit sapêi pnan sang ayun. Uku cêmubo têmot nak sang ayun o sudo o uku mêluak kuwatku têmulok sapêi uku nam bêrayun do o keme dê nayun o cang gitêi, do tun do o kêkiro lêmo menit sudo o gitêi, utuk têmtau api dê pertamo nayun keme suten api menang do o dutê. Uku waktau o lêak jijai kuwatku dê dutê nayun uku dê têmulok kuni blakang. Jijai bi sudo lêmo menit mayun kuwatku do o gilaku, pas giliaku uku têmot nak sang ayun ngen tangên mêgong tilai kidêu kanên, kuwatku mayun uku coa an nêdingku tangenku mêgong ade agok cêak nak tilai, uku minoi bêdan kilêak pas bi bêdan uku sêmnok tangenku ruponê uku coa kêmliak amên kuwatku têmkek tilainê ayok si tu un, sêmnok mon têkek o uku jijik ngen asai lok mutêaknê, uku jêmalang kuwatku si mlilai trus nyêp, sudo o uku lajau mêsoa biyoa utuk puk tangên gês kêno têkek kuwatku o.", "label": 1, "label_text": "disgusted"}
+{"id": "953", "text": "Ade kêkêdau kilai uku mukmêi nak umêak makan do o rêrato nak luwêa kota dê têmau lapên bi iai jano cigai si baik. Amên nadêakku tip umêak makan o harusnê mêak mêlêi tun muk lapên dê bi cigai si baik, ipê igai lapên o bi iai, bi pasêtba itê dê muk bakêa kêciwo ngen adenê itê têmau barêak o. Memangba umêak makan o mêsoa utng, tapi umêak makan kulo harus nam jêmago kwalitas kêkêmuk nak di, khususnê utukku go la ang coa jijai masalah dê pêtingnê uku nam puês, tapi amên têmau dê uku muk coa si padek, ipê igai muk dê bi iai, asainê ngut matêi uku coa gi bakêa singêak nak umêak makan o igai, amên ade kêkuwat lok mlitas jalur o nak lêm perjalanannê amên uku namên, uku bakêa madêak utuk mêak singêak nak umêak makan o.", "label": 1, "label_text": "disgusted"}
+{"id": "587", "text": "Uku kulo pêrnêak ade dê mino waktau o awokku gi gêmuk sedangkan lêkatku coa sêbêrapo. Ade dê madêak uku bulêt awêi balnê, jijai uku sêmimêt ngen madêak baês udi jano, ruponê si coa têmimo uku madêak i o, uku têmnai klok udi jano, amên lok bujo mêak madêak uku coa lok dio ba kêrjoku amên udi lok namên bêlago. Uku waktau gi uai mêak coa têkajok bae amên urusan bêlago, coa ade snabênku ngen api bae lok si lai lêkat coa ade cerito uku bakêa milok. Memangba awok ku agok têmêak tapi amên utuk bêlago coa pernêak uku monor, urusan alêak be dê niênnê cênubo kilêak. Makonê waktau gi sêkulah kêkuwat namên awêi ipê prêngoiku, uku coa gêmêak tun tapi amên tun gêmêak uku sapêi ipê bakêa uku mêsoa.", "label": 4, "label_text": "angry"}
+{"id": "289", "text": "Nikêak o adeba do ibadah, amên nak lêm Islam tun dê bi dewasa do igai bi mampu utuk nam idup umêak tanggo, bi ade asea tip bulên mako si o harus meker utuk nikêak, nikêak o adeba sunnah nak lêm Islam, sunnah o adeba ibadah,tip ibadah o tujaunê bi pasêtba magêa Tuhan. Bi wajarba tip usaho utuk dapêt citoNê o harus itê madêp ngen asai snang. Mnurut Anggun Prameswari, nikêak o dêbat somor idup ngen pasangan dê niliak o adeba pasangan sapêi matêi, salêak jano bênêa do o pasangannu. Elbert Hubbard madêak amên persaratan utuk tip nikêak dê mênêa snang adeba iman ngen kepercayaan. ", "label": 3, "label_text": "happy"}
+{"id": "736", "text": "Arena pasar malam nak lapangan nak sadêiku rami tun dê mini, biasonê nak pasar malam kulo dau tun jêmuoa mêmêcêm, awêi kracok, elektronik, arêak alat dopoa , mainan, ngen ade kulo kêkêdau mêcêm kêkêmuk. Utuk mênêa meriahnê pasar malam o ati lêkêp amên coa ade pnan main. Pnan main dê ade nak pasar malam o awêi bianglala, kora-kora, ngen dê luyênnê. Kêmnek dê do permainan o memang snang tapi agok sabên kulo, ade kêdau permainan nak di mêmêcêm dê biaso ade nak pasar malam awêi kora-kora dio adeba wahana kêpêa lai dê nayun, asuakku lok cêmubo wahana kora-kora yo, pas keme bi tingia trus wahana yo muloi ngayun kten asuakku muloi sabên. Tamêak an ayunnê o tamêak gacang dê têmingia o muloi mêmêkik i o kulo ngen asuakku. Kuni pertamo cênok trus tamêak gacang nak di ba muloi dau dê mêkik coa bêdan sapêi wahana yo bêdan ngayun, Asuakku langsung tu un ngen papêa pucêt, kuni o ba asuakku muloi ngêding sabên amên nak pnan lêkat. Sapêi uyo sabên nak pnan lêkat o ati nam nyêp.", "label": 0, "label_text": "fear"}
+{"id": "757", "text": "Asai sabên kêrno tênêm do o wajar tun ade mêding, kêrno tun tênêm o organ dê biaso usak adeba jatung, otok, paru-paru ngen atêi. Itê harus namên waktau maksimal awok manusio nam taên coa bênafas adeba têlau mênit, sudo o sel otok muloi matêi. Pas tun tênêm trus cigai nam sêmlamat dê lai kêmungkinan slamat o titik, ipê igai si coa nam mêlwên jano coa ade dê gacang têmulung. Pas tun tênêm o mêding sabên nyên dê ade nak pekerannê waktau amên awoknê nak lêm bahayo, respon awok bêgêrok coa têratur jano nam bae cigai nam gêrok. Nak dau kasus pas ade tun tênêm si o coa kêmluwêa suaro walau didik.", "label": 0, "label_text": "fear"}
+{"id": "293", "text": "Lahernê anok ade anugerah dê coa ade baningnê kuni Allah SWT dê Si mêlêi amanah ngen taruak ngen itê, Allah kuni tip mêlêi itê anok ngen têmamêak jerkai ngen tun tuai kulo bakêa dapêt bakti kuni anok o amên bi lai sudo yo, amên tun tuai nam dmidik anok ngen baik sê suoi ngen tuntunan dê najêa nak lêm Islam. Lahernê anok kan lêm keluargo pasêtba bakêa mênêa suasano umêak dê ayoknê sunyai jijai lêbiak rami, ngen adênê suaro nginoi cupik dê mênêa idup tamêaak semangat ipê igai amên laher anok yo bi an nêmot. Laher cupik yo kulo nam têmamêak gênêp ngen têmamêak snang, do niênnê tun tuai ngêding basea kêrno coa mutus tmo.", "label": 3, "label_text": "happy"}
+{"id": "729", "text": "Penyakit dêmêm panggung o nam itê milok amên itê nam kontrol emosi tê do o dê utamonê, kutê tun amên nak muko tun dau miling jano nyanyi utuk pertamo kilai bi pasêtba mêding gennê dêmêm panggung. Coa mudêak mêlnyêp penyakit yo amên itê dewek coa pêrnêak cêmubo ngen coa awit mlatih utuk nam miling jano nyanyi nak muko tun dau, Dêmêm panggung yo timoa kêrno itê têtiko ja ang nam kontrol awok tê dewek waktau nak das panggung, jijai utuk mêlnyêp dio itê mêstai ade usaho nam mlatihnê ngen cet têmoton jano mbaco awai ipê cao- cao itê nam mênguaso suasano waktau itê dau tun têmoton. ", "label": 0, "label_text": "fear"}
+{"id": "732", "text": "Waktau uku gi sêkulah SMA uku pêrnêak mêding tênodong tun ngen pisêu, waktau o keme pas belek kuni sêkulah kêrno keme belek gacang kêbilai o, keme dê dau slawêi ngen sêmanêi mto kilêak moi pnan hiburan nak biding laut. Jijai nak di keme cuma ngênguta samo têtawai coa ngêding bi kêdau jam nak di. Pas keme lok belek, keme têmau ade tun têlau gidong mabuk nak dalên plitas keme, kêrno dê sêlawêi sabên kêmliak têbo o sabên mêak têbo o gêmangau, jijai uku madêak ngen kuwatku mêluak panêu dutê mês dê sêlawêi moi biding dalên pnan mot stom. Sudo kuwatku bi lalau uku dê tingêa blakang su ang, dê tun têlau o mêgong tangênku ngen mpek pisêu nak tênêiku samo madêak lok minoi caci, uku madêak uku coa ade caci amên udi lok mot pyo têgoa bê uku mês nadêakku. Ade do tun dê kuni têlau o ruponê namên ngen uku sudo o si madêak ngen kuwatnê kêpas ba dio uku kênal mêak be itê sapêi ribut blêlai nadêaknê, kuwatnê mpas tangênku dê madvak kênal ngen uku o langsung minoi maaf.", "label": 0, "label_text": "fear"}
+{"id": "944", "text": "Btêkek o kutê tun bi pasêtba btêkek, tapi amên lok btêkek do o kênliak kilêak pnannê mêak kulo itê asal btêkek bae. Asaiku kutê tun coa ade dê asnê amên kêmliak tun btêkek sêkakea, amên tun o ku ang sehat do o si biasonê klang dêcang btêkek kêrno inoanê bi pasêtba ku ang baik. Utuk tê dê mêding galok btêkek yo baiknê kêsoaba pnan dê coa ade tun jano pnan agok auk kuni tun ipê igai tun dau, amên itê paok tun pasêt tun o ade asai jijik ngen itê btêkek o, dê niênnê mêak btêkek nak iding tun. Memang ade pao tun dê coa si meker mini, asal si mêding lok btêkek do o si btêkek nak ipê bae coa si dulai tun ade jano tun dau nak di. De barêak yo mêak itê mênêa do o nam bae mênêa tun jijai jêngik ngen itê puce o.", "label": 1, "label_text": "disgusted"}
+{"id": "292", "text": "Nak lêm Islam anok adeba jêrkai kuni Allah SWT, amên Allah bi mêlêi anok do tainê Si bi pêcayo ngen itê utuk itê smido, itê majêa ngen bi pasêtba jêrkai kunya sudo yo anok o nam jijai anok dê sehat, pitar ngen nam têmrus gais tmo kêluargo, makonê tip anok laher itê harusnê snang ngen dau bêsyukur ngen duo dê bêbaik supayo sudo yo anok nam makêt drajat tun tuai. Makonê ba itê jijai tun tuai o harus bêbênêa smido anok muloi kuni titik sapêi si lai, jêmago plepnê, mêsoa pnan sêkulah dê baik, jêmago kmuknê ngen majêa dê bêbaik utuknê.", "label": 3, "label_text": "happy"}
+{"id": "218", "text": "Uku cuma lulusan SMA tapi ade niat utuk nam sukses walau skulah cuma tmat SMA. Utuk nam dapêt kêrjo nak perusahaan do o itê harus ade kêpacok. Kêpacok dê ade ngen uku dapêt kuni waktau uku pêrnêak kursus baso asing. Baso asing yo jijai modal dê baik utuk moi mukonê, kursus dê uku mêlajêa adeba kursus baso Inggris ngen baso Mandarin, ngen uku têmuan kêpacok yo makonê uku nam lulus ujian ngen dapêt tênimo jijai pemandu wisata nak perusahaan Tour And Travel utuk wisatawan kuni luwêa negrai. Uku snang nyên nam malêak ade kêkêdau dê mlamar ngen kêpacok baso dê uku nam. Ngen kêrjo jijai pemandu yo uku nam kêrjo samo mto idêa moi ipê-ipê.", "label": 3, "label_text": "happy"}
+{"id": "345", "text": "Lulus Seleksi Bersama Masuk Perguruan Tinggi Negeri jano sênikêt SBMPTN adeba klok kutê peserta, tapi jumlah dê tênimonê terbatas coa kutê calon mahasiswa lulus SBMPTN.Coa didik kulo dê coa timo nak lêm seleksi yo, gagal o adeba hal dê wajar dê nding kutê tun. Utuk dê gagal SBMPTN coa perlu sedih, Psikolog Anak, Remaja ngen Keluargo Jovita Marlia Ferliana Mpsi, madêak pas tun o gidong mêding kêciwo ade duai lakêak dê nam moi utuk smudonê nam ngen cao tê i o kulo ngen emosi tê. Kegagalan ngen asai kêciwo o adeba biaso mnurutnê, kutê kêmasai tun dê bi ade mêding gagal, mêngiak, sedih kêrno coa mênyapêi target o adeba hal dê biaso.", "label": 2, "label_text": "sad"}
+{"id": "358", "text": "Amên itê bi mêding pêrnêak mênêa tun dê itê sayang ade asai kêciwo ngen itê mako itê bakêa berusaho utuk nam mbênêa asai dê ade ngen si o. Barêak uku pêrnêak mênêa kêciwo tun tuaiku, jija dê ade nak atêiku uku berusaho utuk nam mapus kêsalêakku o ngen kêmten amên uku nam bêrasea awêi dê kênlok tun tuaiku. Jijai amên itê bi mênêa asai kêciwo ngen tun dê bêgo nyên utuk tê dê têtiko kulo mênêa itê c sapêi coa nam tidua, mako itê harus gacang nam peker awêi ipê itê nam mênêa perasaan tun dê bi kêciwo ngen itê o, nam itê mubêt ngen têmbus kêsalêak tê supayo tun dê bi kêciwo o jijai bangga ngen itê.", "label": 2, "label_text": "sad"}
+{"id": "350", "text": "Têtiko memang itê harus kêmu ang ego tê, awêi dê pêrnêak têjijai ngen uku waktau uku pêi têmat SMP.Waktau o inokku mêluak uku masuk nak STM ukunê lok masuk SMA tapi atêiku coa lok masuk STM tapi coa binai têmulok, jijai si su ang alau moi ndaftar uku nak STM pas kulo si kenal ngen kepalo sêkulahnê. Kêrno coa kuni atêi yoba makonê uku sêkulah awêi lok awêi coanê, kuni umêak uku brakat tapi sapêi nak sêkulah uku ngen kêkuwat lalu gabok moi ipê bae, uku nak sêkulah ja ang masuk sapêi tun tuaiku nangea moi sêkulah utuk madêak masalahku. Uku kêno pêngiak inokku pas nak dasêi, uku diêm bae coa binai miling. Trus inokku madêak tersêrêak ko lok sêkulah jano coa, waktau o uku ati sadar amên uku bi mênêa inokku kêciwo. Taun mukonê uku mulang masuk SMA kuni kelas satu igai, utuk têmutup asai kêciwo inokku uku bêbênêa bêlajêa aseanê uku kuni kelas satu sapêi têmat Alhamdulillah dapêt peringkat do jano duai trus.", "label": 2, "label_text": "sad"}
+{"id": "589", "text": "Amên ade tun tu un cacêt do o bi pasêtba ade sebabnê, dau itê kêmliak têtiko slen kulo amên itê nam mbayang awêi ipê nding dê cacêt o. Tun dê ku ang ngêrtai mungkin nam bae si mino jano bogoa madêak, tapi amên tun dê ngêrtai si bakêa bêsyukur kêrno si tu un moi dênio lêm kondisi coa cacêt. Amên mnurut ahli kesehatan dau sebab tun laher lêm kondisi cacêt, misalnê tun tuainê ku ang jêmago awok waktau gi tênêi lai, ku ang muk kêkêmuk dê dau vitamin ngen ku ang gizinê, ade kulo dê kêrno biaso muk dê sêbênêanê tun tênêi lai coa buliak muk, ngen dau igai sebab luyênnê. Amên umat Islam kutê yo adba cobaan dê itê harus lêbiak sabar ngen dêdau bêsyukur, supayo imên tê tamêak kuwêt.", "label": 4, "label_text": "angry"}
+{"id": "743", "text": "Kutê tun bi pasêtba ade mêding asai sabên, dê niênnê sabên ngen hal ghaib awêi atau ngen hal ghaib dê luyênnê. Sabên dê bêlbiak nam sêmikso awok ngen nam kulo jijai masuk nak lêm Phasmophobia. Phasmophobia adeba sabên dê bêlbiak ngen hal-hal mistis ngen atau, mnurut Ihksan Bella Persada, M.Psi. Psikolog tun dê midêp Phasmophobia kutê dê ade hubungannê ngen atau jano hal ghaib nam mênêa bahayo têmês dê bêlbiak. Phasmophobia o payêak utuk mêlnyêpnê, coa si cuma mental tun bae jijai têgangau kesehatan awok ngen kêrjo bêbilai kulo. Phasmophobia coa kênal tuai uai jijai nam bae pengalaman waktau gi titik nam bae si midêp waktau si lai sudo yo. ", "label": 0, "label_text": "fear"}
+{"id": "570", "text": "Pueng o bilai Mingau keme dê kluargo têtêmot santai nak umêak samo nguta ngên muk kêkucêp dê keme mênêa pueng yo, têtibo asuak sêlawêi keme têko ngen papêa dê kten têgang magêa keme trus madêan amên bi duai Mingau yo si coa men. Padahal anoknê gi titik pêi omor lêmo taun, trus keme mêluak têmukua alat test pack nak apotik utuk têmtau nyên coa nê. Mênnê si têko igai mdasêi madêak kuninasea test pack o ternyato tmunjuk gais duai biru ngen tando amên si tênêi lai. Si têkanjêt ngen asai coa pêcayo kêrno sêlamo yo si brusaho mêak sapêi tênêi lai kêrno smatennê ati lok tamêak anok do igai anoknê gi titik kulo, tapi keme brusaho mêlêi pengertian amên do o adeba karunia kuni Allah SWT ngen harus tênimo. Akhirnê uku kênuwat smatenku têmau ngen smatêan asuakku utuk mêlêi penjelasan masalah prêpuannê gidong tênêi lai ngen mêlêi pengertian amên anok o adeba titipan Allah SWT ngen kulo ade jêrkainê mêmasing. Bi panjang libêa mêlêi nasehat ngen pengertian akhirnê si kêduai têmimo ngen ikhlas ngen janjai utuk mrawat bayi o sapêi lai.", "label": 5, "label_text": "surprise"}
+{"id": "1001", "text": "Keme biaso kêkopoa cang gitêi nak umêak api bae dê si gidong ade waktau, jijai pas ade tiko waktau keme kopoa nak umêak kuwatku gennê Iman, keme tun lêmo dê mini jijai kutênê bênum ngen Iman. Keme biaso ngênguta bae ade kulo dê miling masalah bisnis, coa an keme ngênguta ade anok buwêak kuni kuwat keme dê mini kulo si o ruponê tun lapangan, si kêrjo ngen kuwat keme nak proyek, jijai waktau o si lok minoi tando tangên kuwat keme utuk itungan tun dê kêrjo kêrno bilai o kulo bilai Sabtu. Pas si sapêi memang si agok kêmon biaso bae gennê tun lapangan, keme coa ade dê madêak masalah mon o, tapi kuwat keme dê bosnê o madêak gen padêak mon awoknu nadêaknê dêbat igai amên lok têmau uku nakêi minyok um dêkaco kilêak nadêaknê samo tawai, antaro kuwatku ade dê tawainê, si kten agok selek ngen keme, sudo tando tangên o si lalau. Uku madêak ngen kuwatku amên dêbat igai mêak smelek anok buwêak iding keme slen kêmliaknê kêrno si jijai selek, kuwatku madêak do o bi biaso uku galok bragam ngen anok buwêak nadêaknê.", "label": 6, "label_text": "shame"}
+{"id": "599", "text": "Ade penglamanku waktau anokku dê pisêt gi titik waktau o gi TK, jijai si bribut ngen kuwatnê sapêt kuwatnê ade kêluwêa dalêak nêlatok anokku, kêrno uku coa namên jijai uku biaso bae, pas bilai bi pêlbêak kêkiro bi paok maghrib inok kuwat anokku o mdasêi mêmêngiak madêak anoknê blago ngen anokku sapêi bêdalêak, jijai uku madêak itê min moi dokter bae uku tanggung jawab utuk mubêt, tapi têberep madêak coa tê namên gen paonê, uku gi masiak sabar, nadêakku biasoba anok titik mêak itê dê bakêa jijai coa sêbaik, amên memang silêak maro itê sêsamo min moi bubêt uku dê tanggung jawab nadêakku. Tapi sinê gimasiak awêi coa têmimo, uku lajau emosi ipê igai bi lok masuk waktau maghrib, jijai nadêakku amên udi coa têmimo sedangkan uku bi bêbaik lok mubêt, uyo gen kêlok udi nêluak tiaknê miyo uku mbot. Sudo uku madêak i o si belek uku mot nak dasêi sapêi kêlmên coa mnêko, ade abiak duai bilai uku têmau aduknê uku cêmrito nadêak aduknê mêak maham igê kecek prêpuannê o smudonê si dê minoi maaf ngen uku.", "label": 4, "label_text": "angry"}
+{"id": "266", "text": "Hobi nam mênêa tun ade prestasi jano nam kulo dapêt penghargaan. I o kulo ngen Brokatuaaolihah, M Si, si o guru kuni kota Jogjakarta. Kêrno hobi nê nulis si nam masuk nominasi penghargaan guru produktif nak lêm penyelenggaraan kegiatan Expose Kompetitif ngen Profesionalis Guru Madrasah di made Direktur Guru ngen Tenaga Kependidikan Madrasah (GTK) Kementrian Republik Indonesia. Mnulis cuma hobi nak taun 2016 pertamonê cuma mnulis duai puluak lêmo judul bukau dê si mênêa trus spêt dapêt penghargaan jijai juaro pertamo Nasional Guru Berprestasi, nak taun duai ribau tujuak bêlas tamêak igai bi têmulis bukau kêkiro pat puluak lêmo judul.", "label": 3, "label_text": "happy"}
+{"id": "733", "text": "Amên cerito pengalaman ku dê bi idêa lalau moi pnan sapêi plosok bi cet uku têmau tun mêmêcêm, bi ade kêdau kilai kulo pêrnêak tun têmodong nak dalên tapi Alhamdulilah nam uku sêmudo ngen coa pakêi ribut. Mnurutku amên itê ade têmau barêak yo mêak itê cêcubo mêlawên, itê têmotoa bae jano kêloknê, amên si minoi caci amên itê ade nêlêi amên coa nadêak bae coa si, tun dê galok barêak yo o dê pêtingnê caci do igai dê pêrnêak uku mêding amên itê madêak coa si caci si kulo coa gi bakêa munuak itê, sêbênêanê kulo amên itê kêten mêlawên si kêmliak kulo mêlawên nyên jano coa, amên itê mêlawên nyên awêi dê pêrnêak uku mêding si coa bakêa binai ngen itê. Pêrnêak uku namek tun têlau lok minoi caci têbo o kulo kutê min sênyatai dê donê bi mpek sênyatai nak tênêiku, tapi uku bêrusaho tênang madêpnê, si minoi caci uku madêak coa gen caci sapêi si mêrikso dupetku memang coa nyên ade, sudo o si mpas uku, trus uku lalau", "label": 0, "label_text": "fear"}
+{"id": "568", "text": "PT.XL mindo igai mêlêi apresiasi ngen pelanggan sêtianê liwêt program loyalias Axisnet bêrupo undian berhadiah. Pelanggan kuni Cu up têngêak Kabupaten Rejang Lebong Propinsi Bengkulu bêrasea dapêt hadiah utamo bêrupo Yamaha NMAX. Pengundian hadiah o nundi cao langsung Head Of Sales XL. Dê menang hadiah o gennê Wahyu Dwi Sanjaya adeba siswa SMKN 1 Rejang Lebong Bengkulu, Wahyu dê gi omor lêmo belas taun têkanjêt ngen asao coa pêcayo dapêt hadiah motor kuni Axis, tapi customer service kuni nomor 838 madêak amên si o jijai pemenang hadianê. Wahyu jijai pelanggan Axis jak kuni taun duai ribau delapên belas, si cet misai pulsa Axis ngen cêcubo mulên undian berhadiah Axisnet. Pas si tênlêpon kuni XL dê madêak si jijai pemenang spêt si coa pêcayo kêrno dau penipuan dê makêi coa undian, tapi pas pihak XL jêmlas baru si pêcayo, sudo si nêluak utuk mubung moi XL center dê paok. Si bêsyukur kêrno dapêt hadiah o.", "label": 5, "label_text": "surprise"}
+{"id": "340", "text": "Waktau keme pêi têmat SMA keme lajau milêm tes nak Universitas Negeri nak kota keme, keme ade tun têlau dê lulus dê luyên coa lulus. Kuwatku genne Basri coa lulus padahal tun tuainê maêp niên si nam masuk nak Universitas o pertamo kêrno negrai, kêduai masên kulo coa brapo la ang. Kuwatku Basri o si kuni luwêa kota tun tuainê nak sadêi si nak kota yo kos, jiai si kêmbiak sedihnê kêrno coa nam masuk Universitas negrai, jijai tip bilai uku sêmpêt kêmuwat si ngen madêak coa ngapo ko mok swasta bae, memang ba caci masuk nê lai tapi ko cubo madêak ngen tun tuai nu têtê ang bae. Si madêak nak sadêi o tun tuainê saro jijai si coa têkadêak ngen tun tuainê amên si coa lulus nak universitas negrai, do igai si coa têkadêak kulo amên si lok masuk nak swasta slên nadêaknê.", "label": 2, "label_text": "sad"}
+{"id": "301", "text": "Ade igai kuwatku dê kêno PHK kêrno memang nak pnan kerjonê o dau tun dê nêdan kêrno perusahaan penannê kerjo o gidong rugai, nadêak Asep gen  kuwatku o ade kêkiro tun dêpuluak dê kêno PHK termasuk kuwatku. Awêi ipê si coa sedih, bêl o si bi idêa mesoa kerjo coa dapêt-dapêt. Pas pnan kerjo yo si nam timo ngen gajai standar UMK, ati si brapo an ba si kerjo nak di mungkin abiak duai taun lêbiak. Jijai kutê tun dê kêno PHK o ceritonê memang dapêt pesangon, tapi dê neker têbo o ngut si dapêt kerjo igai jano gênêp caci o utuk biaya têmutup bêbilai do o bae. Uku kulo amên kêmliak kuwat barêak yo milêm sedih kulo.", "label": 2, "label_text": "sad"}
+{"id": "808", "text": "Utuk milok asai panik o sêbênêanê têgatung ngen awok tê dewek, mnurutku itê gacang panik o kêrno itê galok coa meker panjang utuk dalên kêluwêanê tip itê madêp ade hal jano masalah. Amên misalnê itê dapêt kabar dê coa baik harusnê itê nam peker agok uak ngen agok santai, mêak gacang mok kesimpulan ngen hal dê itê ati namên kêbênêanê, itê mêsoa namên kilêak bênêa jano coa lêm kabar yo sudo o baru itê nam mok tindakannê awêi ipê. Jijai kutênê itê harus meker kilêak, jijai nak di ba itê coa gêgulut mok keputusan jano kesimpulan. Utuk kêmasai panik yo kutê tun ade tapi tingêa tunnê bae nam utuk peker panjang jano coa.", "label": 0, "label_text": "fear"}
+{"id": "202", "text": "Perasaan pertamo pas namên tênimo nak perguruan tinggi negeri do o agok têkanyêt kêrno nam masuk Universitas favorit nak Indonesia, coa mudêak utuk nam jijai mahasiswa nak Universitas o nak perlu seleksi dê agok payêak ngen saingannê kuni kutê propinsi nak Indonesia. Luyên kuni o dau bersyukur ngen Tuhan kêrno ridhoNê namjijai bagian kuni perguruan tinggi favorit nak Indonesia. Amên têmnai snang bi pasêt ba snang ngen bahagia. Api dê coa mêding snang amên nam sêmnang atêi tun tuai. Mêding asai snang buliak bae tapi itê coa buliak omong kêrno jijai mahasiswa perguruan tinggi terkenal o coa mudêak utuk itê nam gacang têmotoa cao dêbiaso nak di, jijai itê lok dau bêlajêa kilêak ngen dê bi kuliah nak di.", "label": 3, "label_text": "happy"}
+{"id": "922", "text": "Nak dasêi uku paling coa as amên kêmliak toilet dasêi kotor, makonê biasonê tip bilai libur uku mênêa kêgiatanku nak dasêi ngen mêrsih dasêi têmasuk toilet. Utuk mêrsih toilet yo sêbênêanê nam itê tip bilai kêrno toilet yo itê makêi tip bilai, jijai tip sudo itê makêi do o harus itê mêrsih. Uku tunnê mudêak jijik amên kêmliak jano bae dê kotor kêkênoi kêmliak toilet dê kotor, amên nak luwêa mungkin uku buyê masok toilet o amên kênliakku kotor tapi amên nak dasêi uku galok madêak mêak sapêi kotor nyên baru mêrsih usaho tip sudo makêi do o harus nêrsih. Sabênnê kulo amên itê toiletnê cuma nak umêak, mêak ade tamu lok nupang moi toilet kêmliak toilet tê ngêi jano kotor si jijai jijik kêmliaknê, makonê gennê toilet o harus bersih mêak sapêi kotor.", "label": 1, "label_text": "disgusted"}
+{"id": "217", "text": "Jurusan sêkulah dê uku mok nak Sekolah Menengah Kejuruan (SMK) adeba Tata Boga. Nak Tata Boga yo itê kulo nam mêlajêa disiplin lêmau pengelolaan kêkêmuk awêi cao itê midang kêkêmuk ngen cao midang menem. Supayo nam lulus kuni sêkulah o uku harus manêu ujian praktek mênêa resep bêlau ngen bahan utamo blas. Uku cêmubo mênêa juadêak ngen bahan utamo gêlpung blas. Ide o timoa kuni dasêi dê biaso dê cet mênêa kêkêmuk utuk kêluargo. Pas sudo praktek ternyato nilai ujianku dapêt asea dê agok lai kêrno asea juadêak dê uku mênêa mnurut guau dê mnilai cukup padek, ade asai gurih ngen mis.", "label": 3, "label_text": "happy"}
+{"id": "346", "text": "Utuk nam masuk Universitas negeri itê harus dau sêmyap jano bae bakêa bahan utuk itê nam lulus. Awêi kuwat SMA ku si coa lulus waktau keme sêsamo tes nak Universitas Negeri, coa si ku ang pitar kuwatu o amên kênliakku si galok mangêp cetes jano bae masalah. Awêi waktau keme gidong tes, keme dau bêlajêa ayok tes o ngen keme kulo dau mêsio utuk pengetahuan umum kulo kêkalau waktau tes itê têmau soal dê umumnê. Tapi kuwatku dê do yo si mêak gi mêsoa bahan dê kuni umum bêlajêa bae si coa, kêrno sifêt ngen kêmalas nê oba si coa lulus masuk Universitas Negeri srai ngen keme si kêten sedih nyên waktau bi mbaco pengumuman amên si coa lulus. Utuk itê nam masuk o luyên kuni nasib itê kulo harus usaho didik daunê kêrno soal dê bakêa itê têmau o itê ati namên jano pao dê tênanye.", "label": 2, "label_text": "sad"}
+{"id": "564", "text": "Waktau rayo Idulfitri cet sênpok ngen acara reuni sêkulah, nak itê mingêt maso bêl o waktau sêsamo sêkulah ngen kêkuwat an, mungkin bae kuwat têmot dêbaku jeno kuwat maso titik. Dê nanêu waktau sêsamo bêl o ngen têbo o pasêt nyên dê jijai kênangan dau dê snang walau uyo pnan sêsamo agok uak i o kulo ngen bubêaknê lingkungan sosial, tapi kêkuwat an o pasêt slalu ade, bêsyukur nam dapêt kêkuwat waktau o. Kuwat adeba tun dê ade nak lêm idup tê jibêak sapêi mênêa kêciwo, mgis atêi, ipê igai sapêi mlupo kuwat an kêrno bi ade kuwat bêlau. Pas itê têmau ngen kuwaat an pasêt dau dê bubêak ngen idupnê, ubêaknê o nam bae jijai lêbiak baik jano lêbiak kidek. Utuk jêmago perasoan kuwat an dê uyo lêm idupnê agok saro jibêakba itê sminir ngen kecek dê mênêa si singung, nêaba si snang ngen adenê têmau yo sapêi mêding snang.", "label": 5, "label_text": "surprise"}
+{"id": "937", "text": "Amên uku dê coa ku as o amên nak umêak dau lepes, amên kêmliak nak umêak ade lepes do o uku kêmbiak jijiknê,  lepes o mnurutku amên itê coa gacang mabis jano munuak amên ade nak umêak tê do o coa si an bakêa ngêdau, amên bi dau lepes o utuk itê nak mabis kuni dasêi tê do o agok saro ngen an muk waktau. Dau dê bakêa jijai sumber penyakit kuni lepes yo kêrno kuni lepes yo dau min virus dê bakêa mênêa itê  nam sakit diare, disentri, kolera, cacingan ngen dêmêm tifoid. Moakonê amên umêak tê dau lepes gacangba munuak amên nam mêak sapêi si tamêak ngêdau nak umêak tê, caonê itê kulo cet mêrsih pnan-pnan dê bakêa lepes sma ang awê itê maik arêak barang dê ja ang itê makêi amên coa itê maik ngen cao nyn do o bakêak jijai pnan lepes.", "label": 1, "label_text": "disgusted"}
+{"id": "230", "text": "Uku biaso nabung nak ade do bank pemritêak, mungkin bi pêpuluak taun uku nabung nak di, uku miliak bank yo kêrno nak ipê bae mudêak itê têmau gesea tip kêcamatan ade. Ipê igai uku kan tun proyek jijai nak ipê bae uku nam murus urusan caci, pas ade do bilai uku têkanjêt tun kuni bank telpon madêak uku dapêt hadiah motor kuni undian dê tip taun bank o made, pertamo uku coa pêcayo uku sabên mêak ade tun lok mêngike. Têngêak bilainê uku sêngajo lalau moi bank lok têmnai niên jano coa kabar uku dapêt nano. Jijai tun bank nê madêak kilak si cubo mêceknê, coa an uku mot si minoi nomor rekeningku uku mêlêi bukaunê, sudo si mêcek trus si madêak au memang rekening genku dapêt undian hadiahnê motor, Alhamdulillah uku snang nyên nam dapêt motor coa tê sako.", "label": 3, "label_text": "happy"}
+{"id": "314", "text": "Tip tun pasêtba mêding sedih pas têningêa tun tuai kêrno mêningêa. Pas ade lêm kêluargo itê ade de mêningêa baru itê mêding amên itê kêlnyêp tun dê itê sayang, bi pasêtba itê mêding kêmbiak sedihnê lêbiak igai dê mêningêa sêmaso si idup pa ok niên ngen tip bilai spok, galok nguta jano bae bi pasêt do o bakêa mênêi itê sedih. Tapi do o amên nam mêak sapêi bêbilai itê bogoa meker, kêrno kutê dê idup bi pasêba belek ngen dê nciptonê. Jibêak an ige sêdingên, percayona amên ak belek sedih o pasêt ade hikmah ngen cêcet mingêt Allah mako atêi jijai tênang. Awêi lêm FirmanNê : “ ( yaitu ) orang-orang yang beriman dan hati mereka menjadi tenteram dengan Allah. Ingatlah, hanya dengan mengingat Allah hati menjadi tenang “ (QS. Ar-Ra’d : 28).", "label": 2, "label_text": "sad"}
+{"id": "548", "text": "Bi lok si kutê tun pêrnêak mêding guwêm, biasonê guwêm o ade nak duai pnan nak bibia ngen dilêak. Kêrno itê cet guwêm itê mangêp do o coa jêjano. Tapi nyatonêmêak mangêp lêngan masalah guwêm, kêrno ade kanker ganas dê gejalanê adeba guwêm nak dilêak, makonê mêak mangêp biaso masalah guwêm nak dilêak yo. Kanker yo bi ade korbannê adeba pêmain FTV gennê Cecilia Putty mêningêa kêkiro sembilan taun dê sudo tapi mêningêanê o pêi namên kêkiro taun duai ribau duai puluak satu kêrno kanker dilêak dê kronis. Gejala kuni kanker dilêak yo adeba silêak nak dilêak dê coa kêkaên, silêak yo bi lok srai ngen guwêm biaso. Utuk mubêt kanker dilêak yo tergantung ngen ukuran kenker dê timoa, luyên kuni o faktor bi kêuak ipê kanker o nyêbêa, amên kanker dilêak yo ati mcibêa biasonê nam mubêt ngen operasi titik ngen sêmait nak ipê dê kêno.", "label": 5, "label_text": "surprise"}
+{"id": "303", "text": "Dê coa ku ang sedihnê igai ngen ade sêpasuakku, si kêno PHK waktau coa an muloi pandemi, dê slennê kêrno anoknê dê lai o bi sêkulah nak SMK jijai bi pasêtba tip bilai ade biaya dê harus mêlêi utuk anoknê. Amên dê dio kêrno si gi sêpasuak uku mêluak si ayok sêkulah singêak nak dasêi jijai uku nam mêlêi jano pao kebutuhannê utuk sêkulah ngen bêlanjonê kulo, uku sêbênêanê mêluak si diêm nak umêakku bae tapi si coa lok, mungkin si ngêding selek ngen anokku padahal anokku kulo mêluak tapi sinê dê coa lok. Jijai tip pueng si singêak nak dasêi tapi uku bi sêmyap utuknê do igai anok-anokku kulo namên, amên uku coa nak dasêi biasonê uku têmaruak ngen anokku api bae dê ade nak dasêi coa lalau.", "label": 2, "label_text": "sad"}
+{"id": "802", "text": "Pêrnêak ade pengalaman nge uku waktau mênyu ang, ceritonê waktau o uku pêrnêak min motor mênyu ang pas kêlmên, malêm o kêkiro jam stêngêak dêpuluak kêrno uku harus belek jijai uku makso belek. Dlên dê uku mlitas o ade kêkiro num jano tujuak kilometer ngut sapêi pnan keme, bi nak têngêak dalên têtibo motorku matêi, uku bêrusaho midup tapi coa lok dêidup, akhirnê uku têmulok ade abiak têngêak kilometer uku cubo midup igai ruponê nam idup. Uku waktau o agok ngêding sabên kulo kêrno mlitas dalên sunyai ipê igai uku kulo mênyu ang, biade kêkiro hmanêu duai kilometer kuni pnan motor matêi nano têtibo lapunê dê matêi motor têp idup, jijai uku cuba midup slapu sen supayo coa kêlêm igê coa an ade asai dê tingia nak blakangku tapi uku trus bae walau asai sabên o têp ade, akhirnê bi paok pnan keme têtibo lapunê idup igai, sapêi daseu baru uku mêding sabên nyên. Muloi kuni oba uku cigai lok lêlalau mênyu ang amên kêlmên.", "label": 0, "label_text": "fear"}
+{"id": "798", "text": "Mnurutku itê sêbênêanê mêak gacang sabên amên itê ade dê têmotoa kuni blakang, itê ati namên api dê têmotoa itê o. Tapi lêm o itê kulo têp lok têatêi kêrno dê têmotoanitê o bi pasêtba tun dê coa itê kênal. Amên nam waktau itê mêding jano kêmliak ade dê têmotoa itê itê usaho nam bêdan nak pnan dau tun jano pnan rami, itê kêmliak kilêak dê têmotoa itê o bêdan kulo coa, amên si bêdan kulo itê lok agok tatêi nam bae memang si ade nat kidek ngen itê. Amên barêak o itê gacang minoi plisi utuk mlapor dê tun têotoa itê o, ayok o kulo itê nam kêmliak jano niên si têmotoa itê jano cao, itê mêstai masêt kilêak nêniên. Amên itê langsung mlapor bae sabênnê si coa awêi lêm pekeran tê, jijai utuk gêroknê bae itê namên tun o sêngajo têmotoa itê jano coa.", "label": 0, "label_text": "fear"}
+{"id": "376", "text": "Amên lok crito penyesalan mungkin kutê itê ade mêding genne penyesalan. Uku dewek amên madêak penyesaalan o dau niên dê uku mêding, Penyesalanku dê paling lêm o amên uku bêl o cet gacang pêcayo ngen tun api bae, utuk uyo uku bi mubêak ca oku ngen denê pengalamanku o. Kêrno sipêt dê mudêak pêcayo o dau tun mok manfaat kuniku, coa si ku ang ade kuwat mingêt uku waktau o, tapi gennê bi sipêt gi jijai kecek kuwatku o cao ku mreham, Lêm manêu usaho ruponê sipêt dê ade ngen uku o salêak lai, itê buliak bae pêcayo ngen tun tapi itê kulo harus nam sêmyap amên ade jêjano. Uku sadar pas uku bi palet, nadêak tê coa gen guno igai salêak, tapi dioba dê uku dapêt nak lêm manêu idup dê jijai pengalaman bêgo niên utukku.", "label": 2, "label_text": "sad"}
+{"id": "783", "text": "Memang sêbênêanê itê mêak sabên amên jijai sêksai kecelakaan dê pêtingnê itê bêbênêa namên awêi ipê kêjijainê. Tapi kulo utuk petugas mêak mênêa kulo dê jijai sêsai yo saro jano bênêk, kêrno kucainê dê jijai sêksai yoba, amên coa ade sêksai jano dê jijai sêksai o coa binai mêlêi keterangan kan do o bi nam mênêa cênok kêrjo petugas. Utuk yoba amên nam dê jijai petugas nam mêlngan kêrjo dê jijai sêksai o, mêak sapêi si korban waktau ipê ugai sapêi korban biayo kêrno pogoa mêdêu belek moi utuk mêlêi keterangan, cukupba dêbat bae ngut sudo minoi keterangannê. Amên nam makêi cao yo uku yakin moi mukonê pasêt dau tun dê coa sabên utuk jijai sêksai amên si kêmlaik ngen si namên nyên awêi ipê do o nam têjijai.", "label": 0, "label_text": "fear"}
+{"id": "316", "text": "Api tun coa sedih amên ade keluargo tê dê mêningêa, kêkênoi dê mêningêa o tun tuai tê. Keme ngêding nyên waktau tiak keme mêningêa kêkêdau taun dê sudo, keme bnum basuak lêmo sêmanêi ngen do sêlawêi dê paling tuai. Waktau bilai si mêningêa o keme dê nam kopoa têmungau ade lêmo basuak, dê do coa nam belek kêrno si kêrjo uak. Tiak keme mêningêa kêrno sakit gulo dê nidêpnê, sêbênêanê bi an sakit o keme kulo bi usaho mubêt moi ipê-ipê tapi gennê bi takdir jijai cigai tê nam milok. Antaro keme dê paling sedihnê o kakok keme dê sêlawêi, amên keme bi sudo têlau bilai keme bi biaso igai coa brapo sedih igê kêrno keme bi ikhlas, tapi kakok keme  coa si sapêi mêmingau gi sedih. Uku mujuk si uku madêak amên slen ngen almarhum jibêak ba bogoa sêmdingn igai ikhlas ba kunyai si tênang nak di ngen itê mbo duo.", "label": 2, "label_text": "sad"}
+{"id": "368", "text": "Dau pengalaman dê mênêa itê sedih nak lêm manêu idup bêbilai, awêi uku dau dê nêdingku amên masalah sedih tapi uku mujuanê coa an igê midêp sedih o. Itê buliak bae sedih tapi kulo harus meker amên nam mêak an igê asai o ade nak atêi tê, amên ade itê mêding asai yo mako gacangba itê kulo meker lok sapêi têngen itê barêak yo. Amên uku utuk mêlnyêp asai o uku cet kêluwêa kêkopoa ngen kêkuwat supayo jano dê mênêa uku sedih o nam gacang nyêp kuno pekeranku. Jijai intinê itê mêak an igê sêdingên kêrno sêdingên o bakêa têmutup pekeran tê ngen mênêa itê malas lok jêjano.", "label": 2, "label_text": "sad"}
+{"id": "981", "text": "Mungkin dau tun dê pêrnêak mêding selek kêrno salêak mêdêu tun. Uku pêrnêak waktau nak Bank kêkiro têlau belas taun dê sudo, jijai cêritonê uku ade kuwat nak pnanku kêrjo bêl o gennê Anto, uku coa tingêt amên si o nau, memang uku ati pêrnêak têmau ngen naunê o. Abiak duai taun uku bi bêdan kêrjo nak pnan an o trus uku mukok usaho dewek, waktau uku ade proyek agok lai uku makêi jaso Bank utuk têmamêak modal kêrjoku, waktau uku nak Bank gi mot nomor antrian uku kêmliak kuwatku Anto yo nano masuk, trus uku mêdêu si jêling ngen tawai samo magêa uku, si madêak ko pasêt kuwat Anto gi nadêaknê, baru uku sadar amên dio iso si kuwatku tapi sêpasuak nau kuwatku, kêrno selek uku minoi maaf ngen si, si madêak coa jêjano uku awit tun sako Anto nadêaknê, ruponê si kêrjo nak Bank o. Amên kêmliak tunnê coa ade ubêak ngen kuwatku o kuni papêa, milingnê sapêi cao panêu do o srai nyên, mungkin bi dau nyên tus salêak mêdêu ngen si.", "label": 6, "label_text": "shame"}
+{"id": "320", "text": "Nak lêm manêu idup yo itê coa bakêa namên jano pao dê itê bakêa têmau. Awêi uku dewek dau nyên pengalaman idup dê uku têmau, utuk urusan kêrjo bae uku manêu usahoku kuni bêak. Lêm usaho o mungkin uku salêak ca o manajemen dê ade ngen uku, dau niên dê uku mêding waktau usahoku gi panêu bel o. Gagal nak lêm usaho do o biaso tapi uku gagal nangêpku dê luwêa biaso. Uyo uku pêi sadar amên nak lêm usaho o itê coa nam mangêp tun dê ade hubungan bisnis ngen itê o pemekerannê srai ngen itê, misalnê masalah utang piutang, kêrno uku tun dagang do kulo uku bi pasêt ade utang i o kulo tun dê nukua ngên uku, kêrno uku percayo jijai coa gi mungkin uku minoa boroknê. Ruponê coa srai ngen uku, amên uku ade utang bi pasêtba uku meker têngen nam masên, tapi kêkuwatku coa si ade pekeran awêi o, jijai nak taun 2017 uku têmutup usahoku, uku kulo jêmuwoa kutê dê uku têmuan utuk masên utang-utangku.", "label": 2, "label_text": "sad"}
+{"id": "590", "text": "Kêmliak tun cacêt nimok jano nino, itê coa sapêi atêi kulo. Têtiko amên kêmlliak si mêngak kêrno nimok o asai itê dê majua tun dê mino o. Utuk itê dê nêlêi awok lêkêp ngen coa ku ang nak awok t�� maroba itê dêdau bêsyukur magêa Allah SWT kêrno dê nêlêNê ngen itê o. Do igai itê dê galok madêak kêcacêt tun o nêdan, tun o amên nam miliak coa bakêa si lok tu un moi dênio yo ngen kondisi barêak o, amên nam itê dê têmamêak kêmuwêt si utuk nam dêdau bêsyukur ngen itê têp mêlêi sêmangat supayo si coa titik atêi jano igai selek ngen tun dau. Dêniênnê amên nam itê têmulung jano dê nam itê têmulung.", "label": 4, "label_text": "angry"}
+{"id": "312", "text": "Keme bênum basuak waktau têningêa tiak mêningêa bi pasêtba kutê mêding sedih, kêrno keme dau sêmanêi jijai coa si kêten igê amên keme gidong sedih. Luyên igai ngen kakok keme dê tuai siba do dê sêlawêi, utuk mêlnyêp asai sedihnê o  agok an, mêmingau si ati nam awêi galoknê. Jijai kêrno uku anok sêmanêi dê tuai dioba tugasku utuk nam mbujuk si utuk mêak an igê sêdingên, Uku madêak kutê itê bakêa mêningêa api dutê ngen api dê kêdong itê coa namên do oba rêsio Allah. Do igai uku madêak ngen si amên an igê bogoa sêmdingên jano coa slen ngen almarhum, si bakêa coa tênang nak di kêrno nak antaro tê ade dê ati ikhlas ngen si mêningêa.", "label": 2, "label_text": "sad"}
+{"id": "781", "text": "Amên ade kêmliak kecelakaan dau tun o sabên amên lok kêmliak langsung api dê cêlako o, barêak têtanggoku Arif si waktau moi luwêa kota do o si kêmliak ade kecelakaan pas belek, kêrno si meker uak kuni umêaknê jijai si mlitas bae coa si têmnai kecelakaan jano. Pas bi nak dasêi adê kêkiro duai jam si dapêt kabar sêpasuaknê kecelakaan waktau o gimasiak nak umêak sakit umum. Coa an si majok prêpuannê moi kêmliak moi umêak sakit, sapêi di si têmau sêpasuaknê dê anoknê kecelakaan o, memang coa parah igê kênliaknê cuma dau silêak bae, pas ngênguta si têmnai kejadian nak ipê dio, sêpasuaknê o madêak pnan  kejadiannê, ruponê dê kênliak kuwatku waktau mlitas nano ade stom sêmrepet motor, kêrno kuwatku yo nano coa bêdan makonê si coa namên amên dê kecelakaan o gi tuknê. ", "label": 0, "label_text": "fear"}
+{"id": "970", "text": "Bi awit itê kêmliak jano têmi uk cerito kuwat amên têtibo sêrwêanê sgit pas nak muko tun dau. Utuk jêmago mêak sapêi têjijai ngen itê makonê sêati makêi sêrwêa panjang o nak lêm itê makêi kilêak sêrwêa pnok, misal amên têjijai sêrwêa tê sgi ipê igai sgit nak pisok do o gi bakêa tutup ngen sêrwêa pnok tê jijai itê coa selek igê. Dê harusnê tip itê lok makêi sêrwêa itê mrikso kilêak ayok itê makêi, mêak kulo memang bi sgit kuni umêak kêrno coa itê kêmliak. Amên têmukua sêrwêa bêlau do o amên nam itê usaho utuk nam mênet igai, amên itê têmukua dê biaso amên nadêakku pênetnê do o agok calai, jijai amên coa nulang mênet asaiku coa gi bakêa kuwêt, luyên amên itê têmukua dê go la ang do o bi nam jêmamin amên pnetnê kuwêt.", "label": 6, "label_text": "shame"}
+{"id": "611", "text": "Waktau bêl o waktau uku gi kêrjo nak pnan an uku pêrnêak kêciwo ngen bos, uku memang bagian lapangan waktau o keme gidong kêmrêjo dau proyek. Sêati keme muloi kêrjo bos made rapat utuk keme kutê staf, jijai nak keme nagiak tugas mêmasing, kêrno uku dapêt nak bagian lapangan jijai uku mêstai nak lokasi kêrjo muloi kuni bilai Senen sapêi bilai Sabtu, Sabtu pêlbêak uku nam belek Senen pueng uku lalau moi proyêk igai. Nak lêm rapat o keme jênanyai bos amên proyêk bi sudo keme tun lapangan dapêt bonus do tun pat puluak lêmo juta i o kulo tun kator dê milêm langsung nak proyek yo. Adê kêkiro lêmo bulên proyek sudo kutê, jijai keme belek ngen kutê laporan utuk kator, bi ade dêmingau uku madêp menejer têmnai masalah bonus dê jênanyai waktau o, tapi si madêak doo urusan bos, mênnê uku têmnai ngen bos si madêak do o urusan menejer, jijai uku agok mêngiak ngen menejer uku madêak sudo yo amên coa gi bakêa kêluwêa mêak jêmanyai, dê uku kêciwo nyên o utuk tun kator do o kêluwêa kutê sapêi ade dê têmukua stom walau stom kês, uku tamêak mêngiak ngen menejer trus uku langsung bêdan kêrjo.", "label": 4, "label_text": "angry"}
+{"id": "336", "text": "Gi titik uku pêrnêak trauma gêgara dênung, sapêi lai kulo uku gimasiak coa nam muk dênung. Jijai dê mênêa uku trauma o uku pêrnêak têgong dê agok lai tulen nyên ngen dung, dioba kulo dê mênêa uku coa lok muk dênung. Dau tun madêak amên dênung o dau protein dê baik utuk awok, amên uku padekba coa muk kuni uku mutêak, kêmliaknê bae uku asai lok mutêak. Sêbênêanê ade do igai dê têmamêak uku trauma, jijai ade pnan coa si uak kuni pnanku tun mênêa têrnok dênung, nak di o uku coa sêngajo kêmliak nak lêm drum o pnannê. Pas gidong panen ade kêkiro dêpuluak drum pnan sêmido dênung o, pas si mukok genpadêak kêdau kênliakku ati si brapo lai kêkiro kêlai nêinik tulên gêlong dau. Memang mungkin dau niên gunonê utuk awok, ipê igai proteinnê.", "label": 2, "label_text": "sad"}
+{"id": "390", "text": "Coa ade dê baiknê amên idup mênyu ang, awêi sêpasuakku si saok ngen prêpuannê anoknê sêbênêanê ade têlau duai sêmanêi do slawêi, dê sêlawêi o bi mêningêa nak omor sembilan taun, duai sêmanêi uyo bi kêrjo. Sepasuakku yo dê sêmanêi si tingêa ngen asuaknê anoknê duai o tingêan nak mess pnannê kerjo. Uku bi mêlêi saran ngen si amên nam bêtunok igai coa utêp idup su ang, auba amên sehat awêi ipê amên sakit do o nadêakku ngen si. Jijai si o gesea tip duai bilai mubung uku cuma utuk nguta bae. Lok têmau kulo pnan keme agok uak, jijai ja ang têmau. Dê cet si madêak o masalah kêsedihnê si gi masiak bogoa meker prêpuannê bêl o, uku madêak jibêak ba meker igai amên nam kêsoa ba gitêinê.", "label": 2, "label_text": "sad"}
+{"id": "974", "text": "Mêak sako padek snutok mêmêi dê namên itê salêak masuk toilet, uku bi mêding snutok mêmêi kêrno pêrnêak salêak masuk, kêrno coa kêmliak kilêak makonê jijai salêak masuk toilet. Dê cet itê salêak masuk toilet o amên ndingku pertamo kêrno itê bi cigai taên lok mênyêak jano lok mising, kê duai kêrno gêgulut oba itê cigai kêmliak toilet ipê dê nasuk tê, nak pekeran tê dê pêtingnê nam gacang sapêi toilet. Utuk milok mêak sapêi salêak masuk o mako itê kuni ku uak lok kêmliak niên dê dipêtoilet utuk slawêi ngen dê dipê utuk sêmanêi. Biasonê nak das bang do o ade gambar jano bi tênulis, amên dê baiknê kuni ku uak do o bi kten jijai itê bi namên lok masuk dê dipê. Tapi ade kulo têtiko si mpek gambar jano tulsan o titik jijai itê ku ang tulês nyên utuk nam mbisonê. ", "label": 6, "label_text": "shame"}
+{"id": "381", "text": "Ade do igai kuwatku dê cigai tingêa paok ngen pnanku, si tun Plimang kêrjo nak PTP, waktau umêaknê gi paok umêak keme si kulo gesea tip malêm têmau, amên coa si moi umêakku uku dê moi umêaknê. Genne Suhaili tunnê gi agok uai kuni ukuba, si naliak tun kulo kêrjonê uak moi Kalimantan, uku ngen si yo biasonê makêi baso Plimang, jijai si mangêp uku sêpasuak paoknê, waktau si baliak dê mênêa uku sedih o kêrno keme amên nguta klop amên ade rencano jano bae biasonê keme tukar pekeran bêduai, do igai slamo bêkuwat ngen si keme coa pêrnêak bêlisiak faham, dê niênnê keme saling mêgo.", "label": 2, "label_text": "sad"}
+{"id": "326", "text": "Jijai pengalaman dê bêgo niên utuk tê amên itê bi ade mêding gagal nak lêm idup tê. Awêi uku dewek dê pêrnêak gagal nak lêm usaho, dio nêdingku dê agok bênêk waktau o, Tun dê gagal bayar ngên perusahaanku dau, sedangkan uku kulo dau utang ngen tun i o kulo nak Bank, mungkin ade abiak têlau jano pat bilau uku bogoa meker awêi ipê dalên kêluwêanê. Jijai nak lêm pekeranku uku harus nam masên kutê dê utangku ngen tun jano Bank, amên dê utang tun ngen uku cigai ku meker, amên gi jêrkaiku pasêt ba Tuhan bakêa mêlêi. Utuk masên kutê utungku uku jêmuwoa dê uku têmuan, uku muloi masên pertamo Bank uku mlunas, sudo o ngen dê pnan uku mok arêak barang uku masên kutê. Kunyau ba uku cigai têmuan jêjano dê pêtingnê tun cigai têmagiak utang ngen uku igai.", "label": 2, "label_text": "sad"}
+{"id": "984", "text": "Mêak nyên itê asal kêdêu bae aên ade têkêliak ade iês awêi kuwat jano sêpasuak tê, nasêt nyênyên kilêak mêak sapêi salêak kêdêu. Têtiko itê waktau moi pnan luyên jano kota luyên itê asai têkêliak ngen tun dê pêrnêak itê namên jano itê jênal, ipê igai tun o mirip nyên ngen sêpasuak tê. Amên têmau barêak o ngêding nak atêi lok gacang mêdêu do o timoa ngen deweknê, dê galoknê itê coa panjang meker trus itê mêdêu ngen magêa tun o. Pas namên amên do o iso si tun dê itê sako mako itê bi pasêtba mêding selek. Amên sapêi selek kêrno luyên tun nen itê sudo minoi maaf asainê itê lok gêgacang lalau kuni pnan o, kmasai tê kutê tun nak di bogoa kêmliak itê, coa tau kmasai tê amên itê gi masiak nak di.", "label": 6, "label_text": "shame"}
+{"id": "567", "text": "Jak kênal nak bulên Nopember duai ribau duai puluak, Tabungan Dasyat bi mênêa snang nasabahnê kêrno bi sudo pat kilai made undian. Bank nak bêak naungan MNC Group bi made kulo gennê layanan digital ngen bi ade sotos duai puluak têlau nasabah Tabungan Dasyat dê bêrasea mênang undian berhdiah dê nade Bank. AwêI karyawan swasta dê têgen Anip, si memang biaso nabung kuni titik utuk sêmyap utuk têmutup kebutuhan jano pas gidong perlu nyên. Pas namên si jijai pemenang undian nak MNC Bank, si têkanjêt ngen snang di janjai utuk tamêak têmamêak saldo tabungannê supayo waktau pegundian cok igai nam menang igai. Si maêp supayo MNC Bank tamêak awit made undian supayo nasabahnê tamêak dau.", "label": 5, "label_text": "surprise"}
+{"id": "924", "text": "Itê dê galok lalau uak ipê igai lalaunê moi luwêa kota, lok si itê min kendaraan dewek jano makêi kendaraan umum itê kulo mêstai siap gennê biyoa, mêak gidong nak dalên itê moi toilet umum dê toiletnê ku ang trawat, ipê igai biyaonê okotor coa itê nam makêi. Ngen itê min biyoa o do o coa jijai masalah utuk tê, coa si perlu dau cukup dêkaco bae do o bi gnêp. Uku kulo pêrnêak masuk moi toilet umum dê nak pnan misai minyok do o biyoanê kênliakku ku ang bersih, mujuanê uku awit min biyoa dewek nak lêm kaco titik jêjago bae mêak coa ade biyoa nak toilet o. Têtiko itê cet yakin bae amên nak toilet umum o bersih itê coa peker amên têmau toilet dê coa si nurus, mêak gi utuk mising têtiko utk mênyêak bae itê asai jijik masuk toilet o.", "label": 1, "label_text": "disgusted"}
+{"id": "793", "text": "Utuk itê dê pêrnêak têmês jênalang bnatang dê itê sabên do o asainê bênêk makêt kekea tê lok mlilai uak kuni bnatang o. Mnurutku utuk dê tvmuan bnatang awêi kuyuk jano angso adeknê mêak mpas i o bae, utuk kuyuk si nam meket paok umêaknê bae jano nêa mêumêaknê kunyau coa gmangau tun, i o kulo ngen angso jano bnatang dê luyênnê, tun dê têmuan o harus nam jêmago. Coa si dididk tun kaêm kêrno mpas bnatang dê si têmuan, awêi kuyuk do o amên ku ang dê têmuan o nam jêmago nam bae si mêngêt tun, amên sapêi têjijai si mêngêt tun do o utuk mubêtnê la ang, kêkiro lok coa tun dê têmuan bnatang awêi kuyuk o mubêt tun dê kuyuknê mêngêt. Amênsi coa lok tanggung jawab do o bakêa panjang urusannê nam bae sapêi moi plisi.", "label": 0, "label_text": "fear"}
+{"id": "775", "text": "Amên itê coa biaso sutik o do o amên bubêt ade dokter mêluak itê sutik malas nyên asainê. Dê nêdingku memang luyên nyên asainê amên itê sakit utuk ubêtnê sutik jano muk ubêt bae, amên sutik do o biasonê utuk nam kaên o lêbiak gacang nêbaning ngen amên itê cuma muk ubêt. Jijai utuk tê dê sakit amên lok gacang sehat amên dokter madêak harus snutik mêak coa lok, kêrno doker lêbiak namên ipê dê gacang kêmaên sakit tê ubêt jano sutik, buliak mbiso amên masalah ubêt yo, amên ngen uku ngêding nyên bisonê, makonê têtiko amên uku sakit, uku minoi dokter gacang smutik, tapi têtiko dokter coa lok kêrno di dê namênnê awêi ipê coa mubêt itê, kadêak itê loksnutik amên mnurut dokter coa perlu, si kulo coa bakêa lok smutik.", "label": 0, "label_text": "fear"}
+{"id": "333", "text": "Uku ade anok sêmanêi dê tuai pernêak waktau si gi nak kelas têlau SD uku têmukua kan mas, kan mas o uku gêmureng nekerku amên sênamêa mêak anokku coa muk kêrno pêlgiak. Waktau mukmêi si mok kan mas gênureng o coa an si bêdan kêrno ruponê si kênan. Uku cubo têmulung mpas têlan dê sakut nak kungnê, si nginoi kêrno ade abiak dêjam têlan dê sakut o baru nam tangêa. Uku bi sabên nekerku waktau o amên coa nam tangêa uku bakêa min moi dokter, Muloi kuni o amên nak dasêa ade kêmsok kan mas, si cigai pêrnêak muk si kêmbiak trauma nyên sudo kejadian o. Ngut ba uyo kadêak si bi omor duai puluak num si coa gi bakêa lok muk gennê kan mas.", "label": 2, "label_text": "sad"}
+{"id": "233", "text": "Pasêtba snang amên bêrasea dapêt undian dê naêp kutê tun. Undian o adeba dêbuwêak motor kuni ade do super mall dê ade nak kotaku. Untuk nam milên undian o itê harus misai kupon dê tun mêlêi tip itê nukua minimal lêmo puluak ribau dapêt do i o kulo amên sotos ribau bi pasêt dapêt duai, kupon o nusai ngen gen, alamat ngen nomor Kartu Tanda Penduduk. Kupon dê nundi o sapêi bêribau lamêa jijai titik harapan utuk nam menang undian yo, tapi amên bi jêrkai coa bakêa moi ipê. Nyatonê kupon dê genku jijai pemenang dapêt do motor dê sêlamo yo uku siniak.", "label": 3, "label_text": "happy"}
+{"id": "988", "text": "Memang asai selek o pasêtba ade amên itê pas makêi bajau nam srai ngen tun coa itê kênal. Mnurutku utuk mêlnyêp selek o sêbênêanê ade ngen pekeran tê, amên itê coa lok meker igê do o bakêa coa mnyelek utuk tê, têak ba utuk dê srai bajaunê o, coa si pabrik bajau jano sêrwêa dê kêmluwêa bêjuta lamêa do o lêluyên kutê warnonê bi pasêtba ade botos dê srai. Luyên amên kracok tê o itê asea kuni tênpêak ngen tukang pnet do o itê nam miliak gen klok tê, mungkin kalaupun ade dê srai warnonê dê niênnê modelnê bi pasêt luyên.", "label": 6, "label_text": "shame"}
+{"id": "362", "text": "Waktau uku bêl o pêrnêak nêpas kêrjo gêgara laporan kuwat kêrno ade salêak didik, lêm atêiku waktau o sedih, emosi, ngen lok mêngiak asainê. Tapi uku têp têmimo jano bae keputusan atasanku, uku coa lok dau igê kecek masalahnê coa gi itê bakêa muk mênang, jijai lok coa lok timo bae. Tapi coa an uku coa kêrjo uku bi dapêt kêrjo igai, mujuanê kulo nak pnan bêlau yo uku nam têmamêak lêmau dê uku ati têmuan. Ade kêkiro dêtaun lêbiak uku bi kêrjo nak pnan bêlau bosku dê an têko mdasêi madêak mêluak uku masuk igai nak perusahaannê trus si minoi maaf amên waktau o si salêak, uku mokasiak madaêk ngen si kêrno gi pêcayo ngen uku, tapi uku ati nam têmimo kêrno uku bi kêrjo luyên. Sêbênêanê uku gi masiak sedih kêrno nêpas o tapi uku bi têmimo ngen ikhlas keputusan kuni perusahaan, jijai ngen bos kulo uku bi cigai ade perasaan jêjano. ", "label": 2, "label_text": "sad"}
+{"id": "234", "text": "Api dê coa si snang amên dapêt undian, barêak kuat ku cemrito ade cao ngen faktor butung coanê itê nak lêm têmotoa undian. Si cemrito kulo waktau si magêa pameran UKM (Unit Kegiatan Mahasiswa) si kêmliak ade kupon undian tapi dau dê coa mok jijai si cubo mok ade kêkêdau lamêa gêgulut si misai, ade kekiro sotos lêmo puluak lamêa, si misai kêkiro dejam têngêak. Usaho o coa sêsio si nam dapêt dêbuwêak TV ngen waktau tun mundi hadiah utamonê si dapêt igai do motor. Utuk kesempatan menang o memang lai kêrno si dê paling dau misai kupon undian o.", "label": 3, "label_text": "happy"}
+{"id": "244", "text": "Barang-barang titik têtiko payêak mêsoanê waktau itê lok makêi, kêrno galok coa tingêt pnan itê maik barang o. Biasonê barang dê galok itê payêak mêsoanê adeba kucai motor, kucai umêak, remot TV têtiko sapêi hand phone. Study kuni University Of Aberdeen, Scotlandia madêak amên barang dê mudêak nyêp nam itê têmau nak umêak dê brantakan. Peneliti o madêak pas mêsoa barang dê nyêp tun o bi muang waktau dau igê kêrno mêsoanê nak pnan dê bi rapih, hal yo coa dau bêguno. Niên ba pas itê bi fokus mêsoa nak pnan bantakanternyato barang dê itê mêsoa o nam itê têmau.", "label": 3, "label_text": "happy"}
+{"id": "297", "text": "Anokku dê nomor duai laher pas uku gidong nak proyek luwêa kota. Kêkiro jam duai bêlas kêlmên uku dapêt telpon kêrno waktau o cuma ade telpon ktor ngên mes bae jijai kuwatku madêak ade telpon utukku. Uku ngacap magêa pnan telpon ruponê inokku dê telpon madêak amên anokku bi laher, anok sêlawêi dê dio amên dê pertamo o sêmanêi dio anok kê duaiku. Dapêt kabar o kêmbiak snang nê uku asai malêm o kulo uku lok belek, kêrno pnan ku kerjo o uak utuk belek waktaunê kêkiro lêmo sapêi num jam baru sapêi, jijai uku langsung sêmyap mênnê uku harus belek. Uku mok cuti dêmingau kêrno palang uku lok sêmyap utuk acara duo nk umêak, dê mênêa tamêak sêmnang atêiku o uyo uku bi ade anok sêmanêi ngen anok sêlawêi. Sêbênêanê amên nam itê mêak têmingêa amên anok tê bi paok laher, ndingku nak kêrjo kulo bi pasêtba dau pekeran.", "label": 3, "label_text": "happy"}
+{"id": "285", "text": "Nikêak o adeba utuk min hubungan tunduai dê luyên moi arah dê lêbiak serius igai. Modal ngen atêi dê bi klop ngen caci kulo, bêduai bi merencano utuk nikêak, nikêak o aadeba mêkêt janjai tun duai utuk idup bêsamo ngen harapan jijai kêluargo dê harmonis. Merdeka.com lêm artikelnê madeak amên nikêak o adeba waktau lêm kondisi dê resmi ngen nam jêijai do kêluargo lai baik kuni kêluargo sêmanêi ngen dê sêlawêi, utuk tip pasangan dê mêkêt janjai utuk jijai dua kramin ngen harapan mênêa kêlaurgo dê bahagia. Nikêak kulo jijai do bagian kuni idup bêbilai antaro bêduai ngen harapan nam bêtaên idup bêsamo.", "label": 3, "label_text": "happy"}
+{"id": "261", "text": "Tingêtku waktau uku gi SMP, têmat SD uku masuk nak SMP Muhammadiyah nak kotaku, nak SMP yo keme dau mlajêa agamo nêbaning nak SMP luyên, waktau uku nak kêlas duai uku jijai wakêa kuni SMP keme utuk milêm kegiatan Kemah Bhakti Siswa dê madenê Departemen P dan K waktau o uyo bi gitêi gen jijai Kementrian Pendidikan. Nak lêm acara o dau ade perlombaan-perlombaan, muloi kuni kebersihan tenda, ngêsok, baris berbaris, MTQ utuk dê agamo Islam ngen napak tilas. Uku dê kuni kêlompok keme milêm nak MTQnê, Alhamdulillah uku nam dapêt juaro satu, dê mênêa uku snang nyên o uku nam min baês gen skulah ngen uku kulo dapêt piala, piagam ngen caci kulo.", "label": 3, "label_text": "happy"}
+{"id": "367", "text": "Tingêt uku waktau anokku gi têtitk pas uku kulo ati ade kêrjo têp, bêbilai uku bi pasêt kêluwêa mêsoa lukak dê bakêa ade asea nam min belek. Uku waktau o galok kopoa nak prapatan ngen kêkuwat pas kulo nak di pnan angkot ngetem. Jijai pnan kopoa keme o warung titik nak di ba kêkuwat supir amên gidong payêak istirahat ngupi, an an uku dau kênal ngen supir-supir o ade dê têmawêa min angkot dê si min nam cang gitêi ngen si. Uku meker kalau ba ade jêrkai utuk anokku kêrno têbo o gi têtitik dê niênnê uku usaho amên nam tip belek uku min caci. Akhirnê uku lok dê tênawêa kuwat o utuk min angkot, muloi oba uku ade kêrjo tip bilai, walau didik uku nam belek min caci, amên gidong sunyai dioba waktau dê paling sedih uku mêding ipê igai waktau anok sêkulah gidong prai, pêrnêak uku belek pêlbêak coa min caci, nak di asai sedih ngen bênêk utuk belek moi mdasêi, dê tbayang anok minoi caci itê coa min. Biasonê uku mêsoa kuwat dê nam mêlêi minjêm lêmo jano dêpuluak ribau kilêak baru belek.", "label": 2, "label_text": "sad"}
+{"id": "399", "text": "Uku ade kuwat dê paok kulo ngen uku, si o bi an mênyu ang têtiko uku galok majok si mukmêi nak luwêa cuma utuk nam ngênguta bae. Kuwatku o si saok ngen prêpuannê bi an amêk, anoknê duai sêmanêi kulo bi lêlai bi kêrjo kulo walau ati ade dê nikêak. Dê slen ku kêmliak o amên têmu uk si gidong coa sehat, uku têtiko mbayang awêi ipê ba si o, tingêa ngen asuak dê bi kêluargo kulo. Uku bi cet madêak ngen si utuk mêsoa gitêi prêpuannê, amên Tuhan mêlêi omor panjang, ngen api itê lok sêsamo nam manêu idup yo moi mukonê. Amên anok si bi pasêt ade kehidupannê mêmasing, jijai uku mingêt nyaên ngen api bae dê gi mênyu ang, kêsoa ba ngênyan jano sêmaten igai coa ade baiknê idup mênyu ang o.", "label": 2, "label_text": "sad"}
+{"id": "373", "text": "Waktau uku pêrnêak kêrjo nak perusahaan asing nak taun sembilan bêlas sembilan puluak num, uku tugas nak proyek mênêa pabrik gulo nak Lampung. Ade abiak dêtaun uku kêrjo bosku madêak ngen uku mêluak mêtes tun bêlau dê bakêa tênimo kêrjo nak pnan keme jijai supir. Jijai waktau tes o dê uku utamo dê nam baso Inggris, ngen têmat SMA minimal dêniênnê harus ade SIM dê gi aktif.Jijai bilai o ade tun lêmo dê milêm tes, mêmêcêm tun muloi kuni uai sapêi ade kulo dê bi agok tuai, uku muloi metes dê uai kilêak ade do dê padêknê si nam baso Inggris do igai si têmat STM, pas tingêa dê agok tuai waktau keme pêi nak das stom si madêak amên si kênal ngen tiakku. Jijai uku sêrbo salêak lok têmimo jano coa, smudonê uku têmimo, dê mênêa uku menyesal o coa an si kêrjo si bogoa kêmidek uku ngen bos, bos cêmrito ngen uku, mujuanê dio tun asing dê coa as kêmliak tun dê galok mok muko jijai si coa mudêak pêcayo.", "label": 2, "label_text": "sad"}
+{"id": "919", "text": "Dau cao utuk tun dê galok mabuk perjalanan mêak sapêi mabuk trus mutêak nak lêm stom, kêpêa jano petbang. Utuk milok itê mabuk o, abiak têngêak jam ayok itê muloi brakat itê muk ubêt mabuk dê dau tun jêmuwoa, sudo o mêak dau igê mêmuk awêi mukmêi jano muk dê lêluyên, amên nam cukup muk biyoa bae mêak sapêi tênêi gruak. Auba amên tun dê nak iding tê coa jijik kêmliak itê mabuk trus mutêak, amên si tunnê jijik do o itê dê coa padêk asainê, ade asai selek ngen tun o. Luyên kuni muk ubêt o nano mêak coa min ubêt luyên awêi minyok kayu putih, balsem jano minyok angin utuk jêjago amên tênêi tê coa baik asai.", "label": 1, "label_text": "disgusted"}
+{"id": "603", "text": "Têtiko ipê itê coa mêngiak amên têmau dalên gidong macet, ipê igai itê memang lok gacang. Mnurutku utuk khususnê dalên utamo mêak sapêi macet do o harus tip sipangnê adepetugas dê jêmago, amên uyo kuni pueng ja ang uku kêmliak amên ade petugasnê. Amên bi têjijai macet baru têko do o kulo biasonê su ang. Amên dê ade lapu milêaknê agok ku ang macet tapi utuk dê ati ade lapu milêaknê dio dê cet mênêa macet kêrno amên pueng jano pêlbêak coa ade dê lok ngalêak. Galok biasonê bi pasêt ade petugas nak tip sipang tapi uyo coa ku namên gêntai bi ja ang nyên uku ade kêmliak dê jêmago nak ade kêkêdau sipang.", "label": 4, "label_text": "angry"}
+{"id": "1002", "text": "Ade têtiko itê bunok ngen tun dê mon etengnê coa padek nyên, uku pêrnêak waktau nak krita opoi waktau têmingia krita kuni Bogor, nak lêm krita opoa pnupangnê pênuak dau dê je, jijai kêrno uku cigai dapêt pnan têmot uku harus je kulo. Pas bi lok brakat kritanê tun nak idingku sêmanêi do o gen padêak mon, lok itê baliak pnan dio bi spit, akhirnê pakso ba têmaên mon o. Uku sêmnok mon o asai lok mutêaknê, amên nam tu un igai mungkin uku bi tu un kêrno coa taên mon o, nak lêm atêi uku samo peker jano tun yo coa pakêi mênai bêbilainê gêntai sapêi mon barêak yo. Mujuanê coa an waktau krita bêdan ade dê tu un, waktau o uku mok kesempatan utuk baliak pnan, akhirnê uku agok uak ngen tun dê kêmon o. Si kêmliak uku baliak o sinê kten agok selek awêinê.", "label": 6, "label_text": "shame"}
+{"id": "939", "text": "Gêntai tun-tun bêl o umêaknê walau si titik do o utuk bersihnê coa tê ragau, kêrno tun tuai tê namên amên umêak coa bersih ngen ade dau bnatang titik dê bêsa ang nak umêak tê do o bakêa dau pênyakit dê bakêa itê midêp. Uku paling coa as ngen coa nyaman amên dau bnatang titik yo mêak gi nyomok ngen dê luyênnê, amên kêmliak dalêk bae coa ku nyaman. Misalnê waktau lok mukmêi amên ade dalêk padê uku buyê kilêak mukmêi, amên nak dasêi dewek uku bakêa musir jano munuak kilêak amên kêmliak ade dalêk, pertamo ngêding nyemen pas lok mukmêi amên ade dalêk asai nyemen o nam bae nyêp kêrno jijik ngen kêmliak dalêk o.", "label": 1, "label_text": "disgusted"}
+{"id": "920", "text": "Nak lêm perjalanan amên itê têmingia kendaraan umum do o biasonê itê dêdau nak lêm stom o, ipê igai amên perjalanan uak misalnê itê têmingia bis. Nak lêm stom o ade bae tun dê biaso coa taên jano mabuk têmingia stom, amên itê kêmliak jano pas kulo tun dê mabuk trus mutêak o paok ngen itê pnan têmotnê, bi pasêt ba amên itê jijik kêmliak do o. Mnurutku amên têmau barêak o bêtoaba itê ade asai jijik tapi itê kulo amên nam têmulung awêi ipê caonê si cigai mabuk ngen mutêak igai, misalnê itê smaran utuk muk ubêt jano itê smaran utuk nam nakso tidua. Amên si srai ngen itê misalnê sêsamo smanêi jano sêsamo slawêi coaa ade salêaknê itê têmulung molot tukuknê kunyau dê ndingnê o agok têlngan didik.", "label": 1, "label_text": "disgusted"}
+{"id": "308", "text": "Mungkin ko adeba do korban PHK, amên au jibêak pêrnêak khawatir kêrno ko coa su ang, coa jêjano kulo amên ko coa nam gacang dapêt kêrjo bêlau, sedih, kêciwo ngen mêngiak buliak bae tapi utuk sêmêntaro bae. Samo istirahat kilêak kuni biaso sibuk, ko nam kêmopoa tênago ngen mêsoa ide jano dê kêlok manêu moi mukonê. Ade kêkêdau ca o kunyai uak kuni stres dê tênulis nak HelpGoida.org; de pertamo nêlêi waktau kilêak utuk awoknê, dê kêduai kênluwêaba gen kutê asai nak atêi ngen jibêak an igê mêding sedih ngen sêmapêi jano dê ko mêding ngen kêluargo jano kuwatnu, dê kêtêlau harus nam têmimo jano dê bi têjijai ngen jibêak dau sêmalêak awok dewek, dê kêpat mangêp ko bêdan o amên ko gidong monor sementaro nak lêm karir, dê têrakhir kêmokba hikmah ngen kêjijai yo.", "label": 2, "label_text": "sad"}
+{"id": "955", "text": "Amên itê kêmsok jano bae dê bakêa gacang usak amên nam mêak dau igê, kêkiro bae amên nam kênsok utuk dêbat jano duai kilai muk. Amên utuk juadêak mungkin dau dê utuk kêkêdau bilai ngen ade kulo nam taên sapêi bêbulên, tapi amên utuk lapên do o coa nam an igê, makonê kênsokba sêsuoi ngen kedau tun rencano itê lok muk. Ade pao tun kêrno lapên o gi dau si peker sayang amên lok mu ang, trus si manês igai supayo gi nam muk, dê barêak yo ngen coa sadar si muloi mênêa bakêa jijai penyakit nak awok dê muk, dê baiknê amên lapên khususnê kêkêmu dê mudêak usak jani iai do o amên bi kêmon nu angba mêak kêrno dau jijai sayang lok mu ang, amên bi jijai penyakit bakêa lêbiak lai rugainê.", "label": 1, "label_text": "disgusted"}
+{"id": "553", "text": "Prank adeba trik nakêa dê tun mênêa biasonê utuk mênêa tun têkanjêt, selek, ngen coa nyaman sapêi mênêa bahan tawai. Ngen mêmain o walau tujuannê utuk mêmain bae prank kulo nam mêrugai tun uyên ipê igai prank dê mêmain sapêi mênêa tun luyên bodong ngen selek. Harusnê nak lêm mênêa prank harun kulo namên batas-batas, kêrno amên coa hal yo nam bahayo ngen mêrugai tun luyên. Dau akibat prank adeba nam mênêa stres, awêi dê nêa youtober Ferdian nak taun duai ribau duai puluak dê sudo, si mênêa prank mêgiak sêmbako dê ternyato isainê pegas ngen butau ngen têtayuk nak Bandung, pasêtba dê kêno prank têkanjêt dê nanonê snang dapêt hadiah sebako tapi pas bi nukok ternyato isainê pegas ngen sampah. Hal yo ba dê mênêa selek ngen asai nêbodong jijai koban prank, youtuber yo coa meker amên ade korban dê si kêmrêjo dê mênêa mental dê kêno prank o tu un, jijai kidek akibatnê utuk dê jijai korban.", "label": 5, "label_text": "surprise"}
+{"id": "246", "text": "Kronologi kêjijai dê uku mêding kêkêdau taun dê sudo, pas kêlnyêp hand phone nak Bandara. Waktau o uku ngen kêkuwat gidong sêsiap lok lalau moi Denpasar Bali lok magêa rapat kantor. Kêrno bordingnê gi an uku ngên kêkuwat chek in kunyau keme nam ngupi ngen ngênguta kilêak nak luwêa Bandara. Pas gidong chek in uku tingêt mpek hand phone nak mija chek in trus cigai tingt mok igai. Kuang lêbiak duai menit hand phoneku bi nyêp, uku agok bingung trus uku minoi tutung petugas utuk kêmliak cctv Bandara, ternyato kten di o amên ade mêmêi dê mok hand phoneku uku magêa mêmêi o lok minoi ca o baik hand phoneku trus si kêmulang hand phoneku ngen alasan sakonê hand phonenê. Jijai sudo o uku lêbiak teliti igai amên lalau moi ipê-ipê.", "label": 3, "label_text": "happy"}
+{"id": "916", "text": "Ade tun dê jijik ade kulo dê coanê amên kêmliak mutêak jano kêmliak tun mutêak, memang amên tun dê jijik kêmliak mutêak o si nam bae mutêak kulo. Uku amên kêmliak tun mutêak do o coa jijik tapi uku slen kêmliaknê, ade waktau uku pêrnêak têmingia bis waktau bêl o belek moi msadêi, amên nak Sumatera dalên o rêrato bêlikau-likau amên tun dê coa taên bi pasêtba mutêak. Ade dê têmot nak dêpêakku do o tunnê gi uai kêrno gidong libur sêkulah si belek msadêi nadêaknê liburnê agok an makonê si belek, si mratau yo utuk smudo sêkulahnê bae jijai si kos nak iding sêkulahnê. Ati uak perjalanan keme ade kêkiro duai puluak kilometer do o bi muloi mutêak, kêrno nak bis o sêmdio asoi utuk mutêak jijak uku mok utuknê, sudo mutêak pertamo o coa an si mutêak igai, jijai uku smaran ngen si utuk nêmin tidua ayok o muk ubêt kilêak nadêakku, kêmliak barêak yo uku timoa slen, makonê uku têmulung utuk molot tukuknê mêak si mutêak igai. Tun dê têmot dêpêak keme o nak kêrsai luyên si coa lok kêmliak ngen dê mutêak o bi pasêtba si jijik kêmliaknê.", "label": 1, "label_text": "disgusted"}
+{"id": "993", "text": "Utuk masalah utang yo sêbênêanê coa si masalah lai jano titiknê, dê pêrnêak uku mêding utang titik kulo amên itê ati nam masên do o amên têmau ngen tun dê pnan itê butang asai selek o pasêt ade. Amên nadêakku buliak bae itê ade asai selek tapi itê kulo amên ati nam masên mêak mlilai kulo, amên uku bakêak uku madêp amên ade utang ngen tun trus tunnê mnagiak. Tun kulo nam maklum amên itê ati nam masên, mêak kulo amên ade dê mnagiaknê itê mêngiak, itê kulo mêstai mingêt waktau itê lok butang o. Têtiko kuwat mêlêi itê butang o coa si kêrno si lêbiak, do o ati tau tapi kêrno si meker itê ngen si kulo coa lok itê idêa mêsoa utang pnan luyên. Dau tun têtiko amên tênagiak utangnê si dê mêngiak, model yo tun dê coa namên coa mokasiak.", "label": 6, "label_text": "shame"}
+{"id": "801", "text": "Mênyuang do o bi pasêtba galok ngêding sabên, awêi kuwatku Edi si jak têningêa tun tuainê si mênyu ang têmungau jijai baliak ngen têmungau umêak tun tuanê o, kêrno aasuak basuaknê dê luyên bi têmuan umêak mêmasing jijai umêak o si bêtêlau ngen anoknê têmungau. Amên ceritonê ngen uku prêpuannê amên si lalau kêrjo do o coa binai diêm dasêi ipê igai anoknê kulo gi titik, utuk bêbilai prêpuannê amên kêbilai do o nak pnan stuagnê ngut pêlbêak mot kuwatku belek kuni kêrjo baru si dêmapêt trus belek mdasêi. Memang nadêak kuwatku o umêak tun tuainê o kosong bi kêkiro duai taun sê ati si têmungau, waktau o kêrno kuwatku o kêrjonê agok uak jijai si nyiwo nak paok pnannê kêrjo, uyo si baliak kêrjo makonê si nam têmungau umêak an jano umêak tun tuainê.", "label": 0, "label_text": "fear"}
+{"id": "273", "text": "Masalah idola yo têtiko nam mênêa itê mok hal dê positif kuni idola dê itê snang o,tip tun bi pasêtba têmuan idola dêdewek, ade dê idolanê o tun dê ade nak kêluargonê, kuwatnê, tapi dê paling umumnê tun dê terkenal. Jijai nam itê mbayang awêi ipê kêsnangnê amên têmau ngen idolanê o, ipê igai do artis dê terkenal dê memang payêak itê lok têmau langsung kêrno si sibuk. Têtiko cet nyên dêdêsok utuk nam maok artis idolanê o cao langsung, lêbiak snang igai amên nam foto spok artis o trus nêpek nak medsos sapêi kêkuwat ngen sêpasuak dê kagum kulo kêmliaknê.", "label": 3, "label_text": "happy"}
+{"id": "337", "text": "Nak sadêi keme ade biyoa lai pnan keme galok mênai, keme biaso tip bilai mênai nak di ngen kêkuwat waktau gi titik. Ulêak keme amên nak biyoa o mênêa lubuk jijai keme nam mênai samo jun kuni das tebing biding biyoa o, Waktau uku gi kelas têlau SD tingêtku keme gidong asik mênai nak pnan biaso keme mênai, têtibo biyoa lêm padahal pnan keme coa ujên, mujuanê keme gacang namên trus keme mlilai mbiding ayo biyoa o lai nyên. Ruponê nak ulau biyoa di o ujên makonê biyoa nyêgok. Muloi kuni o keme agok trauma amên lok mênai agok uak kuni umêak, sabênnê biyoa nyêgok coa keme namên. Inokku namên bi pasêtba uku kêno pêngiak cigai buliak mênai nak têngêak igê jano uak kuni biding biyoa igai.", "label": 2, "label_text": "sad"}
+{"id": "991", "text": "Api itê coa selek amên ade utang ipê igai utang o lai, asaiku kutê tun coa lok butang amên coa têpakso ngen memang ade bisnis dê coa uak kuni utang. Barêak kuwatku si o bisnis kêrjonê si jêmuwoa barang-barang jano bae dê nam si jêmuwoa, awêi barang-barang dê utuk bangunan do o si nam mok kilêak nak toko bangunan lok barang jano bae, biasonê utuk masênnê si nêlêi toko waktau dêmingau kuni sudo mok barang o. Kêrno usahoku kulo dagang si têtiko mok barang ngen uku, waktau o agok lai amêk caci kuni barang dê si mok ngen uku o, kêrno uku kulo meker kuwatku makonê uku pêcayo bae ngen si. Bi ade kêkiro dêbulên sudo si mok barang o uku têmagiak cacinê, tapi si madêak dêmingau igai kêrno si kulo ati tun masên, bi sapêi waktau dêmingau o si ati kuni moi pnanku jano telpon, jijai uku moi umêaknê kêlmên têmau si, si ktennê selekba ngen uku trus si madêak amên si ati ade caci utuk masên barang ngen uku. Smudonê uku rugai duai kilai, bi rugai caci rugai kulo kuwatku bêku ang.", "label": 6, "label_text": "shame"}
+{"id": "235", "text": "Coa kutê tun nam jijai wong bejo, walau bi dau penelitian masalah butung, tapi wong bejo o têpba jijai hal dê unik jaman yo. Rusmini tun kuni Kanoman Panjatan mungkin bi jijai takdirnê jijai tun bejo jano butung nak lêm têmotoa tip undian berhadiah. Slawêi  de bi omor lêmo puluak tujuak taun yo bi pasêtba belek min hadiah nak tip kêdau ade undian, bi dau nyên hadiah-haidah dê si dapêt kuni milêm undian awêi hadiah payung, jam dinding, dispenser, kulkas sapêi hadiah dê lêla ang awêi motor. Sêbênêanê kutê tun nam bae milêm undian tapi dê mbisonê adeba jêrkai tip tun.", "label": 3, "label_text": "happy"}
+{"id": "616", "text": "Kuwatku dê têgen Yanto ati an yo si bribut ngen kuwatnê de tun Plimang, pertamo ukunati namên gen sebabnê sapêi bribut. Ruponê kuwatku yo agok mêding singung ngen kuwatnê kêrno kuwatnê galok mêdêu si Yanto Jawai, padahal kuwatu yo lahernê nak Sumatera, memangba tun tuainê kuni Jawai tapi sinê o coa ngêding amên si Jawai. Nak di uku nam mok kesimpulan amên kuwatnê o coa faham amên si bi sara ngen madêak masalah sukau. Sêbênêanê utuk keme tun Sumatera dio coa si jijai masalah ipê igai si kulo laher nak Sumatera si o bi jijai tun Sumatera. Cuma têtiko tun coa dau ngrtai barêak yo dê kênliak tun o kuni tun tuainê. Masalah yo jibêak mok tun Sumateranê dio bi pasêt ba pekeran tunnê o dewek, mungkin si ati ade pengalaman mratau moi pnan tun.", "label": 4, "label_text": "angry"}
+{"id": "229", "text": "Uku smaran utuk sêpasuk, kêkuwat ngen api bae dê nam uku smaran. Amên lok têmukua barang jano bae jibêak gêgulut, ipê igai dau tun têmawêa dê nam mok kilêak, amên nam jibêak. Pengalamanku bêl o nam udi jêmijai patokan. Masalahnê bêl o uku coa pêrnêak nabung, têngen lok têmukua jêjano uku tingêa telpon, trus tip bulênnê uku masên sapêi si lunas. Tapi uyo uku cigai lok têmukua barang ngen cao yo, padek ba uku têmaên kilêak ngen cao menabung, ngen cao yo dê niênnê itê ngeding puês dê pastinê itê coa butang dê mênêa ulau gis, jijai muloi kuni uyo nabung ba amvn bi dau tabungan o jano bae udi lok têmukua bi pasêt ade asai snang nak atêi.", "label": 3, "label_text": "happy"}
+{"id": "782", "text": "Harusnê itê lok jijai sêksai amên itê kêmliak nyên ade kecelakaan, tapi têtiko itê nêa repot kulo amên itê jijai sêksai o. Makonê ja ang tun lok jijai sêksai amên kêmliak kecelakaan dê niênnê si coa lok repot. Sêbênêanê amên perlu sêksai o mêak sapêi mrepot tun, cukup bae minoi keterangan ngen sêksai mêak sapêi sêksai bogoa belek moi ndêu utuk minoi keterangan, nak yoba dê mênêa tun sabên jano malas jijai sêksai amên tun kêmliak ade kecelakaan. Têtiko kulo tun nêa sabên kêrno dê salêak têtiko coa lok makau salêak, dio kulo jijai masalah api dê jijai sêksai, si sabên kulo mêak ade jêjano ngen si kêrno si mênêa keterangan o.", "label": 0, "label_text": "fear"}
+{"id": "762", "text": "Nak lêm manêu operasi dê niênnê kutê dokter dê kêmrêjo operasi o bi pasêtba dokter dê ahli nak bidang o jijai itê mêak sabên utuk operasi amên do o bi dalên terakhirnê. Itê dê manêu operasi didik bae coa mêding asai gis, tingêa ayok itê manêu operasi o dêdauba itê bêduo utuk nam lacêa lêm operasi o. Amên operasi titik do o kêrno itê kêmliak ngen itê sadar mungkin adeba itê didik mêding asainê tapi coa si gis, amên tun dê sabên nam bae si mêding gis padahal do o coa gis ngen coa têraso. Beda ngen operasi lai, amên operasi lai itê memang nêbius sapêi itê coa sadar igai, bêgitu itê sadar operasinê bi sudo. Uku pêrnêak mêding operasi tapi operasi titik waktau kekeaku kêno pêcuak kaco, do o ayok sêngit têlapok kekea o sênutik kilêa, ade kêkiro lêmo menit do o kekea tê bi cigai ngêding, waktau oba dokter sêm ek têlapok kekea coa tê midêp kêrno ubêt sutik yo nano.", "label": 0, "label_text": "fear"}
+{"id": "957", "text": "Api itê coa namên ngen kêkêmuk gennê lemper, kêkêmuk yo ade dê bulêt ade kulo dê pipiak bêtuknê, ngen bahan kuni bêlas ketan isainê ade dê makêi nyoa sênngêa ade kulo dê makêi abon trus nukus ngen dawên pisang. Uku utuk lemper yo têmasuk galok muknê, tapi amên pueng uku ati mukmêi pueng biasonê uku coa binai muk dio kilêak, amên kêbilai jano pêlbêak muk dio samo ngupi awit uku mênêa amên ade lempernê. Ade dêbat uku nagiak tun mdasêi lemper ge juadêak luyên, kêrno têtanggoku ade acara nak dasêinê jijai ngen têtanggo si magiak kêkêmuk têmasuk juadêak. Pas pêlbêak bilai waktau uku mênêa kupi uku tingêt ade juadêak dê nêlêi têtanggo nano, uku mok samo ngupi muk juadêak, pas muk lemper do bi kêtêlau lempernê uku mêding agok têlo pas uku kêmliak nak lêmnê ade lidai dê utuk cêmcuk bukusnê, smudonê cigaiku têmrus muk ngêding asai kenyang tênêiku têmau do o.", "label": 1, "label_text": "disgusted"}
+{"id": "552", "text": "Walau cao slalu negatif, konten prank nêa utuk mêmain jano utuk hiburan. Lêm penelitian Moulita ngen kêkuwatnê judulnê “ Persepsi Remaja Terhadap Konten Prank Di Media Sosial “ nak lêm journal simbolik ( 2021 ), nadêak prank o nangêp bêrasea amên dapêt kêmluwêa emosi tun dê jijai sasarannê, baik do o sedih, mêngiak, tawai ngen dê luyênnê. Mnurut Sosiolog Soeprapto, tun dau awit penasaran ngen konten viral dê tnonon o adeba prank. Konten prank cet jijai kontên dê mnarik kêrno mênêa hiburan kuni kêmliak tun dê kêno prank o. Hal yo kulo sesuoi ngen pêndapêt peneliti  nak Society UGM, Amelinda Pandu Kusumaningtyas, biasonê konten awêi prank jijai mnarik kêrno tun mênêa dê biaso dê ade bêbilai ngen mangêp biaso dê mênêa têkanjêt. Hal yo bakêa mênêa bahayo amên bi têliwêt batas, nam bae konten prank KDRT jijai hal dê biaso utuk mênêa hiburan. Makonê harus faham batas utuk mênêa prank, mêmain dê mêak sapêi mênêa pengaruh norma.", "label": 5, "label_text": "surprise"}
+{"id": "227", "text": "Utuk itê nam lok têmukua barang jano bae, nam ngen cao kredit nam kulo cao tunai, amên uku uyo cubo utuk nabung kilêak. Uku bi cet mêding amên nam itê jibêak têmukua barang ngen cao kredit, dio bakêa mbênêk ban tê, bêl o kulo uku bi pêrnêak têmukua ngen cao kredit asainê bênêk. Uyo jak uku nam nabung walau didik tip bulênnê uku ngêding asai snang nyên kêrno utuk têmukua gen klokku uku bi namên ijunnê, jijai dê niênnê ulau coa gis amên itê nam têmukua barang coa nyicil. Muloi uyo api dê coa galok nabung amên nadêakku nabung ba, luyên asainê amên itê ade caci ngên coa. ", "label": 3, "label_text": "happy"}
+{"id": "755", "text": "Asai sabên ngen khawatir odê coa mnyudo bakêa ade akibat ngen tun o dewek, ipê igai tun o ade hubungannê ngen pinjol. Minyêm online yo dê coa nam masên do o bakêa dapêt ancaman ngen kecek kasar, ancaman ngen bakêa nlapor ngen plisi. Ancaman kuni pinjol yo dê bakêa mênêa coa tau kmasai ngen pogoa telpon tip mênit jam, mubung sêpasuak ngen kêkuwat sapêi bos pnan itê kêrjo dê nak lêmnê ade kontak, sêmbêa foto ngen ade kulo sapêa ade ancaman utuk jêmuwoa ginjal utuk masên utang o. Utuk madêp pinjol yo coa perlu sabên, dê harus itê mênêa adeba knopoa kutê bukti teror, ancaman, intimidasi, nêa laporan magêa plisi, nadau moi situs resmi OJK nak https://konsumen.ojk.go.id/FormPengaduan jano mlapor moi situs aduankonten.id,jano nak Twitter@aduankonten. Hal yo bakêa mênêa OJK langsung blokir aplikasi o supayo cigai opersi igai.", "label": 0, "label_text": "fear"}
+{"id": "758", "text": "Nak bilai libur dau nyên tun dê miliak laut adeba tujuannê, tapi têp jêmago anok titik amên mêlwên nak laut. Kêrno tênêm nak laut o lêbiak bahayo nêbaning tênêm nak kulam renang, penjelasan kuni dokter Boy Abidi, Sp.OG nak lêm program dokter OZ Trans TV jêmlas amên tun tênêm nak laut o lêbiak bahayo kêrno amên tênêm nak laut biyoa laut masuk moi paru-paru nam musak jaringan ngen sistem nak lêmnê. Hal yo kênuwêt analisa kuni Tom Griffiths Presiden Aquatic Savety Research Group, jêmlas amên tênêm nak laut nam têjijai cuma duai menit makonê perlu min alat pelapung utuk milok tênêm ngen pnan dê têbukok o lêbiak bahayo kuni kulam renang, kêrno kondisi glung o awêi umok, arus, ku jêniaknê biyoa ngen dê luyênnê. Makonê têp têatêi amên lok mêlwên nak laut jano kulam renang.", "label": 0, "label_text": "fear"}
+{"id": "356", "text": "Uku pêrnêak mênêa tun tuaiku kêciwo ngen masalah sêkulah, si mêluak sêkulah nak ipê uku loknê nak ipê. Di oba bêlisiaknê smudonê uku têmotoa klok inokku, kêrno coa kuni atêi jijai aseanê coa mênêa tun tuaiku puês ngen si dê niênnê kêciwo. Kêrno uku ade ngêding salêak jijai uku nekad utuk semlêsêi sêkulah dê nilikku, Alhamdulillah asenê bêbaês kutê muloi kuni uku masuk sapêi ba sêlêsêi. Gêmnê uku coa lok sêkulah nak pnan dê tun tuaiku miliak kêrno nak pekeranku waktau o memang coa ade minat nak di, makonê pas uku nêluak mêsoa sêkulah dewek uku kêmten nyên amên uku nam mênêa bangga tun tuaiku. Pêsênku amên itê ade anok mêak nyên itê makso si sêkulah nak pnan dê itê kêmlok, kunyau ba anok-anok tê dê miliak nak ipê si mêding nyaman utuk skulah.", "label": 2, "label_text": "sad"}
+{"id": "756", "text": "Kêkêdau bilai yo dau brita tun mêningêa kêrno tênêm, ade dê mêningêa tênêm nak biyoa lai, nak laut, nak danêu ngen ade kulo mêningêa tênêm nak kulam renang. Korban tênêm coa si bae tun dê coa nam mêlwên tapi korban tênêm o dê daunê dê bi pitar mêlwên. Kêrno dau brita tun tênêm o makonê uku malas ngen asai sabên pas najok kêkuwat utuk libur moi biding laut, dê rencanonê lok têmingia biduk nyêb ang moi daerah wisata. Pas waktau o dê têbayang nak pekeran ku biyoa laut ngen umok dê lêkat pas gidong nak das biduk, dê ade lêm otokku o cuma ade asai sabên amên biduk dê uku têmingia o kêlbau, trus keme kutê us moi laut trus tênêm. Mbayangnê bae bi mênêa uku têmês ngen sabên, walau kêkuwatku mrayu têp bae uku têmulok trus mêlêi ide utuk moi wisata pnan luyên coa si moi laut.", "label": 0, "label_text": "fear"}
+{"id": "766", "text": "Malêm Mingau dê tênungau akhirnê sapêi kulo, keme ade rêncana kopoa nak do cafe coma utuk ngênguta ngen têmi uk live musik bae. Sudo ngênguta têtawai coa ngêding bi jam stêngêak duai blas kêlmên, asai sabên belek muloi timoa nak atêi kêrno nano waktau brakat madêak belek sêati jam dêpuluak tapi uyo bi têngêak malêm ati ade tando lok belek. Pas sadar kêmliak bi têngêak malêm jijainê ade asai sabên kêno pengiak, trus peker utuk mênêa alasan mêak sapêi keno pêngak tun tuai. Timoa nak lêm pekeran ide têlat belek o kêrno mês kuwat dê umêaknê uak kuni cafe o, kinoi ngen adenê alasan o tun tuai nam pêcayo trus buye mêngiak.", "label": 0, "label_text": "fear"}
+{"id": "338", "text": "Trauma kuni titik kulo dê uku mêding adeba sabên ngen pnan lêkat dê biaso tun madêaknê Acrophobia dê mênêa itê sabên bi bêlbiak igê. Asai sabên dê uku mêding yo jijai mênêa awêi stres. Uku biasonê milok kêrjo dê pnannê lêkat awêi je nak bêrno tikêt duai jano lêbiak, mlitas jambên, kêmliak moi luwêa kêmdan kuni bangunan dê lêkat jano cuma têtêmot nak baku stadion. Uku sadar amên asai sabên dê uku mêding yo coa wajar tapi têtiko coa nam mêlnyêp asai sabên o. Mnurut alodokter.com, cao utuk nam mêlnyêp fobia lêkat yo ngen cao terapi paparan, nak lêm terapi yo bakêa kêmu ang cao pêpêlan ngen dê itê sabên nge kêmliak gambar kuni tun dê nak das gedung dê lêkat.", "label": 2, "label_text": "sad"}
+{"id": "547", "text": "Kuni pengalaman kuwatku dê awit mêding mudêak payêak kalau kêrjo, cet botok ngen têtibo nyabai sep pas gidong tidua dado, jatung cet asai gis, dado adainê bênêk jano asai ade dê têmkên sapêi têtiko cet pisan têrutamo amên kêrjo agok bênêk, têrnyato pas bi nêrikso moi dokter si midêp penyakit lemh jatung. Pasêt nyên si kêmbiak sabên ngen si muloi mêsoa informasi maslah penyakit lemah jatung. Kuni informasi dokter ngen artikel, penyakit lemah jatung o ade kêkêdau sebabnê dê bakêa dapêt sakit yo antaronê omor nak das num puluak lêmo taun, riwayat kêluargo dê ade penyakit o, efek kuni dau ubêt, kêbiasoan mrokok ngen menem dê ade alkohol. Ngen adenê puce o utuk miloknê mnurut dr. Rina Yuda Novita,SpJp, tim promosi kesehatan Rumah Sakit Mardi Waluyo Kota Blitar, ngen matur idup sehat awêi cao menem alkohol, mrikso dalêak, koleterol ngen kadar gulo cao rutin, gêmnêp waktau tidua, kêmu ang stres, rutin olah raga ngen muk kêkêmuk dê sehat.", "label": 5, "label_text": "surprise"}
+{"id": "304", "text": "Pandemi covid – 19 coa si cuma têgangaunê kesehatan tapi kulo ekonomi. Faktanê wabah yo bi mênêa tun dau dê kêno PHK nyêp kêrjo nak lêm mênuak kebutuhan keluargo, kêrno kêrjo o adeba dê nam dapêt asea supayo nam idup layak. Akibat PHK yo nam mênêa tun sedih ade dê sapêi depresi trus nam kulo mênêa jijai stres, tênulis nak laman alodokter,com, pas itê cigai kêrjo biasonê tun mudêak jijai stres nam kulo jijai masalah psikologi amên coa sêgro nubêt dio bakêa tamêak mêlai kesehatan mental, dê lêbiak igai kondisi yo kêrno, sedih, kêciwo ngen mêngiak kêrno coa nam têmimo kenyataan dê bêlbiak igê.", "label": 2, "label_text": "sad"}
+{"id": "811", "text": "Ade pengalaman dê an coa bakêa uku mlupo, waktau o uku pas dapêt kêrjo proyeknê o nak pelosok nyên, utuk moi pnan o itê mlitas dalên pitok lok si dêbilai baru sapêi. Uku ngen kêkuwat dê bakêa kêmrêjo proyek o ade tun tujuak, sapêi nak di keme bi pêlbêak jijai uku mêsoa tun dê mêgong kêrjo o kilêak lok têmnai keme yo tingêa sementaro nak ipê. Jijai pas bi têmau tunnê si mês keme moi do pnan utuk keme nam tingêa di slamo kêrjo, pnan o adeba umêak kosong bi an coa tênungau, kêrno bi nêrsihnê jijai coa si ngêi igê, ade kêkiro jam dêpuluak kêlmên ade tun têko magêa keme abiak tun pat gi anok uai kutê, si minoi caci madêak lok utuk menem, uku madêak mên bae dio bi kêlmên, amên lok mên bae do igai caci kulo ati uku mok ngen dê nak proyek yo nadêakku, tapi uku kêmliak kêkuwatku sabên kutê mêak sapêi jijai ribut. Smudonê têbo o lalau ngen madêak mên si têko igai, mênnê uku madêak ngen dê mêgong proyek o utuk nam kêmuwat keme nak di, kêrno kêkuwatku sabên mêak têjijai ribut nadêakku. ", "label": 0, "label_text": "fear"}
+{"id": "987", "text": "Coa têbayang amên têjijai ngen uku pas makêi bajau pulu tun dê coa kênal têtibo ade dê makêi bajau srai ngen uku, mungki utuk mêlnyêp selek uku bi pasêtba nyêp kuni di. Luyên cêritonê amên dê makêi bajau srai o tun dê uku kênal ipê igai si o memang kuwat baik, dê pasêtnê uku ngen si sêsamo têkanjêt, amên uku bakêa ku magêa si ngen madêak amên keme makêi bajau seragam ngen alasan dê srai utuk seragam jano supayo mêak keme ade asai selek ngen dê luyên. Utukku bi belek kuni di bajau dê nakêiku o cigai bakêa uku makêi igai trus bakêa uku mêlêi ngen api bae dê lok makêi.", "label": 6, "label_text": "shame"}
+{"id": "772", "text": "Kadêak bi tuai amên coa binai sutik o srai bae ngen tun titik, sêbênêanê sutik o dê nam gacang utuk masuk ubêt moi dalêak tê, jijai amên itê gidong sakit ngen sutik itê nam lêbiak gacang kaên kuni cuma muk ubêt. Uyo bi padek sutiko coa si awêi bêl o, uku tingêt waktau uku gi titik dolom sutik o pakêi nasêak kêrno waktau o dolom o do oba dê nakêi trus, amên bi podoa dolomnê nam nasêak. Amên sutik uyo do o dolomnê tik sudo dêbat nakêi langsung nu ang, do igai amên dolom uyo alus jijai coa brapo ngêding amên itê snutik. Uku tingêt bêl o pas snutik dolomnê masuk o kêbiak gisnê sapêi asai têningan kekea tê. Waktau o amên ade tun sabên sutik o masuk akêa kêrno memang gis, amên uyo mêak sabên kêrno coa ngêding nyên waktau sênutik o ngen dolomnê kulo rêrato tajêm. ", "label": 0, "label_text": "fear"}
+{"id": "550", "text": "Bilai o bi muloi lok kêlmên keme tun pat gêgacang utuk sêmyang maghrib nak langgar dê pnannê agok uak kuni umêak. Lêm hmanêu moi langgar o ade kêkêdau tun dê lok mini kulo utuk sêmyang maghrib nak langgar o. Sapêi keme nak langgar, coa an waktau maghrib masuk, sudo sêmyang maghrib keme belek moi umêak, ternyato duai kuwatku bi dutê tingêa keme bêduai dê belek kêdong. Nak dalên keme coa mlitas dalên dê nano keme mlitas, keme cobu mlitas dalên dê agok mutêa mlitas kebun ubai. Kuni uak keme kêmliak ade putiak nak kêlêm, keme masêt trus samo maok awêi atau pocong dêkeme kêmliak, waktau o asai sabên dêkeme mêding trus keme mêngacap tapi kuwatku us kêmbiak sabênnê, kêmliak kuwatku us o bayangan dê awêi atau o mukok kainnê ruponê kuwat keme dê duai belek dutê nano sêmabên keme ngen mênêa awêi atau pocong, têbo o tawai kêmliak keme kêmbiak sabênnê.", "label": 5, "label_text": "surprise"}
+{"id": "804", "text": "Harusnê itê jibêak mêding sabên waktau itê mênyu ang, amên itê ati brati bi ngêding sabên, do o kêdau kê an itê mênyu ang gi bakêa mêding sabên, nam bae tamêak an itê mênyu ang do o coa si ku ang sabênnê tapi lêbiak tamêak sabên igai. Amên itê meker jano sêbênêanê dê mênêa itê sabên, dê mênêa itê sabên o adeba kuni awok tê dewek, jijai amên nak atêi tê madêak itê binai mako didik coa ade kêsabên tê, mêak gi ngen dê coa kêtên ngen dê kten bae itê bakêa coa sabên. Nadêak tun mêna o amên itê sabên ngen atau mako atau o bakêa galok sêmabên itê, jijai intinê amên itê coa sabên atau coa gi bakêa gêmangau itê. I o kulo amên itê sabên ngen tun, tun o bakêa gêmangau itê trus, amên itê binai coa gi bakêa si gêmangau itê igai.", "label": 0, "label_text": "fear"}
+{"id": "389", "text": "Utuk itê dê agok mêding sedih kêrno têningêa kuwat baliak uak kuni tê, mungkin kutê itê bi ade mêding. Tapi do o coa si jijai masalah igê, ipê igai zaman yo têngen bae itê lok miling jano nguta ngen kuwat tê o nam bae. Zaman uyo bi canggih, mêak gi miling lok itê nguta samo kêmliak tunnê kulo nam, Jijai mêak ba itê mêding agok bênêk amên ade kuwat tê baliak uak kuni tê, mungkin kulo do o adeba dalên dê baik utuknê itê dê têningêa hikmahnê nam mêding asai inau ngen tun dê itê kenal bi lai, do kulo itê dapêt mok pelajaran kuni di amên coa sêlamonê itê nam sêsamo awêi dê kênlok tê.", "label": 2, "label_text": "sad"}
+{"id": "549", "text": "Sesungguhnê Allah SWT sayang ngen hambaNê, dau cao Allah SWT mêlêi tai kasih sayangnê ngen itê awêi sakit. Sakit o nam jijai media utuk tê kêmuang nikmat sehat, ngen sakit o Allah SWT mujai imên tê Allah SWT lok kêmliak bukti kê uak ipê itê nam ikhlas ngen sabar nak lêm madêp ujian ngen cobaan kuniNê. Allah SWT ba dê misin penyakit ngen itê Allah SWT kulo dê bakêa makêt sakit tê o. Allah SWT berfirman nak lêm surah Asy-Syu’arah:78:81 dê tainê “ Yaitu yang telah menciptakan aku, maka Dia yang memberi petunjuk padaku, dan yang memeberi makan dan minum padaku, dan apabila aku sakit, Dialah yang menyembihkan aku, dan yang akan memeatikan aku, kemudian akan menghidupkan aku ( kembali ). Awêi pengalamanku waktau dapêt vonis dokter uku gejala stroke waktau o uku sadar amên dê mêding sakit awêi o pencegahan pertamonê adeba mêak sapêi gulek. Hal yo supayo saraf otok tê coa kêno. Ngen solusi awêi o Alhamdulillah penyakit o pêpêlan kaên ngen uku jijai tamêak yakin jano dê têjijai nak lêm idup adeba Sunahtullah supayo itê awit sabar ngen tawakal.", "label": 5, "label_text": "surprise"}
+{"id": "539", "text": "Coa kutê tun bi ade kêmliak atau, uku waktau ade dê bat kêmliak atau do o kulo cao coa sêngajo, pertamo uku têkanjêt tapi mujuanê uku gacang sadar amên dê kênliakku o atau. Amên ndingku waktau itê kêmliak jano têkêliak o jatung asai gi lok lêpasnê, awak agok kêmtêa kutê sapêi kekea. Pas uku sadar do o atau uku gacang tingêt jano dê nam itê mbaco ayat dê nak lêm Al Quran, jijai waktau o uku mbaco dê tingêt ku Alfatihah, Alhamdulillah sudo o nyêp atau o trus uku gêgacang lalau kuni o. Jijai utuk itê dê agamo Islam mêak sabên amên kêmliak jano têkêliak atau, si coa bakêa gêmangau amên itê gacang sadar ngen trus mbaco jano bae dê itê apêa isai Al Quran ngen bêkinoi perlindungan magêa Allah SWT.", "label": 5, "label_text": "surprise"}
+{"id": "569", "text": "Batik Air muloi mundi igai duai unit Honda Jazz ngen du unit Mercedes Benz nak lêm program “ Terbang Dengan Batik Air Pulang Dengan Rolls Royce “ . Dio adeba undian dê kêpat dê nade Batik Air ngen periode lêmo belas Agustus sapêi pat belas Septenber duai ribau lêmo belas. Amên kutênê atik Air sêmdio dêpuluak unit Honda Jazz, lêmo unit Mercedes Benz ngen hadiah utamo do unit Rolls Royce. Pengumuman dê menang nak Metro TV bilai Sabtu (21/11). Batik Air jêmamin bênêa pemenang ngen made sêksai kuni perwakilan Batik Air, Dinas Soaial DKI, Kementrian Sosial, Kepolisian ngen Notaris. Pemenang Honda Jazz dê têgen Kurnia Tabligh agok têkanjêt pas si tênlêpon dê min acara amên si dapêt hadiah kuni Batik Air ngen spêt kulo curiga amên undian o cuma mêmain tapi nyatonê memang niên amên si o pemenang undian. Mnurutnê têbang ngen Batik Air ngêding nyaman coa cuma do o Batik Air dau kulo sêmdio hiburan awêi têmoton film trus pênupang kulo dapêt kêkucêp slamo perjalanan, kêrno nyaman oba jijainê perjalan o coa ngêding. Ngen têbang kak Batik Air coa si cuma nyaman tapi kulo ade kesempatan dapêt undian.", "label": 5, "label_text": "surprise"}
+{"id": "594", "text": "Selingkuh o adeba tun dê dêdiêm ade pêdiak luyên lok si sêmanêi jano sêlawêi do o srai bae, selingkuh o tun dê mpek perasoan atêi ngen dê luyên padahal si dewek bi ade pasangan. Tun dê barêak yo biasonê tun dê coa mêding puês nak atêinê, ade kulo tun dê memang galok gêgitêi pasangan, sêbênêanê utuk mêlnyêp penyakit yo amên mnurutku mudêak, kucainê pertamo itê harus ade janjai utuk nam têmimo lêbiak ngen kuang mêmasing, keduai itê awit nguta ngen pasangan tê jijai itê namên jano dê niên kloknê i o kulo ngen itê, deketêlau  harus sêsamo pêcayo amên ade dê do gidong coa nak umêak. Utuk milok mêak sapêi selingkuh yo kulo  itê mêak sapêi galok mêlêi peluang ngen api bae dê bakêa musak hubungan tê.", "label": 4, "label_text": "angry"}
+{"id": "267", "text": "Proses blajêa mêngajêa semester ganjea taun pelajaran duai ribau duai satu/duai ribau duai duai bi sudo, utuk apresiasi prestasi siswa nak semester gasal sêkulah mêlêi penghargaan bêrupo piagam ngen hadiah alat nulis dê nêlêi ngen siswa dê berprestasi ngen ujuan utuk têmamêak smangat blajêa siswa. Program utuk mêlêi penghargaan o, dê nilai coa si cuma pitar nak lêm pelajaran bae tapi kulo nak lêm cao ngen aktif coa milên kegiatan nak sêkulah. Alhamdulillah anokku jijai antaro do dê masuk siswa dê dapêt prestasi o, si kulo jijai juaro umum kêrno dapêt nilai dê paling lai kan antaro kutê siswa o.  ", "label": 3, "label_text": "happy"}
+{"id": "224", "text": "Menabung o ba do ca o utuk matur keuangan dê tujuannê utuk sêmyap dana, nyatonê menabung coa si nam nêbiaso utuk kutê tun. Tapi manfaat menabung itê nam utuk têmukua gen jano itê lok ngen coa harus cêmicil, awêi dê uku mêding uku ade klok utuk têmukua motor bêlau, tapi amên utuk cêmicil tip bulên o ngeding ago bênêk, jijai uku menabung ngen cêm êi kuni gajaiku tip bulên sesioi ngen kêdau nam uku cêm êi, ku ang lêbiak duai taun, akhirnê uku nam têmukua motor bêlau ngen tabungan dê uku kêmopoa. Uku ngêding snang nyên nam dapêt motor ngen coa harus cêmicil tip bulên.", "label": 3, "label_text": "happy"}
+{"id": "551", "text": "Dê galok mnyabên awên dê nadêak tun uyo prank d niênnê bakêa coa baik utuk dê jijai korban prank o. Prank dê bi bêlbiak igê nam mênêa mêngiak, prustasi ngen sedih. Lêbiak igai amên dê mênêa prank o tun paok dê itê coa nam madêak gen dê nding o sapêi mênêa itê agok stres. Awêi prank dê nêa sêmanêi ngen metenê dê madêak amên si o selingkuh, trus metenê o pêcayo trus mênêa si gis atêi ngen sedih. Asai gis atêi o têkêmin bêbilai sapêi metenê o mêding idupnê coa butung, do o kulo gêmangau kêrjonê bêbilai ngen mêraso nike ngen kutê asai o capua antaro sedih, kêciwo, gis atêi, mêding si bi mêlêi kasih sayang dê lêbiak ternyato gi masiak selingkuh dê mênêa si jijai stres. Tapi ternyato do o cuma mêmain bae kuni sêmanêi pediaknê o dê ternyato si o cao selingkuh, tapi walau si bi madêak do o cuma prank metenê coa pecayo ngen akhirnê si minoi putus.", "label": 5, "label_text": "surprise"}
+{"id": "558", "text": "Coa an igai liburan, lalau moi luwêa kota jano lwêa negrai o memang praktis dê mênêa snang. Lalau makêi pesawat adeba dê nam itê miliak utuk sapêi moi tujau tê. Walau lalau kênnek pesawat o agok la ang nêbaning ngen kendaraan luyên, tapi waktau dê itê perlu agok gacang. Lêm lalau o coa tmutup keungkinan ade masalah nak lêm perjalanan dê mênêa itê têningêa pesawat, amên bi têlanjua tingêa pesawat jibêak renyeng, ade kêkêdau hal dê nam itê manêu, nbaco kuni Insider, mnurut CEO Airhelp, Hendrik Zilmer kêkêdau maskapai ade aturan dê coa si tênulis dê nam bakêa têmulung mêsên tiket pesawat utuk penerbangan sudo o, tainê maskapai ade aturan dê si nam mpek utuk milêm nak penerbangan sudo o amên gi ade kêrsai têrutamo utuk pênupang dê tingêa pesawat ngen alasan dê coa sêngajo.", "label": 5, "label_text": "surprise"}
+{"id": "329", "text": "Tip tun coa ade dê lok gagal nak lêm idupnê, tapi kegagalan adeba hal dê wajar ngen pasêt tun kulo ade mêding. Sêbênêanê gagal o adeba utuk itê nam lêbiak sêmangat, tapi hal yo belek ngen tun dê mêding nge madêpnê. Awêi gagal nak lêm pendidikan coa kutê tun nam sêmlêsêi pendidikan formalnê ngen baik, nyatonê dau tun dê mêding kegagalan lêm kuliahnê. Putus kuliah jano kênluwêa kuni kampus adeba kêjijai d�� coa si padek ngen nangêp gagal, tapi ngen kegagalan o harusnê itê nam maju ngen kêmliak kêsalêak tê dê sudo ngen manêu hal dê positif sapêi nam mukok pekeran walau coa lulus sarjana tapi nam mênêa sukses dê itê kêmlok.", "label": 2, "label_text": "sad"}
+{"id": "311", "text": "Coa ade dê padeknê amên ade keluargo dê itê sayang lalau slamonê.  Awêi uku waktau sêbêiku mêningêa dê mênêa uku sedih niên o kêrno waktau sêbêiku mêningêa uku coa nam belek moi msadêi. Uku pêi teken kontrak uak nak Kalimantan, pêi kêdau bilai uku nak di uku dapêt kabar amên sêbêiku nak Lebong mêningea. Uku meker kadêak uku makso  belek kulo ati tau uku gi têmau jenazahnê, dioba nê mênêa uku sedih nyên. Ipê igai nadêak mamakku ayok sêbêi mêningêa si gi spêt têmnai asuak basuak keme termasuk uku. Kêrno uku uak jijai uku cuma nam mbo duo bae utuk, têngên ade waktau uku belek msadêi bi pasêtba uku coa lupo singêak nak kubuanê.", "label": 2, "label_text": "sad"}
+{"id": "366", "text": "Dê paling traso sedih nyên dê uku mêding ngut ba uyo ade ba pengalaman waktau têningêa tun dê itê sayang. Awêi ipê coa itê ati nam sêmnang si ipê igai mênêa si ade asai bangga, tapi si bi lalau dutê. Waktau tiakku mêningêa dio dê ndingku kêmasai lêm atêi cigai tau, ade asai lok lalau moi pnan sunyai mêkik lêleknê utuk mpas asai dê ade nak atêi. Ade kêkiro daui jano têlau bilai uku coa sliro mukmêi, Dê ade nak lêm pekeranku gêntaiba Tuhan mêdêu si lêm uku ati nam mênêa si ssnang. Si bi lalau baru uku dapêt meker jano dê slamo yo dê si majêa ngen si madêak ngen uku kutê o ade manfaatnê utukku. Dau si majêi ca o manêu idup, cao ngen tun luyên, cao ngen asuak basuak. Kutênê bêguno utukku ngen kutênê uku bi mêding trus uku manêu kulo. Utuk itê dê giade tun tuai sayang ba ngen si tênotoaba jano dê si majêa ngen itê, do igai usahoba mêak sapêi mêlawên.", "label": 2, "label_text": "sad"}
+{"id": "931", "text": "Mon amis o kuni bêl o uku coa taên, ipê igai mon amis dalêak, Uku pêrnêak ceritonê têmulung tun kecelakaan, jijai waktau nulung o uku coa jêjano mungkin kêrno coa si neker igê, jijai pas bi sapêi umêak sakit korban o bi muloi nubêt uku kêmliak nak bajauku ade dalêak, kêmliak do o ngen mon amis oba uku langsung asai lok mutêaknê. Muloi kuni oba uku cigai nam amên ade mon amis terutamo mon dalêak, amên utuk amis kan do o coa sêbrapo utukku, amisnê coa mênêa uku asai lok mutêak, tapi dê mon dalêak ngen mon daging o dê uku coa taên. Pêrnêak jijai panitia waktau rayo ajai uku miliak jijai keamanan bae kêrno coa taên ngen mon yo nano.", "label": 1, "label_text": "disgusted"}
+{"id": "813", "text": "Amên itê lalau moi pnan dê itê ati pêrnêak mini o biasonê memang pertamo o gaok beda, ipê igai amên nak di itê rencano lok kêkêdau bilai. Uku kêrno tun dê galok lalau jijai namên nyên awêi ipê cao itê nak pnan bêlau o, mnurutku amên nak pnan bêlau jano pnan dê itê ati pêrnêak amên nam sêati itê moi mini harusnê itê mêsoa namên kilêak awêi ipê nak di ngen tun dê namên, mêak sapêi têjijai awêi dau tun nam cêlako nak pnan bêlau, ipê igai barêak rêrato pnan nak Sumatera, itê pêcayo coa pêcayo amên nak Sumatera do o dau pnan dê itê harus têmotoa cao tun dê nak di, amên itê mlangêa do o biasonê bakêa bahayo ngen itê, dio coa si mnyabên tapi nyatonê gimasiak dau pnan dê mênêa itê sabên.", "label": 0, "label_text": "fear"}
+{"id": "240", "text": "Nak dasêi uku amên gidong coa kêrjo nak luwêa ade bae dê nam uku kêmrêjo, amên biasonê uku galok mukêa isai gudang samo mrapihnê, ipê barang dê cigai gi bakêa nakêi uku smerek bê uku mpêk nak luwêa amên ade dê mok pêgas biasonê si makut trus muang. Ade dê bi an nyên kutak coa pêrnêak uku mukok, dê niênnê mungkin kêrno uku agok sibuk kêrjo jijai coa têpeker lok mêrsih isia gudang. Kutak dê agok lai yo pnan uku maik arêak barang dê gi nam makêi, tapi dêbat yo nekerku mungkin bae ade barang dê cigai nam makêi lok nuangku kunyau coa mênuak igê. Uku kêmluwêa kutê isai kutak dê do ruponê ade isai dê kanyo uku bi bogoa mêsoa, dio bi an coa ku kêmliak barang yo ba kenang-kenangan kuni bosku bêl o si mêlêi uku waktau si lok belek moi negrainê. Dioba kewea dê la ang ngen asli kuni luwêa negrai uyo bi têmau, snang nyên asainê têmau kewea yo kêrno uku sayang nyên. Bi tidêa uku mêsoa uyo bi têmau.", "label": 3, "label_text": "happy"}
+{"id": "609", "text": "Mêmêngiak coa ade sebabnê o memang ade tipe tunnê, dê biaso têjijai barêak yo tun o rêrato tun dê coa nam miliak pnan, ade dê si mêngiak nak dasêi sudo o têkêmin moi pnan kêrjo tun dê barêak yo biasonê tun dê cet maik dênêm nak atêi. Amên nadêakku utuk itê nam mubêak do o kutênê kuni lêm atêi tê dewek ngen memang ade niat itê lok mubêaknê. Mnurut  halodoc tun dê galok mêmêngiak ipê igai mêmêngiak coa tau sebab o bakêa ade efeknê utuk kesehatan awok, amên si coa gacang nam mubêak mako dau bakêa penyakit dê bakêa si midêp, utamonê nak jatung, sudo o atêi kulo bakêa jijai masalah utuknê.", "label": 4, "label_text": "angry"}
+{"id": "778", "text": "Amên itê meker nyên bi kêdau duso dê itê mênêa lok si duso dê itê sêngajo jano dê coa itê sêngajo. Dê utamonê duso tê ngen tun tuai, amên mênêa duso ngen tun tuai yo mungkin kutê itê ade mênêa, tapi gennê tun tuai ati itê minoi maaf bae si bi pasêt sudo mêlêi maaf. Utuk itê dê gi ade tun tuai mnurutku dioba waktau dê Allah SWT gi mêlêi ngen itê utuk nam berbakti ngen tun tuai tê, snayangba tun tuai tê mêak sapêi itê têmamêak mêgis atêi ngen mênêa si kêciwo. Dau tun dê maso tuai tun tuainê dê coa si nam mlayan awêi ipê tun tuai tê mlayan itê waktau gi titik bêl o, harusnê dê giade tun tuai mokasiakba magêa Allah SWT kêrno itê gi nam mrawat tun tuai tê ngen gi nam usaho utuk mêlêi jano dê tun tuai tê lok", "label": 0, "label_text": "fear"}
+{"id": "279", "text": "Bi lok si tip tun nak dênio pasêtba ade idola dê jêmijai utuk inspirasi. Hal o ba nam kulo ngen pemain bal, waktau gi titik pemain bal o kulo ade idola mêmasing. Têbo o bi pasêtba lok nam têmotoa awêi idolanê nam jijai pemain bal dê hebat. Awêi brita nak Bolanet, kêkêdau pemain bal dê terkenal waktau gi têtitik têmau ngen pemain idolanê awêi David Beckham, nak taun sembilan bêlas dêlapên num si têmau ngen Bobby Charton. Bobby Charton ba jijai dau pemain uai termasuk David Beckham, si dau mlajêa kêkêdau tehnik utuk jijai pemain bal profesional, nak di ba David Beckham bêbênêa bêlajêa trus si brasea jijai pemain profesional.", "label": 3, "label_text": "happy"}
+{"id": "769", "text": "Memang coa mudêak utuk nam ngrtai ngen anok dê masuk omor dewasa, tapi amên itê tun tuai awit dêdidik mêngiak do o bakêa têjijai ku ang baik dê bakêa timoa nam kulo têjijai masalah dê lêbiak kidek, makonê tip tun tuai harus namên kêjijai moi mukonê amênanok pêi lok dewasa amên cet kêno pêngiak. Mêngiak ngen anok dê masuk omor dewasa o pasêtba ade asai sabên ngen anok, tapi amên tun tuai awit mêngiak ngen anok yo mako bakêa mênêak tamêak kidek coa anok dê nanonê sabên kêno pêngiak, kêrno awit jijai do o anok bakêa mangêp biaso bae sudo o si gi bakê cigai sabên igai amên kêno pêngiak, dau kulo akhirnê bakêa mlawên ngen mnyêgok kulo trus malês gen dê nadêak tun tuai o. Luyên kuni o anok dê muloi dewasa amên cet keno pêngiak si o bakêa depresi trus ngen jijai masalah ngen psikologisnê, kuni asai gis atêi ngen asai sabên têtiko sapêi timoa stres dê bakêa mênêa kidek utuk mio mukonê.", "label": 0, "label_text": "fear"}
+{"id": "739", "text": "Itê harus namên biso phobia ngen trauma, amên sabên kêrno phobia nam kuni faktor keturunan jano lingkungnê. Luyên kuni o phobia kulo nam têjijai kêrno asai sabên dê bêlbiak nam bae kêrno pnan jano barang dê si coa as. Amên trauma adeba dê ningêt waktau ade têjijai dê pêrnêak si mêding makonê trauma nam timoa kêrno ade têjijai bêl o. Ade kêkêdau utuk milok ngen mubêt trauma ngen phobia utuk mubêt phobia ngen cao muk kêkêmuk dê dau gizi ngen dau muk biyoa putiak daui sapêi têlau liter dêbilai, dau istirahat ngen manêu latihan relaksasi awêi yoga ngen latihan utuk nam mubêt phobia o. Amên cao milok ngen mubêt trauma nam ngen crito jano masalahnê ngen pasuak dê paok, mênêa kegiatan dê nam mênêa snang awêi hobi, cêmubo madêp asai sabên dê timoa ngen matur stres ngen baik", "label": 0, "label_text": "fear"}
+{"id": "213", "text": "Bilai o adeba pengumuman kelulusan SMA. Ade coa tê namên gen pao kêmasai pas kêmliak pengumuman. Awêi ipê coa proses ngen pembelajaran nak lêm waktau dê sikêt, bakêa itê namên pas pengumuman kelulusan yo. Asea kuni ujian o do o ba jijai têmtau itê lok moi pendidikan dê lêkat igai, pas waktau o bi sapêi asai coa tau kêmasai nak atêi têtibo gitêi ngen asai snang dê luwêa biaso sapêi keme coa sadar mêmêkik sêsamo kêrno snangnê. Momen o cukup mênêa atêi snang nyên kêrno ngen lulus o dio ba bukti proses bêlajêa sêlamo yo ade asea ngen dapêt nilai dê baik.", "label": 3, "label_text": "happy"}
+{"id": "622", "text": "Uku kulo ade kuwat mok kêrjoku tapi utukku coa jijai masalah, uku kulo gidong dau kêrjo. Memang ba coa si baik asainê amên kêrjo tê nêmok tun, dêniênnê amên ngen uku nangêpku bae do o coa si jêrkai ku. Gis atêi auba tapi tun dê mok o kulo uku namên apisi, memang caonê kotor, utuk dapêt kêrjo o si dau kêmidek uku, do o coa masalah tapi uku muloi kuni o cigai bakêa mlayan si amên si lok minoi tulung bahan jano tênago anok buwêakku. Kêrno si namên amên uku namên si dê kêmrêjo, si têko moi umêak madêak ngen uku amên dê têmuan kêrjo o gi sêpasuaknê, walau uku namên si mêngike auku awêi pêcayo bae, tapi coa an si nak dasêi uku madêak amên uku lok lalau kêrno uku malas mlayan si.", "label": 4, "label_text": "angry"}
+{"id": "927", "text": "Uku kulo pêrnêak smido kucing, tapi kucing biaso amên tun madêaknê kucing sadêi. Kucing o coa sêngajo uku lok smido, jijai waktau o ade kucing mlaher nak umêak keme, kêrno slen kêmliak kucing o smudonê uku mrawat anok-anoknê. Kêrno rawatan oba kucing-kucing o ngen uku kêmbiak paoknê, amên uku belek kuni kêrjo si bi bêlmot nak ulau bang sudo o si têmotoa uku moi ipê bae. Anok kucing o kutênê ade pat têtiko sêngajo uku majok gabok samo tmoton tv, pêrnêak uku têmingêa waktau moi luwêa kota kêkiro dêbulên tapi nak dasêi uku minoi anokku dê pisêt utuk mrawat, pas uku belek kucing-kucing o kten mênginau nyên ngen uku, uku snang ngen piaro kcing yo ipê igai si coa nakêa. Ade dêba waktau o mungkin kucing o ku ang sehat, jijai si gabok bak das ambal biaso pnan uku noton tv, jijai coa sadar uku gêgulek nak di coa ku namên amên ambal o bi ade têi kucing, smudonê uku lajau têmpap ambal ngen bajauku kêrno kêno kulo.", "label": 1, "label_text": "disgusted"}
+{"id": "1005", "text": "Gêgara mon awok dau tun cigai lok maok ngen cigai lok kêmuat amên itê dewek coa nam jêmago kebersihan tê. Awêi têtiko amên coa lok lalau moi ipê-ipê do nak dasêi mênai bae malas, bi dêmalêm itê tidua mungkin bae eteng dau kêluwêa waktau itê tidua o, amên pêpueng itê coa mênai do oba mon awok dê itê coa sadar tun dê paok tê dê sêmnok. Intinê utuk jêmago awok ngen jêmago kebersihan tê bilai o lok itê lalau jano coa mênai o itê mangêp wajib utuk tê mêak sapêi itê mnyelek iding tun kêrno malas mênai o bakêa mênêa awok tê kêmon. Dêniênnê ngen itê nam jêmago awok tê luyên kuni itê mêding sehat tun kulo snang amên iding tê kêrno awok tê coa kêmon. Ipê igai amên tênamêak makêi minyok um.", "label": 6, "label_text": "shame"}